اكتشفت متأخرا كم هو قاسي هذا الزمن الذي نعيش فيه، ففي هذا الزمان لايقام أي وزن أو أهمية للعلاقات الإنسانية، زمن يتنكر فيه الأخ لأخيه و الإبن لأبيه، زمن يتحول فيه رفيق الدرب و صديق الأمس إلى شخص غريب عنك تماما و كأنك تقابله لأول مرة، زمن شريعة الغاب فيه هي السائدة و النظام و الاحترام لامكان لهما وسط الغوغاء المحيطة.
زمان مادي بحت يقاس فيه المرء لا بـدينه لا بخلقه و لكن بما في جيبه و نوع سيارته و ثمن النعال (لمؤخذه) الذي يرتديه، زمان العري و التعري و الابتذال و سوبرستار و ستار أكاديمي، زمن الذل و الخضوع و طأطأة الرأس و الركوع زمان غيبت فيه العقول و صار أغلب الناس يفكرون بما تحت البطون.
أحيانا كثيرة أتمنى لو كنت (نذل) لكي أفهم الأسلوب الذي يتعامل به الأنذال مع من حولهم، (وقاحة) لأرد على الوقاحات التي تصدر من البعض ممن أعدهم (أصدقاء) قبل أن أكتشف خلاف ذلك، (أنانية) لأعرف السر في عدم حب البعض مقاسمة الخير مع غيرهم، (منافقة) أجيد إظهار خلاف ما أخفي، (حسود حاقد) على نجاحات الآخرين، (متفلسف) حتى لو كنت جاهل لهذه الفلسفة، فللأسف المظاهر الكذابة صارت هي المقياس للحكم على الأشخاص و (الفاهم) مهما كان فاهما إذا لم يخلط فهمه بقليل من (الفلسفة) و حب الظهور لن يكون له أي قيمة في المجتمع، و الأمثلة على ذلك كثيرة.
لا أستطيع أن أحكم على نفسي بالطيبة و لكن من حولي هم من يحددون مدى وجود هذه الطيبة من عدمها، لكن قد أستطيع أن أطلق على نفسي لقب (مغفل) لأني أعامل الناس دوما بطيبة و بحسن نية و ليس عندي ما أخفيه و هو ما يعتبر في هذا الزمن أكبر عيب!

اه والله يابوحميد كلامك كله صح الواحد لازم يعيش ندل فى الزمن ده ...واحد صاحبى معانا فى المنتدى هنا اسمه اميد بقوله تعالى شوفلى الكمبيوتر حصله ايه بيقولى مش فاضى بشيت مع صاحباتى...فعلا ونعم الندالة..شكرا ع الموضوع المهم

لا يااحمد انا مش معاك
انا شايفه ان ده الصح ان الواحد يتعامل بحسن نيه وزى ماهو
بالعكس ده الاحسن لما الواحد يقدر يتحداهم بأنه مش حيغير طريقته
ممكن يتعلم منهم انه يكون اكثر حرصا فى التعامل لكن ميخليش حد يغير الحاجه الحلوه اللى فيه
ده المكسب ولو هما اثروا فيك وخلوك زيهم انت نفسك مش حتحل المشكله بل حتفقد هويتك
ومش حتعجبك الشخصيه الجديده يبقى لا حافظت على نقائك ولا بقيت زيهم

وفى الاول وفى الاخر هو سؤ اختيار دور اكيد حتلاقى لسه الدنيا بخير وفى ناس لسه متلونوش

ههههههههههههههههههههههههههههههههههههههههههههههههههههههههههههههههههه
خلاص ياعم نستا ولا تزعل نفسك تعالى انا اصلحهولك وبعدين متزعلش من اميدو انتا عارف واقفت الراجل


تسلم ياباشا

لا ياصاحبى مش كده..بلاش تزعل الناس مننا انا قولت اول 3 حروف من اسمه والله اعلم هو مين والكمبيوتر هبقى ابعتهولك تصلحه بس بلاش تجرحنى فى الفيزيتا احسن العملية ناشفة واقتصاد مصر واقع عندى

