كلنا زماااااااااااان سمعنا قصص كتييييييييير و مكناش بناكل و لا بنام و لا بنشرب غير بيها و يمكن كمان و احنا كبار لسه بنحب نسمعها على الاقل بنفتكر ايام زمان
مين مسمعش و مش فاكر
كان فيه واحدة ست
عندها اتناشر بنت
يوم قلولها يا ماما
ناكل توت يا ماما
جابت لهم توت
فى وابور بيقول توووت
و لا حدودت الولد الي ركب الحصان
وبدا الحصان يجرى
درجن درجن درجن
وفضل يجرى
درجن درجن درجن
وهنا شعر الولد ان الحصان يجرى
درجن درجن درجن
وممكن نملا كراستين درجن درجن بضمير مرتاح
عشان كده انا قولت كل واحد فينا يقول حدوته حلوه و جميله للاطفال و نجمع هنا كل الحواديت الي اتربينا عليها
كان يا ما كان و لا يحلى الكلام الا بذكر النبى عليه الصلاة و السلام
.gif)
كان فيه ملك من كتر ما عنده كل حاجه و مش محتاج حاجه زهق و بقى مكتئب و حزين و ما فيش حد من المضحكاتيه عارف يضحكه
راح الملك متنكر و غير شكله و نزل السوق و هناك لقى بيت فقير و فيه شمعه منورة و راجل بيغنى و مبسوط استغرب جدا هو مبسوط ليه .....
فخبط عليه قال مين الملك قاله انا عابر سبيل قاله اهلا و دخله و عزمه على الأكل وكان رغيف و حته جبنه الملك سأله انت مبسوط ليه قاله و ما أبقاش مبسوط ليه انا صحتى كويسه و ضميرى مرتاح ,,,الملك سأله انت بتشتغل ايه قاله انا نجار ....
المهم روح الملك و تانى يوم أمر وزيره انه يقفل كل دكاكين النجارين و بالليل راح لصاحبنا لاقاه منور شمعتين و بياكل بيض و فول و بيغنى برضه ....سأله ازاى و انا سامع ان الملك قفل دكاكين النجارين ....
قاله و ماله انا ما سكتش دورت على شغل و اشتغلت فى دكان حلاق ....المهم تستمر الحدوته و كل ما يشتغل فى حته الملك يقفلها له و مع ذلك احوال الراجل الغلبان بتتحسن و لسه مبسوط لحد ما قفل الدنيا كلها و راح له لقاه بيغنى برضه و قلب بيته خالص و بياكل لحمه و فراخ استغرب الملك جدا ,,,,,
و بعدها عرف ان الدنيا لما قفلت فى وش الرجل راح يصطاد طلعت له سمكه بيفتحها لقى فيها خاتم باعه و اشترى بيه اكل و جدد البيت لأن ربنا هو اللى بيرزق و ما حدش بيتدخل فى رزق حد
..... و توته توته خلصت الحدوته .....حلوة و لا ملتوته
