كيف الحال يا هيومانز
يا رب تكونوا بخير
========
الاول كده خلونى اقولكم نكتة
تعرضت طائرة لمشكلة ما وكان من الضرورى التخلص من بعض الاحمال الزائدة
وذلك من اجل النجاة
فقام الفرنسى وراح على الباب وقال :
فرنسا رمز التضحية
ونط من الباب
وبعدين قام الامريكى وقال :
امريكا رمز الحرية
ونط هو كمان
جه حبيبنا الصعيدى ووقف جمب الباب و قال :
مصر رمز الفهلوة
ورمى المضيفة
ههههههههههههه
نكتة بايخة ؟؟؟؟معلش استحملها زى ما انت مستحمل الواقع البايخ اللى احنا عايشينه
من كام يوم تم الاعلان عن علاوة 30 % من اجل مواجهة الغلاء اللى اصاب البلد فى نفوخها
مما ادى لارتجاج مصحوب بشلل مؤقت مدته تترواح بين خمسيميت الى سبعميت مليون سنة بالتقويم الايونى
( سيبك من المكتوب دى بس عوارض امتحان وركز معايا فى الفكرة )
المهم ان العلاوة المزعومة لابد لها من تمويل
طب منييييييييييييييييين والفقر مطلع عنينا
قالوا احنا مش حنغلب دا احنا فى مصر
رمز الفهلوة وعلى هذا الاساس تم رفع اسعار الوقود وحاجات تانية كده وقالوا ان مفيش اى مشاكل حتنتج عن هذا
وبما انى مواطن غلبان على قد حالى فكرت
وبعدين قلت
اى مكنة فى البلد دى حتشتغل بايه
بوقود
طب اى منتج فى البلد دى لازم ننقله للاسواق
طب ازاى
اكيد بوسائل النقل المختلفة
طب وهى حتمشى بايه
( حتة موسيقى بقى من بتوع الاوسكار )
وبرغم صعوبة السؤال الا انى حجاوب وقول
حلة
لا طبعا الاجابة هى
الوقودومن هذا ايها السادة و السيدات وحبايبنا اللى فى الفرح
نستنتج ان كل شىء فى سبيله الى الغلاء بسبب ارتفاع اسعار الوقود
يعنى العلاوة تدخل جيبك اليمين تخرج من .......
ولا بلاش
المهم انها حتخرج وخلاص و بلا رجعة
يبقى الموضوع كله اشتغالة مكنية ومجاز مرسل علاقته الاستعباط سيد الهبل
مش بقولكم نكتة بايخة =====
دلوقت بقى حقولكم على حاجة بس انت المسئول
يا يجيلك شلل نصفى يا حيجيلك كساح فى الاملاح
مصر من الدول الاولى على مستوى العالم فى انتاج الغاز الطبيعى
وعندها منه احتياطى رهيب
وبالرغم من كده الا ان استغلاله لا يتم بالوجه الامثل
وفوق كده بيتباع لبلاد بره بسعر الترمس ( مع الاعتذار لصاحب العبارة المشهور )
وكمان بدأ تصديره الى عدوتنا اللدودة اسرائيل بسعر اقل من الترمس
وده معناه حاجة من الاتنين
يا نطرشق مع بعض حبيبى
يا نكاكى احنا الاتنين
وقدام كده ميت وكده ميت
يبقى نخاف من ايه
وارجع واقول
الناس المهمين فى البلد دى يستحقوا جايزة اوبل - مهى اغلى اكيد من نوبل - على انجازاتهم العظيمة
فى مجال تأكيل الحلاوة للشعب المصرى ولا تنس
ان
مصر
رمز الفهلوة
بقلم ساخر
وشكرا
