كزب الشباب كتير وكلام الغزل ما بنتهي ولانه البنت بتصدق ..وخصوصي لو تغزلت فيها ..هيدي قاعدة عند الشباب وجايبة الكم كم كزبه صبايا انشاء الله الموضوع يعجبكم
1- والله انا مش متل كل الشباب الواحد بعرف مليون بنت انا بعرفك انتي وبس وما عندي حركات شباب ما بحكي مع بنات بتعرفيني مش تبع هل حركات ..(يا حرام باين وكل بنات العالم بتعرفه)
2- والله يا حبيبتي بحس اني بعرفك من زمان الحمدلله انه الله بعتلي اياكي وميحرمنيش منك وميبعدنيش عنك ..(لا يمكن غلطان بينها وبين وحده كنت تعرفها من أول..يمكن في شبه)
3-حبيبتي انا بموت فيكي وانتي تفكيرك غير عن كل البنات وهاد خلاني أحبك أكتر وأتمسك فيكي انتي بكفه والبنات بكفه ..(اه مهية على راسها ريشة ومن كوكب المريخ)
4-على فكرة حبيبتي انتي بتفهميني كتير منيح وبينا أشياء مشتركة بحس أنو انا وياكي شخص واحد يعني طنجرة ولقت غطاها ..(سبحان الله أخوها في الإسلام لازم يكون في شبه )
5-يا ريتني يا قلبي عرفتك من زمان بس يلا اوصلت متأخر بس المهم أوصلت وعرفتك ..(معليش كان عندك زحمة)
6-عيوني أنتي انا تحت أمرك انتي تفصلي وأنا بلبس أي خدمة انا جاهز بس أشري اشارة وانا بالخدمه شوبيك لبيك انا بين أديك (اها بالأحلام يلا بعين الله أشبعي حكي)
7-حياتي بدي أياكي ما تتفسحي لحد ايشوفك ويعاكس انا بغار عليكي أنتي بتعرفي أديش بحبك أرجوكي اسمعي كلامي وخدي بالك من نفسك ..(بجد بغار عليها وراح يعمل عملية قلب لانه راح ينفجر قلبه من الغيرة وراح نجيب الأطفائية أطفي الحريق)
8-حبيبتي أنا راح أخطبك أوعديني ما راح تتزوجي غيري بس لازم أتضحي عشان حبنا وتستني شوي بس أكون نفسي ..وبعديها انا حابب اتزوجك وبموت فيكي بس أهلي رافضين الزواج يلا كل واحد يروح بحال سبيله بديش اعزبك معي أكتر (اها هوة صار بدو ايكون نفسو وكل فلوسه على الموبايل والفسح مع صحابه وبعديها بقلها باي باي لندن)
9-حياتي أنا لازم اشوفك بأقرب فرصة حددي معاد خليني أشوفك ونقرب من بعض أكتر..(بدو أصحابو يعرفو أنه بحب بنت ويتأكدو انها حلوة)
10-يا الله أنتي برجي وبرجك في تفاهم بينهم حتى شوفي ماغي فرح شو حكت عن التفاهم بين أبراجنا (عاد هوة ما بعرف شو برجه)
11- أنا هوايتي الرسم والسباحة وكرة القدم واتمشى على البحر باليل (له له الأخ طلع رومنسي ولووووو)
12-لما اشوف رقمك على تلفوني بشعر اني طاير من الفرحة حتى بنسى أسمي (اها طلع شارب رد بول)
13-أمبارح وحيات الله كنت بادي اتصل فيكي حتى دايما والله ببالي اه يا غايب عن عيني ليالي بس أنشغلت شوي ما تزعلي حبيبتي خيرها بغيرها (يا حرام الأخ رجل أعمال مشهور )
14-على فكرة أمبارح أصحابي فتحو موبايلي وشافو رقمك وكانو بدهم يوخدو الرقم بس أنا طار مخي وعصبت وكنت بادي أعمل مشاكل معهم هاد عشين تعرفي قيمتك عندي(يا الله الأخ شجاع كتير ومحدش ايطب في احسن ليصير بخبر كان وهية مسكينه رقمها اتوزع حتى وصل الولايات المتحدة)
15-أنتي بتعرفي حبيبتي أنا كتير بنات طلبو رقمي بكون ماشي وبكونو البنات ايعاكسو فيه بس أنا ما بعطيهم وجه وبطنش وبعش وبنتعش(هاهاااي .. الترتيب الصحيح للجمله .. دايماً أنا الحق البنات بس ما يعطوني وجه )
16-حبيبتي أنا اليوم أتأخرت على الموعد سامحيني والله الشغل لفوق راسي(كان يقابل بوحدة تانيه)
17- انا شكلك ما بهمني المهم اخلاقك (شيخ جامع الأخ)
18-بشو أحلفلك أني طول الليل بفر فيكي ومش عارف أنام من كتر ما بفكر انتي حياتي كلها ماخدة عقلي ساحريتني (أصدك نمت وأشبعت نوم ومش حاسس فيها اصلا)
19-على فكرة أنتي أحلا بنت شفتها بحياتي وما في بدنيا بجمالك..(ليش متعرف على ملكة جمال الكون وأحنا مو عارفين)
20-والله بكره المسنجر وما بحبو بس بحب أحكي معك وبدخل المسنجر كرمال عيونك وما بحكي مع غيرك وما عندي بنات على المسنجر انتي وبس وحياتك تؤبريني ..(وهوة أما عاملك بلوك وبس تفوتي بستنى ربع ساعة وبشيل البلوك او عامل أوف لاين وبشيت مع غيرك أو بتكوني تحكي معا وبكون بحكي معك ومع غيرك وبدو ساعة تنو يجاوب يا ترى ليش بطيء لا ما في شي بس بتصفح النت طب الله ايزيدك علم وطبعا بالأميل مليون بنت لأنه الأميل من غير بنات بشع
