لو انا واثق منها هتجوزها هى مرتكبتش شرك لما دخلت منتدى

من الموضوع انا مش شيفه ان البنت غلطت او عملت اى حاجه
هى عمله المواضيع على العام مش حاجه خاصه
يعنى الكل يقدر يشفها
وده يثبت انها بريئه
اما صاحب الافندى العريس ربنا هيجزيه بعملته لانه دمر سعاده وحده بريئه
على اعتقادى طبعا

اولا اشكركم على الردود يا جماعة

وفعلا يا كارم اهم حاجة الثقة في الموضوع ده

ويا اخت شهرزاد ردك جميل جدا وانا عن نفسي شايف فعلا انهما معملتش حاجة غلط

بس برده لو هيا بتكتب المواضيع على العام ده ميدهاش الحق انها تضحك وتهرج

في الردود مثلا لو هيا واثقة من نفسها وعارفة هيا بتعمل ايه فغيرها مش واثق ومش عارف

وهيفتكر حاجة تانية واظن انتوا فاهمين كلامي المفروض دول مهما كان شباب غرب عنها

وده مينفعش في وجهة نظري

لكن ده ميمنعش انها تشكر اللي ردو على موضوعها او تشكر ناس كتبوا مواضيع تانية

وطبعا كل ده في حدود الأدب والأحترام علشان ميقللش من قيمة البنت في نظر الشباب

لأن مش كل الشباب اللي بيدخلوا النت كويسين وفي منهم بيدخل على سبيل التعارف

وعمل علاقات وبس...لأن كل حاجة في الدنيا في منها الحلو وفي منها الوحش

لكن زيادة عن الحد مظنش انه هيكون كويس

ولو كان الحب فيه ثقة زي ما كارم قال

الحب برده في غيرة وشك والغيرة والشك لو زادو هيغطوا على الثقة وهيضيع كل حاجة ولا

ايه رايكوا؟؟؟ واظن ان العريس ليه حق يشك ويغير بعد ما شاف ردودها لأن اكيد فيها

كلام معجبوش؟؟؟؟

عموما ده رايي واكيد هيكون في اختلافات في وجهات النظر

واحنا في انتظار باقي الردود

انا رائي ان البنت لو واثقة ان الي هيا بتكتبوا متعداش الحدود
وانها مبتعملش حاجة غلط خلاص
ثانيا مش كل بنت بتدخل النت يبقي لازم ليها اصحاب ولاد دة راجع لتربيتها في البيت لو هيا مترابية صح يبقي مش هتعمل حاجة غلط
ولو هيا مبتعملش حاجة غلط يبقي اكيد العريس مش هيشك فيها ابدا
الا لو كانت كاتبة حاجة عدت فيها حدودها ساعتها يبقي لية حق

وشكرا للموضوع ياشريف

انا أظن ان نظرة المجتمع للنت هي نظرة خاطئة مبنيه على الافتراضات والجهل
مش معنى كده ان النظره ده ملهاش أساس لا.......
فيه فئه من الناس بتستعمل الانترنت في اشياء لا أخلاقيه
و ده الي خلى الناس تنظر الى النت على انه بيبوظ الاخلاق
و ان مستعمليه هم ناس مايعين و منحلين أخلاقيا.
لكن ده مش صحيح
كون ان البنت او الولد بيستعمل النت مبيعنيش بالضروره انها او انه وحش
فالنت هو مجرد وسيله و أخلاق المستعمل هي الي بتلعب دور في توجيه هذه الوسيلة
و مش لازم نحط كل مستعملي النت في نفس الكفة .

و البنت الي بتستعمل النت خاصة المنتديات وبتكتب مواضيع هي كأي بنت بتكتب في جريده او مجلة
ومن أداب التعامل مع الاخر انها تشكر الناس على ردودهم و تفاعلهم مع مواضيعها
و ما اظنش انه فيه واحد حيفسخ خطوبته عشان خطبته بتشكر واحد على رده في الجريده

بس برده لازم يكون في حدود الادب و اللياقة لأن الي حيشوفوا الرد مش كلهم كويسين
وعشان ميتفسرش ردها تفسير خاطيء

اما فيما يخص استعمال النت تحت اشراف حد ثاني فما اظنش انه حيجيب فايده
لان اخلاق الشخص و ضميره هما الرقيب و المشرف الوحيد الفعال ، و اذا كان المشرف ده بايظ أكيد مش حينفع 100 مشرف غيره و الا مكناش ارتكبنا المعاصي واحنا عارفين ان ربنا ميرقبنا.
وزي مبنقول في المغرب " الي ما احضي راسه ما يحضيوه الناس"


اما فيما يخص بالسؤال 6 فأظن اني غير مؤهله للجواب عليه كوني بنت
بس أنا مع كارم في كون الثقه أهم شيء

على العموم ده رأيي الشخصي و يحتمل الخطأ

والله الموضوع فى منتهه الجمال وشكرا لك
:36_15_1:

هل تتزوج من فتاة تدخل النت ?

