السلام عليكم
ازيكم يا شباب
ايه الاخبار والاهرام

كنت عايز اسألكم سؤال كده
و ياريت تردوا وتقولوا رأيكم عشان استفيد منكم
تفتكروا هل ممكن الشاب انه يتجوز واحدة اكبر منه فى السن و لا ده حيمثل مشكلة
؟؟؟؟؟؟؟؟؟؟؟؟؟؟؟
طب لو ممكن الفرق بينهم ممكن يكون اد ايه
؟؟؟؟؟؟؟؟؟؟؟؟؟؟؟

مستنى ردودكم سواء شباب او بنات
انا عارف اننا فى امتحانات بس اعذرونى اصله
ظرف طارق




وشكرا

بيتهيألي مفيش مشكله طالما فيه توافق وطالما الراجل شخصيته قويه فالرجال قوامون على النساء بما فضل الله بعضهم على بعض

وابرز مثال على كلامي هو زواج الرسول عليه افضل الصلاة والسلام بالسيدة خديجه وهو افضل الزواج

وكان عمره وقتها 25 عاما وكان عمرها 40 عاما ولم يحب سواها حتى توفيت

وبيتهيالي مفيش مشكله في عدد فرق السن طالما فيه اهم شرطين وهما الإيجاب والقبول وطالما الاتنين موافقين خلاص

ازاى هيضرب واحدة اكبر منه

إقتباس

بيتهيألي مفيش مشكله طالما فيه توافق وطالما الراجل شخصيته قويه فالرجال قوامون على النساء بما فضل الله بعضهم على بعض

وابرز مثال على كلامي هو زواج الرسول عليه افضل الصلاة والسلام بالسيدة خديجه وهو افضل الزواج

وكان عمره وقتها 25 عاما وكان عمرها 40 عاما ولم يحب سواها حتى توفيت

وبيتهيالي مفيش مشكله في عدد فرق السن طالما فيه اهم شرطين وهما الإيجاب والقبول وطالما الاتنين موافقين خلاص

نورت الموضوع يا اميدو
وطبعا المثال اللى انت قلته مش غايب عن دماغى
بس انا بتكلم عن ظروفنا دلوقت وواقعنا الاجتماعى
واللى مليان بمفاهيم كتيرة غلط
و شكرا على مرورك

إقتباس

انا عن نفسى شاي ان موضوع السن دا ميمثلش اى مشكله فى العلاقه بين الزوجين
خاصتا لو كانوا متفاهمين وعقولهم ناضجه
انا اعرف واحد متجوز واحده وهيا اكبر منه بست سنوات والحمد لله لاخر لحظه عايشين مع بعض فى سلام وامان
دى وجهه نظرى ..انها مش مشكله حقيقيه ممكن تهدد علاقه اى زوجين
بس فى بعض العائلات بتبقى عقبه ممكن تمنع الزواج
تحياتى ليك يا واد يا محمد
توبيك اكتر من رائع تسلم عليه

الحمد لله ان الموضوع عجبك
وانا اتشرفت بردك يا ميرو
وفعلا الموضوع محتاج تفاهم عالى جدا عشان الموضوع ينجح بين الزوجين
بشكرك على مرورك يا باشا

إقتباس

ازاى هيضرب واحدة اكبر منه

وماله

أنا عايز أقول موقفه لما يروح يتكتب الكتب كتاب والمأذون يطلب البطاقة ويلاقى فيها هى أكبر منه

وبعدين الست بتكبر بسرعة عن الراجل فالشكل العام بيبقة مش كويس

وكمان الفكر بينهم ممكن مايتوفقوش مع بعض فيه

دى وجهة نظرى مع إحترامى الكبير لأغلى الناس إللى ردت فوقى

تسلملى على الموضوع الروعة ده ياكراى

دمت بخير ياصحبى

إقتباس

أنا عايز أقول موقفه لما يروح يتكتب الكتب كتاب والمأذون يطلب البطاقة ويلاقى فيها هى أكبر منه

وبعدين الست بتكبر بسرعة عن الراجل فالشكل العام بيبقة مش كويس

وكمان الفكر بينهم ممكن مايتوفقوش مع بعض فيه

دى وجهة نظرى مع إحترامى الكبير لأغلى الناس إللى ردت فوقى

تسلملى على الموضوع الروعة ده ياكراى

دمت بخير ياصحبى

يا اخى انت اللى تسلم
اخيرا نورت فى موضوع ليا
ربنا ما يقطعها عادة

بالنسبة لرأيك فهو يستحق كل الاحترام لانه بيتكلم فى نقطة مهمة جدا
وهى المظهر الاجتماعى
وهل كونه من المقبول ان المرأة تكون اكبر من زوجها ؟
فعلا سؤال كويس
بس الاجابة عليه متهيألى حتختلف من مكان لمكان
ومن مجتمع للتانى

شكرا على مرورك يا حبيب قلبى

انا من وجهة نظرى ان الراجل المفروض انه يكون اكبر من المراة لان المراة دائماعقلها اكبر من الراجل ولانها بتعجز اسرع منه فلازم الراجل يكون اكبر منها عشان يقدر يفهمها ويحتويها

إقتباس

انا من وجهة نظرى ان الراجل المفروض انه يكون اكبر من المراة لان المراة دائماعقلها اكبر من الراجل ولانها بتعجز اسرع منه فلازم الراجل يكون اكبر منها عشان يقدر يفهمها ويحتويها

اختلف معاك بشدة فى كون عقل المرأة اكبر من الراجل
اصلا مش ينفع اقول ان الراجل عقله اكبر او المرأة عقلها اكبر
لان دى حاجة تختلف من شخص لأخر


وشكرا

انا هقول رايي كبنت ومش عارفة هتقتنع بيه ولا لا
فعلا عقل البنت بيسبق عقل الولد بمراحل ودي دراسة حقيقية فعلا ومش قصدي طبعا اقول كده عشان انا بنت
بس اسأل اي بنت تبصي لحد اصغر منك تقوللك لا طبعا
البنت لازم تحس ان حبيبها او جوزها مخه كبير مش تستعيله و ومعظم البنات حتى ما تحبش تبص لحد قدها وتلاحظ انهم دايما يبصو لراجل اكبر منهم
اما بقى في بعض الاستثناءات بنات او ستات بتبص لحد اصغر منها وده بفسره بانه تسرع او هي ممكن الفترة دي بتمر باضطرابات نفسية
بس حتى لو اتجوزو هي بتزهق منه و بتكتشف ان اختيارها غلط وهو بيحس بالنقص قدامها وبالفرق اللي بينهم
ارجو تقبل رأيي

رأيك ليه احترامه 

حتى لو انا مش موافق عليه

ابقى بس نورينا كده على طول



وشكرا

هى مفهاش اى مشكله اصلا طلما ان الاتنين متوافقين مع بعض انا اعرف واحده متجوزرة واكبر من جوزها بى 5 سنين وعندهم ولا د
وربنا يسعدها

شكرا ليكى يا دوللى على ردك