Flute_Boy
Jan 8 2007, 07:35 PM
انا جبت 94.6 وكان عليا تقريبا 17 مادة في الثانوية
اللي بعدي مين الشخص اللي بتتمنا يكون كان والدك؟؟؟؟ وليه ؟؟؟؟ متقولش متمناش حد تخيل حتي؟؟؟
molha2002
Jan 9 2007, 09:44 AM
لو هتمنى مش هتمنى غير أبويا هو اللي اللي يكون والدي لأني بحبه جدا ربنا يديله الصحة ويخليهولنا يارب
أيه هي أحلامك؟
محمد101
Jan 9 2007, 03:18 PM
مشكورررررررررررررررررررر
HamdyTOtti
Jan 10 2007, 08:29 AM
يا جماعة حد يقولى مين دة كل حتة الاقية داخل كاتب رد تانى خالص
احلامى انى انجح و اسافر و اشتغل و اتجوز اللى بحبها و الافلام دية انتو عارفينها بقى
الى بعدى
مين اكتر واحد تتمنى انك تبقى معاة ؟
molha2002
Jan 10 2007, 04:12 PM
هههههههههههههههههههههههههههههههههههههههههههههههههههههههههههههههههههههههههههههههه
ههههههههههههه
عندك حق يا حمدي أنا قعدت أضحك والله ، المهم الشخص اللي اتمنى أكون معاه هو كريم لأني بعيدة عنه وبجد نفسي أشوفه وأقعد معاه
molha2002
Jan 10 2007, 04:26 PM
سؤالي
أيه أكتر حاجة بتفهم فيها أو بتتدقنها؟؟
محـبـوب
Jan 10 2007, 04:39 PM
اكتر هاجه يعني
الجيتار و وبحب الجيتار موت
ومعايا واحد كمان بس اهو بيودع
الى ورايا
ابيخ موقف حصلك ...؟
amedo_dolaviga
Jan 11 2007, 04:26 AM
أبوخ موقف حصل لي كان غريب جدا
أخويا الصغير كان بيغرق
ورحت عشان انقذه غرقت انا
والله مش عارف حصلت ازاي انا بعوم كويس بس السحب كان اقوى مني فكنت هأغرق وكان شكلي وحشششششششششششش
وهما بينقذوني
اللي بعدي
لو البنت اللي انت بتحبها أو الولد اللي بتحبيه بيحب اكله انتي مش بتحبيها وسألك عن رأيك عنها تجاوب بدبلوماسيه وتكدب وتقول انك بتحبها ولا تقول الصراحه؟
HamdyTOtti
Jan 11 2007, 07:53 AM
اولا اقولك حمد للة على السلامة يا باشا المهم انك سليم مش انك شكلك وحش ولا لاء و دة اخوك مش حد غريب
انا عن نفسى اكيد بقول الصراحة لأنى ما ستحملش انى اكل حاجة مش بحبها خالص
اللى بعدى
نفسك فى اية ؟
molha2002
Jan 11 2007, 04:40 PM
نفسي أخلص جاااااااااااااااااااااااااااااااامعة..... تعبت
اللي بعدي
بتحب مامتك أكتر ولا باباك أكتر ولا بنت الجيران؟
محـبـوب
Jan 11 2007, 05:04 PM
ال3
امي اكيد
وبابا طبعا
وبنت جيران عشان هخطبها
هههههههههههههههههههههههههههههه
او انت بتحب واحده و صاحبك بيحبها في نقس الوقت تعمل اي
HamdyTOtti
Jan 12 2007, 12:06 AM
لو انا مش قادر ابعد عنها و بحبها اوى الصراحة ممكن اخد رأيها و لو بحب صحبى اوى هاسيبهالة
اللى بعدى نفس السؤال
amedo_dolaviga
Jan 12 2007, 06:19 AM
أوك أنا هحاول اعرف حقيقة مشاعرها واشوف هي بتميل لمين اكتر واللي تختاره حتى لو بحبها جدا ..........طالما مش بتحبني خلاص ........هأعمل ايه يعني .............هاتمنى لها السعاده مع صاحبي ......صحيح هأكون زعلان جدا ومتضايق جدا بس هابعد وانساها .
