krypton
Apr 9 2008, 05:14 AM
الكلام النهاردة عن موضوع البطالة
واللى بتهدد كل شاب فى مصر
والكلام اللى حقوله نابع عن تفكيرى يحتمل الصواب ويحتمل الخطأ
انا شايف ان المشكلة قد يكون لها حل جزئى بتقسيم الوظائف على الناس
بمعنى انه تكون فى وظائف للشباب ووظائف للشابات
ليـــــــــــــــــــــــــــــــه ؟؟
لان قدام كل وظيفة شغلاها واحدة
كان ممكن فى مكانها يكون واحد
مهو بصراحة بقى
هل المرأة مطالبة بأنها تفتح بيت ؟؟ هل هى مطالبة بأنها تصرف على الاسرة - عموما من غير حالت خاصة - وتتحمل اعبائها
متهيألى لا
اللى لازم عليه هو الشاب الغلبان اللى مش لاقى شغلة
طب وهى المرأة بتشتغل ليه ؟؟
فى ناس بتقول اثبات للنفس
يا فرحتى
وكونها بقى فى بيتها وتربى عيالها ده شىء تافه ومحبط لقدرات المرأة
انا افهم انها تخرج للعمل فى حالة عدم وجود معيل ليها ولاسرتها اما انها عايزة تثبت نفسها
يبقى فى خطأ عندها فى مفهوم البيت واهميته
وبعدين الرجالة بتتبهدل وانتن قاعدين معززين مكرمين فى بيوتكن
تقوموا ترموا بأنفسكن للتهلكة !!!!!
القصد ان لما الواحدة تشتغل وواحد تانى ميلاقيش الشغل طبعا مش حيبقى معاه فلوس
يعنى مش مهم جواز مش مهم خلفة
ومرحب بالعنوسة 
بس فى وظائف مطلوبة جدا للمرأة زى التعليم فى مدارس البنات ودكاترة النساء والتمريض
دى حاجات افهم ان الواحدة ممكن تشتغلها
لكن انها تشتغل مهندسة فى مصنع او مديرة فى مكتب
ده فى رأيى عبــــث
حاجة واحدة بس هى اللى حتجننى
ليه المرأة دلوقت مش شايفة قيمة للبيت
ده اعظم واهم شىء فى الوجود
انت اللى حتربى اطفال عشان يبقوا رجالة يشيلوا البلد ويعملوا على انها تفوق
ودى حاجة ميقدرش عليها الراجل
لازم المرأة تفهم انها المحرك الاساسى فى المجتمع
هى اللى بتساند الرجل وتريحه من همومه وهى اللى بتربى اطفالها التربية الصحيحة
البيت مملكة المرأة والشطارة انها فعلا تكون الملكة اللى بتهتم بمملكتها وتعمل على رفعتها
انا جايز اكون خرجت شوية عن الموضوع بس لو فكرت فى كلامى جايز تتفق معايا
دى وجهة نظر خاصة بيا صح او غلط هو ده تفكيرى
وانا ارحب بالرأى المتفق والمعارض
هو النقاش ايه
غير كلام
واتفاق
وشوية اعتراضات فوق بعض
وشكرا
سلومة الاقرع44
Apr 9 2008, 05:31 AM
انا معايا 3 بنات فى الشركة البقر بيفهم عنهم
حاجة تجنن الجن وتشيب الكتكوت
Semsema
Apr 9 2008, 12:06 PM
ايه يا كريبتون انت داخل فينا شمال كده ليه
انا شايفه ان شغل المراه ده شئ مهم جدا .......مش من الناحيه الماديه بس
ولكن من الناحيه المعنويه والنفسيه للمراه
يعنى....
