رموز حيّه لأناسٍ هم لنـا قريبون . .
| ! [ حيـاتنا. بألـوانهم ] ! |
خُلقنا على وجه الارض . . بلا ألوان نتميّز بها .
فهم من خلقوا لنا تلك الالوان . . ونحن من نعشق بعضها . . لنعكر صفو الاخرى .
حياتنا في الصغر . . حين لم يكن لنا غير . [ الاسم . الملامح ] لكـي يميزونا عن غيرنا من الاطفال .
فكنـا كتلك اللوحه الجميله . ولكن . بلا الوان .! وتمر بنا المراحل لنتلون . . ونختلف بشتى الالوان عن غيرنـا ^_^ -
فـي هذه الصوره . . اللي هي رمز . . لكل طفل . . ولكل واحد منا . ملامحنا محدده . . واسمنا صار معروف . . ولكن ما نعرف ولا الغير يعرف . . كيف بنكون في المستقبل .. وباي لون بنكون .!
الوالديـن . . والقرايب . امثال الجد والجده. العم والعمه . حتى الخال والخاله . !
هم مثل الالوان العريضه في حياتنا .. اللي يحددون لنا قواعدنا ومبادينا
الناس اللي حولنـا . .كثير.. ما نعرف الزين منهم والشين ..
لهم في حياتنا تأثير . . اللي نشوفه ملتزم .. يخلينا نفكر بحلاوة الايمان . ونتوق باسبابه للآخره . . وذاك اللي ملتهي في حياته . . بلحظات ضعفنا نقول يا حلاة هالحياه المرفهـة =) . . وحدة مجتمعنا.. الصالح فيه والطالح
أصدقـائنا . . اخوانـا فـي هالدنيا الفانيه . !
البعض منهم يكون مثل الاكسجين في حياتنا . . . هو الرفيق وهو الاخ في الوحده. !
و البعض الاخر مثل السم القاتل .. بكل برود يتسلل لحنايا الجسد . . . .
أمـا المستقبل [ شريك حياتنـا ] . . له الف لون ولون . . مرات باسبابه نشوف الدنيا اروع من الروعه . . نعشقها ونحبها .. بس لانه هو موجود فيها . !
وأحيانا . . نحس الدنيا تكتم علينا بقسوتها . . لانه هالحبيب زعلان علنا . . متضايق . . او حتى الحياه وياه صارت غريبه وممله . .
العـذال . . ورفقاء السوء . وبعض القلوب السودا في مجتمعنا . ناس بالفعل تحس فيهم بسوداويه . غريبي الاطوار . . يسعون في هالدنيا تعكير صفو بعض العلاقات . . او تشويه سمعة بعض الامور .! هالناس في اغلب الاحيان يخلونك تطيح من عين نفسك .
الأطفال . . منو منـا ما حلم بنونو . . يحمل اسمـه . . وملامحه و صفاته . .
نونو نعوض فيه اللي خسرناه فـي طفولتنا . . ندلعه وندلله . . ونعلمه ان الحب شي اصلا موجود بنفوسنا . ما يحتاج نترجاه من الغير . . ونردد فـي خواطرنـا [ ليش انا ما يحبوني ] .
وهـذا مجتمعنا حبايبي . . خليط بين العائله . الاصدقاء . العذال وضعاف النفوس . الاحبه . . والمستقبل الواعد
بدت مرحله تلوين حياتنا . . اللي تبدا من الوالدين . . والمحيط العائلي بشكل عام . هم اللي يحددون لنا سلوكنا . ويخلونا فـي حدود نعيشها طول العمر . كالدين والعادات والتقاليد
طبـعاً . . العذال من صغرنا هم موجودين . . منهم رفقاء السوء . . ومنهم اللي يحط في بالنا افكار غير عن اللي ربينا عليها .. ! هنيه تخترب الصوره اللي انكتب لنا نكون فيـها .
لكن . . اغلب الاحيان .. نقدر بالاطباع اللي رست فينا . . والاصول اللي تربينا عليها نمسح هالافكار اللي تشوه افكارنا .
هنا تبدأ مرحله دخول الاصدقاء حياتنا . . فتزيد الوانا نور وحبور . . نلقى فيهم الصدق ونعرف الحب . . هنيه تبدأ حياتنا بالنضوج . فنعرف انه الحياه بالوانهم أحلى.
وبعدهـا . . نشوف العشق . . ونتعلم فنونه على ايد الشخص اللي تنكتب لنا الاقدار نعيش وياه . ويصير المستقبل اللي ما يكتمل الا ويـاه . [ شريك الحيـاة ]
أمـا الاطفال ومستقبلنـا . . هم اللي يلونون لنا الشي البسيط بألوان حلوه و مليانه فرفشه ومرح . . ولكنها اكبر في نفوسنا .
هم اللي نكون مسؤولين عنهم جدام رب العباد . . فنحاول بقد ما نقدر نحسن لهم . . عسب نلاقي الاحسان بالمثل
اكتملت حياتنا . . وتلوينها بالوانهم زادها نور و جمال . . هنيه الانسان ينفند عن غيره .. بالالوان اللي تشكل فيها . وهنا الانسان ينعرف من حيث الوانه .. اللي اقصد فيها .. افكاره و اطباعه و تجاربه في الحياه
ولكن . . همستـي الاخيره . . لازم نخلي لكل شي حدود . . ! وما نبعثر هالالوان اللي خذناها منهم فـي حياتنا . .
أعزائـي . .
هي حروف قليله . . وهي معاني قد تكون ضعيفه . . ولكن . . بالفعل نحتاج لتلك الوقفه لنعيد تلوين حياتنا . . بألوانهم .. فلا نأخذ منهم الا الطيب .. ولا نترك الا الشئ الذي لا ينفعنا بل يضرنـا .
احبائي . .
لا يسعني هنا الا ان اسألكم ان تصفو النفوس وان تراجعو قراراتكم في الحكم على الاخرين . . فهذه الدنيا لحظتين . . فيها نحزن و الاخرى نفرح .. فاا جعلوا الحزن بعيد عن من تحبونهم والفرح الا في وسط حناياهم ..
::
مخ ـــــــــــــطووووف
::
