ازيكم يا شباب عاملين ايه ؟؟؟؟
بما ان ده قسم الفضفضة قلت الواحد يفضفض معاكم شوية ويشوف كده ايه رأيكم فى الكلام ده
انا معنديش عدد كبير من الاصدقاء و اقصد الاصحاب القريبين اوى منى بصراحة عددهم قليل جدا
لكن زمايلى كتير اوى و فى كل مكان
المشكلة بقى ان اصحابى المقربين دول انا بحبهم جدا زى الا خوات و اكتر بس انا لا يمكن استحمل ان حد فيهم يزعلنى او يغلط معايا
حتقولوا شىء طبيعى بس هو مش طبيعى لان معنى انى بحب واحد كصديق انى اسامحه واعديله غلطاته
وبعدين لو انا كده مع المقربين ليا امال الناس العادية حعاملهم ازاى
فهل انا قاسى القلب جدا و لا ايه ؟؟؟؟
نقطة تانية
اكيد كل واحد بيجى عليه يوم وينجذب لشخص ما لانه بشوف فيه حاجات كتير هو يتمناها فى شريكه المستقبلى
انا بصفتى بنى ادم عادى من سكان الارض حصلى كده
وبدأت اشعر بالانجذاب لفتاة قمة فى الاحترام والادب ولكن
معرفتش اكيف نفسى مع الوضع و خصوصا انى كنت فى بداية مرحلة جديدة وهى المرحلة الجامعية
وكنت عايز احقق نفسى فى الكلية واذاكر وانجح - الاتنين مع بعض - بس الموضوع كان شاغلنى اوى
المهم انى قررت اغلق الباب من البداية وانى امنع نفسى من مجرد التفكير فى حاجة زى كده خالص
و لازلت على موقفى الى الان بالرغم من انى بشوفها فى الكلية
فى ناس قالتلى انى بارد وانى معنديش قلب وانى لسه معرفتش الحب وكلام كده كتير
بس انا شايف ان لكل شىء اوان
عمتا انا اللى مضايقنى انى احيانا بحس انى مش باقى على حد مهما كان لو غلط معايا
ودى حاجة مزعلانى جدا ومخليانى حاسس بوحدة فظيعة
وكمان زعلان لانى مش مدى لنفسى فرصة حتى انى احب وعلى طول بدوس على قلبى
تفتكروا انا فعلا قلبى قاسى بجد
ياريت اعرف ردودكم


وشكرا

بص هو موضوع مهم الي انتا بتتكلم فيه فابنسبه الي انتا معندكش صحاب كتير فا كويس لان الصحاب مش بكترهم المهم ان هما يبقو صحاب بجد في كل حاجه
والمهم ان لازم تعرف برضو صحبك علي عيبو يعني لاني مفيش صاحب بيبقي كامل لان الكمال لله واحده واقبل صحبك علي عيبه وانا من رائي انك انك حساس من ناحيه الصحوبيه دي يعني لامه بتحب بتحب بجد لان انتا بتزعل لما واحد صحبك يعمل حاجه مش كويسه يبقي ازاي قلبك اسي وتاني حاجه بنسبه للبنت الي معاك في الجامعه ممكن تكون انتا بتفكر بعقلك شويه مش بقلبكوده كويس لاني المره الوحيده الي فكرت بقلبي لسه تعبان منها فانتا لو شايف ان البنت دي كويسه حاول تكسبها لاني خلاص صعب تلاقي بنات بتحس بس برضه فكر انتا اكيد بتحبها فكر خد تفكير عميق في الموضع ده وانا من رائي الي انتا تفكيرك متوازن معلش انا طولت عليك



بس حاول تفكر كويس

سلام

لسه بحبها

الصديق العزيز
شكرا على ردك ده اولا
ثانيا انا خدت صدمة جميلة جدا
لانى عرفت انها مخطوبة
بس بصراحة انا فرحان لها جدا لانها تستاهل كل خير
بالنسبة لاصحابى فهم فعلا معدودين
واخيرا

انساها


وشكرا

شئ جميل ان الانسان يعرف عيبه ويكون مقتنع بيه
بس الاجمل ان يكون عنك اراده انك تتغير
واجمل ما فى الوجود انك تحقق هذه الاراده

شكرا يا باشا
على ردك

hi krypton . ana mish shaifa enk 2asy bs momken tkon nafsak 3azeza 3alik ziada mish bet2bl en 7ad ygr7k de mish 2swa bs mafish nas kamla fa 7awel tsam7 l2nk law mskt le kol 3'alatato m3ak mish 7at3rf 7ad 7'ales we kotr el so7ab mish mohem el ahm howa enko tkono so7ab bgd ya3ny t2dr task feeh we t2tmno 3la asrarak 7atta law kan w7ed bas . fel 7ob enta mashy be 3a2lak we ana dd dah 7'ales esm3 kalam 2lbak da 7atta 2lb el mo2men dalelo law bt7b wa7da 2olaha el 7ob agmal 7aga fel donia we law etgr7t matlomsh nafsak homma elly mish 3arfen 2emtak da b3d el shr law 7asal tab3an we 7att3lm akeed 7aga gdeda .we sorry tawlt 3alik...

اولا احب اشكرك على ردك يا كتكوتة

ثانيا انا عايز اقولك انى اتغيرت من اخر مرة رديت على الموضوع
تغيير سلبى مش ايجابى
ومفيش فايدة من ذكر الاسباب

ثالثا
ارحمينى بقى من الكتابة دى
روشة وكل حاجة بس الواحد دماغه ضاربه من الحر و مش قادر يركز فى الكلام والشفرات دى
يا تكتبى عربى
يا انجليزى
ربنا  يعلى مراتبك
وينصرك على مين يعاديك


رابعا
اشكرك بجد على ردك الجميل ده يا احلى كتكوتات مصر والعالم


وشكرا

ميرسي عالدعوات الجميله دي . وعربي اهو اي خدمه .و لو متضايق من الحر تعالي صيف عندنا حاتلاقي ساعتها الكتابه دى سهله موووووت

عندك مكان يعنى ا اجره
ولا حبات فى الشارع

وبعدين الميزانية مخرمة اليومين دول

والعيد فرحة



وشكرا

في مكان اكيد . و بعدين البحر موجود طراوه ماقولكش هي خيمه و بس و اكله السمك عليه .

بتعرفى تطبخى
ولا حاكل السمك نى