كون المراه تقعد فى البيت وتربى العيال وتحط رجل الراجل ف الميه بملح لما يرجع من الشغل ده كان زمااااااااااان
ايام سى السيد والحاجه امينه ,
انا معاك ان تكوين اسره وبيت مستقر لازم يكون على راس اولويات المراه
ولكن مايكونش هوه الهدف الوحيد
يعنى مثلا لو واحده قاعده ف البيت ليل نهار واخده بالها من الاولاد ومن بيتها وزوجها
بس ما تعرفش حاجه عن الدنيا اللى بره دى.... الزوج لما ييجى يكلمها ف حاجه هيلاقيها مش عارفه تتجاوب معاه
وبالتالى هوه نفسه هيزهق
ومن الاخر بقى
\
\
\
\
\
\
\
\
\
\
\
\
\
الستات اثبتت كفاءه عن الرجل فى مجالات كتيره
واللى يقول غير كده يبقى بيضحك على نفسه
والدليل عندنا فى الكليه (صيدله) اكتر من تلتين الدفعه بنات
ودايما الاوائل بنات
واغلب الدكاتره اللى بتعرف تشرح ستات
هيا دى وجهه نظرى يا كريبتون
و معليش لو كنت طولت عليك
krypton
Apr 9 2008, 10:23 PM
مشكورة هنى كوين على ردك
واضح ان فى اختلاف كبير فى الرأى
وبعدين كون 2/3 الدفعة بنات مش معناه انتم احسن مننا ولا حاجة
الحكاية كلها ان الاولاد دلوقتى مكبرين وعايشين حالة ضياع
ودى نقطة تانية محتاجة لكلام كتير
اما بالنسبة لربات البيوت
انا مبقولش انهم يقعدوا فى بيوتهم جوارى
انا قصدى ان البيت يكون اساس حياتها وانها تديله كل اهتمامها
مش معنى كده انها حتنعزل عن الدنيا
ارجو تكونى فهمتينى وانا ارحب بأى اعتراض اخر
وشكرا
Semsema
Apr 10 2008, 12:49 PM
انا بقول ان تقسيم العمل بيعتمد اساسا على الكفاءه
مش على النوع
وفى الغالب بيكونو البنات اكثر تنظيم ودقه عن الشباب
ده معناه ان احنا ممكن نستغل البنات ف الاعمال الاداريه
والشباب فى الاعمال اللى محتاجه مجهود
لكن ما ينفعش ان احنا نقول للست اقعدى ف البيت ربى الاولاد وخلاص
وماينفعش كمان بعد ما تكون قعدت تدرس كام سنه وتعبت كتير على ما اتخرجت من الكليه انى اقولها بروزى الشهادة دى وحطيها على الحيط علشان نسيب الشباب ياخد فرصته
على فكره انا اخويا برضه بيتفق معاك ف الراى ولما بنقعد نتناقش فى الموضوع مش بنخلص كلام
والاختلاف فى الراى لايفسد للود قضيه
aya mra
Apr 11 2008, 01:47 PM
مرسي علي التوبيك القوى ده يا كريبتون
انا معاك ان البيت هو مملكه المراه
و انه اهم حاجه
لكن مش معني كده اننا نحكم عليها انها تقعد في البيت و متشتغلش
القاعده في البيت ممله جداً
ثم هي هتعمل ايه في فتره الصبح كلها لحد ميجي زوجها و اولادها
تقعد تكلم نفسها لغايه متتجنن و لا يجيلها اكتئاب
و لو هو مصيرنا في الاخر نقعد في البيت يبقي كنا بنتعلم ليه و نوجع دماغنا
م كان كفايه علينا ثانويه عامه و لا اعداديه
الشغل مهم جدا للمراه و طالما هي مش مقصره في حق زوجها و بيتهاو قادره توفق بينهم يبقي خلاص محدش له حاجه عندها
و المراه اثبتت كفائتها و تفوقت علي الرجل في بعض المجالات
