بسم الله الرحمن الرحيم


الموضوع ده ممكن يكون اتكتب حاجه شبيهه منه قبل كده والله اعلم
بس انا النهارده بكتب الموضوع ده من صميمى
احساس مخلينى مش قادر اسكت


منتدى ايجيهات اول ما عرفته واول ما جيته
كنا كلنا هنا عيله واحده و فى بيت واحد
بنهتم ببعض
بنحب بعض
بنقف جمب بعض فى كل كبيره وصغيره
متعاونين مع بعض
كنا اكننا جوه بيت واحد


الوقتى ناس كتير مشيت
ناس كتير بعدت عن بعضها
ناس بتبعد واحده واحده


لو نلاحظ ان اللى موجود الوقتى بعض الاعضاء المعدودين
هم اللى دايما موجودين
ولسه بيحاولوا انهم يرجعوا ايام زمان


وناس تانيه عامله جروب مع نفسيها
بيلعبو مع بعض شويه ويكتبوا شويه وكده


ليه حصل اللى حصل ده ؟؟؟؟
ناس مش باقت تهتم غير لنفسها
ولا ناس همها مصلحتها وبس
ولا ناس مشغوله جدا بجد
ولا ناس مبقوش يفهموا بعض كويس وبقا شعورهم ناحية بعض سطحيا


كل اللى فات ده موجود وسطينا
واكيد لكل واحد مننا سبب يخليه يبقى فى اى فئه من دول


انا عايز ادعوا الكل للعوده
بدعوكم نرجع زى زمان
بدعوا اللى مش لحقنا نقنعه بالبقاء بالعوده
واللى يعرف حد بطل يدخل يكلمه ويحاول يرجعه تانى وسطينا
وياريت اللى بيفكر يمشى مش يمشى " عارفين نفسهم "

اللى يعرف شعورى بجد فى اللى بيحصل ده مش هايسكت
ده كان وسطينا ناس اتعلمنا منهم الكتير
اتعلمنا التعاون من البعض
اتعلمنا الاهتمام من البعض الاخر
اتعلمنا المسئوليه من اخرون
اتعلمنا المحبه بين الجميع

ارجو من الجميع التعاون معى لاعادة هذه الفتره الجميله
باننا نصالح اى حد احنا زعلانين منه ونبداء صفحه جديده
باننا نصلحح عيوبنا
باننا نسامح
باننا نتعاون معا

انا هنا ادمن
ولكنى اتعامل مع الجميع مثلى مثل اى فرد بالمنتدى


ارجو مشاركتكم
لان هذا الموضوع هو تعبير عن شعورى واحساسى بمى يجرى


لا تنظر الى بسمتى هكذا
فإن خلف بسمتى جرح
احاول اخفائه بالبسمه

استاذ عمرو 

انت زى اخونا الكبير و محدش يقدر يقول غير كده

و انت اكيد عارف ناس كتير من دول 

بالنسبة ليا انا عندى طلب

لو انت ليك اى ملاحظات عنى يا ريت تقولها عادى 

و علنا لو حبيت انا معنديش مشكلة 

كمان لو اى حد تعرفه مضايق منى فى حاجة 

برضه قولها هنا 

و انا اقدم له اعتذار رسمى قدام كل المنتدى

ده بخصوصى انا 

اما لو فى حد عايز يمشى و يسيبنا 

احنا طبعا مش حنجبره انه يقعد

بس اظن ان من حقنا عليه انه على الاقل يقولنا هو ماشى ليه

مش جايز نقدر نشيل العائق ده او الحاجة اللى مزعلاه 

و ساعتها يقعد معانا 

اخر كلام

يا ريت يا جماعة ولو لمرة نبقى صريحيين مع بعض 

و اللى يدخل مش يقرا الكلام و يهز دماغه و يطلع 

لان الموضوع كده بقى صعب و احنا كلنا عايزينكم معانا 

و انا احيى عمرو على موضوعه ده

و يا ريت تشاركوا و تردوا 

اللى يعرف شعورى بجد فى اللى بيحصل ده مش هايسكت
ده كان وسطينا ناس اتعلمنا منهم الكتير
اتعلمنا التعاون من البعض
اتعلمنا الاهتمام من البعض الاخر


