السلام عليكم و رحمة الله و بركاته

الموضوع ده ناتج من حالة عجيبة كنت فيها نتيجة العديد من الضغوط
امتحانات و خلافه

طبعا انا عارف ان الردود حتبقى كتير فانا خايف على السيرفر
كالمعتاد

ظريف انا مش كده ؟؟؟؟

المهم
ندخل فى الموضوع


قد يبدو كلامى غريبا و لكنه حقيقى و نابع من قلبى
ذلك القلب المحاط بستار حديدى فولاذى
قد يبدو لمن حولى قلبا قاسيا كالصخر
ولكنه فى الحقيقة قلب نابض بالحب و الاشتياق الى حبيبة لم اجدها بعد

فهل هذا معقول ؟؟!!!!!!!
هل من الممكن ان احب احد كل هذا الحب من قبل ان اراه
الحقيقة اننى كثيرا ما ترددت و ظننت انى مجرد شخص حالم يعيش فى وهم كبير
نعم وهم كبير
اعيش فيه بارادتى بحثا عن شىء مفقود وهو
الحب
الحب الذى لم يتذوقه قلبى ابدا ولم يشعر به الا تجاه حبيبتى الخيالية
فمن هى ؟؟

هى اجمل امرأة رأيتها فى حياتى
رأيتها بقلبى

هى الصوت العذب والذى يهمس فى اذنى بصوت خافت قائلا .........
لا اعرف ماذا يقول
ولكنه بالتأكيد يهمس بكلمات جميلة تخترق قلبى برقة لتسكن بداخله
وتشيع به جوا من الفرح و السعادة

هى العين الساحرة و التى تأسرنى بجمالها و نظراتها العجيبة
نعم نظرات عجيبة
مليئة بالكثير من المشاعر و الاحاسيس
فقد تكون نظرات حب
او خوف
او امل
او يأس
و لكنها فى كل الاحوال تشعرنى بأننى على قيد الحياة

حبيبتى
عندما انظر اليها اشعر بالراحة
و ينتابنى شعور جميل بالدفء و السعادة
و هى تبعث في اجمل الخصال
فأكون انسانا رقيقا محبا للأخرين
اهتم بمشاعرهم واعمل على راحتهم
والاهم
انها تجعلنى حنونا عطوفا فى تعاملاتى

وكيف لا اكون كذلك ؟!!!!!!
وهى كالفراشة الجميلة ولكنها رقيقة
تحتاج الى عناية واهتمام

فهل يعقل ان تكون هذه المرأة من وحى الخيال ؟؟؟!!!!

و الاهم

هل يمكن ان اجد من تمنحنى مثل هذه الاحاسيس

ام ان الخيال

بعيد المنال

=======

اخيرا احب اقول ان ده كلامى انا يعنى مش منقول
لان المشاعر متتنقلش



بقلم محب


وشكرا

كلامك حلو اوى بجد تسلم ايدك يا جميل بجد انا حسيت بيه اوى
وديما كدا اكتبو احنا نقرا وكدا يعنى
منورنا

ميرسى على ردك
يا قطة يا عسل



وشكرا

عارف أنا بحب ردودك أوى
================
بس أول مرة أعرف إن قلبك كبير أوى كده

عندك إحساس رقيق فى كلماتك ياكراى

تسلملى ياصحبى على التوبيك والكلمات الجيملة دى عجبنى جدا أسلوبك فى التعبير

دمت بخير ياصحبى ياعثل

انا مش قادر اوصف لك اد ايه انا فرحان انك اعجبت بكلامى
واد ايه انا فرحان انك رديت عليا

بس ايه قلبك كبير دى
كيلو يعنى

ههههههههههه

نورت يا
ليدو
يا
جااااااااااااااااااااامد



وشكرا

الليله احساسى غريب
عاشق وانا مالى حبيب



ايه الكلام الجامد ده يا كريبتون
بجد احساسك عالى قولى
واكيد كل واحد فينا بيمر بالمرحله دى
وانشاء الله تلاقى بنت الحلال اللى تطلع احلى واجمل من اللى انت اتصورتها

ايه الجمال ده

مش ممكن اول مره اعرف ان احساسك عالي اوي كده

كنت فين من زمان

اكتب كده و متعنا


يلا و العيد فرحه

إقتباس

الليله احساسى غريب
عاشق وانا مالى حبيب



ايه الكلام الجامد ده يا كريبتون
بجد احساسك عالى قولى
واكيد كل واحد فينا بيمر بالمرحله دى
وانشاء الله تلاقى بنت الحلال اللى تطلع احلى واجمل من اللى انت اتصورتها

