السلام عليكم و رحمة الله و بركاته

كيفكم يا بنى ادميييييييييييين

يارب تكونوا حرانييين زيى 



النهاردة عايز اكلمكم عن بعض المشاهد اللى الواحد 

بقى دايما يشوفها كل ما يخرج و يمشى فى الشارع

ملحوظة : 

الموضوع ممنوع للعالم اللى بتتخنق بسرعة

نبدأ بقى 

تعليقى الاولانى عن الملابس

سواء الرجالى منها او الحريمى 

نبدأ بالشباب ( معنديش ladies first ) 

هدوم الشباب دلوقت بقى فيها نوع من 

المسخــــــــــــــــــــــــــــــــــرة 

حاجات بتلمع 

و ترتر

و كرانيش 

ناقص شوية و يلبسوا خلاخيل 

و يمسكوا صاجات و يقفوا تحت العواميد



بالله عليكم 

فى راجل سوى يلبس حاجة بترتر 

بلاش

يلبس قميص بكرانيش عند الكمام والياقة 

و ياريت كده و بس 

ده كمان لونها بمبى فاقع 

انا عن نفسى لا اقبل هذا المظهر على الاطلاق 

و حجة الموضة و مش الموضة 

دى حجة البليد

نيجى بقى للبنات

احنا خلاص اتعودنا على اللبس الضيق و البودى هات

و الاب ستومك و اللى من غير ستومك

و الحاجات اللى بترتر برضه

و اللى بريش ( حاجة تبعهم دى و يا رب تفضل عندهم و متجيش عندنا )

بس االى متعودتش عليه 

هو الشبابيك و فتحات المنور 

على رأى المحامى هانى رمزى 



و يرجعوا يقولوا الشباب تعبان ليه 

طبعا اللى بيركز هو اللى بيتعب 

بس الواحد دلوقت بقى يمشى يلعب بدماغه 

عشان هى بصة واحدة بس اللى ممكن التجاوز عنها 

و طبعا من كتر المناظر 

الواحد بينطق دماغه 

شمال و يمين 

يمين و شمال



ننقل بقى على حاجة تانية 

و دى بحس بيها اوى هنا فى مدينة طنطا 

عاصمة الغربية 

و هى 

انتشار المعالم المجارية فى جميع الشوارع 

و على المقيمين خارجها 

مراعاة فروق الصرف الصحى 

بجد المجارى الحلوة ذات الرائحة الاخاذة و الحاجات العجيبة اللى بتعوم

من احد اهم معالم طنطا

حتى انى اطالب بعدم اصلاح المجارى لانها بقت رمز من رموز المدينة

و اثر تاريخى يجب الحفاظ عليه و استغلاله 

فى تطفيش السياح 



مظهر تانى بيصادفنى و انا فى الشارع

و هو 

اجمل عوادم ممكن تشمها فى حياتك

فعلا انت بس تمشى خمس دقايق 

و انت تعمل احلى دماغ عوادم و اجمد دماغ رصاص

 و كمان فى حاجة لذيذة اوى بمناسبة الصيف 

عربيات رش الناموس

انا متهيألى انهم مش بيرشوا الناموس 

دول بيسمونا احنا 

طب ما بدل ما يسمونا 

ما يحطوا ورقتين تلاتة بانجو 

و يكيفوا الشعب 



و خلى الشعب يعيش 

و اخيرا حتكلم عن 

الزبالة 



ايه القرف ده

زبالة على اليمين و على الشمال 

اشكال والوان 

و الناس بترمى و لا هاممها

و انا مرة حبيت ابقى نظيف 

و لا بلاش دى 

حبيت ابقى محترم وارمى ورقة فى سلة الزبالة

على ما لاقيت واحدة 

كانت على عمود

صغيرة كده

المهم رميت الورقة 

طلعت السلة مفتوحة من تحت كمان و الورقة وقعت على الارض



من ساعتها و انا اعتمدت شعار 

حافظوا على قذارة مدينتكم

طبعا كل المظاهر المثيرة و المشوقة دى 

لما بشوفها وانا خارج

برجع البيت و كلى حزن لانى مش حشوفها تانى 

عشان انا كرهت الشارع باللى فيه 

جتهم نيلة ملوا البلد

بس خلاص 

و شكرا

الحمص 

روح اسأل و ابقى قوللى 

و شكرا لردك

شكراااااااااا

هههههههههههههههههههههههههههههههههههههههه
اولا احيك على التوبيك والعرض المأسأوى لبلدنا
بس انت خلا حرمت حد يجى عندكم
احب اقول انى مش من الناس الحرانيين والحمد لله محافظنا مروقنا على الاخر
ومن اول الشتا واحنا فى كسر وشوارع مكسره وعمالين يسفلتوا ويشيلو ويحطوا اناره
كل ده علشان الناس تيجى فى الصيف على الجاهز
والموقف ده حصل برضه معايا