انا عارفه شعورك ده ياعمرو وبعترف ان انا اول من بعد وانشغل عن المنتدي بس والله لظروف غصب عني وعلي قد مابقدر بدخل انا هنا لقيت ناس كتير كويسين وبقينا اصحاب واخوات منهم انت ياعمرو وحمدي وموني ونيرفو وسوسو ومني وخوخه وزيزو وهوني طبعا ناس كتير مش عايزه انسي حد لكن اتمني ان احنا نرجع زي الاول فعلا ونا عن نفسي هحاول علي قد ماقدر
وبالتوفيق ان شاء الله

اتعلمنا المسئوليه من اخرون
اتعلمنا المحبه بين الجميع

مشكور كريبتون على كلامك
واللى عايز اقوله ان مفيش حاجه من ناحيتك


اتمنى ان الناس تتفهم كلامك
وشكرا لك مرة اخرى


هانتوسو
الحمد لله انك قريتى الموضوع
وشكرا على ردك
واتمنى عودتنا جميعا كما كنا
اتمنى عودة العلاقات الطيبه والصداقه الجميله اللى كانت بيننا

مش عارفه بس انتو والله مش سبتولى كلام اقوله
بس مش عارفه ليه انا متفائله خير وحاسه اننا ممكن نرجع زى زمان
او علا الاقل بالروح الحلوه دى اسرتنا مش حتنقص تانى
انا بضم صوتى لكريبتون انا كمان لو حد زعلته وده اكيد حيكون من غير قصد برضه
فانا بعتذر
ولو حد زعلان من حد هنا وعايز يمشى ممكن يتجنبه او على الاقل يفضل مع الناس اللى بتحبه

 انا يا جماعة اسف انى اقول

ان ناس كتير دخلت من بعض الموضوع ده

و ناس احنا عاريفنهم 

يعنى مش اى كلام 

و محدش حتة كلف نفسه و رد 

فى 33 مشاهدة لغاية ما انا بكتب الرد ده

و فقط 4 ردود

غير ده

انا مفيش حاجة اقولها غير ان ده شىء مؤسف

بس اذا كانوا مستغنيين عننا 

مش مشكلة 

بالسلامة

اكيد فى ناس تانية جديدة حتثبت نفسها

و حترجع المنتدى زى ما كان واحسن

بس ارجع و اقول

شىء مؤسف

كريبتون مش بالردوووووووووووووووووود بالفعل ياكربتون وبالتواجد
اديك عملت اللى عليك وقولت احساسك نا حيتهم

انا طبعا بشكر عموور وكريبتون وحانتوسو وايهاهى

بشكر كمان كل الى هايرد بعدى

اعزرونى انى مش هاتكلم كتير فى الموضوع ده لانى مش هلاقى كلام اقوله

بس انا متفائل

ولكن دعونا نعمل لايجى هات.

بالتوفيق.....

بصوا يا جماعة عشان نبقى صرحاء أنا مش هكرر الكلام اللى فات
مش لأنى مش حاسه لأ لأن ده هيبقى تكرار أنا مثلا واحد كان شغله
فى رأيي قوى جدا وفجأه بعد ما وصل للإشراف العام رفضه وإختفى
لمدة سنه وبعد كده رجع تقريبا ملقتشى أى حد من اللى يعرفهم موجودين
أو دخولهم قليل جدا غير كده دلوقتى أنا بصراحه مبقتشى قادر أحط
مواضيع مش لأن حد ممكن ميعبرنيش لأه لإنى مش قادر أعد ألف وأجيب
لنكات من هنا وأعمل هنا بس عمتا إيجيهات ده أول منتدى إشتركت فيه فى
حياتى وقبلتونى فيه كصاحب على الرغم من صغر سنى بالنسبه لكم إحترمتى
رأيى وده كل اللى فى فكرى فى الوقت الحالى وكل اللى أتمناه إن إيجى يبقى
أفضل منتدى فى الدنيا والسلام خير ختام

انا معاكم ان المنتدى قى اسوء من الاول فى حكايه روح الجماعه و الاخوة و الكلام الكتيير ده كله

معاكم ان ناس كتيرة من حقها تمشى من هنا

معاكم فى اننا نرجع المنتدى زى ما كان ايام العز و النغنغه و الحب و الجمال

مش هكرر كلامكم لان اكيد رايى معروف
بس كل ما فى الامر
طلب بسيط منكم

او من الناس اللى بتدعى الاخوة بشكل خاص

يريت نعامل بعض بما يرضى الله اولا
ثم نعامل بعض بصدق باحساس صادق يعنى

بمعنى حدش مجبر هنا انه يحب الكل
و بالتالى حدش مجبر انه يقول فلانه اها دى زى اختى و اكتر
و فى الحقيقه لا هو يعرفها و لا اى حاجة كله فى البطيخ