اللي بعدي
ايه هو الموقف اللي انت اضطريت تمثل فيه وتغير من حقيقتك عشان توصل لهدف معين؟؟؟؟؟؟
molha2002
Jan 14 2007, 12:32 AM
ولا موقف أنا عمري ما أتظاهرت بغير حقيقتي (الحمد لله)
اللي بعدي نفس السؤال (أسألتك حلوة يا amedo )
amedo_dolaviga
Jan 14 2007, 06:04 AM
ربنا يخليكي يا molha انتي كلك ذوق والله
كده بتردي لي السؤال بتاعي تاني .....كده هأضطر أجاوب
الموقف اللي خلاني امثل .....واغير من حقيقتي هي كانت خناقه
وكان واحد صاحبي وجاري من 20 سنه بيتخانق مع قهوه بحالها وكلها قامت عليه وكانوا حيموتوه
وطبعا لو أنا عملت فيها عبده الشجيع ودخلت اتخانق وقلت انا معاك يا زناتي احنا الاتنين كنا هناخد ضرب للصبح ومكنش حد فينا هيروح سليم
عشان كده اضطريت اعمل اني انا ضده وضربته فعلا بس بتمثيل بس كان مقنع شويه حتى هو اندهش بس طمنه بعينيه وفهمني واخدته بعيد وطلعنا نجري
اللي بعدي
لو أنت متجوز ..... وشفت واحده اجمل من مراتك في الشكل والادب والذوق والاخلاق .........مع ان مراتك ست طيبه جدا وماتتعيبش بس التانيه احسن شويه .....تعجب بيها ولا تحبها ولا تتجوزها ولا تعمل ايه بالظبط؟؟
HamdyTOtti
Jan 14 2007, 06:12 AM
بص مدام انا متجوز لازم تكون مراتى هية الاولى دايما و اكون مخلص ليها حتى لو هية وحشة اصلا مش حلوة لأن كدة كان كل واحد شاف واحدة احلى من مراتة كان طلق مراتة و دة اكيد ان مراتة مش احلى واحدة فى العالم فا انا شايف لو فية حب صادق يبقى هيشوف مراتة احلى واحدة فى الدنيا و شكرا يا amedo على ااسألتك الجميلة دية
اللى بعدى
عمرك ما حبيت و اتخدعت ؟
rapier_3
Jan 14 2007, 07:04 AM
انا حبيت بس متخدعتش
ايه هو الموقف الى انت عملتوا و المفرود انك متعملوش؟؟؟؟؟؟؟؟؟
amedo_dolaviga
Jan 14 2007, 10:26 AM
اوك الموقف اللي انا عملته وكنت المفروض ما اعملهوش هو
كان عندي ماتش كوره مهم جدا .....وكانت رجلي مكسوره بس كان خفيف مجرد التواء في الكاحل وكانت وارمه
ورحت لعبت الماتش ده هو احنا كسبنا اه بس انا اضطريت ابطل لعب كوره لمده 6 شهور عشان اتعالج و كنت هعمل عمليه بس الحمد لله خفيت ورجعت زي الاول ....لو مكنتش عملت كده كنت خفيت بعد اسبوع واحد بس
اللي بعدي
لو انت بتحب واحد ...او لو انتي بتحبي واحده ....و فجأه قالت لك انها شاكه ان عندها سرطان والعياذ بالله او اي مرض خبيث
ياترى لو بعدها بفتره طلعت مصابه بالمرض ده فعلا .....وانت مكنتش صارحتها بحبك
هتخليك تحبها فعلا زي الاول ولا هتسيبها وتروح تدور على واحده تانيه......ولا ايه موقفك بالظبط؟؟
molha2002
Jan 14 2007, 03:49 PM
ده هيكون أصعب موقف في حياتي وعمري ما هستغنى عنه أو هسيبه بالعكس انا هعترفله بحبي وهتجوزه عشان على الأقل أحاول أسعده في أيامه الأخيره وأتمنى ده ميحصلش لحد أبدا
نفس السؤال للي بعدي (المفروض أنت بس اللي تحط الأسئلة يا amedo لأن صراحة أسئلتك حلوة ليها مغزى وتقدر تعرف منها الشخص اللي قدامك .... ما شاء الله عليك .... شكرا على الأسئلة الحلوة دي)
amedo_dolaviga
Jan 14 2007, 06:10 PM
المشكله ان الموقف ده هو اللي حاصل ليا فعلا
عاوزكم تدعولها يا جماعه ..........هو موقف صعب فعلا بس والله عمري ما هأتخلى عنها مهما حصل وربنا يرجعها بالسلامه
مش عارف اشكرك ازاي يا molha
العفو انا بس بجيب السؤال اللي بيجي على بالي
اللي بعدي
لو انت كنت ماشي في شارع زحمه جدا و فجأه طلعت مظاهره ضد الحكومه و اتمسكت يعني خلاص رحت في داهيه ...ومش بعيد تروح جوانتانامو بتاع بلدك ياترى هتفكر تعمل ايه مع انك برئ وملكش في السياسه ولا حاجه؟؟
molha2002
Jan 14 2007, 09:44 PM
أولاً أحب أقولك حاجة ربنا يساعدك ويجزيك الخير على وقوفك جنبها ويارب يارب تقوملك بالسلامة يارب ويشفيها يارب .... أنا بجد أتضايقت جدا لما عرفت إن دي حقيقة حصلتلك...عموما ربنا يصبرها ويصبرك
الجواب مدام أتمسكت مع السياسين خلاص هعمل ايه؟؟ هحاول أقنعهم بأن مليش علاقة وفي الآخر أكيد مش هيصدقوا فهستسلم للأمر الواقع....
