amrello
Nov 5 2007, 02:42 PM
ادارة ايجيــهات العليا
شكر خاص من ادارة ايجيــهات العليا
لهؤلاء المتميزين
Ahmedjustin
Mr.butterfly
SamehGoGo
نشكركم جميعا على مجهودكم وعملكم الرائع
اثناء تواجدكم بيننا في ادارة ايجيهات ايجيهات
وبنقولهم انهم تركوا بأيجيــهات بصمه جميله جدا
واننا مش هننساهم بأعمالهم الجميله وتواجدهم بيننا
وان شاء الله نشوفكم دائما بالف صحه وسلامه
ehahe
Nov 5 2007, 03:37 PM
وانا كمان بحب اوجه شكر وتحيه ليهم
وبالاخص احمد لانه كان عضو ومشرف ومشرف عام متميز جدا جدا
وموضيعه كانت مميزه ونظرا فقط لظروفه وصعوبه تواجده ومتابعته
كان حيفضل منور فريق الاشراف
فى انتظار رجوعك تانى
ربنا يوفقك ويكرمك
Ahmedjustin
Nov 5 2007, 04:11 PM
شكرا يا عمرو علي شكرك الجميل انت وايهي بس عاوز بس اقول حاجه
1- انا ممغبتش عن المنتدي فتره تسمي بي الطويله ولما برجع بعمل اكتر من 10 مواضيع وبشارك بي اكتر من كده 100 مره (ومواضيعي ومشاركاتي شهدين عليا )
2- اني ارجع الاقي نفسي متشال من المشرف العام حتي من قبل ما تقولوا ده مش تعامل ايجهاتي ومش متعودين علي كده منكم بجد
3- كتير من الناس بتغيب من مشرفين واعضاء ومفيش حد بيعملهم حاجه(لاتعليق)
4- حتي لو غبت لفتره ولو قصيرة المفروض مشاركاتي تشفعلي انا من اول اكبر خمس مشاركين في المنتدي
كلمة اخيره الكلام اللي انا كاتبوا ده مش لوم ولا عتاب عليكوا بجد ربنا يوفقكوا كلكوا سواء مشرفين او ادارة في ادارة الموقع بس بتكلم لاني مكنتش متوقع كده بس
سلام
اخوكم احمد جاستن
ehahe
Nov 5 2007, 06:33 PM
اولا يااحمد محدش منا قالك تمشى
ثانيا قبل مايتم اى حاجه عمرو بعت رسالتين لكل المشرفين
وكل واحد يااما بيبعت سبب للغياب يااما بيعتذر وطبعا انا عارفه شغلك ومجهودك وانك اصلا مش زى اى عضو او مشرف
بس انا كنت عايزه اقولك ان سواء مشرف او مشرف عام مش مجرد منصب
لاده منصب لازم فيه متابعه وتنقيح موضوعات ونقل وحذف والا كان زمان فى مليون عضو دلوقتى مش مشرف لا بقوا ادمن كمان
واحنا لما بنظم دلوقتى بنختار المتابعه والتواجد ومع ذلك
احنا مش نقدر ننكر شغلك ومجهودك وانك فعلا مش اى حد
وانا بعت لحضرتك رساله يمكن متأخره بس اعتذرت فيها
وانا والله كلامى ده لا نى عارفه ايه شعورك بس صدقنى احنا كان هدفنا الصالح العام
وانت لو فعلا بتحب ايجيهات تتمنى انه يكون احسن
وزى ماقلت لحضرتك فى الرساله مكانك محفوظ لما تقدر تتواجد معانا تانى
بالتوفيق ويارب ترجع تانى معانا
وبتعتذر لو احنا كنا غلطنين بس انا عارفه انك اكرم مننا وحتسامحنا لو أسئنا فى تعاملنا معاك
او تصرفنا ضايقك لو بتحب المنتدى فعلا ياريت تكمل معانا
تقبل تحياتى وربنا يوفقك
Bluesy_panther
Nov 5 2007, 11:04 PM
السلام عليكم ورحمه الله وبركاته
انا مش عارف بما انى مش من اداره ايجى هات الكرام
هل من الممكن انى ادخل اشكر 3 علامات من علامات ايجى هات
اولا احب اشكر احمد جاستن على مواضيعه الى كانت فى منتهى الروعه
ومجهوده الرائع وانا بجد استفد من مواضيعه الجميله جدا
واحب اشكر رائد الزملكاوى جدا (بترفلاى) موضوعاتك بجد فى منتهى الجمال
ومش انا الى بقول كده اى حد هايشوف موضوع واحد من موضوعاتك هايقول كده
وطبعا الاستاذ سامح الف الف شكر ليك على كل شئ ادمته للمنتدى
******************
بس انا حابب اقول حاجه لاخويا احمد جاستن
انا مش هاتكلم على تنزيلك من الاشراف العام لانه ده مش من حقى
بس انا عايز اقولك انى انا بكون سعيد جدا لما حد يقولى انى عضو من اعضاء ايجى هات
قبل ما يقولى انى مشرف عام........وانا سعيد جدا بانى عضو فى ايجى هات
واكيد انت لما بدات فى ايجى هات كنت عضو لحد ما مجهودك وصلك الى المشرف العام
مش هاطول عليك مش معنى كده انك تسيب المنتدى نهائى
يا ريت اشوفك يا حبى فى المنتدى تانى ......انا بقولك الكلام ده لانى فعلا بحبك فى الله
بالتوفيق للجميع..........
