السلام عليكم
النهاردة يا جماعة حكلمكم عن حاجة لاقيتها فى ناس كتير
كنت قاعد مع مجموعة شباب زمايلى فى الكلية وبعدين واحد منهم اتريق على واحدة ماشية قدامنا
بغض النظر عن كون ده ضد اداب الطريق بس اللى ضايقنى انه بيتريق عليها من حيث الشكل
و دى مش اول مرة بتحصل كتير اوى ومن ناس مختلفة سواء رجال او نساء
اللى يضايق بجد انك ممكن تلاقى اللى بيتكلم ده اصلا عنده كرش محتاج رافعة عشان يعرف يمشى
او يكون شكله غبى واهبل و مش مهتم اصلا بمنظره
طب ازاى ؟؟؟؟
ببقى عايز اقوله بص لنفسك الاول بدل ما تتريق على غيرك
مش معنى كده انه لو واحد جنتل ومهندم انه يتريق براحته او لو واحدة برينسس تتريق هى كمان
لسبب بسيط يا جماعة
كما تدين تدان
بمعنى ان كل تعليق او تريقة او نظرة مش ولا بد لازم حتتردلك فى يوم
وبعدين بقى انت ممكن يكون اللى ببتريق عليه ده احسن من مليون زيك
باحترامه وادبه وعلمه واخلاقه
لغاية امتى حنحكم على الناس بالمظهر
انت مش براد بيت و لا انت انجلينا
بس ممكن تكون احسن
على الاقل باحترامك لغيرك
طلب اخير
قبل ما تتريق على واحد او واحدة راجع دايما نفسك
مين عارف جايز يكون برقـــ
ولا بلاش



وشكرا

بجد موضوع جميل يا كريبتون
بس نعمل ايه كل واحد فرحان بلسانه فاكر ان محدش عنده لسان اطول منه
فمش عرف يحطه ف بقه ويسكت
وانا اعرف ناس بجد والله ماتسيبش حاجه الا و تتريق عليها
حتى لو كانت الحاجه دى مظبوطه جدا لازم تتريق على ظبطتها
ومابقش فى ايدينا غير نقول:
ربنا يهدى الناس

شكرا ياكريبتون على طرح الموضوع
وهو فعلا بقت حاجه زياده عن الحد
تقريبا ده فراغ لانهم لو كانو لقو حاجه مش كانو قعدو يتريقوا وساعات استظراف ومش بيبقى لاقى حاجه يقولها فيتريق على اى حاجه
حتى لو الحاجه دى مش تستدعى ذلك
ونسو ان الرسول نهى عن ذلك
قال رسول الله صلى الله عليه وسلم (( إياكم والجلوس على الطرقات فقالوا : ما لنا بد إنما هي مجلسنا نتحدث فيها , قال : فإذا أبيتم إلا المجالس فأعطوا الطريق حقها .قالوا : وما حق الطريق ؟قال : غض البصر وكف الأذى وأمر بالمعروف و نهي عن المنكر ))
بقى تقريبا اللى بيحصل عكس الكلام ده من اول التريقه والمعاكسه وممكن كملان يحط حاجه علشان الناس تتكعبل ويضحك عليهم
فى الاخر نقول ربنا يهديهم

فعلا عندك حق يا كريبتون
والموضوع ده بيحصل قدامي كتير في الجامعه برده
مش لاقين حاجه يعملوها غير انهم يتريقو علي اي حاجه
ربنا يهدي الجميع
وميرسي ليك يا قمر علي التوبيك الجميل ده

مشكورين يا جماعة على ردودكم الجميلة
واحساسكم فعلا بالمشكلة



وشكرا

اللهم صلى على سيدنا محمد

إقتباس

قال رسول الله صلى الله عليه وسلم (( إياكم والجلوس على الطرقات فقالوا : ما لنا بد إنما هي مجلسنا نتحدث فيها , قال : فإذا أبيتم إلا المجالس فأعطوا الطريق حقها .قالوا : وما حق الطريق ؟قال : غض البصر وكف الأذى وأمر بالمعروف و نهي عن المنكر ))

شكرا ليكى يا ايهاهى على الحديث

انا معاكم ان فعلا ده اصبح شئ واضح بنشوفه كل يوم

بس اكيد هتلاقى تجمع من الافراد غايبين عن الوعى ....اقصد الوعى التهذيبى

بس تعالوا نفكر مع بعض

نقلل المشكله دى ازاى.......يعنى تروح تقوله ولا تقولها اتقى الله

ولا تروح بهمجيه تتخانق معاه سواء باللفظ او غير ذلك

ربنا يهدينا ويهديهم

شكرااااااا ليك يا جميل على طرح للموضوع

شكرا لمرورك الغالى بليزى
انا عن نفسى لو قاعد مع ناس اصحابى - بس المقربين - لا اسمح لواحد فيهم انه يتريق على حد
الا لو كان يستاهل
يعنى واحدة مثلا لبسها مبالغ فيه
او شخص مثلا بيتنطط علينا



وشكرا

3andak 7a2 ya kerebton walahi el nas ba2et fazee3a 2wy mawdo3ak gameel moooooot

شكرا على ردك يا جاكندا

نورت الموضوع

اولا شكرا يا كريبتون على الموضوع الجامد دة
تانى حاجة بقا انا شفت من دة كتير وتيجى تكلمهم يقولوا وانتى مالك انتى اهم حاجة ان اللى بيتريقوا دوول مش يعنى اللى هما اللى جامدين اووووى بالعكس يعنى هما عاديين وفى منهم كدة وممكن تكون ناس تانية بتتريق علية وكما تدين تدان ولا اية يا كريبتون وعلى فكرة مواضيعك كلها فى الجوووون

الحمد لله الذى عافانا مما ابتلا به كثسر من خلقه مشكور يا محمد على احلى موضوع من احسن شخص

مشكورة يا ستار على ردك
وفعلا
المفروض ان اللى بيته من زجاج
ميحدفش الناس بالطوب
بس تقولى ايه بقى
نورت الموضوع

===========

شكرا ليك يا احمد على ردك
و نورت الموضوع

شكرا ليك يا كريبتون على طرحك للموضوع ده بس عايزة اقولك ان كتير جدا الغالبية العظمى بتعمل كدا معرفش ليه مع انه لو بص لنفسه او بصت لنفسها هيلقوا نفسهم ملينين عيوب لان الكمال لله وحده

شكرا ليك يا كريبتون على طرحك للموضوع ده بس عايزة اقولك ان كتير جدا الغالبية العظمى بتعمل كدا معرفش ليه مع انه لو بص لنفسه او بصت لنفسها هيلقوا نفسهم ملينين عيوب لان الكمال لله وحده

شكرا ليكى يا مولا
بس انت قلت الغالبية
يعنى فى ناس محترمة
و دى حاجة كويسة و الحمد لله
نورت الموضوع