مع الشلة
و الاصحاب
الاوغاد
و انا قاعد في قعدة
أو واقف في وقفة
أو نايم في نومة عادى حتى
و بيحصل حوار
أو مناقشة
أو حتى موقف
*******
بالرغم من اني معروف وسط الشلة ان وداني كبيرة
مش ارنب يعني. لأ ده عشان باسمع اكتر ما بتكلم مش بازهق من السمع
و اي حد محتاج يفضفض أو يتكلم و يرغي بيجيلي على طول
مش عارف ليه.. بس جايز عشان مش بصدر أحكام أو اتنرفز على حد بسرعة لو جه يحكيلي سر او كده
المهم.. بالرغم من كده ساعات بقى مابقدرش امسك نفسي
غصب عني بالاقي أقل رد طلع مني هو
كتك نيله فيك وفى خيبتك
بجد مابعرفش اقول غيرها
لحد ما بقت لازقه فى بوئى
كل ما يحصل حاجة او اسمع حاجة متعجبنيش اقولها على طول
*******
صاحبي الانتيخ اتصل و قاللي: بتعمل ايه؟
قلتله: ولا حاجة.. لسه صاحي م النوم وهائم على وشى
قاللي: طب انا جايلك
وانا بضرب السماعه فى الارض وانا نايم على السرير
قلتله: تشرف و تآنس وتنوّر
قاللي: طيب
معلش اصلى صاحبى ده رخم متخدش فى بالك
قلتله: ايه مالك في حاجة ولا ايه؟
قاللي: آه اتخانقت مع امي
سألته: ليه كده بس؟
قاللي: اما اجي هحكيلك
و لما جه وبعد ماهدي
وده مش بيهدى الا انه يعقد ياكل ويشرب
ياجماعه انا مش بخيل ولا بفضح صاحبى
ماعلينا
شوية قلتله ايه الحكاية بقى؟
قاللي: امي اتخانقت معاها وزعقت في وشها قعدت تعيّط رحت رازع الباب ونازل
ساعتها وداني صفرت واضيقّت مرة واحدة
قلتله: نهارك مش فايت
قاللي: اسمع بس بقية الحكاية
قلتله: اسمع ايه و زفت ايه.. حد يعمل كده في أمه يالا؟
هو انت كلك على بعضك كده تسوى حاجة في الارض من غير رضا امك عليك؟

كتك نيله فيك وفى خيبتك

ورحت طارد طرده الكلاب وخد منه حق الاكل والشرب
ده خساره فيه ده واااااااااااااااااااااااااطى

*******

القعدة الجد بقى
قعدة سياسية
وكله يحاسب و يوسع.. كلام مهم بيتقال وحاجة عظمة يعني
يعنى ممكن تضرب طلقتين فى السما وانت قاعد

يطلعلي واحد يقوللي: يعني شوف ولاد الـ ..... بيصرفوا كام على حتة تمثال لا راح ولا جه والناس مش لاقية تاكل.. بلد بنت ....... وبعدين الرقابه متخدش فى بالك
ماعلينا
المهم الواد راح مكمل كلامه: احسن حاجة الواحد يهج من البلد دي ويعيش في بلد نضيفة بقى.. في اوروبا ولا حاجة.. البلاد اللي فيها موزز لاء مش موزز دول موز باللبن
ويرتاح من القرف ده كله
قلتله: طب ده مش يبقى اسمه هروب يابوب؟
قاللي: ياعم هروب هروب بلا خاوتة
قلتله: طب تخيل كده ان الكام مليون شاب اللي في البلد بيفكروا زي حضرتك كده.. البلد حيبقي حالها ايه حضرتك؟
راح مولع سجارة و ضحك ضحكة هعهعهع.. وقال: هتبقى خرابة.. هعهعهع
وكان ردي

كتك نيله فيك وفى خيبتك
اه لو فيه منا بيفكر كده اهو هرف الرد بتاعى
انا مش مسؤل

*******
وبمناسبة السجاير.. واحد صاحبي حريقة سجاير
ممكن يولع سجارة وهو في إيده سجارة, والايد التانية فيها سجارة برضه
ووسط التلات سجاير أقوله: مش ناوي تبطل سجاير بقى يانجم دى غير بوب
عشان تبقو معايا على الخط بس
يروح رادد عليا والسجارة في بقه ومضيّق عينيه عشان الدخان طالع على عينيه طبعا.. ويقوللي: نفسي والله ياروءه
قلتله: بص.. ولا نفسك ولاروءه ولا زفت.. انت بتضحك عليا ولاّ بتضحك على نفسك؟
انت لو عايز تبطل هتبطل
لكن انت مش عايز تبطل.. انت بتحب السجاير اساسا

كتك نيله فيك وخيبتك
وبردو اللى بيشرب سجاير اهو عرف ردى وصحابى مش يزعلو وهما عارفين نفسهم هنا
*******
رفيقي في الدراسة بقي كنا في العربية و بسأله سؤال جه على بالي فجأة كده
وبقوله ايه ياشقيق
بردو غير بوب ونجم
قاللي: نعمين ياحوووبي
قلتله فكرني كده تاني معلش.. انت سقطت ليه السنة دي؟
قاللي: مكنتش بذاكر ياشيؤووووز
قلتله: ممممم.. ومكتش بتذاكر ليه؟
قاللي: معرفش
قلتله: طب انت حابب الكلية اللي انت فيها و حابب المجال بتاعها؟
معرفش -
طب انت دخلت على أساس ايه؟ -
معرفش -
سألته: طب بلاش دول.. نفسك تشتغل ايه لما تتخرج؟
معرفش -
قلتله: طيب انت عارف إيه وانا اسألك فيه أساسا؟
أي دونت نووووو هعهع -
قولته معرفش ده بيعمل الحجات دى كلها
طيب ممكن تعرفنى عليه
قالى معرفش
قولته