بجد الحكايه دى بدايق جدا
و بتشجع الواحد انه يمشى با رجعه

بس انا عن نفسى توصلت لشئ لذيذ اوى
انا عن نفسى مش هشارك هنا الا فى مواضيع قليله جدا
و فى قسم الشكاوى
و اعمل شغلى فى مراقبه الاقسام و بس

لا كده اكون قصرت فى حق اى حد
و هكون رضيت نفسى
الا ان اجد ان روح الحب رجعت
هرجع انا معاها

لانى تعبت بصراحه من كتر المحاوله فى لم الشمل
جه دور غيرى بقى يحاول يلم اللى ضاع


اسفه على الاطاله
و السلم امانه

 ايهاهى 

مفيش لا فعل و لا تواجد



بليزى 

مشكور على كلامك



دانى 

انت اصلا مخنوق و انا مش عارف مالك

و مش راضى حتى تقولى 

ربنا يهديك



مشمشة 

انا بعتذر ليكى هنا علنا على طريقة كلامى و اللى ابديتى انت عليها تعليق 

فى لعبة ما 

غير كده انا مظنش انى عملت حاجة تمسك 

بالنسبة لغيرى 

ده مش مجالى بس يا ريت تقولى ايه اللى مضايقك 

بصراحة و من غير الغاز

و لو شخص بعينه قولى

جايز تكونى فهمتيه غلط

إقتباس

الا ان اجد ان روح الحب رجعت هرجع انا معاها

يا ريت توضحى مرادك بروح الحب



و اخيرا لو اتخنقت من كلامى ده

سيبك منه 

بس اكيد تعرفى حد هنا ممكن تتكلمى معاه

فانا بارجوكى انك تكلميه و تقوليله ايه اللى مضايقك

و انا مهتم بوجودك معانا لانك تعتبرى من اوائل الناس 

اللى عبرونى هنا 

و يعز عليا انى اشوف كل شوية واحد اختفى 

و كفاية كده

والله انا كنت بفكر انى اعمل توبيك بنفس الفكره دى من فتره
لانى دخلت المنتدى هنا بعد ماسمعت كتييييييييير عنه من هونى كوين والحانتوسو
بس للاسف من يوم ما انا اشتركت حاسه ان المنتدى فاضى نوعا ما
وانا كنت قولت كده مره لبعض الاعضاء اللى هنا
وانا والله بحب المنتدى دا ىجدا لان فيه ناس كتير محترمين
ومش ببعد عنه بمزاجى خالص
لان ظروف تدريبى السنادى شغلانى جدا
واى وقت بكون فاضيه فيه بادخل المنتدى على طول
وانا اتمنى انى اشوف الايام الحلوة اللى انتو بتتكلمو عنها
وبا ريت ترجع من جديد
و اسفه للاطاله

السلام عليكم ورحمه الله وبركاته

قبل ان ابدأ كلامى بسم الحب والصداقه والاخوة وكل حاجه بتجمعنا
اقول بسم الله البرحمن الرحيم

بصراحه انا مش عارف اقول ايه بعد كلامكوا دا
بس بجد احساسك يا مشمشه انتى وعمرو ومحمد مسنى اوى
وحسيت انى مقصر جدا بل الاكيد انى فعلا مقصر معاكم هنا
انا مش هكدب عليكوا
انا روحت اشتغلت فى اماكن تانيه عشان هنا حسيت بنقص كبير جدا
والناس كلها كانت مشيت
بس انا مش هتكلم عن حد معين
انا هتكلم عن نفسى
اوعدكم انى هكون معاكم زى الاول واحسن كمان بكتير وهنتحاول مع بعض
اننا نرجع زى زمان واحسن كمان ان شاء الله
وبجد انا بعتذر عن غيابى عنكم وعن تقصيرى فى حقكم كتير
واوعدكم انى هصلح دا
لانى بجد معدش ليا غيركوا بجد
والسلام خير ختام
والسام عليكم ورحمه الله وبركاته

والله مش عرفه اقول ايه بس ان شاء الله
هنرجع زى الاول واكتير كمان لان كل اصدقاء ايجى هات زى العسل وكلنا بنحب بعض مفيش
احلى من الصداقه الحقيقه ان شاء الله نرجع زى زمان