هاى ازيكم انا جديدة معاكم هنا فى المنتدى بس حبيت احكيلو مشكلتى لانى بجد محتارة مش عارفة اعمل اية وجتلكم وانا متاكدة انك هتسعدونى وتقولولى اعمل اية مشكلتى انى حبيت واحد وكنا كويسين اوى اوى اوى اوى اوى اوى فوق ما تتصوروا مع بعض يمكن انا كنت بحبوا اكتر وكنت كل ما اقول كدة يقولى الايام بيننا فضلنا فترة كدة مع بعض وبعدين فىيوم قولتلو على فكرة انا قولت لماما وكنت مبسوطة اوى اوى اوى وكنت فكراه هيبقى مبسوط اننا قولنلها لقيت العكس المعاملة بدات تتغير كل شوية طريقة الكلام بتتغير يوم بعد يوم وفى يوم بقولو هو انا عملتلك عشان تعملى كدة او تعاملنى المعملة دى بيقولى بمزاجى وبعدين بيقولى انتى بتعملى من دماغك انا بجد بجد والله ما كنت عايزة حاجة منوا غير انو يتعرف على ماما ودة بردوا اللى ماما كانت عايزاه وهو رفض وبيقولى انا كنت عايز اعرف ماما عليها فا بقولو واية يعنى لما تعرف مامتك دلوقتى غير وقت تانى قالى هو كدة بمزاجى سكت وفضلت شوية كدة ما اكلمهوش وبعدين كلمتو فى البيت رد عليا اخوه قالى دة هو مش هنا ومش عارف اية مع انو كان لسة فاتح ايميلو وكدة فابيقولى دة هو والله مش هنا فا انفجرت فى العياط وانا بكلم اخوه عد كدة البيه راجع بيقولى احنا مش هينفع نكمل مع بعض ونكون اخوات وكدة فا قولتو ازاى نكون اخوات واحنا اصلا بنحب بعض وكدة قالى انا سمعت كلام من صحبى انك كنتى بتحبيه وهو قالو انو لما يجيى يفكر يرتبط بواحدة يبقا يرتبط بواحدة هو مكنش عايزها فا صحبتى تبقى بنت خالة الولد اللى هو كان بيقول انى كنت مرتبطة بيه وكدة وقالتلى دة بيكدب عليكى وبن خالتى مقالش الكلام دة اللى انتى بتحبيه دة كداب وكدة ولما رحت قولتلو الكلام دة انكر واعد يقولى والله الكلام دة اللى حصل بس فا صحبتى بتقولى يبقى هو بيتلكك عشان يسيبك مع العلم انى والله كنت بحبوا اكتر من روحى بجد و انا مليش ذنب فى كل اللى حصل والمشكلة انى مش عارفة مين االغلطان ومش عارفة انساه اعمل اية بجد انا بحبوا لسة اوى

مجاش فى بالك انه ممكن كان بيلعب بيكى
فى ناس كده ميهمهاش غير انها تتلاعب بمشاعر الناس زى الكورة
مش اى حد يقول كلمتين حلوين يبقى بيحب
وبعدين واضح انه هرب وقال :
لا يا عم دى قالت لمامتها والحكاية ممكن تقلب بجد
لما افك بسرعة واخلع
اخر كلامى ان الحب الحقيقى لا يمكن ينتهى بسهولة كده وبالمزاج

GET OVER HIM


وشكرا

هاى اموله ازيك يا جميل اولا ده كان بيلعب بيكى مش تزعلى منى
لانه لو كان بيحبك بجد كان يضحى بى حاجات كتير اوى اوى
بس هو كدا كان بيتسلى بيكى
وانتى بتحبيه مش واخده بالك انه بيحبك ولا بيتسلى بيكى
صدقنى ده مش يستهلك وبلاش ترجعى ليه تانى علشان هو يرجع يقولك انا بحبك ويلعب بى مشعارك تانى
ابعدى عنه احسن وربنا
اعطنا نعمه النسيان
واكيد انتى لسه صغيرة
هتلاقى الى يحبك ويخاف عليكى ويقدرك كمان

انتى يامولة مكن مش تكونى احستنى الاختيار
فكرى كويس و استفيدى من اللى فات

انتى هتسيه على فكرة اوى
كل ما تفتكريه و بعديها تفتكرى اللى عمله فيكى ده هيخليكى تنسيه مع الايام

روقى انتى بس و حاولى اشغلى وقتك باى حاجة تلهيكى و تبعدك عن التفكير شويه

اهلا بيكى يا اموله
اولا احب اقولك نورتينا جدا جدا واحنا سعداء انك بتتكلمى كده وتفضفضى
واحب اشكرك جدا على ثقتك الغاليه فى اخواتك واسرتك الجديده ايجي هات
ثانيا
انا طبعا رأيى مع دوللى ومشمشه وكريبتون
يمكن متكونيش احسنتى الاختيار وتسرعتى شويه بمجرد انه قالك كلمتين حلوين
وانتى طبعا بكل براءة صدقتيه
بس اهو زى مانتى شايفه
فى اول حاجه واجهتيه بيها ..قالك مش عارف ايه وطبعا دا يثبتلك انه مش قد المسئوليه
بصى نهايه كلامى يا اموله
ربنا عرفوه بالعقل
وانتى بعقلك الرزين دا تقدرى تنسيه وتعيشى حياتك عادى خالص بيه او من غيره
لان الحياه مش بتقف عند حد
ارجو التفكير فى الكلام دا كويس وانصحك بأنك متأمنيش لاى كلام مزوق من اى حد
موفقه ان شاء الله يا أموله

بجد بجد بجد بجد بجد مش عارفة اشكركم ازاى لانكو بجد بجد طيبين وانا حبيتكوا جدا جدا جدا جدا جدا وكفاية عليا اوى اوى انكو تهتمو كدة بموضوعى وترودا عليا وتنصحونى انا بجد بحبكم اوى اوى وربنا يخليكو ليا

معلش بجد كل شء قسمه ونصيب وماتزعليش عليه وماتفكريش تندمى عليه لانه مايستاهلش دمعه من عنيكى
لان اكيد ربنا بعده عنك لانه اكيد ملهوش خير فيكى
انا بجد حاسه بيكى لانى مريت بتجربه شبيهة لتجربتك ولية بحبه وبحاول انساه لانه بجد مايستاهلنيش