بيت ابقى محترم وارمى ورقة فى سلة الزبالة

على ما لاقيت واحدة

كانت على عمود

صغيرة كده

المهم رميت الورقة

طلعت السلة مفتوحة من تحت كمان و الورقة وقعت على الارض

laugh.gif
عادى يعنى الزباله والمجارى
وبعدين يعنى الناس بتعمل لراحتكم وكمان جايبه عربيه رش كمان مش عاجب سبحان الله

شكرا لردك فيدو

شكرا لردك يا ايهاهى 

و احسن برضه انك متجيش عندنا 

بس انت ابعتى اللى بتحبيه 

و هو يكره نفسه



و بمناسبة الحفر و التكسير 

اتعملت عندنا بتاع خمشخاشر مرة

مرة تيليفونات

كهرباء

مجارى 

مياه

غاز

و اظرف حاجة 

عمرهم مايركبوا الحاجة صح من اول مرة 

لازم مرتين تلاتة كده

و لازم بعد ما الاسفلت الجديد يتحط



نورت الموضوع

هههههههههههههههههههههه
ايه الفضايح دى يا كريبتون
دا احنا بلد بلد سواح
وبعدين ده بقى من سمات مصر كلها مش طنطا بس

ليا استفسار صغير بس
انت منين من طنطا بالظبط؟

ازيك يا سمسماية

احنا بلدنا بلد نواح مش سواح

و بعدين الكجارى دى تميز و انفراد

و انا حطالب بيها

كحقوق ملكية مجارية

و انا يا ستى من طنطا كلها 

من قحافة للجلاء 

و من المحطة للمرشحة 

و سوق الجملة و سيجر و العجيزى 



نورت يا سمسمة 

و عايزين نشوفك دايما

و شكرا

معاك حق يا كراي
خصوصا في موضوع لبس البنات كمان اللي بقى التليفزيون هو اللي بيشكل ثقافتهم وبيربيهم على ايده على المفاهيم اللي عاوزها وحاجات كتيره اوي زي انا كنت معاه في البيت بس متخافيش يا ماما انا لسه بنت والكلام ده كله وبالنسبه لللبس بالذات فعندنا في ديننا الاسلامي حدد لبس المرأة يغطي كل الجسم ماعدا الوجه والكفين وخصائصة انه لايصف ولا يشف
البنات بتعمل كل ده بس بتخليه يصف الجسم كله وتلاقي البنت ماشيه لابسه البادي والبنطلون الجينز زي ما تكون مش لابسه اي هدوم ولا فوق ولا تحت وتقول ماهو انا مغطيه كله اهوه ولابسه طرحه ومصدقه نفسها انها محترمه
بس تعمل ايه في جيل بقى كل همه تامر حسني ولا عمرو دياب ولا احمد السقا ولا احمد عز ولا دينا ولا روبي ولا هيفا ولا ولا ولا ولا ولا
مش البنات بس وكمان الشباب زي ما انت اتكلمت المسأله مش حكاية ذوق وادب دي حكاية هويه
احنا بلدنا اتحولت لمسخ مش عارفين يقلدوا الغرب ولا عارفين يلتزموا بدينهم اللي بيحدد ثقافتهم فبقى خليط من ده على ده وسبب المسخ المشوه
بشده اللي احنا عايشين فيه حكومة مش هاممها اي حاجه غير تنفيض البلد وناس انتشر بينهم الزنا والربا والخمر والقمار و كل الفواحش اصبحت علنيه لكن بتختفي وراء اقنعة باسم الفن نشوف الزنا والتعري ويقولوا فن ونشوف فايدة البنوك والقروض وهي ربا في الواقع ورفضها معظم علماء الاسلام الحقيقيين وليس من هم على شاكلة المفتي اياه ناس بيعملوا كل ده عاوز اولادهم يكونوا محترمين وملتزمين؟؟؟ طيب تيجي ازاي دي ؟؟
لازم تلاقيهم عيال فاسده كل واحد معاه عربيه بيموت بيها في خلق الله وجنبه البت (الموزه) زي ما بيسموها وفي ايده سيجارة البانجو والحشيش (الكيف) وفوق كده لسانه مليان الفاظ بذيئة عمال يسب ويشتم في خلق الله ولما يزهق يشتم الدين على الملأ
