انا بس عشان مبحبش التفرقة العنصرية وعاوزة اعرف وجهة نظر الولاد والبنات برضه الا لما بيشوفوا ولد بيدخن او حتي بيشرب شيشة عادى
لكن لو شوفنا بنت بتشرب سيجارة كارثة بجد كارثة ولا بقا لو كانت في ايدها شيشة ده فجر وفجور 
طيب يا جماعة ما من البداية اصلا السيجارة حرام للولد وللبنت يعني زى ما رسولنا الكريم قال (لا ضرر ولا ضرار)ليه بقابنحرمها علي البنت بس
؟؟؟؟؟بمعني اصح السيجارة او الشيشة ضرر للصحة ف ب التالي انت بتازى صحتك وصحتك دى اصلا مش ملكك دى ملك الا خلقك يبقا انت كده بتضرها وده حرام تمام كده اكيد انتو متفقين معايا في ده وانا كمان مقتنعة بده جداااا
تعالو بقا نتكلم عن المجتمع والعادات والتقاليد وهو ده الا جاية اتكلمه فيه معاكم
وياريت الا ناوى يتناقش يكلمني في ده ويشرحلي وجهة نظره اولا لو اتكلمنا علي العادات والتقاليد فيعني الناس الكبار هيوقولوا ايه قلة الادب دى في بنت تدخن طيب دول ناس كبار ولازم نحترمهم لكن لو شاب شاف بنت بتدخن وهو اصلا بيشرب بلاوى مابيحترمهاش وده علي لسان شاب مدمن سمعت الكلام ده منه اعرف انه مدمن لكن بيقول (انا محبش زوجتي تكون اصلا مدخنة ولا حتي تشرب شيشة)فحبيت اعرف وجهة نظره في كده ايه؟؟؟ كانت وجهة نظر غبية مع احترامي لوجهة النظر دى (ازاى كده بنوتة تكون قاعدة وماسكة في ايدها سيجارة او بتشد شيشة) اصلها كده بتفقد انوثتها هو انت بقا كده الا هتزيد رجولتك ارحمونا بقا من كلام حتي مش مقنع هو البنت لما تشرب سيجارة هتفقد انثوتها ازاى مكتوب عليها للرجال فقط ولا شوية وبتظره عليها ملامح الرجولة اصلها كده متحررة قوى يعني هي لما تلبس وترقص وتتدلع بتبقا حلوة ومش متحررة ومحترمة لكن لما تشرب بتبقا وحشة ومتحررة طب بزمتك دى وجهة نظر اصلا ماتزعلش يعني انت هو دى منظر بنوتة وهي لبسة كده او داخلة معاك الديسكو وبترقص كده ولا حتي وهي خارجة معاك وحاطة ميكب كده ولا انت عشان لسه رجل شرقي مصرى بتفكر لسه ان البنت انا الا اعطيها حقوق بس مش كل حاجة انا بعملها هي تعملها والا بقا مافيش فرق بينا الغريب بجد ياجماعة ان البيت الا هي الاسرة يعني ومش هقول كل الاسر عشان ماتقولوش اني بعمم لما بتعرف ان الولد بيدخن بيسكتوا لكن لما بيعرفوا ان البنت بتدخن بيقتلوها يعني هما مش بيجيبوا سكينة ولا حاجة بس بتبقا واحدة من اهم كوراث الزمن طيب ماابنكم بيدخن ؟
عجبت من تفكير الاهل دول يعني انت عارف ان ابنك بيدخن وساكت عارفين بيردوا يقولوا ايه طب هعملوا ايه يعني
بجد حرام والله حرام يعني ايه ياعم تعملوا ايه وبيكون تبريره ده (ولد)يعني هي دى كلمة السر مثلا مفتاح من مفاتيح الجنة
فعلا لاواصي علي قدرك يارب بس بقول رحمتك بينا
رحمة ربنا بينا اننا زى مابنعاقب البنت علي المصيبة الا عملتها نعاقب الولد علي ده ومانعتبروش رجولة منه انه يشرب سجارة انا فعلا اعرف ناس كده بتعبر اولادها رجالة لما تعمل كده ومش كلام بقوله في الهوا وفي اهالي تانية بيعتبروا دى مصيبة سواء بنت او ولد بس للاسف الاغلبية من النوعية الاولي
تعالوا بقا لحاجة غريبة قوى عن الولد وعاوزة اعرف وجهة نظر الولد في كده ايه تفكيرك وشعورك وانت بتشرب اول سيجارة ؟؟؟؟؟
بشعر اني رجل
ليه ؟؟؟؟؟؟؟؟؟؟؟؟؟
ليه الولد لما بيشرب سجارة او بيشرب شيشة بيشعر برجولته انا حتي تخيلت ان علبة السجاير مكتوب عليها( للاحساس ب الرجولة)
ياترى فعلا ليها احساس بتشعر بيه بعد مابتاخد اول نفس ولا دى سمة من سمات الرجولة اكيد هي مصدر من مصادرها والا مكناش سمعنا من سباب كتير في عمر صغير انا بحس اني راجل لما بشربها
وياترى ليه البنت بتلجا انها تشرب سيجارة ؟؟؟؟اكيد مش هقدر اعرف منكم لان لو حتي في بنت هنا علي المنتدى بتدخن هتنكر ده مش علشان ده بس حرام لا لمجرد نظرة المجتمع ليها انها بنت وبتدخن فعلا هي كارثة بس مش للبنت فقط
ياترى وجهة النظر دى ياشباب لنظرتكم للبنت الا بتشرب سيجارة هي نفس وجهة نظركم ليها وهي داخل كافيه تصوروا ان دى نفس النظرة في سباب كتير مابيحترموش البنت الا بتدخل كافيه لمجرد ان اسمه كافيه البنت دى اكيد داخلة تقابل طب ياعم لو داخلة ومش بتثبت ومعاها صاحبتها دخلت باحترامها وطلعت بنفس احترامها لالالا يبقا اكيد المرة الجاية هتثبت هو مصر علي كده ان البنت الا بتدخل كافيه مش محترمة
يمكن الحوار ده مش موجود في كايرو الا وهي القاهرة لكن للاسف الحوار ده موجود من الشرقية الاوهي الزقازيق بالتحديد واكيد اكيد لو في شباب هنا من الزقازيق هيقولوا اه فعلا الكلام ده صح لو انا شوفت بنت داخلة كافيه حتي لو الكافيه محترم والبنت محترمة يبقا اكيد البنت دى مش محترمة والكافيه مش محترم وده بجد بقا انا مش مقتنعة بيه عشان كده بسمعه من ناحية وبطلعه من ناحية تانية
ياترى ايه رايكم مين صح نظرة المجتمع للغلط ب النسبة للولد السلبية ولا نظرة المجتمع للغلط للبنت لمجرد انها بنت التفاعل والفضيحة والكارثة الكبرى
ياترى قدرتوا تفهموا وجهة نظرى وياترى معايا ولا \عليا؟؟؟؟؟؟؟؟؟