Ahmedjustin
Nov 6 2007, 09:22 AM
شكرا يا ايهي علي التوضيح الجميل ده ولعلمك انا عذركوا جدا بس انا بقول اني مكنتش متوقع كده من ايجهات لاني بجد تعبت عقبال حتي مبقيت مشرف بس فيها مش مشرف عام وبجد انا عارف ان ده منصب مهم جدا بس معلش برضه مينفعش تنزلوا حد بي الشكل ده (يعني تنزلوه وبعدين تبعتوا رساله متأخره ده المشرف اللي بيشيل موضوع لاي عضو من غير مابيقولوا كلنا بنعتب عليه مش مشرف عام ولعلمك عمرو مبعتش اي رسايل ليه غير الرساله اللي فيها لينك الموضوع ده )يعني كل اعتراضي علي الطريقه الغريبه اللي نزلت بيها لي عضو شرفي مش مشرف عام ولعلماك يا ايهي انا كنت بغيب اكتر من كده لما كريم ومولها كانوا في الاداره(متابعين يعني ) ومكنتش بتشال ممكن يكون حد فيهم ينبهني اني اتابع مره واتنين وتلاته وبعد كده يعملوا اللي هما عاوزينوا مش تنزيل علي طول كده !!!
علي العموم انا مجهودي الحمد لله شاهد عليا في ايجهات والحمد لله سبت سمعه كويسه وانا هسيب المنتدي دلوقتي مش عشان نزلت من الاشراف العام عشان الطريقه اللي نزلت بيها صراحه انا اضيقت اوي من الشكل اللي نزل بيه مبين يوم وليلة زي ما بيقولوا
ايهي بجد انتي اخت ليه وبجد والله من كل قلبي ربنا يوفقك في ادارة القمة الهايله ديه (ايجيهات )وكفاية عليكي احلي اعضاء في الدنيا بس بجد انا كده مش هلاقي مكان معاكوا ..