شكرا يا قطة على ردك الجميل ده
و لو احساسى عالى اوى كده انا ممكن اوطيه شوية عشان متتضايقيش



وشكرا

إقتباس

ايه الجمال ده

مش ممكن اول مره اعرف ان احساسك عالي اوي كده

كنت فين من زمان

اكتب كده و متعنا


يلا و العيد فرحه

ايا يا اية
حسستينى انى حيوان ملوش مشاعر

لا والله انا بحس

وعمتا هى غلطة و مش تتكرر

والعيد فرحة



وشكرا

بجد جميل جدا موضوعك
انت فعلا انسان حساس وقادر تعبر عن اللى جواك بطريقة معبره
وتخلى اللى قدامك فعلا يحس بيك
ربنا يوفقك

ميرسى على ردك الرقيق ده
يا قطة



وشكرا

انت ليه كارهني كده
هو في تار قديم بينا و انا معرفش

بقولك احساسك عالي تقولي حسستيني اني حيوان
و اكتب تاني تقولي غلطه و مش هتتكرر

اذا تكلمت عن الاحساس الذى تنطق به كلماتك

فسوف اهديك ورده مليئه بالاحاسيس لعلها تستطيع التعبير بديلا عن قلمى

اذا تكلمت عن عن عمق المعنى الذى اتيت به

فسوف انزع قبعتى من على راسى تعبيرا عن اعجابى الشديد

بجد موضوع رائع يا حبى

اتمنى لك التوفيق

إقتباس

انت ليه كارهني كده
هو في تار قديم بينا و انا معرفش

بقولك احساسك عالي تقولي حسستيني اني حيوان
و اكتب تاني تقولي غلطه و مش هتتكرر

والله يا اية
انت شخصية جميلة جدا

وانا طبعا كنت بهزر معاك
نورت يا قطة



وشكرا

إقتباس

اذا تكلمت عن الاحساس الذى تنطق به كلماتك

فسوف اهديك ورده مليئه بالاحاسيس لعلها تستطيع التعبير بديلا عن قلمى

اذا تكلمت عن عن عمق المعنى الذى اتيت به

فسوف انزع قبعتى من على راسى تعبيرا عن اعجابى الشديد

بجد موضوع رائع يا حبى

اتمنى لك التوفيق

انا كده زعلت
يعنى يا راجل ده  الموضوع
لا قارن بالرد بتاعك

فعلا رد بليغ جدا وعلى مستوى عالى
ومش عارف اقولك ايه
كده الناس تقرا الرد و تسيب الموضوع
هههههههه
نورت يا مان




وشكرا

الله عليك روعة والله بجد انا كنت عايزة اعمل اقتباس لاكتر جزئيه عجبتني لكن مش عرفت لانها كلها روعة تسلم الاحاسيس الجميلة

شكرا يا مولا على ردك
نورتى الموضوع

هى العين الساحرة و التى تأسرنى بجمالها و نظراتها العجيبة
نعم نظرات عجيبة
مليئة بالكثير من المشاعر و الاحاسيس
فقد تكون نظرات حب
او خوف
او امل
او يأس
و لكنها فى كل الاحوال تشعرنى بأننى على قيد الحياة


بجد كلام يتاهل رفع القبعه بس ايه العظمه ديه يا ريت نشوف منك المزيد يا كبييييييييييييييييييييييييييييير وعلى فكرة الكلام ده من القلب للقلب شكله كده good man

شكرا يا احمد على ردك الجميل
و هو فعلا من القلب

نورت الموضوع يا باشا

ايه يا عم الكلام الجامد ده
بجد تحفه
ده انت موهوب واحنا منعرفش
هههههههههههههههههههه

ههههههههههههههه

الله يخليكى يا ريهام

حلوة موهوب دى

عمتا هى غلطة و مش حتتكرر

نورت الموضوع

ايه هى اللى غلطه
قول
انطق
اتكلم

بجد بجد
تحفة يا محمد
يسلم احساسك وكلام الجميل

انى اكتب تانى موضوع زى ده يا ريهام
ايه
انت حتضربينى و لا ايه
لا
دا انا غلباااااااااااااااان

تسلم ايدك يامحمد

مشمش
اسف جدا على تأخيرى
منورة الموضوع بجد
و كويس انه عجبك

الله يسلمك يا ترو
نورتى الموضوع

بجد موضوع اكتر من رائع وصل لقلبى جدا وعايزين اكتر واكتر

شكرا ليكى يا مصرية
بس مفيش تانى
هى مرة و انتهت
نورتى الموضوع