السلام عليكم

ازيكم يا بنى ادميين
ايه الاخبار ؟؟
زى الاهرام ؟؟؟
عقبال الجمهورية

المهم

النهاردة كنت عايز اكلمكم عن حاجة كده
بس ارجو ان الردود تكون ايجابية من غير اى تحوير او تذويق
او اجابات مثالية زى التوقعات المرئية

انا عايز اسألكم سؤال بسيط خالص

هل حدث فى يوم من الايام انك كرهت واحد لدرجة انك خلاص ممكن تقتله ؟؟؟
وانا بقول تقتله
يعنى انت عديت مرحلة الكراهية و دخلت فى مرحلة البغض
ويمكن كمان بقيت تمقته

انا عن نفسى
للاسف عايش الموقف ده
و ده طبعا مش حاجة كويسة
وبحاول انى اعذر الشخصية دى بأى عذر بس مش قادر
حاسس انى خلاص ممكن ارتكب جريمة

فهل فى حد منكم وصل ابدا للمرحلة دى تجاه حد ؟؟؟
طيب وتعمل ايه و ازاى تتغلب على كده ؟؟؟


بقلم مخنوق  

وشكرا

أولا مفيش غير سبب واحد يوصلني للحاله دي وهو الشعور بالظلم
يعني لو حد ظلمني ظلم شديد جدا ممكن اوصل للحاله دي
بس بصراحه موصلتش للحاله دي قبل كده
بس انت كمان موضحتش ايه المشكله اللي مخلياك تحس بكده
وياريت تقول عشان لو حد عنده فكره او نصيحه ممكن يساعدك
واساسا مفيش حاجه في الدنيا تستاهل كل ده استعيذ بالله من الشيطان الرجيم وحاول تهدي نفسك وان شاء الله خير

المشكلة يا سيدى انى عايش فى منطقة كانت حلوة وجميلة
والناس اللى حوالينا محترمة و زى الفل

لغاية ما جه يوم مشؤم

العمارة اللى جمبينا اتباعت لواحد كده بتاع بلاى ستايشن
وكان فى شقة فاضية اداها لناس
اجارك الله منهم
قمة فى السوء لو شفت واحد منهم تتقرف
تحس انهم خارجين من البلاعات
عالم تعمل اللى فى مزاجها و بس

ليهم علاقة بالناس اللى فى البدروم تحتيهم
و زى ما تقول كده بقوا عصابة مكونة من نسوان عجيبة
و شوية رجالة بلطجية

اللى مش ممكن بقى التغاضى عنه
هو القذارة اللى بخرج من بقهم
شتايم و كلام قذر فوق الوصف
حاجة تقرف
ده غير انهم مؤخرا باين عليهم كده جابوا سماعات جديدة فرحانين بيها
بيشغلوا طول اليوم اقذر ما تغنت به البشرية
اغانى زبالة لعالم تعبانة
و بصوت عالى جدا بطريقة مقززة
و طبعا محدش عارف يتكلم معاهم عشان هما بلطجية
والبوليس ربنا يحميه لشبابه بيتفرج و مش حيجى الا لما الدم يبقى للركب

وفوق كده تزامن مع قدومهم ان واحد فتح ورشة سيارات فى الشارع و ده زيهم كده
ميكانيكى مش عايز اقول
كلامه قذر و بيتعامل بالشتيمة و عمال يصلح فى العربيات و صوت المحركات و القرف ده
خلاص حيجيلى صرع

عارف ايه اكتر حاجة مضايقانى
ان فى ناس تقولك معلش اصل بياكل عيش
غباء مستحكم
يعنى هو ياكل عيش و احنا نعيش فى غم عشان خاطر سيادته
ان شاالله ما عنه كل

والانيل من كده ان واحد اشتكاه
راح ابن ال  و جاب واحدة اتبلت على الراجل انه ضربها
ومقابل انها تتنازل انه هو يتنازل عن شكوته ضد الميكانيكى
كأننا عايشين فى غابة ومفيش ولا قانون و لا بوليس و لا زفت
كل اللى هامم الحيوانات دول الارهاب و الامن الداخلى
طب والناس والبلطجة اللى عايشين فيها
لا خليهم ياكلوا فى البعض

اقسم بالله العظيم
انى لو قتلت الراجل ده و الجيران الزبالة دول مش ححس بأى ندم على الاطلاق
بالعكس حستريح نفسيا احسن من شعور القهر اللى انا عايش فيه ده

وارجع و اقول يعنى انا لو كان ابويا ظابط و لا فى الجيش و لا مسئول مهم
كنت حبقى فى الظروف دى
و لا كانوا حيبقوا زى الخرفان مطرح ما اسوقهم يروحوا

اعذرونى يا اخوانا
واعذرنى يا اميدو
بس انا فعلا مخنوق لانى مش عارف اخد حقى
وشايف ان الكلاب بقت سادة القوم

وكفاية كده



وشكرا

بصراحه انت عذرك كبييييييييييييييييييييير اوي لانك بتشتكي من الضوضاء اللي حلت على دماغك فجأه وكمان الاسوأ هو جيران السوء
وشيء يضايق فعلا اللي حصل وانا معاك في كل كرهك من اللي بيحصل عندك لاني اكره ان حد يفرض عليا ذوقه وخصوصا لو هابط وبالطريقة بتاعت السماعات اللي بتقول عليها دي فعلا معاك حق كل الحق في شعورك بالكره وانا لو مكانك مكنتش هحس بأقل منك بل يمكن كنت هغضب اكتر بس بص يا كريبتون التصرف اللي انت فكرت فيه ده مينفعش وخصوصا مع الناس دي
اولا هما بلطجيه يعني انسى اي عنف معاهم لأن هما عاوزين كده ,....ثانيا انت ليك الحق تكرههم بس متحاولش تبدأ بالغلط والا هتطلع انت اللي غلطان في الآخر تالت حاجه ياريت تحاول تغير جو أو تروح عند حد قريبك أو صاحبك أو أي مكان هادي عشان تعرف تفكر كويس بس اوعى تاخد قرارك وانت منفعل عشان متخسرش كتير وربنا يكون في عونك بجد يا كريبتون ويارب تجيلهم مصيبه تاخدهم كلهم
واسف لو طولت عليك

انا طبعا مش ممكن اتخانق مع العالم دى
ومش ممكن ابدأ معاها بالغلط
وان كنت بقول اقتلهم
ده بس لبيان اد ايه انا بكرهم

والمشكلة انى بتمنى لهم كل سوء و شر
وده بجد مزعلنى لانه غلط

وارجع واقول
ربنا قادر يرحمنى منهم

ربنا يخليك يا اميدو
معلش ان كنت خنقتك
بس ادينى بفضفض




وشكراِ

ازيك ياكريبتون
انا قريت مشكلتك وفعلا ليك حد تتخنق وتتجنن كمان
لكن فعلا حاول تبعد عن احساس الكراهية ده على قد ماتقدر لان بجد الكراهية دى اوحش احساس فى الدنيا
لان اللى الكره بيدخل قلبه صدقنى صعب جدا انه يخرج منه و بيبقى سهل عليه انه يكره اى حد تانى
وانت طبعا عارف ان اللى بيكره اكيد مابيعرفش يحب لان الحب والكره مايجتمعوش فى قلب واحد
فياريت تحاول تهدى اعصابك فى اى مكان وبلاش التفكير بالطريقة دى عشانك انت مش عشان حد تانى
سورى انى طولت عليك وماتضايقش من كلامى

ميرسى على ردك يا دوللى

بس الموضوع فعى صعب
وربنا يفرجها من  عنده



وشكرا