المساعدة - البحث - قائمة الأعضاء - التقويم
حد يرد عليا
EgyHat.CoM > المنتــدى الإجتـماعـى > منتدى الاسره والحياه الإجتماعيه > قسم اللياقه والحميه
elamora
Jun 9 2008, 12:41 AM


السؤال الاول
انا لو لغبط يوم في عز مانا بعمل رجيم ومش اليوم المفتوح بتاعي يحصل اي؟
السؤال التاني
انا بقي لو اعدت يوم كامل مكلتش كده هخس كتير؟ وهل ده كويس؟
السؤال التالت
شرب الميه الكتير بيخسس؟
السؤال الرابع
اعمل ايه ازا انا اصلا عندي فوبيا من حكايه اني اتخن اكتر من وزني ؟ وحاجه تانيه كمان ان انا عايزه اخس بس دايمن خايفه خايفه من كل حاجه بكولها حتي الميه؟
السؤال الخامس
اعرف ازاي الوزن المثالي لطولي؟
السال السادس
الرجيم اثر علي شعري اروح لدكتور ولا امشي علي الاعشاب والوصفات اللي بنشوفها ع النت؟
السؤال السابع والاخير
الوصفات اللي بنشوفها علي النت ديه حقيقه اثق فيها ولا هي اشتغالات ومقالب؟


ارجوكم حد يرد عليا انا عندي شبح يطاردني وهو زياده الوزن
ساعدوني



krypton
Jun 9 2008, 03:44 AM
بصى يا امورة
انا معرفش كتير فى الموضوع ده
بس حقولك على كام حاجة

اغلبية الوصفات والخلطات على الانترنت او فى الجرائد
مجرد اشتغالات
تنفع مع ناس
ومتنفعش مع ناس تانية
وتفيد ناس وتضر بناس تانية اشد الضرر
عشان كده لازم تتعاملى مع الموضوع من خلال خبير
او متخصص يشوف انت محتاجة ايه ويعملك برنامج يتلاءم مع حالتك

شرب المية اساسى جدا من غير اى حاجة
وخصوصا فى الجو الحر ده

واخيرا
ليه الهوس ده بالوزن
شىء كويس انك تبحثى عن الصحة والمظهر اللائق بس
ميبقاش ده شغلك الشاغل
انت امورة من غير حاجة فبلاش تخقلى لنفسك اوهام زى
انت تخنت انا وزنى زاد
لانك فى الاول و الاخر مش حتكونى فيل يعنى
وبعدين انا شايف ان ممارسة الرياضة هى الاساس
كلى اى حاجة واعملى كل اللى نفسك فيه
بس داومى على ممارسة الرياضة
وده اكيد حيمنحك اللى نفسك فيه


طبعا ده كلامى انا و ده مجرد رأى
بس نصيحتى الاخيرة
اسألى خبير او متخصص
وسيبك من المجرب



وشكرا
banotalovely
Jun 12 2008, 12:47 AM
بصى يا قمر اولا الميه مش بتخن خالص ممكن تشربى ميه سخنه على الصبح 2 كوب
ثانيا لو عايزة تخسى صح امشى مع دكتور رجيم كويس علشان انتى لو مشيتى لوحدك هتتعبى اوى
ثالثا انا مش بحب حاجات النت والحجات ده بجد الافضل دكتور فاهم كويس اوى هو بيعمل ايه
رابعا اقل الاكل ممكن تجبلك انميا لو حتى انتى مليانه اوعى تحرمى نفسك من حاجه لان كدا غلط
خامسا كلى الى انتى عايزة بس بكميهاصغيرة
سادسا مش تسمعى كلام حد بصى لدكتور افضل كتير
ده راى
christiandior
Oct 22 2008, 05:12 AM
إقتباس(elamora @ Jun 9 2008, 12:41 AM) *
مبدئيا انا درست الموضوع ده اقدر افيدك بدون ضرر

السؤال الاول
انا لو لغبط يوم في عز مانا بعمل رجيم ومش اليوم المفتوح بتاعي يحصل اي؟
ولا اي حاجه و كملي ريجيمك عادي بس خلي عندك اراده
السؤال التاني
انا بقي لو اعدت يوم كامل مكلتش كده هخس كتير؟ وهل ده كويس؟
لا مش هتخسي الموضوع انك لما بتحسي بالجوع الجسم بيحرق شويه دهون بس انك متكليش طول اليوم انتي كده بتضري نفسك لان الجسم بيحتاج لتغذيه
السؤال التالت
شرب الميه الكتير بيخسس؟
لا ولا ليه دعوة بالتخسيس شرب الميه بيقلل من تساقط الشعر بس
السؤال الرابع
اعمل ايه ازا انا اصلا عندي فوبيا من حكايه اني اتخن اكتر من وزني ؟ وحاجه تانيه كمان ان انا عايزه اخس بس دايمن خايفه خايفه من كل حاجه بكولها حتي الميه؟
كلي بس في حدود المعقول و كلي 3 وجبات بس اتعمدي تقومي و انتي لسه جعانه شويه يعني متمليش بطنك اوي و متشربيش ميه في وسط الاكل
السؤال الخامس
اعرف ازاي الوزن المثالي لطولي؟
ملوش علاقه وزنك المثالي اللي تحسي عنده انك مرتاحه انتي مش هتقدمي في عرض ازياء انتي بترضي نفسك و ده اهم
السال السادس
الرجيم اثر علي شعري اروح لدكتور ولا امشي علي الاعشاب والوصفات اللي بنشوفها ع النت؟
لا سيبك من النت خالص لو تابعتي مع دكتور افيدلك بس شرب الميه بيقلل تساقط الشعر
السؤال السابع والاخير
الوصفات اللي بنشوفها علي النت ديه حقيقه اثق فيها ولا هي اشتغالات ومقالب؟
لا مش اشتغاله ولا حاجه بس هيه مش بتجيب نتيجه مع كل الناس دايما خير الامور الوسط


ارجوكم حد يرد عليا انا عندي شبح يطاردني وهو زياده الوزن
ساعدوني
لو حابه تعرفي اي معلومه زياده راسليني و انشاءالله افيدك



.