يعني زي م قالت سمسمه المراه تمسك الاعمال اللي محتاجه دقه و تركيز
اما الاعمال اللي محتاجه قوه فدي للرجال
krypton
Apr 11 2008, 02:58 PM
على فكرة انتم حسستونى ان الراجل مجرد ثور ملوش مخ
وهو عبارة عن الة ملهاش دماغ
افهموا كلامى
المرأة ممكن تكون طبيبة وممكن تكون مدرسة و ممرضة وممكن تشتغل فى بعض الامور الادارية
ولكن يا جماعة المرأة دورها الاساسى هو المنزل
هو الرعاية لبيتها و زوجها واولادها
لان ده اكتر مجال عندها القدرة انها تعمل فيه المعجزات بجد
انا حاسس منكم انكم مستهيفين الدور ده
وانا اقسم بالله ان دور مهم جدا
لانها هى الاساس اللى بيتبنى عليه الامة والمجتمع
وبعدين هى لو بتشتغل لايمكن بأى حال من الاحوال انها تعطى لبيتها حقه الكامل
لازم حيحصل تقصير ياما تجاه البيت او الزوج او الاطفال
غير انها بتعرض نفسها لضغط عالى جدا فى الشغل والبيت
وده حيخليها تتعب نفسيا قبل جسديا
وحيحرم رعاياها من اهم معانى كونها امرأة
وهى الحنان والعطف وسعة الصدر
يعنى لما الراجل يبقى مخنوق من الشغل طول اليوم
والام مخنوقة هى كمان
كده حيخلفوا عيال مش طايقة بعض 
وعمتا كل انسان و له تفكيره
والايام والحياة والظروف اللى حواليه هى اللى حتثبت كونه
صح
او
غلط
وشكرا
Semsema
Apr 11 2008, 04:06 PM
احنا بجد مش نقصد خالص الفكره اللى وصلتك دى يا كريبتون
واحنا معاك ان اهم دور للمراه هوه بيتها
الام مدرسه ان اعددتها اعدت شعبا طيب الاعراق
بس برضه ممكن انها تعرف توفق بين الشغل والبيت
وانا قدامى مثال ناجح لكده وهيا والدتى
ووجهه نظرك دى تحترم بشده
بس انا مش مقتنعه
وعلى رايك الايام بيننا
معليش لو كنت طولت عليك وشكلك كده اتخنقت منى
ههههههههههه
aya mra
Apr 11 2008, 04:25 PM
مش ده المقصود يا كريبتون
و انا مقتنعه تماما ان اهم شغل للمراه هو تربيه اولادها و رعايه زوجها
بس ممكن تقدر توفق بين بيتها و شغلها
و شغل المراه دلوقتي بقي ضروره عشان تساعد زوجها في ظل ارتفاع الاسعار الرهيب في كل حاجه
و لو مقدرتش توفق بين بيتها و شغلها ساعتها يبقي بيتها اهم
لكن منحكمش من الاول انها مش هتقدر توفق
لان في سيدات كتير ناجحين في شغلهم و في بيتهم
krypton
Apr 11 2008, 09:51 PM
على فكرة
انا عندى كل نساء العائلة تقريبا بشتغلوا
ومختلف الوظائف وهو ده اكبر سبب يخلينى فاهم المشكلة كويس
واتحدى اذا كانت الوالدة العاملة على طول فايقة لعيالها
ممكن تبقى رايحة تشتيكيلها فى حاجة وترد عليك رقبف و زهق
لانها بتشوف قرف و متاعب كتير فى شغاها
وهو ده اساس كلامى
=====
انا مبسوط جدا بالحوار معاكم
ومش ممكن ازهق من حد فيكم
واخدة بالك يا اية
قووووووولى كل اللى فى نفسك
وشكرا
kait
Apr 17 2008, 09:50 PM
اوك انا معاك ياكريبتون ان البييت لازم يكون الحياة الاولى للمراة ولو قصرت فيه يبقى لازم تقعد له
ومش معاكى ياكوين ان الدكاترة الستات شرحهم احلى ولا حاجة احنا فى كلية الطب الدكاترة الرجالة اللى شرحهم احلى اكثر
