فاطمة بنت ناس
يعنى أيه
يعنى ناس كويسين
برضه يعنى أيه
يعنى ناس بيعرفوا يربوا بناتهم
وماله
فيه كتير زى فاطمة وكتير زى الناس دول
عادى وطبيعى
فاطمة عيب ماتكلميش ولاد.................حاضر
فاطمة عيب ماتروحيش لصاحبتك هى اللى تجيلك....................حاضر
فاطمة بلاش تلبسى كدة وألبسى كدة ...................... حاضر
فاطمة عيب ....... فاطمة حرام .......... فاطمة مايصحش
وفاطمة بتسمع الكلام
فاطمة فضلت طول عمرها بتسمع الكلام
مقتنعة...؟؟؟
ممكن
مجبورة...؟؟؟
أكيد
فاطمة بتصلى وبتصوم
كبرت وبلغت ومشى عليها اللى بيمشى على كل البنات
و..........أتحجبت
سلو عيلتهم كدة
الحجاب
وماله كويس
فاطمة حلوة وشها حلو وتقاطيعها مسمسة
فاطمة بنت مرغوبة..........
عرسان أتقدموا من سن 15 سنة
لكن أبوها عايز يعلمها
فاطمة شاطرة فى الدراسة ومتفوقة
بسم الله ماشاء الله ..........أدب وعلم وحلاوة
فاطمة دخلت الجامعة
كلية أيه ما يفرقش معانا
فاطمة رايحة الجامعة ........... فاطمة راجعة من الجامعة
أول سنة امتياز...........برافوووووووووووو
وأول سنة أحمد فى السكة ظهر لها وحبها
فاطمة اتلخبطت
سمعت فى ودنها امها بتقولها لما جت تدخل الجامعة.......
فاطمة انتى رايحة الجامعة تتعلمى مش تتجوزى.... لو على الجواز يابنتى كان زمانك معاكى عيال ..... أحنا عايزنك جامعية محترمة.....
ماتكلميش ولاد .... ولا حد تسيبيه يكلمك ..... لا يقولك كشكولك ولا يقولك أعزمك ولا اوصلك....أوعى يابنتى
فاطمة الأول سمعت الكلام وعقلته.....ومارضيتش تكلم أحمد
بس أحمد ولد شاطر..........شعره عامله على الموضة ولبسه شيك وعنده عربية
وبيعرف يتكلم حلوووووووووووووووووووووووووو
بيعرف يرص الكلام ولا أجدع مهندس بيرص عواميد عمارة
احمد فضل ورا فاطمة لغاية ما كلمته
وفضل وراها لغاية ماأديته ريق حلو
وفضل وراها لما أقنعها انه بيتغير علشانها
وبيحضر المحاضرات علشانها
وح ينجح السنة دى علشانها
أحمد بيحب فاطمة
وفاطمة مش عارفة هى بتحبه ولا بتحب حبه
محدش قال لفاطمة اللى قاله أحمد
وح تسمعه فين ماهى طول عمرها ماكلمتش حد غريب
الأجازة جت وفاطمة فى البيت ............
بتساعد مامتها وبتتفرج على التلفزيون وبتقرى و .............
بتكلم أحمد على التليفون والنت
السنة التانية جت وفاطمة من اوائل الدفعة لكن أحمد يادوب نجح بمادة
أحمد فهم فاطمة أنه نجح علشانها والسنة الجاية ح ينجح بتفوق
فاطمة أبتدى قلبها العبيط يتحرك ناحية أحمد و...............بتحبه
أحمد عرف يلعب عليها لعبة الحب وقدر يقنعها بأنه يتجوزها
طيب روح لبابا ياأحمد
ماأقدرش دلوقتى لأنى مش جاهز
طيب وانا أعمل أيه
نتجوز دلوقتى مع بعض ولما نتخرج نعلن جوازنا
عايزنى أتجوز فى السر
وماله يافاطمة نتجوز احسن ماحد ياخدك منى
لا ياأحمد اخاف
وأحمد فضل يزن ويزن
وخلصت السنة وفاطمة مش راضية وخايفة
قلبها مع أحمد وبتحبه لكن ماتقدرش تعمل كدة
وفى الصيف جه عريس ............ فاطمة جريت تعيط لأحمد وتقوله يتقدم لها
لكن أحمد أتحجج بانه مش جاهز
بالعافية فاطمة رفضت العريس وطلعت فيه العبر
وجت سنة تالتة أول ماقابلها احمد قالها .............
مش قولتلك لازم نحجز بعض بدل ماتطيرى منى
ولقت زميلات كتير عاملين كدة
فاطمة وافقت بعد ألحاح أنها تتجوز أحمد
فاطمة بنت 18 سنة أتجوزت أحمد عرفى
فاطمة وقعت ونهايتها معروفة
فاطمة ضاعت وهى اللى ضيعت نفسها
فاطمة فاقت بس بعد ماأحمد ادها سكة وهى بقت .............
مدام
فاطمة أتخرجت
فاطمة كل عريس يجى لها ترفضه
ماهى خايفة
فاطمة غلطت
غلطت غلط كبير قوى
فاقت وحست بيه لما كبرت زيادة وعرفت قد أيه هى كانت عبيطة وغبية
فاطمة تابت وانابت وعرفت الغلطة فين
لكن فاطمة فى المجتمع مدام
لاهى مطلقة ولا هى آنسة
هى حاجة غريبة
فاطمة بنت 20 سنة ضاعت خلاص؟
مش من حقها تصلح غلطتها وتعيش حياتها بأى صورة
فاطمة عملت أيه؟
أتجوزت عرفى
الله أتجوزت يعنى؟
لا بس العرفى فى السر يبقى مش جواز
وهى ايه اللى عرفها ده بنت 18 سنة
أه هى غلطانة بس مش مسئولة
أه هى تستحق ساعتها الدبح
بس ياما ما بنغلط
اه هى كانت مش كويسة
بس فاقت وعرفت الغلطة وتابت
المفروض يتعمل فيها أيه............حد يدبحها ولا تعمل هى أيه
فاطمة فيه منها 4 مليون فاطمة فى مصر
يعملوا أيه دول
ياترى لو حد جه يخطب فاطمة فينا وأعترفت له بده يقبل يتجوزها
ياترى لو فاطمة دى أختك ولا بنتك ولا حتى قريبتك تقتلها ولا تعمل فيها أيه
وياترى فاطمة أحسن لها تعمل ايه
حد عنده حل لفاطمة..............؟؟؟؟؟؟؟؟؟؟؟؟؟



