أنا بصراحة كنت بموت فى كل كورة للكاميرون
بس الحمد لله إحنا كنا مسيطرين وأخد الكاس منهم
---


وإنت بقة كنت عامل إزاى ؟؟

أعصابــك كانت إيه جامدة ولا إيه بالظبط ؟؟؟

كله يخش ويحكيلى بقة



مبروك لمصر كلها

يلا هووووووووووووووووووووووووووووووووووبا

انا كنت اعد مقلق اوى
و عمال اقراء قران و اقول يارب

و الناس كلها واثقة اوى حواليا
و يتصلو باصحابهم ويتفقو هيتقابلو فين بعد الماتش علشان يحتفلو
و انا يا جماعة ازاى الثقة ديه و كدة
يقولو ماحنا هنكسب

اول ما الجون دخل
ببص لقيت نفسى واقف فوق الكرسى و عمال اتنطط
و اعدت احضن فى صحبى و وقعنا على الارض و حضنت فى واحد جنبى ماعرفوش

و الناس بدأت ترش اسبراى و فضلنا نغنى لغايه اخر الماتش

( كنت بتفرج فى قهوة )

أنا أول ماجون أجة

هعيط والله ياحمدوووتى

وفى حظى كنت عند زبون غلس بصلح الدش بتاعه

فضلت أتفرج على الماتش كله على السطح

ثانكس ليدو علي التوبيك الجامد
و معلش بقي علي كورس التعذيب اللي اخدته
ده مفتري اوي طول المتش علي السطح
بس اكيد الفرحه نستك التعب

انا بقي كنت بتفرج علي المتش في النادي الاهلي انا و اصحابي
و رغم اني كنت شبه متاكده ان مصر هتكسب ان شاء الله بس كنت قلقانه جداً
و اتحرق دمي لما متعب ضيغ الفرصتين اللي كان فيهم هو و الجون لوحده تقريبا
بس لما مصر جابت الجون فرحنا جدا و اعدنا نغني كلنا
و الناس ولعت نار و صواريخ وهيسوا علي الاخر
و بعد المتش اتصورت ان و اصحابي عشان نفضل فاكرين اليوم الجميل ده علي طول

ana kont masek tabla bsara7a :$

w kont 3amal atabel wel nas t2ol masr , bas makontsh 5ayef w kont wasek fel foz ma3rfsh leh

جامد قوى التوبيك ده ياواد ياوليد
انا بقى كنت بتفرج فى الاوضه عشان انا عصبى جدا فى الكوره
مينفعش اتفرج مع حد
وفضلت واقف قدام الشاشه حوالى 70 دقيقه
اعصاب مشكله يعنى
ولما ضيعنا الاجوان الكتير بصراحه قلقت جامد جدا
واكتر وقت قلقت فيه قوى
لما جبنا الجون وابدا ياامن حسن شحاته
وينزل ابراهيم سعيد وشوقى
والكاميرون ابدات تمسك كوره
لو كان دخل فينا جون الوقت ده كانت هتبقى مصيبه يعنى
بعد كده بقى
جالى اتصال من واحد هنا فى المنتدى
كنت خلاص عملت دىجى فى بيتنا
ونزلنا خربنا الهرم بقى
وجامعه الدول
مبروووووووووووووووووووووووك
وشربات رقصت فى الشارع ياليدو

( أية - محمد - روقا )

مرسيى بجد على ردودكم الهايلة دى

ويارب أقدر أجبلكم مواضيع أكتر وأكتر

نورتوا التوبيك ياحلوين


إنتظروا مفاجأتى بعد قليل

الموضوع ده حلو اوي
بس انا مش فاكره غير ان بنت عمي اللي كانت قاعده جانبي اتهرت ضرب
من كتر التوتر اللي كنت فيه
واول ما جه الجون طرت من الفرحه
حسيت بانتماء عمري ما حسيته قبل كده

شكرا ليك علي موضوعك الجامد ده