نفس السؤال
rapier_3
Jan 14 2007, 10:23 PM
ربنا يقومهالك بالسلامه يا احمد
احاول افهمهم برده و اقنهم انى مليش دعوه و منت ماشى عادى فى الشارع و لو مفهموش هغنلهم (مظلوم وحياتك مظلوم)
amedo_dolaviga
Jan 15 2007, 02:18 AM
ربنا يخليكم يا جماعه متشكر على دعواتكم الجميله دي ويارب يكرمكم كلكم
بس انت مسألتش يا حسام
أسأل انا
ايه هو الموقف اللي انت اتصرفت فيه وحسيت فعلا ان ده اعقل موقف انت عملته في حياتك؟؟؟
abkrno
Jan 15 2007, 02:48 AM
السلام عليكم
ربنا يشفيها ويقومهلك بالسلامة ان شاءالله
انا اسمى محمد والشهرة عبقرينو انا اول مره اشترك معاكم هنا فى المنتدى
الموقف الى انا اتصرفت فيه وحسيت فعلا انه صح انى اسيب بنت اعجبت بيها علشان عرفت انها كذابة
السؤال للبعدى ايه اخطر موقف عدى عليك فى حياتك
khaled_aakl
Jan 15 2007, 02:59 AM
gamdaaaa
HamdyTOtti
Jan 15 2007, 10:12 AM
اية جامدة دية على العموم يا احمد انا بجد اضايقت اوى لما سمعت عن الموقف بتاعك و يارب يارب يقومهالك بالسلامة و يخليكو لبعض و يا احمد بجد اوعى تتخلى عنها و اسعدها على قد ما تقدر واللة لما تعمل كدة بتساعد فى العلاج اكتر بسبب الحالة النفسية و يارب يقومها بالسلامة ربنا فادر على كل شىء
اللى بعدى
لية دايما الواحد بيحس بالظلم ؟
molha2002
Jan 15 2007, 10:41 AM
لأن زي ما في خير في الدنيا في شر وفي ناس كتير بشرها بتظلم ناس تانية عشان كده لازم يكون في ظلم وكمان الإنسان اتخلق في الدنيا عشان يتعب فيها فهي دار شقاء وبلاء والعبد المصاب فربنا بيختبره.... مش المفروض الواحد لما يحس بالظلم يحس انها نهاية العالم في رأيي يقف قدام الظلم ويحاربه وأكيد ربنا هينصره....
اللي بعدي نفس السؤال (معلش يا جماعة أني مبحطش أسئلة وده لأن عقلي مفيهوش غير أسئلة الإمتحانات ومش قادرة أفكر في حاجة غيرها)
amedo_dolaviga
Jan 15 2007, 08:34 PM
في الاول شكرا جدا ليك يا حمدي وانا عارف موضوع النفسيه ده كويس جدا وباحاول اعمل كل اللي ربنا يقدرني عليه وان شاء الله تبقى احسن من الاول وانا معاها طول العمر مش هسيبها ولا لحظه
بالنسبه لسؤاك يا molha
الواحد اللي بيحس بالظلم ده من غير سبب ده بيكون عنده مرض نفسي وفي العقل الباطن دايما بيحس ان الناس ظالماه
انما فيه مواقف الناس بتتظلم فيها فعلا ولازم الواحد يحس بالظلم عشان يعرف ياخد حقه
ويحس ان له حق راح فعلا انما لو مفيش واحد حس بالظلم مش هيحس ان حقه ضاع
اللي بعدي
ممكن تقتل عشان تحقق هدف .....حتى لو كان الهدف ده هيحقق لك كل احلامك والجريمه كانت كامله ومش ممكن حد هيكشفك؟؟؟
molha2002
Jan 15 2007, 09:14 PM
لأ طبعاً.... أنا بخاف أشوف فرخة بتندبح قدامي وممكن أقعد أعيط (محدش يتريق عليا) فمش ممكن أشوف بني أدم بيتقتل مش أقتل....
