رقم محمول الرئيس


ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!!


حتي الأطفال ... أحبوا أن يكلموا ..عمو الريس .....


وطلبوا منه طلبات غريبة جداً .... عيبأقولها لكم ...!!!!

رقم محمول ... الرئيس ..!!؟

أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية

وقد صيغت الدعاية بعبارات جذابة وشيقة ...منها :

((إتصل برقم الرئيس ..وإنت وأهلك تهيص .... ))
((إتصل بالرئيس ... يكون لك خير ونيس ....))

ولم تنس الدعاية المرأة في هذه الحملة فكان منها ما يقول :

(( إتصلي بالرئيس .... وبكره يجيلك العريس .... ))

وكان للأطفال أمل الغد أيضاً نصيب فكتبت لهم إعلانات تقول :

(( كلموا عمو الريس .... قبل ما يموت ويفيص ))

هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...

وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...

جاءت ساعة الصفر .... وبدأت الخدمة ... وتلقي الرئيس عدة مكالمات :


المكالمة الأولي :

- ألو ....
- أيون ...
- إنت الريس ...
- أيون يا حبيبي ... إيه مشكلتك ....
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...
- بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!
- شكراً ياريس ..ربنا يخليك لنا ويخليك للوطن ... ؟


المكالمة الثانية :

- ألو
- أيون
- الريس معايا شخصياً
- أيون ... قول يا مواطن ... إيه مشكلتك ...
- أنا ياريس وغيري ملايين ساكنين في المقابر وتحت الكباري وفي عشش في ال ...في ال
- أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...
- فاهم فاهم يا ريس ...
- كمل يا مواطن ...
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...
- واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...
وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!
- طب ما تيجي ياريس تتعظ عندنا شوية ...
- إخرس ... يا ..(....)
دببببب ...
وتم غلق الخط ...


المكالمة الثالثة :

- ألو ....
- أيون
- الريس حبيبنا معانا ....
- أيون أيوه كده ....إيه مشكلتك يا حبيبي ...؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...
- أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...
- ياريس عايز أكون نفسي ...
- ما تكونها يا حبيبي حد حايشك ...؟!!
- أكونها إزاي من غير شغل ..؟؟
- إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...
دبببب ...وتم غلق الخط ....


المكالمة الرابعة ...

- ألو ..صباح الخير ياريسنا يا جميل ...
- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
- أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....
- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....
- ياريس ... نفسي أحب وأتحب ....
- يا مواطنة ... حب الوطن كفاية عليكي ....
- يعني أتجوز الوطن وأجيب منه عيال ..!!!
- يوووه ... إنت مش عجبك كلامي طيب ...
دبببب .. وإنتهت المكالمة ....



وأخيراً ... حد عايز الرقم يطلب ويجرب ..... يتصل بي أويكتب لي...وأنا مش هعطهوله طبعا ....

بشرط يقول حيقول للريس بتاعه إيه لو كلمه في التليفون ...!!! ؟؟؟

ههههههههههههههههههههههههههههههههههههه
لو قولت طلبى للريس ممكن احنا الاتنين نروح المعتقل
تحب اقولك طلبى ولا بلاش
هههههههههههههههههههههههههههههههههههههه

هههههههههههههههههههههههههههههههههههههههههههههه
التوبيك رهييييييييييييييييييييييييييييييييييب يا ليدو يا حبيب قلبى

انا كمان زى عمرو اعتقد ان اى حد لو اتكلم و قال طلبو ليدو هيكون زعيم القاعدة و نروح كلنا ابو زعبل

انا هقولو عايز اسافر برة
اعتقد ماهيصدق يرتاح منى مش هيقولى بلدك اولى بيك


شكرا ليدو حبيب قلبى على التوبيك الرهيب دة

ههههههههههههههههههههههههههههههههههههههههه
انا هفضل اعاكس فيه
وااقلد صوت بنت
هجنن امه معايا زى ماهو مجننا
جاااااااااااااااااااااااااااااااااااااامد ياليدو
ياصباح الدماغ العاليه
قوووووووووووووووووووووووى
بجد موضوع مترقع