شكرا بليزي علي الكلام اللي زي العسل زيك وعاوزك تبقي مشرف عام جامد مش زي خايب ههههههههه ربنا معاك يا مان
سلام ليكوا كلكوا (اعضاء - مشرفين - مشرفين عام - ادمين )
mirooo
Nov 6 2007, 10:01 AM
اسمحولى اتدخل
طبعا انا هتدخل بما انكم سمحتولى ..دا اولا
ثانيا
انا هتدخل بما انى عضو فى ايجيهات وكلنا هنا عيله
فا بما انى واحد من هذه العائله الكبيرة والجميله جدا فا اسمحولى اتدخل فى هذا الموضوع
دا عامل زى حل المنازعات ههههه
بصوا حبايبى
اولا انا بشكر كل من هؤلاء الشخصيات الثلاثه بما انى معرفهومش بس كنت اتمنى اعرفهم شخص شخص وان شاء الله نتعرف عن قريب
وطبعا مجهودهم واضح جدا جدا ودا محدش يقدر ينكره
بس انا عندى تعليق صغيور يا احمد طبعا بعد اذنك يا فنان
من المفروض اننا هنا اسرة واحده ..مثال
لو حد جالك بيتك والبيت مش مترتب يعنى سورى ..هتفضل تدور عن الكبير بتاع العيله عشان يرتب البيت ؟؟
ولا هترتبه انت عشان مينفعش يبقى كده عشان فى ضيوف وبتاع
طبعا دا اللى هيحصل انك هترتب البيت عشان انت عايزه بصورة كويسه والناس لما تقول تقول ان بيت فولان نضيف والكلام اللى انت عارفه بقى وحسن الضيافه
فهمت قصدى ؟؟
افهمك كويس
انت دلوقتى كنت عضو بعدين باقيت مشرف ثم مشرف عام
ليه يا احمد ؟؟
اكيد طبعا عشان الادارة لاحظت نشاطك ومجهودك انما فجأه يقل نشاطك وفى ناس تانيه شغاله كويس فى الفترة اللى انت ريحت فيها ؟؟
يبقى هما يستحقوا هذه المنصب مؤقتا على ما ترجع زى الاول ..مش كده ولا انا غلطان ؟؟
وصدقنى لو رجعت تانى زى الاول انا متأكد بنسبه مليون الميه انك هتلاقى منصب احسن من منصبك الاولانى بس فقط الاثبات مش اكتر
نيجى للاهم
احنا هنا مش عشان الاشراف والمراقبه والكلام دا ..طبعا مع احترامى للجميع
احنا بنيجى نتسلى ونستفيد من بعض ونضحك ونفرفش ونفضفض لبعض مش عشان نطرد او نوقف عضو او ننقل ونثبت توبيك
وبعدين يا احمد انت قضيت هنا فترة طويله ودا واضح جدا وباين اوى زى عين الشمس من خلال مشاركاتك ومواضيعك المزهله
يعنى انت حبيت الناس اللى هنا والناس كمان حبيتك وبقيت واحد منهم زى ما هما منك بالظبط
مش عشان حاجه تافهه زى دى تزعل من الناس او تسيب السايت
انا مش هقولك ان السايت محتاجلك ومحتاج للى ذيك
بس صدقنى مش دا الحل
بص لو كلامى زعلك يريت متزعلش انا بس حبيت اوضح وجهه نظرى ولو فيها اى اختلاف اعتبر نفسك مقريتهاش
وعامتا ربنا يوفثك حبيبي وراجع نفسك هتلاقى ان السايت محتاجلك اكتر من الاول
بص انا هنا من فترة قصيرة جدا بس هتصدقنى انى حبيت الناس اللى هنا اوى لدرجه انى مقدرش افرق بين دا ودا بالنسبه لحبى ليهم
لدرجه انى مبحبش اخرج من البيت عشان افضل معاهم شوفت بقى ..وكمان وانا فى المستشفى كنت بعرف برده اخبارهم من على اللاب توب لان اخبارهم تهمنى كتير جدا
وهنا لاقيت ناس حبيتهم اوى بجد الناس دى مش موجوده فى اى مكان تانى ولو خرجت ودورت على ناس احن من اللى هنا صدقنى مش هتلاقى
بص يا احمد انا مش عارف اقولك ايه تانى بجد بس كل اللى بطلبه منك انك تتقبل كلامى بصدر رحب وربنا يوفقك مرة تانيه وابقى طمنا عليك يابو حميد برده
اخوك فى الله ميرو
Ahmedjustin
Nov 6 2007, 04:54 PM
شكرا يا ميرو علي الكلام الجميل بس ياريت تقري كلامي كويس وتشوف انا قايل اني زعلان ليه انا مش زعلان عشان الاشراف العام انا زعلان من الطريقه اللي نزلت بيها من الاشراف وديه مش طريقة متعارف عليها في ايجهات (طريقة غريبه )اوي
بصوا يا جماعه والله العظيم انا مازعلان من اي حد فيكوا بس كل الفكره اني بعاتب اخواتي اللي بحبهم ومكنتش متوقع كده منهم
شكرا يا ميرو والف سلامه عليك
mirooo
Nov 8 2007, 04:47 AM
ميرسى على ايه حبيبي عامتا الحمد لله انك مش زعلان
وميرسى ليك حبيبي لسؤالك
وحصل خير