وكمان لو كان شرحها حلو لا تمتلك المعلومات علشان تجاوبلنا على اللى محيرنا
وعملونا كتاب اتفلسفوا فيه رسوماته فظيعة
وعلى كل انا مش ضد عمل المراة
وكمان مش الستات اللى قعدوا الرجالة فى البيوت
ومتقولش كده تانى علشان متضحكش البنات علينا
كسل الشباب هو اللى قعدنا
وانا ناوى ناذن الله انى هكافح من دلوقتى ومش هسنى لما اتخرج
ومشكووووووووووووور على موضوعك
krypton
Apr 17 2008, 10:28 PM
لا هم السبب
البنت تقعد تدح وتدح
ولديها قدرة عجيبة على الحفظ
وتجيب تقدير تمام
واغلب الوظائف تتطلب تقدير عالى بغض النظر عن كونها صالحة للانسات ولا لا
والمشكلة الزيادة انا الشباب بيكسلوا يذاكروا لان دلوقت بقى فى حالة احباط عام لعدم العمل
موال طوييييييييييييييييييل
نورت الموضوع يا باشا
وشكرا
Semsema
Apr 17 2008, 10:56 PM
ايوه يا كريبتون خليك قر علينا كده
ماهو القر ده اللى مودينا ورا
ههههههههههههههههههههه
وانا اتفق مع kait ف رايه
وخلاص بقى يا كريبتون ارفع الرايه البيضا واحنا هنسامحك
هههههههههههههههههه
krypton
Apr 17 2008, 11:07 PM
راية بيضا !!!!!!!!! 
طب ينفع كلينكس
نورت يا كوين بس كفاية احسن الكهرباء دى بفلوس 
وعمتا النقاش ما زال مفتوح
وانا لسه عند رأى
وشكرا
MONIKA_s
Apr 17 2008, 11:42 PM
البنات ممكن تكون عرفة مصلحتها اكتر من الاولاد
ومش بيلققوا نفسهم في التهلكة لما بيشتغلوا
ولما المهندسة تشتغل فى مصنع يبقى هى اكفأ من المهندسين اللى ما بيشتغلوش
ولما تشتغل مديرة يبقى هى أكفأ من الرجالة اللى معاها في المكتب
krypton
Apr 18 2008, 12:31 AM
اعترض و بشدة على ان البنت تشتغل مهندسة فى مصنع او موقع
لا يمكن باى حال من الاحوال انها تفرض احترامها على العاملين
عشان مفيش واحد حيقبل كلام من واحدة ولو كان متعلم
ما بالك بالناس اللى على قدها
حتقولوا عقدة نفسية حتقولوا مرض مش مشكلة
بس اسألوا اى واحد بامانة واتحدى ان ينكر كلامى
واصلا مش حتلاقى مهندسة فى مصنع ومسئولة عن عمال
كبيرها شغل ادارى او تصميمى
وشكرا
krypton
Apr 18 2008, 12:39 AM
يا ريت يا جماعة تفهموا كلامى كويس
انا غير معترض على عمل المرأة ككل
ولكن ان شايف ان فى وظائف للمرأة واخرى للرجل
وهو ده الصح فى رأيى
احنا مجتمع والمجتمع ده فيه ادوار كتيرة جدا
بعضها يصلح للرجل وبعضها يصلح للمرأة
ليه بقى كمجتمع واحد منقسمش الادوار ده مع ما يلائمها
المرأة امامها مجالات عديدة تطلب مجهوداتها
زى التعليم والصحة والخدمات الاجتماعية والرعاية
قدرات المرأة شىء واجب احترامه ولكن مهما بلغت المرأة فى مجال ما
حيكون اقل من المجالات دى
وبدل ميحصل تنافس على حاجلت معينة وهجر لحاجات اخرى
يكون فى توازن بين جميع الوظائف فى المجتمع
وبكده حتكون المرأة اثبتت نفسها بجد
اتمنى تكونوا فهمتونى
مستنى تعليقاتكم
وشكرا