تخيل بعد الشر أنك عرفت أنك هتموت (بعيد الشر علينا كلنا) أيه أول حاجة هتعملها؟؟؟
amedo_dolaviga
Jan 16 2007, 06:56 AM
طبعا اي واحد بيعرف انه قرب يموت لازم اول شيء يعمله انه يقرب لربنا عشان خلاص ويحاول يتوب ويعمل كل اللي يقدر يعمله واللي فاته في الدنيا ....كلنا شفنا صدام كان عامل ايه وهو قبل ما يموت
اللي بعدي
لو انت مثلا كنت على المريخ ولابس الزي الفضائي وشفت كهف ....حسيت ان فيه حركه جواه دخلت جوه شفت من بعيد كائنات غريبه
ياترى فضولك العلمي هيشدك تشوفهم عن قرب ولا هتخاف
molha2002
Jan 16 2007, 10:18 AM
أه فضولي ممكن يخليني أشوف بس هكون خايف...
نفس السؤال
خايف=خايفة
HamdyTOtti
Jan 16 2007, 05:01 PM
انا عن نفسى ببقى عندى فضول فظيع اشوف اية دة بس فى نفس الوقت ببقى مرعوب رعب رهييييييييييييب
اللى بعدى
اية اكتير حاجة تشدك للبنت او اكتر حاجة تشدك للولد ؟
molha2002
Jan 16 2007, 06:31 PM
أكتر حاجة بحبها في الراجل كرمه ومأتخيلش اني ممكن أتجوز واحد بخيل عشان كده أخترت كريم وأكتر حاجة تشدني في الراجل رجولته وأنه يخاف عليا ويغير عليا من اي حد.... بحبــــــــــــــــــــــــك ياكيمو
اللي بعدي نفس السؤال
أكتر حاجة بحبها في الراجل كرمه ومأتخيلش اني ممكن أتجوز واحد بخيل عشان كده أخترت كريم وأكتر حاجة تشدني في الراجل رجولته وأنه يخاف عليا ويغير عليا من اي حد.... بحبــــــــــــــــــــــــك ياكيمو
اللي بعدي نفس السؤال
amedo_dolaviga
Jan 18 2007, 09:00 PM
أكتر حاجه أحبها في البنت هي أخلاقها طبعا ......وبعد كده الذكاء .....البنت الذكيه دي كنز
اللي بعدي
ايه السبب اللي بيخليك تقعد لوحدك وتفكر مع نفسك ؟؟؟؟؟
molha2002
Jan 18 2007, 09:24 PM
لما أكون عايزة أخد قرار في حاجة فبكون محتاجة أقعد لوحدي خصوصاً لو كانت القرار صعب
نفس السؤال
khokhaa
Jan 19 2007, 12:44 AM
لما بحس انى عملت حاجه غلط او حاجه مش راضيه عنها او زعلت حد منى ببقى عاوزة اقعد لوحدى وافكر فى اللى عملته واشوف هل انا فعلا أذيت اللى قدامى ده ولا لا ولو كنت مكانه هيكون ايه رد فعلى وهكون حاسه بايه
السؤال هل يوجد شك فى الحب؟ بمعنى هل ممكن واحد يكون شاكك فى حبيبته بس برضه بيحبها؟
ولو انت \ انتى فى الموقف ده تعمل \ تعملى ايه؟
amedo_dolaviga
Jan 19 2007, 05:14 AM
بصي ..........لو العلاقه لسه في الاول كل واحد بيحاول يطمن على التاني عشان يتأكد ان حبه رايح في الاتجاه الصحيح ولا لا
لكن اذا انا وثقت في اللي بحبها فده بيكون عن درايه تامه بكل اخلاقها وسلوكياتها عشان كده ................صعب جدا اني اشك فيها
ودايما هتكون محل ثقه الا اذا ظهر العكس
اللي بعدي
