واضح اوى من العنوان احنا هنتكلم عن ايه

قضية × كاريكاتير

طبعا كلنا عارفين الكاريكاتير
طبعا هو الفن الساخر اللى الى حد ما فى بلدنا مالوش قيود
وبيقول رايه فنانه برسمه ساخرة عن اى موضوع
حتى لو بيرسم شخصيه

وكتير منهم بيتكلموا بالرسم عن اللى بيحصل
واحنا بقى هنركز على القضايا الهادفه
ونشوف راى بعض
لاننا  مختلفين
بس ممكن نتفق على حاجات
ايه هى بقى؟؟
اكيد هنعرف اما نتناقش

كل  اسبوع هنزل  مشكله او موضوع  على شكل كاريكاتير
ونتناقش فيه
ونبتدى من النهاردة

واول قضية × كاريكاتير معانا
هتكون عن
الاضراب اللى حصل يوم 4 ابريل

ونشوف الكاريكاتير
وكل واحد يتكلم ويقول رايه فى القضية










مستنيه ردودكوا وارائكم

احب احيكى على الفكرة المتميزة دى
تعليقى
من العبث الدخول فى شىء لا فائدة من وراءه
ولكن اذا كنت واثق من حدوث تغير فلابد من ان تشارك
بالوجه الذى تستطيع المشاركة به




وشكرا

انا اللى احب انى احييك

انت الوحيد اللى عبرتنى

يخليك ليا
ههههه

انا معاك فى فى رايك
من العبث الدخول فى شىء لا فائدة من وراءه

بحييك على مرورك ورايك
يسلملى مرورك يا قمر

يا ستى دا شرف ليا ان ارد عليك
ودى مش مجاملة بس فعلا تستحقى الرد
وربنا يوفقك دايما
========




وشكرا

الله عليكى يا ساسو يا قمرايه
بجد فكره جمييييييييله جدا
وانا عن نفسى شايفه ان احنا هنا ف مصر مش عارفين يعنى ايه اضراب اصلا
وبنعمل حاجات غير مقبوله تحت اسم ان احنا مضربين
يعنى ايه معنى ان انا نحتك بالشرطه ويبقى فيه تضارب بالايدى وفيه عربيات اسعاف اتحرقت وعربيات ناس اتدغدغت
كل ده مالوش معنى ولا هدف معين
وبالتالى لو كان لينا حق مش هنعرف نحصل عليه زى ما احنا عاوزين
وبجد تسلم دماغك يا جميييييييييييييل

يا سلاااااام موضوع جميل يا ساسو

بس انا وجهة نظري ان احنا شعب همجي و مش منظم

مش نعرف نعمل اضراب بطريقه سلميه و متحضره لازم يحصل تخريب و نهب

و ضيفي لده كمان ان احنا اجدع شعب يتكلم و مينفذش حاجه من اللي قالها

يعني كام واحد اضربوا فعلا و م اشتروش حاجه يوميها

انا شفت ان الموضوع كان عادي جدا يومها و مفيش اضراب و لا حاجه

و الناس بتشتري و بتبيع عادي جدا زي كل يوم

ايوا كدا اجبروا بخاطرى وردوا عليا
وانا معاكى برضه يا قمر فى النقطه اللى بتتكلمى فيها
شعار الاضراب
احنا مضربين
وبيحصل حاجات كتير اوى مش ليها لزمه او مقابلها هيكون مفيد
بس فى حاجه هنا بقى مش معاكى فيها
اللى بتقولى وبالتالى لو لينا حق مش هنعرف
وعايزة اقولك كدا او كدا لو لينا حق مش هنعرف ناخدة برضه

نورتينى يا ملكتى بمرورك ورايك
تسلميلى

يويو يا قلبى
عامله ايه يا قمر فى المزاكرة؟
يارب تكونى بخير ان شاء الله



تصدقى فعلا فى اليوم دا انا محدش كان عايز ينزلنى من البيت افتكروا الدنيا هتبقى ضرب نار
وعايزة اقولك ان كان عندى امتحان عملى ونزلت وانصدمت
كان نفسى فى مظاهرات والجو دا علشان نعمل وقفه