ههههههههههههههه

بجد متأسف على الضحكه ... بس انا ليا سؤال بسيط .. ياترى هى بتدخل مكان محرم ؟؟

اما لوعلى حكايه انها تكتب فى منتديات وتشكر الاعضاء اللى بيردو عليها واوقات بتهزر معاهم ..

فأنا ليا سؤال تانى

هل ستتزوج من الفتاه التى دخلت الجامعه او مدارس مشتركه ؟؟

اظن دى اكتر كتير من النت .. اكيد اى بنت فى الجامعات بيكون ليها كلام ولو بسيط مع اى شاب ع حدود الصداقه وتقريبا نص البنات بيهزرو عادى مع الشباب برده كأصدقاء ..

ايه ياجماعه بطلو الكلام ده بئى

ااما بالنسبه لرد اكاتب الموضوع فى الجمله دى ( بس برده لو هيا بتكتب المواضيع على العام ده ميدهاش الحق انها تضحك وتهرج )

انا مش معاه خالص .. هى حقها تعمل كل اللى عايزاه بس حدود الاحترام

مدام هى واثقه من نفسها يبئى خلاص .. وياجماعه مفيش حد بيسلم من الانتقادات ..

يعنى لوهزرت ... فى اللى هيقولو البنت دى لذيذه .. فى اللى هيقولو انها بتستخف .. فى اللى هيقولو زى م العريس قال ..

وبرده لواكتفت بالشكر فى اكيد حااجات كتير ناس هتقولها .. اهم حاجه ثقتها هى فى نفسها وفى انها مش بتعمل حاجه غلط


اما بالنسبه للاسئله الللى فى الاخر

1- ايه هيا نظرتك لبنت الأنترنت ( زي ما بيقولوا عليها) وانا اقصد البنت اللي بتستخدم النت؟؟؟

بنت عاديه جدا .. ممكن تكون كويس .. وممكن مش كويسه ..

2- هل يعني ان دخول البنت النت وخصوصا المنتديات ومخاطبة الرجالة والشباب من خلال المواضيع

والمشاركات...هل ده يعني انها بنت وحشة ومش كويسة ؟؟؟؟؟؟

اكيد لأ

3- يا ترى في نظرك... اي بنت بتدخل النت لازم يكون ليها صديق او... او... ؟؟؟؟؟؟؟؟؟

مفيش حاجه اسمها لازم .. ممكن اه وممكن لا .. وده العادى بتاع الدنيا

4- ايه هيا الحدود في نظرك اللي لازم البنت تقف عندها..علشان النت ميبوظش اخلاقها؟؟؟

الحدود بتختلف من شخص للتانى ع حسب تفكير كل انسان ... عشان كده رأيىمش هيكون مهم اوى واحتفظ بيه لنفسى

5- ايه هوا الخط الأحمر في نظرك اللي لازم البنت تقف عنده وتقول للنت ( وداعااااا)؟؟؟؟؟؟؟

انها تحس انه ممكن يأثر ع حياتها بأى طريقه ..

6- انت كشاب بتدخل الأنترنت وبتكتب في المنتديات... هل توافق وترضى حد من اهل بيتك

زي اختك او والدتك انهم يدخلوا النت تحت اشرافك او من غير اشرافك او ممكن تمنعهم خالص؟؟؟

لو مش هسمح ليهم انهم يدخلو نت عشان ميتعرفوش ع حد مثلا وميكتبوش فى منتديات يبئى الاحسن ليا انى امنعهم من الخروج واروح معاهم جامعاتهم واصاحبهم فى كل مكان

وميرسى ع الموضوع

اولا اشكرك جدا يا القيصر العاشق على مرورك وردك

واحب بس اوضحلك بعض النقاط المهمة

اولا انا قلت ان اهم حاجة الثقة فلو البنت واثقة من نفسها حتى لو كانت بتهرج وبتضحك

مفيش مشكلة لكن المشكلة في الناس اللي هتفهم غير كده تمام كده

وموضوع الجامعة وكده ده مكان ودار علم والرسول وربنا وصوا على العلم

واطلبوا العلم ولو في الصين... لكن هل يعتبر المنتدى والضحك والتهريج فيه مكان علم؟؟؟

