الاحلام
الاحلام تعتبر من اجمل الحاجات اللى فى حياتنا واللى بتساعدنا على الاستمرار
ممكن الحلم يديلك امل او سعادة هى اللى بتخليك تستمر
والاحلام - من وجهة نظرى - انواع
فى احلام صغيرة على القد وفى احلام تانية كبيرة وعظيمة
فى احلام تافهة - طبعا بالنسبة لبقية الناس - بس بيكون ليها اهمية عند اصحابها
وفى احلام تانية عظيمة ودى بقى بتدى اهمية وقيمة لاصحابها
فى ناس حلمها ممكن يكوم شقة عربية او حتى اكلة - لو واحد طفس شوية - او خروجة
وفى ناس تانية احلامهم ارقى شوية
بيحلموا انهم يبقوا حاجة وانهم يفيدوا مجتمعهم والناس من حواليهم
بس فى حلم لو عند واحد يبقى اكيد هو الأرقى بين الناس كلهم والحلم هو
الجنة
اخر نقطة احب اتكلم عليها ان الاحلام بيكون ليها معنى لو انت بتحاول تحققها وبتتخذ خطوات من شأنها انها توصلك للحلم بتاعك
نفسك تبقى اكبر رجل اعمال يبقى تذاكر عشان تنجح وبعدين تفكر حتشتغل فى ايه وازاى تتطور نفسك وهكذا
يعنى تعمل تطبيق عملى للحلم عشان يبقى واقع
وفى الاخر تخيل لو حلمك الجنة وانك بتعمل على تحقيق الحلم ده
انت حتبقى عامل ازاى ؟؟؟؟؟؟؟؟؟؟؟؟؟
اكيد حتكون انسان احسن
انسان فكرك راقى و واضح
لان حلمك هو اعظم حلم

ياريت الموضوع يعجبكم
وابقوا افتكرونى بالردود

اكيييييد مفيش انسان مسلم مش بيتمنى الجنه
بس احنا برضه لينا احلام فى الدنيا ديا
انا مثلا بحلم انى اكون حاجه كبيره قوى فى مجالى اللى انا اخدت اول الخطوات ليها
وبحلم بجد انى اكون عضوه فى منظمه اليونسكو او منظمه الصحه العلميه "بليز محدش يضحك" هيا الاحلام بفلوس
وميرسى على التوبيك الرائع ده ياكريبتون
ويا ريت تقولنا انت بتحلم بايه...... وكل اللى يدخل يقول على اللى بيحلم انه يحققه
سلاااااااااااااااااااااام

شكرا اوى على ردك
انا اقصد الجنة كحلم كبير يشغل حياتك كلها
واكيد فى احلام تانية هدفها الاول والخير خدمة الحلم الكبير بتاعك
وانا عن نفسى عايز اكون من اكبر المهندسين المدنيين وانى اكون مسئول عن مشروعات عالمية

ايه يا شباب انتم مستكترين الرد ولا ايه
قولوا اللى فى نفسكم
الموضوع عاجبكم و لا لا
المهم يكون النقد بناااااااااء

طبعا اكدي كلنا بنحلم بالجنة اوعدنا يارب
اما حلمي في الدنيا اني يكون عندي مكتب محاسبة خاص بيا حاجة كده زي حازم حسن ومن غير ضحك يا كيري علشان مش ازعل

اللى يضحك على حلم غيره
يبقى اهبل يا مولا
و انا طبعا بحترم حلمك و ان شاء الله تحققيه
بس المهم متنسيناش

اكيد كلنا بنحلم بالجنة
ياااااااااااارب اجعلنا جميعا من اهل الجنة

حلمي في الدنيا
اني ابقي معيدة في كليتي وبعدها طبعا اكمل المشوار والدكتوراه وكدة
والحمد لله ربنا موفقني في دراستي في الكلية وبعمل اللي عليا عشان احقق الحلم دة
ادعووووووووووولي بقي


ميرسي يامحمد عالتوبيك

مفيش حد مبيحلمش بالجنه
انا بحلم اخلي حبيبي دايما مبسوط
مش مهم اي حاجه تانيه
ميرسه عالموضوع يا محمد
وحاحتاجك بقي لما تتخرج

شكرا لردك يا ترو
و ربنا يوفقك
و تحققى حلمك

ماشى يا كتكوتة
ربنا يوفقك يا ستى
بس حتحاجينى فى ايه
ناوية تهدى حاجة

اه مجمع المحاكم و ميدان التحرير
حابني مكانه تمثال ليا

موضوع حلو اوى ياكيرى وطبعا بعد حلم الجنه اللى مفيش كلام بعده
انا بقة نفسى اقابل حب حقيقى بجد من غير خداع ويكمل على خير طبعا ونفسى يكون عندى اطفال
ونفسى انجح اكتر فى شغلى وابقى محاسبة كبيرة وكفايه كدة بقة
انا حاسة والله ان احلامى مش صعبة بس ياريت تتحقق

ع فكرة موضوع حلو اوى ياكريبتون
واكيد كلنا بنحلم بالجنه بس اكيد بنسال احنا عملنا ايه عشان ندخلها
وانا من احلامى ال نفسى احققها انى اكون
وزيرة الماليه ومرسيييييييي ع التوبيك الهايل دة

هههههههههههه
من عنيا يا كتكوتة
انتى تأمرى

شكرا لردك يا دولى
و ربنا يوفقك فى تحقيق احلامك

مشكور يا بندقة على ردك
و اشمعنى المالية
المهم تبقى تظبطينا
ههههههههههههه
نورتى الموضوع