ولقيت هدوء تام فى البلد ومكروباسات بالهبل والشوارع فاضيه
ورياح الخماسين  وحاجات غريبه كدا

وسمعت  انهم كانوا قافلين الجامعه عن الطلاب فيها لحد الساعه 8 بليل
وعشان كدا مفتكش  اننا بنقول ومش ننفذ
لان اكيد حبسوهم فى الجامعه لانهم متاكدين دول لو خرجوا الدنيا كلها هتكون وراهم
مستنين الدفعه يعنى
محنا اجدع شعب بيحب الهيصه برضه

يسلملى مرورك يا قمر

المفروض يعني طالما المصريين عايزين يعملوا مظاهرات ما يعملوا مظاهرات سلمية

ومتنسوش ان الشعب اللي انتوا بتقولوا عليه شعب مش منظم وهمجي ومش بيعرف يعمل اضراب

هو دة الشعب اللي قدر يعمل مظاهرات ضد خورشيد حتى تم عزله

وهو دة اللي هزم اسرائيل في اكتوبر وطرد الانجليز من مصر

وهو اللي جعل ارضه مقبرة للغزاة

واللي عمل البلطجة دي مش منهم وناس المحلة قالوا في قناة الجزيرة ان هم متأجرين

وعيب يا جماعة لما تقولوا كدة على الشعب المصري

وشكرا

مرسى يا قمر على مرورك ورايك

انا عايزة اقولك حاجه
هو دة الشعب اللي قدر يعمل مظاهرات ضد خورشيد حتى تم عزله

الكلام دا من زمان

احنا دلوقتى فى زمن مايعلم بيه الا ربنا
ومش معنى كدا اننا بنذم فى الشعب المصرى لاننا منهم اصلا

بس فى حاجه اسمها اننا مش راضين على اللى احنا فيه دا
وعلى اللى بيعملوة الناس التانيه
وكمان الاعلام بيقول حاجه
والحقيقه بتقول حاجه تانيه
وبنسمع حاجه تانيه برضه

احنا بقى نصدق مين ولا نعمل ايه؟

موضوع تحفه يا ساسو يا قمر

انا بقول بقى

قبل ما نقول للناس عايزين نعمل اضراب

نقولهم يعنى ايه اضراب

بالتوفيق يا حته سكره

ولكن هو دة الشعب اللي قال عليه الرسول صلي الله عليه وسلم
انه خير أجناد الارض

انت اللى تحفه والله
ههههههه
عامل ايه يا جميل
فينك مختفى زىى ولا ايه؟
انا اللى بقول بقى
انت اللى تقولنا يعنى ايه اضراب؟
وسيبك من الراجل اللى فوق
يسلملى مرورك يا جميل

فعلا
وانا مؤمنه انه هيجى يوم وهنكون كلنا فيه واااااحد
ونقدر نقف قدام اى حاجه

معلش بس يا جماعة
هو انتم بتتكلموا فى ايه
ومن واقع عايشينه
ولا كلام سمعتوه
===
اللى بيتريق على الناس اللى عملت الاضراب
هل انت كنت موجود وشوفت اللى حصل
ولا انت بتحكم من اللى سمعته من زمايلك
او قريته فى جرنال
او حتى شوفته فى التليفيزيون

لو كنت عشت الموضوع بنفسك اتكلم
معشتوش
يبقى بلاش كلام فى الهوا
وارحمنا


وشكرا

حاضر انا هسكت
عامتا احب اقول انى مش شفت حاجه فى اليوم دا اصلا
الشوارع فاضيه ومفيهاش ناس كتير
وعربيات الامن المركزى فى كل حته
والطلبه بتوع الجامعه كانو حابسينهم لحد الساعه8
علشان ميخروجوش ويعملوا مظاهرات
وفى نفس اليوم قالو ان مفيش حاجه حصلت فى المحله
واتفاجئنا بقناه الجزيرة بتعرض حاجات غريبه واضرابات

والواحد مبقاش عارف يصدق ايه ولا ايه
بس كان لازم انزل اصلا علشان كان عندى امتحان
لكن الحمد لله مش اشتريت اى حاجه اليوم دا
بس دفعت الاجرة بتاعه المكروباس
وكان نفسى اعمل اضراب عنها اصلا