يا اخي الفاضل في فرق شاسع ما بين علاقة البنات بالشباب في الجامعة وبين علاقاتها معاهم

في المنتدى.... في الجامعة البنت مجبرة لأنمها رايحة تطلب العلم والدين مقلش عندنا حرام انها

تطلب العلم من راجل او من ست او من شاب او من بنت فده امر محتوم عليها

لكن المنتدى هيا مش مجبرة تدخل وتكتب وتهرج والكلام ده لأن زي ما قلت مش كل الشباب

اللي بيدخلوا المنتدى كويسين وفيه مينهم بيحبث عن الملذات وبس

انا عن نفسي ممكن ارتبط بواحدة بتدخل نت وتكتب في المنتدى لكن في حدود الأحترام والأدب

لكن ضحك وتهريج وعدم لا مبالاة حتى لو واثقة من نفسها مينفعش

لأن ده جرح لكرامتي انا ومظنش انك يا قيصر كمان تقدر ترتبط بواحدة كده ولا ايه رايك؟؟؟؟؟

عموما اشكرك مرة تانية على ردك وعموما هيا اختلاف في وجهات النظر

والخلاف لا يفسد للود قضية.........شكرا

رد رائع فعلا وانت قلت الخلاف لا يفسد للود قضية

بس احب اعلق على كام حاج صغيره

بالنسبه للجمله دى ( لكن هل يعتبر المنتدى والضحك والتهريج فيه مكان علم؟؟؟ )

اكيد المنتدى فيه اماكن مش مكان للعلم

وانا عايز افهم من رأيك المنتدى الاسلامى اتعمل ليه ؟؟

منتدى البرامج وشروحاتها اتعمل ليه ؟؟

منتدى ما وراء الطبيعه اتعمل ليه ؟؟

المنتديات الصحيه والطبيه اتعملت ليه ؟؟

وبالنسبه للجمله دى ( في الجامعة البنت مجبرة لأنمها رايحة تطلب العلم والدين )

مختلفناش .. بس ياترى هى مجبره انها تهزر او تكون صداقات عاديه ؟؟

سورى يامان بس انا اتحدى ان اكتر من نص البنات اللى فى الجامعات وغيرها اكيد هيكونو كونو صداقات مع شباب ورهانى ان كتير اوى منهم افتكرو انهم فى مره حبو بجد

اما بالنسبه لـ ( ومظنش انك يا قيصر كمان تقدر ترتبط بواحدة كده ولا ايه رايك؟؟؟؟؟ )

فانا قلت فى ردى بالنسبه للحدود اللى البنت لازم متتعداهاش

( الحدود بتختلف من شخص للتانى ع حسب تفكير كل انسان )

يعنى رأيى مش هيكون زى رأيك.. ولو البنت فى رأيى متعدتش حدودها يبئى مش هيكون عندى اى مانع من انى ارتبط بيها ..

وميرسى جدا على المناقشه اللذيذه دى

والله يا قيصر انت دمك زي العسل وعاجبني رايك جدا جدا

بس انا مكنتش اقصد ان المنتدى بانه مش مكان علم لأ

انا ااقصد انه مينفعش نقارن المنتدى بالجامعة دي حاجة ودي حاجة

لكن طبعا المنتدى فيه معلومات كتير جدا تهمنا ولازم نتعرف عليها وكل حاجة

وكلامك مزبوط والله بالنسبة للبنات اللي في الجامعة فعلا كلهم بيتعرفوا وبيكملوا وبيعشوا

قصص حب لكن ده ميمنعش ان فيه منهم كتير جدا كويسين وعقلهم متفتح اكتر من كده

عموما اللي عاوز اوصله في النهاية ان الجامعة والمستقبل امر محتوم علينا

لكن المنتدى مش امر محتوم علينا

علشان كده كتبت موضوعي ده يا باشا علشان اعرف راي الناس فيه

لكن اعملك ايه بقى دخلت حوار الجامعة والكلام ده هههههههههههه

عموما اشكرك جدا على ردودك ويا عم خلينا نسكت شوية علشان نشوف الردود

الباقية ونعلق عليها

قشطة يا باشا

ههههههههه

ماشى ياعم هسكت خالص

وشكرا على متابعتك واهتمامك

انا راى مفيش علاقه جواز بتنفع عبر النت وطبعا دة لغموض كل من الشخصيين مهما كان علاقتهم ببعض وكمان العشره دى اهم حاجه
ده راى وانا حره فيه
هههههههههه
شكرا للموضوع