ممكن انك تخاطر عشان تحقق هدفك حتى لو كانت المخاطره مش مضمونه؟؟؟؟وممكن تخسرك كل حاجه؟؟يعني يا صابت يا خابت ....ولا انت مثلا من النوع اللي بيقول امشي وسط واعمل حساب اللي جاي؟؟؟؟؟؟؟؟؟؟؟؟
khokhaa
Jan 19 2007, 06:50 AM
انا عن نفسى هخاطر وهمشى ورا اللى انا عاوزة اعمله حتى لو مكنتش متأكده اذا كنت هوصل ولا لا
اهو على الأقل أكون كسبت شرف المحاولة عشان حتى لو مجتش ابقي برده عملت اللى عليه عشان مرجعش احس انى قصرت وكان ممكن اعمل كذا او كذا
نفس السؤال للى بعدى
Mr.CraZy
Jan 19 2007, 07:25 AM
انا رأيي من رأيي العضو khokh224 وكمان اديني هكتسب خبره ممكن تنفعنى فى عمل اخر
اللي بعدي
ما معني الصداقه بداخلك وهل تعمل بها ام لا؟
khokhaa
Jan 19 2007, 10:44 AM
الصداقه دى حاجه جميله جدا ومهمه اوى لكل انسان
محدش يعرف يعيش من غير اصدقاء
بس للأسف الصداقه الحقيقيه صعبه اوى الأيام دى
اللى بعدى : ماهو معنى الحب بالنسبه لك؟ وهل يستطيع الانسان ان يعيش بدون حب؟
amedo_dolaviga
Jan 23 2007, 08:49 AM
الحب بالنسبه ليا انا بالذات اهم شيء
وبيتهيألي ........... ان ممكن الانسان يعيش من غير حب .....بس حياته هتكون حزن ......
اللي بعدي ..........
ايه هو اصعب موقف حصل لك في حياتك؟
molha2002
Jan 23 2007, 11:22 PM
لما مات ابن خالتي الله يرحمه ويرحمنا جميعاً
اللي بعدي نفس السؤال
HamdyTOtti
Jan 24 2007, 12:51 AM
لما ماتت اختى اللة يرحمها
اللى بعد نفس السؤال
molha2002
Jan 25 2007, 01:27 AM
لا إله إلا الله... البقاء لله يا حمدي ربنا يرحمها ويبعد عننا أي حزن
ايه أكتر حاجة عملتها في حياتك وحسيت أنك غلطت فيها وأيه أكتر حاجة عملتها في حياتك وحسيت أنك عملت الصح؟؟؟؟
hamadamada
Jan 25 2007, 03:06 AM
اكتر حاجة عملتها غلط مينفعش اقولها لانى مينفعش اقول حاجة ربنا سترنى فيها وانا ندمان عليها جدا اما اكتر حاجة عملتها صح فهى انى ذاكرت كويس فى ثانوية ودخلت كليه كويسة الحمد لله
ايه اكتر موقف محرج حصلك فى حياتك
nervo
Jan 25 2007, 03:13 AM
اكتر موقف محرج حصلى مينفعش اقوله بصراحه فبلاااااااااااااااااااااااااااش
الى بعدى نفس السؤال
molha2002
Jan 25 2007, 06:13 PM
أنا مأفتكرش موقف محرج حصلي وأثر فيا.... يمكن مفيش
أيه هي اكتر مرة حسيت فيها بالظلم؟؟؟؟
khokhaa
Jan 25 2007, 07:18 PM
اكتر مرة حسيت فيها بالظلم
لما اتشال صف سنانى فجأة من غير ماكون موجوده :verymad: :verymad:
اللى بعدى نفس السؤال
HamdyTOtti
Jan 26 2007, 08:27 AM
كذا حاجة مش فاكر اوى
بس الف شكرى مولها
اللى بعدى نفسك فى اية ؟
hala_palestine
Jan 27 2007, 02:09 AM
مرات الصبح لما اصحا بيجي على بالي افتح نت فماما بتقعد تندهلي وتحكيلي ارتب البيت وانا بكون بشرب شاي وحابة النت بس بنهاية بسكر النت وبقوم للاجتهاد والعمل وبذل الطاقة
بماذا تتميز شخصيتك؟
هالة عاشقة فلسطين