يارب تكونوا بصحة وسعادة
النهاردة حكلمكم عن فيلم شوفته
الفيلم بعنوان step up 2 the streets
الفيلم دراما موسيقية بيناقش حاجة بسيطة وهى حق الجميع فى المشاركة فى نشاط معين
بدون وجود فئات ما مقصورة المشاركة عليها
وفى الفيلم الحاجة دى هى الرقص
مش اى رقص ولكنه نوع خاص من الرقص يعرف باسم break dance
وهو نوع من انواع الرقص الذى يتميز بالحركات الصعبة جدا
والتى تحتاج الى قوة جسدية ولياقة بدنية على اعلى مستوى
الفليم عامة جيد وخفيف ومسلى جدا
وتصميم الرقصات فيه جيد ايضا
بجانب انه يحمل روح المنافسة و روح الارادة
=======
المهم
بغض النظر عن كون الفيلم عن الرقص الا انه يحمل بعض الفوائد ومنها :
1 - يستطيع الانسان الوصول الى مستوى عالى جدا من القوة و اللياقة
بشرط التمرين الجاد والمستمر
2 - روح التعاون مطلوبة دائما فى اى عمل لتحقيق افضل النتائج
3 - روح المنافسة الشريفة ايضا مطلوبة للوصول الى الافضل
4 - العلاقات الانسانية بين الافراد مهمة جدا حتى فى العمل
5 - الكراهية والحقد لا تؤدى الا للفشل
=======
ملحوظة صغنونة :
بالرغم من ان الفيلم اجنبى ( يعنى معمول فى بلاد بره )
حيث الانحلال الخلقى والفساد الاجتماعى
الا ان الفيلم خالى تماما من اى مشهد ضد الرقابة
وده شىء عجيب جدا لييييييييييييييييييييييييييييه؟؟؟؟؟
لان فى الوقت نفسه وفى بلدنا الحبيبة
بدأت الافلام تتضمن كل انواع السفالة وقلة الادب ال يعنى هو ده التحضر و هى دى حرية التعبير
والله مصيبة
لما الغرب يبدأ يترفع عن مثل تلك الاشياء
ويبدأ الحلوين اللى عندنا يغوصوا فيها الى مستوى
يدل على مدى تخلفهم وهبلهم
وسلملى على حين ميسرة كنا زمان بنقول بيقلدوا الغرب
دلوقت بقوا انيل منه
جتهم نيلة ملوا البلد بقلم ساخر
وشكرا
