السؤال ده انا اختلفت مع ناس كتير في الاجابة بتاعته ... يا تري هتبعد و تتمنالها الخير علي اساس ان اللي بيحب بيتمني الخير و السعادة لللي بيحبها ولا هتقولها انا وراكي لحد ما انسيهولك و تحاول تفرق ما بينهوم عشان انت بتحبها !!!

انا عن نفسى حنسحب فورا
وحتمنى لها كل السعادة مع من تحب
جايز تقول انك بتاع سيما وعايش دور التضحية
بس انت لو بتحب انسان بجد
حتتمناله الخير والسعادة معاك او مع غيرك
الحب والانانية عدوان
ده رأيى طبعا


وشكرا

بص يا باشا انا من وجهه نظرى انه مينفعش الواحد يتقدم لوحده الا لما يكون عارف مشاعرها من نحيته

او على الاقل انها مش مرتبطه بشخص تانى

ولو فرضنا انه راح يتقدملها وقلتله انها بتحب واحد تانى

لازم ينسحب بكل هدوء .....لان من الكرامه مفيش انسان هايرتبط بواحده مش بنحبه وكمان بتحب واحد تانى

بالتوفيق يا جميل...

انا برضه مع كريبتون وبليزى
لان لو هى بتحب التانى وكده
مش حتعيش سعاده مع اللى حيتجوزها مهما كان بيحبها وحتبقى تعيسه
اكيد لو بيحبها حيتمنلها الخير وانها تكون سعيده
يعنى بغض النظر عن نبل مشاعره هو لو اتجوزها مش حيبقى سعيد معاها

احسنله واحسنلها انها تقله انها بتحب واحد تانى بدل مايظلمو بعض
تانى حاجة من حقها ... تالت حاجة المفروض يبقى في قلبنا الخير والطيبة خصوصا في المواقف اللي زي دي ... ونتاكد ان ربنا باذنه هيعوضنا خير ...
شكرا لطرح السؤال...
تقبل مروري ...

إزيكم ياجماعة

متهيــألى كراى وبليسى قالوا إللى أنا عايزه بالظبط

لأن لو فكرت فى حاجة تانية يبقة مش هتقدر تعيش معاها فى بيت واحد وتكون سعيد معاها

وعمرها ماهتتقبل منك أى حاجة إلا بالحب والإحترام بينكم .. فياريت تتمنالها الخير وتقول الحمد لله على إللى حصل

وأكيد ربنا هيعوضك خير ياصحبى

شكرا