هههههههههههههههههههههههههههههههههههه


حلوه ياليدو

انا بقى مش عايز الرقم
عشان لو خت الرقم هلعن ابو اللى جابوه وهقوله انى بسببه كرهت الرئيس الراحل انور السادات عشان خلى واحد ذيك يمسك البلد وانتا كبيرك تمسك مراجيح فى مولد النبى والعيال الصغيره تضحك عليك وتركب وتتمرجح وتنزل تجرى عشان انتا اساسا واحد حافظ اسمه بالعافيه من كتر ما بيشوفه فى الجرايد والتليفزيون

لو كلمته ياليدو ابقى قوله الكلمتين دول

سلام اشوفك فى الزنزانه

ههههههههههههههه حلو اوى انا عايزة عشان اطلبة واشكرة على الحيلة المرفهة اللى معيشنا فيها طبعا كلنا عارفين الحياة دية انا بقة نفس اشكرة عليها

يعيش الحكومة انا مبسوط من الحكومة اوى الحمد لله والاسعار رخيصة اوى اوى والرغيف كبير والمواصلات فاااااااااااااااضية والشقق كتيرة وكل شوية تقولوا فكوا الحزام

ههههههههههههههههههههههههههههههههههههه

وش بيعد الردود

أكيد كلكم معايا ياحلوين
مرسيى كتير لردودكم الهايلة دى
نورتوا التوبيك ياحلوين

يلا هووووووووووووووووووبا

ههههههههههههههههههههههههههههههههههههههههههههه
انا مش عايزة اكلمه اصلا وهكلمه
ليه
دحنا بحبه حب
مولقش
ميرسى يا ليدو على الموضوع الجميل ده

انا لو كلمته هقوله يريس يحبيبنا
انت تعبت و سعر الدوا فى الغلا كل يوم
هاتنى ماكنك و انا اجيبلك الدوا و عليه 50 دولار هديه


هههههههههههههههههههههههههههههههههههه

موضوع جميييل جدا
و يا رب مش يتقبض عليا
انا بكره اسرائيل و بحب مصر

ههههههههههههههههههههه
الله على حبك يادولى للريس
تسلم إيديكى ياعثل لردك الجميل
نورتى التوبيك يادينا
---------------------
ياسلام عليكى يامشمشة
هههههههههههههههههههههه
تسلم إيديكى ياعثل لردك الجميل
يارب تفضلى منورانى فى مواضيعى
نورتى التوبيك ياعثل
----

مش هقدر أقول غير كلمة شكر لردك

بس عاوزك تعرف معنى كلمة toz

معنى كلمة toz (ملح) ياريت تكون عرفت

موضووووووووووووووووووع تحفه يخربيت عقلك يا واد

انا بقى طلبى ................ممممممممممممممممم

ولا بلاش ده هاياخد وقت كتير اوى عشا اقوله

تسلم ايدك يا حبى

[/color]

[color="#ff8c00"]

هههههههههههههههههههههههههه
تسلم ايدك ياليدو على التوبيك الرائع ده
بصراحه الموضوع جميل اوى والردود تجنن
انا حقوله يابخت من زار وخفف
قصدى من حكم وخفف
وكفااااااااااااااااايه اوى كده احنا تعبناك معانا
لازم تاخد اجازه تقضى فيها اخر ايامك بعيد عن وجع الدماع بتاعنا ومشكلنا

ya salam ya ledo 3ly mawde3k el Gamda , Topic Hayel ya 3sal

ana law Talbt el Rayes Met2al 2sdy el Rayes Beta3na , 7a2ool 2ny kol 7aga zay el fol , el 3esh gamil , kol el nas la2ia sho2a2 w kaman kol 7aga R5esa awy , w el shabab kolo sha3'al ya salam , we 3amar ya Masr

Hashtekna W Bashtekna Ya Rayes

بجد بجد بجد مش عارف أقولكم إيه
ردودكم تجنن والله ياحلوين
(عبد الحميد - إسراء - أحمد )
ألف ألف ألف شكر لردودكم الجميلة دى
ويارب تفضلوا منورنى دايما فى كل مواضيعى
نورتوا التوبيك ياعثاثيل