اولا : شكرا يا احمد على الموضوع
شكرا يا نيستا على كلامك عليا
وبما اني ندل بقى يبقى مش عاوز اعرفك تاني
وياريت متحاولش تجيب اسمي في كل رد تكتبه هنا
وعموما ربنا يسامحك
بس ليا كلمه بقى
اللي بيقول عليا ندل ده والده مريض وملازم الفراش من مدة طويله جدا ومدخلش حتى بص عليه من سنتين بحالهم
اللي بيقول عليا ندل ده واحد ملهوش كلمه وكل الناس بتقول عليه كده
مش عاوز اقول اكتر من كده
وربنا يشفي كل مريض يارب

اولا يااحمد انا مش معاك خاااااااااااااااااااااااااااااااااااااااااااااااااالص
ايه اللى بتقوله ده
من امتى النفاق والكدب هو اللى هينتصروا فى الاخر
ويخلونا احنا اللى نسعى عشان نبقى زيهم
او يبقى لينا الشرف نبقى زيهم من امتى الكلام ده
الحياه هتفضل فيها الشر
وهيفضل فيها الخير
واحنا بااسلوبنا وبقلبنا نقدر نغيره الحياه دى
ويبقى لينا دور نغير ولو جزء بسيط منها
ونرسم فيها من قلبنا وطيبتنا صفحه جديده تبدا بيها الحياه من تانى
ومش بتكلم عليا او عليك او على ده او على ده
كل واحد فينا فيه طاقه من الخير بس مش عارف يطلعها
دورك بقى انك تخرج منهم الطاقه دى
وعمر الزمن ماوقف على النفاق والكذب ابدا

أنا كنت شئ و صبحت شئ ثم شــئ

شوف ربنا قادرعلي كل شـــــــئ

هز الشجر شواشيه ووشوشني قال
لابد ما يموت شئ عشان يحيا شئ

وانت ايه ضمنك ايه اللى مات
عشان ايه يعيش

اسف للاطاله

thnx man.gw

اولا موضوع جميل جدا يا بوحميد
بس انا مع كلام اسراء وروئا
هما قالوا كل اللى عاوز اقوله

لان طبيعة الدنيا فيها الحلو والوحش
فزى ما السيئة بتعم .. الحسنة برضة بتخص
والشخص اللى يكون فية اى صفة من الصفات اللى انت ذكرتها .. مينفعش يكون صديق بأى شكل
زى واحد صاحبنا (الحدق يفهم)ا

فأكيد يا أحمد اننا لازم نحسن اختيار الاصدقاء

وشكرا ليك على الموضوع

اسراء الف شكر لمرووك ونورتى الموضوع والله بس عايز اقولك حاجه بيجى لحظات على الانسان بيحس فيها بانه عايش لوحده من غير صديق او حبيب والنتيجه على كده انه بيشوف نفسه وحش عشان كان طيب او حنين معاهم مفيش انسان هيغلط نفسه بس مش معنى كده انه يتغير بس على الاقل فى ناس لازم يكون ليهم معامله قاسيه عشان الواحد ميحسش انه عايش ضعيف ليهم او مزلول معاهم ومش معنى كده انى مش مقتنع بكلامك لا انا مقتنع بيه جدا وغيرتى بكلامك جزء كبير من اللى كنت شايفه من ناحيه الموضوع ده

-------------------------------------------

اميدو حبيب قلبى فى ايه ياصاحبى احنا بنهزر والراجل كان بيهزر معاك واللى اعرفه عنك انك دمك خفيف وبتحب الهزار ونستا ياما حكالى عنك وقد ايه هوا بيحبك وكان بيهزر والله على فكره بس انتا اللى تلاقيك مضايق شويه وانتوا صحاب برده من زمان مش معقول تعملوا كده
نستا بيحبك جدا ودايما يقول مليش صاحب غيرك

-------------------------------------------

روؤا حبيب قلبى
ازيك يامان عارف والله انك كنت هتكون من المعترضين على تفكيرى ده بس اكيد انتا قبلت ناس اتمنيت انك تكون بتعاملهم بنفس معاملتهم عشان يستحقوا كده وبعدين الدنيا فيها وفيها
منور يامان الموضوع

-------------------------------------------

ازيك يامان Tamerifm

منور الموضوع يامان والله بس برده ذى ما قولت قبل كده احنا مش وحشين بس ذى ما قالت اسراء هوا سوء اختيار مش اكتر بينتج عنه بقى تفكير غلط فى اوقات كتير

الف شكر ليكم كلكم ويارب تنوروا ديما كده المواضيع بس الفاتوره عليكم مش هدفع حاجه انا

نداله بقى