ادي حال معظم الشباب وطبعا اللي يقرأ كلامي يعرف اني مش اقصد كل الشباب بس دول الغالبية للاسف الا ما رحم ربي ولسه كويس وبيخاف على دينه وبيراقب ربنا في سلوكه وتعاملاته وبيحاول يسيب مكاسب في الدنيا لمجرد شكه ان فيها حاجه ممكن تكون حرام بس للاسف الفئة دي قليله اوي وصدق رسول الله اذ يقول (يأتي زمان على أمتي القابض فيه على دينه كالقابض على الجمر) وايضا (يعود الاسلام غريبا كما بدأ غريبا فطوبى للغرباء ) المشكله مش مشكلة بلد
مشكلة ناس وحضارة ودين الناس بعدت عن الدين وحبوا الدنيا وما الحياة الدنيا الا متاع الغرور
ياريت نكون من الغرباء دول دلوقتي لو حد ربى دقنه بيقولوا ارهابي ولو واحد رفض عرض مغري بسبب انه بيتحرى المكسب ده حلال ولا حرام بيتقال عليه عبيط او غريب
وفيه حديث عن الرسول عليه الصلاة والسلام دايما بحب اذكر بيه وهو (عن ابن عباس رضي الله تعالى عنهما قال: قال رسول الله صلى الله عليه وسلم : ( لتركبون سنن من كان قبلكم، شبراً بشبر، وذراعاً بذراع، وباعاً بباع، حتى لو أن أحدهم دخل جحر ضبٍّ لدخلتم، وحتى لو أن أحدهم جامع امرأته بالطريق لفعلتموه )
وده المسخ اللي بقول عليه واللي تنبأ بيه الرسول عليه الصلاة والسلام
اللي الناس دلوقتي وقبلهم الحكومة بتقلد اليهود والنصارى في كل حاجه في كل النظم وعشان كده احنا مشوهين وهنخلينا مشوهين ومهزومين لحد لما ييجي واحد يجمع المسلمين على كلمة واحدة بس امتى محدش عارف
انا عارف اني طولت يا كريبتون بس الموضوع فيه كتير يتقال وانا سبت نقط معلقتش عليها زي المجاري والناموس بس مش وقتهم بقى
تقبل مروري
هنتكلم عن ايه يا كريبتون الواحد بيشوف بلاوي

الحمد لله 

امنيتى اتحققت و شوفت ردك يا اميدو

فينك يا عم بقالك فترة مختفى

عمتا انت منورنى و الله

و كلامك مش محتاج تعليق 

انت اديت ملخص بواقع الحياة دلوقت

و كل اللى اقدر اقوله

ربنا يصلح الحال

و نورت يا كينج

هههههههههههههه

والله عندك حق ياكراى

أنا بشوف مسخرة فى الشارع مابقتش عارف أفرق بين الواد والبنت

فى حاجة بجد بتحصل وإحنا مش حاسين

والله ياواد أنا هتهبل وأشترى طقم جديد ومش عارف .. النهاردة بشترى قميص ليا وشوف حتة بودى أحمر ومعمول عليه رسمة شفايف بالترتر

أنا هتهبل بجد والله ياكراى .. ربنا يستر علينا ياشباب
=================

نيجى بقى للبنات يامعلم

أنا بكون قاعد أدام المحل وبلاقى شوية مناظر ربنا يستر علينا بجد

نعمل إيه فى الموضة وسنينها ياخويا ..



شكرا ياحبيبى على الموضوع الجامد ده .. دمت بخير ياواد ياعثل


يلا هووووووووووبا

شكرا لردك يا باشا

و صحيح حنعمل ايه

بس قولى 

مش محتاج مساعدة فى المحل 

اجى عندك

عشان ينوبنى من الحب جانب



نورت الموضوع يا باشا

و شكرا لردك

اولا موضوعك حلو اوى اوى واى واى تسلم ايدك
ديما الى الامام بجد موضوعك هايل

شكرا ليكى على ردك الجميل ده يا دوللى 

يا رب تفضلى دايما منورانى كده

و ربنا يوفقك

لا تعليق

ده بقى امر واقع وطبيعى فى بلدنا

ربنا يصلح الحال يا خويا.....

ليه لا تعليق



مستاهلش يعنى





ههههههههه

نورت الموضوع يا باشا

و ربنا يوفقك