منقوووووووووووول

Wallahy 3an nafsy el mawdo3 da benshofo kteeer bas lelasaf ma 3andesh 7al l fa6ma
Thanx 3ala el mawdo3 el gameel da

انا شايف ان فاطمه ضحيه
ضحيه زمن وحياه وعقل وفكر وعائله
ضحيه قلب حب اه ده مش حب
بس هى حبت
يمكن اول مره تحب او حتى يدخل قلبها النوع ده
فاطمه ضحيه
ومش ينفع يحكم عليها المجتمع بالاعدام
فى غلطه هى غلطتها
انا لو قبلت فاطمه وحبتها بجد
وهى حبتنى بس الحب اللى الدنيا كلها عارفاه
هغفر ليها
ده ربنا بيغفر وبسامح
احنا مش هنسامح فى غلطه يمكن مكنتش فى بالها كل ده يحصل
حرام نموت بنت فى اول ايام حياتها بالشكل ده
شكرا ليك يااحمد

الموضوع كتير حلو ويا رب الله يحفزنا من كل يلي صار مع فاطمة وطبعا محدش بنفع حد وكل بنت مسؤلة عن تسرفاتها والشاب بسهولة ممكن يتخلا عن حبيبته انا بحكي أنو كل بنت تعرف كيف تتصرف ومو كل واحد بحكي بحبك يعني بحب بجد في منهم بتسلو وكتير بسمع بزواج عرفي والكل بحكي في وهاد مو من مصلحة البنت وكل بنت راح تتزوج فليش بنغلط وبنندم لو غلطة بسيطة اوك اهون ممكن تتصلح بس مو زواج عرفي ونحكي شو الحل وفي اكبر من سن فاطمة وتفكيرهم كبير وبغلطو يعني فاطمة كانت طول حياتها محترمة وبغلطة ضاعت ومو كل الشباب مناح في منهم تفكير متخلف ............الله يحمينا كلياتنا شكرااااااااااااا