كتك نيله فيك وفى خيبتك
*******
صاحب صاحبي بقى.. دمه خفيف مووووت و يحب الضحك.. عليه ضحكة عفاريت من اللي هيا.. وخصوصا انه ماشاء الله طول بعرض
كنا قاعدين قعدة لطيفة ولقيته ضحك الضحكة اياها
نياااااهاهاهاها -
قلتله: خير.. متضحكنا معاك يا عم الوحش
قاللي: امبارح و انا بكلم اخت صاحبتي في التليفون
قلتله: لحظة بس معلش مسمعتش كويس.. أخت مين قالى
قاللي: آه.. أخت صاحبتي
و راح مكمل القصة الطريفة.. بس مسمعتش منها حاجة
وسرحت شوية بعقلي كده
سرحت لاني اتكسفت اقوله
كتك نيله فيك وفى خيبتك
لانه مش صاحبي.. ده صاحب صاحبي
وقلت في بالي هو فيه راجل يقول صاحبتي؟؟
ايه الخيابة دي؟؟

كتك نيله فيك وفى خيبتك
يامدهول
*******
بس و بعد ما كتبت الموضوع ده سرحت برضه شوية و قلت في بالي
ايه اللي انا كتبته ده
هو انا مصاحب الناس دي ليه
ومصاحبهم ازاي؟؟

جاتني نيلة فيا وفي خيبتـي

انا اقول محدش تانى يقولها

ههههههههههههههههههههههههه
طبعا معرفناش صحابك اللى هن ا
بس والله كنت حقولك
ه

Nice Topic 3asal ya Ro2a
Thanx alot

هههههههههههههههههههههههههههههههه
دماغك جااااااااااااااااااااااااااامدة
توبيك خلانى أهرهر من الضحك
تسلم إيدك ياروقا على المجهود الفظيع ده

يلا هوووووووووووووووووبا يامضروب

ههههههههههههههههههههههههههه
ماشى ياسوسو
بس كنتى هتقولى ايه
منوره ياقمر
...............................
لولا ياقمر
فينك من زمان ياجميل
منوره ديما
وشكرا ليكى
............................
اجى بقى لصاحبى
هتيجى فين بين دماغك يابرنس
ربنا يخليك ياليدو
ومنورنى ديما

هههههههههههههههههههههه هيلووووووووووووووووووووووووووووو

منوووووووووووووووووووووووووووور
يا قمر

هههههههههههههههههههههههههههههههههههههههههههههههههههه

جتك نيله فيك وفى خيبتك

مش عارف ليه حاسس ان صاحبك بتاع السجاير ده تقصدنى بيه
عارف لو كان انا ياض هعمل فيك ايه


موضوع جامد كالعاده يامان

تاخد سيجاره ؟

ههههههههههههههههههههههههههههه
وربنا انت منهم وقاصد بقى
والتانى عارف نفسه
وبلاش اقول التالته عشان هتضربنى
تسلم ياصاحبى
ومنور ديما

الله عليك ياروقا
بجد تحفه
دماغك عاليه جدااااااااااااااااااااااااااااااااااااااااااااااا
والى الامام حلوة اوى اوى اوى

ايه الدماغ العالية دى ياروقا....الموضوع ده رايق اوىىىىىىىىىىىىىىىىىىى

دودى ياقمر
ربنا يخليك
هاجى فين بس جانبك
منورانى ديما ياقمر
.............................

نيستا
ربنا يخليك
دماغ متكلفه بقى تقول ايه
منورنى ديما يامان

تسلم يا روءه يا لذيذ يا رايق
هههههههههههههههه
بس اللى يكتب موضوع حلو زى ده
استحاله حد يقوله
جتك نيله فيك وفى خيبتك
ههههههههههههههههه

اية الدماغ دية يعم
احيانا بردة بفكر وبقول لنفسى كتنى نيلة فيا وفى خيبتى وعلى فكرة انا بقولها كتير اوى

هو توبيك لذيذ والله يا روقه يا حبيبي
بس انا مفهمتش منه حاجه برده احسن حد يجيى يقولى ويسألنى انت فهمت ايه اقوله مفهمتش حاجه
يقولى جاتك نيله فيك وفى خيبتك هههههميرسى ليك حبيبي

طاهر مش ممكن
ربنا يخليك يامان
بس اللى يعرف الاشكال دى
يضرب بالدزمه
بهزر طبعا دول صحابى
منورنى ديما يامان
وشكرا ليك
...........................
دكتور توته مش ممكن
ههههههههههههههههههههههه
وبلاش انت تقولها انا اقولهالك
بس انت بتقولها ليه
عندك الناس دى مش معوقل
منوره ياقمر ديما
ومش تقوليها لنفسك تانى
اتفقنا
....................................
ميرو
ههههههههههههههههههههههههههههه
انا مش عارف ارد اقول ايه
بس انت ايه اللى مش فهمته
اكيد العيب فيا
كتنى نيله فيا وفى خيبتى
تسلم يامان ومنور ديما

ليالى على ده الحال
منوره ياقمر
وشكرا لدخولك

Thank you, the moon and always reconcile

والنبى انت اللى قمر
وشكرا ليكى ياجميل ولدخولك
وديما منوره

يخربيت عقلك يا واد

بجد توبك تحفه

وحشتنى اوى يا واد انت

بالتوفيق يا حبى

اهو كده النور اكتمل للموضوع عشان انت دخلته
وانت كمان وحشنى قوى بجد
ومنور ديما ياصحابى