انتوا مكبرين الموضوع اوي كده ليه
الموضوع حله بسيط جدا من غير قتل ولا انتحار
وادي حكم الدين فيما حدث
أما المرأة فلا يجوز أن تزوج نفسها حتى ولو كانت كبيرة، فلا يصح زواجها إلا بولي كما دلّ على ذلك الكتاب والسنة، فقد قال الله سبحانه وتعالى: \"وأنكحوا الأيامى منكم\" والأيم: المرأة التي لا زوج لها، فقد أمر سبحانه وتعالى بإنكاحها ولم يجعله إلى المرأة نفسها، مما يدل على اشتراط الولي في الزواج، وأن المرأة لا تزوج نفسها، كما قال سبحانه وتعالى: \"فلا تعضلوهن أن ينكحن أزواجهن\".
فلو كانت المرأة تزوج نفسها، لم يكن للعضل معنى، فدلّ على أن المرأة لا تزوج نفسها فلا يزوجها إلا وليها، وقال صلى الله عليه وسلم: \"لا نكاح إلا بولي\" (رواه الخمسة، أي لا يصح النكاح إلا بولي).
وقال صلى الله عليه وسلم: \"لا تزوج المرأة المرأة، ولا المرأة نفسها\" (رواه ابن ماجه).
وقال صلى الله عليه وسلم: \"أيما امرأة نكحت بغير إذن وليها فنكاحها باطل، فنكاحها باطل، فنكاحها باطل\" (رواه أحمد وأبو داود والترمذي).
فدلت هذه الأحاديث على أن المرأة لا تزوج نفسها، سواء كانت صغيرة أم كبيرة، فلا يصح زواجها إلا بولي.
اذن ما حدث لا يعتبر نكاح
بل هو اقرب الى الزنا
وعليه فان هذه الفتاة يجب ان يقام عليها الحد(الجلد 100 جلدة) كما ورد في سورة النور كونها غير متزوجة
وبعد كده تكون تابت توبة نصوحا
ومفيش على اي حد اي حرج انه يتزوجها طالما تابت واتنفذ الحد فيها
قال تعالى
(إلا من تاب وآمن وعمل عملا صالحا فأولئك يبدل الله سيئاتهم حسنات وكان الله غفورا رحيما)....صدق الله العظيم

وأول سنة أحمد فى السكة ظهر لها وحبها
فاطمة اتلخبطت
------------------------------
أولا : إشمعنى أحمد يعنى ماينفعش وليد أو روقا ليه يعنى
وش متغاظ :@
--------------

لا تعليقياصحبى !!!!!!!!!!

تسلم إيدك ياصحبى

لولا ميرسى كتير لمرورك وردك الرائع

روءاا حبيب قلبى الف شكر ليك يامان على ردك الجميل


شرين منورانا دايما بردودك الرائعه

اميدو حبيب قلبى منورنى ياباشا والله ونروت التوبك


ليدو متزعلش ياصاحبى نخليها فى المره الجايه وليد ههههههههههههههه تسلم ياصاحبى


والاستاذ اللى مش عارف اقرى اسمه عشان مش عارف معناه ميرسى ليك كتير على طظ بتاعتك دى على الاقل كفايه انك شاركت بكلمه احسن من انك مش بتشارك خالص واخيرا شوفناك

تسلم ايدك يااحمد على الموضوع
للاسف 4 مليون
اولا انا مش معترضه على فاطمه وشايفه ان اهلها احسنوا تربيتها
بس للاسف فاتهم انهم يقربوها منها وينصحوها اكثر
فاطمه صحيح ضاحيه بس برضه جانيه فى نفس الوقت لو متعرفش تتعامل فعلا فاكيد هى عارفه ربنا وعارفه خطوره اللى بتعمله
معاك يااميدو بس متهيألى صعب يحصل اللى بتقول عليه واحنا للاسف دلوقتى معندناش حد بينفذ الحد ناهيك اصلا لو حد عرف من اهلها
مش حيستنى يجلدها حيوئدها اصلا علطول
انا شايفه انها تقول للى حترتبط بيها والله وافق كان بها مش وافق
ربنا يرزقها هى اكيد لو تابت اصلا ربنا مش حيضيعها
المشكله ان الحكايه دى بيبقى البنت والشاب اللى ارتبطت بيه واهلها مشتركين فى الغلط ومع ذلك
عرفت المشكله وابعادها لكن صعب تحلها
ربنا يهدى شباب وبنات الامه

جميل اوي يا احمد تسلم ايدك يا جميل
موضوع شائك جداً ومن الصعب ايجاد ليه حل الا من صاحب المشكله نفسها
اللي ايديه في الميه يعني
انا رايي ان البنت والاسره عليهم دور كبير في اللي حصل ده
المفروض الاب والام يصاحبوا بنتهم بالذات لانها عرضه للغلط وخاصة لو كانت صغيره في السن
والتربيه عليها عامل كبير يعني لو كانت متربيه فعلا علي الدين من صغرها زي ماهو واضح مكنتش سلمت نفسها بالسهوله دي
في الاول والآخر ربنا يهدي الجميع ويحفظ بنات المسلمين أجمعين
تحياتي لك يابوحميد
وتمنياتي لك بدوام النجاح والتوفيق إن شاء الله