السلام عليكم و رحمة الله و بركاته



ازيكم يا ايجيهاتية ؟؟؟

كيف الحال ؟؟؟

يا رب تكونوا بخير و سعادة



النهاردة يا جماعة عايز اكلمكم عن موضوع صعب شوية

مينفعش فيه هزار 

او سخرية

لانه بيتكلم عن اسوأ صفات البنى ادم

و هى العنصرية 

العنصرية داء رهيب متغلل فى كل النواحى 

و فى كل العصور 

بأشكال و صور مختلفة 

و لكنها تتشابه جميعا فى اثرها المدمر

من حيث خلق الشعور بالكره و البغض بين الناس و بعضهم

ففى ايام الماضى البعيد 

تم استعباد فئة معينة من البشر و غالبا اصحاب البشرة السوداء 

و تم معاملتهم زى السلع 

يتباعوا و يشتروا و ينضربوا و يتكسر دماغهم من غير اى شعور بالندم 

كانهم مش بشر لهم مشاعر و احاسيس 

كانهم مجرد جمادات قابلة للاستغناء عنها

حقا شىء فظيع جدا 

و الحمد لله ان الايام دى انتهت الى حد ما 

او على الاقل انطوت بعض الشىء

و لكن دا مجرد وجه من اوجه العنصرية القبيحة

عنصرية العرق و اللون 

و هى ان كانت اختفت من ناحية عدم تواجد العبيد و الرقيق 

الا انها تتواجد فى المعاملات 

فمثلا الى الان فى بلد يدعى انه مخترع الديموقراطية 

نجد انه لا زالت هناك بعض الحوادث العنصرية مثل الاعتداء بالضرب 

او الاعتداء باللسان 

و الغريب انه بدأ يتكون رد فعل لهذه الافعال عنصرى الى حد ما 

فتقوم الجماعة المتضهدة بنفس الفعل و لكن ضد المعتديين الحقيقيين

و هذا هو الصراع القائم بين اصحاب البشرة البيضاء و اصحاب البشرة السمراء 

فى الولايات المتحدة الامريكية

صراع عرقى قميىء

وجه اخر اشد قبحا للعنصرية 

العنصرية الدينية 

ان تقوم طائفة ما بمحاربة شخص لمجرد انه ليس على دينها 

و تتعامل معه و كأنه حشرة حقيرة

فى الوقت الذى قد يكون هو فيه افضل منهم جميعا

و لكنهم يعادونه لخوفهم من ان ينضم له منهم الكثير 

فيصيبهم الضعف

و بالطبع فان الاسلام لاقى من هذه العنصرية قديما 

و ما يزال يلاقيها حديثا 

و سوف يلاقيها مستقبلا 

هذا على الرغم من ان الاسلام نفسه 

يوفر حرية العقيدة فى سابقة 

لم تتوافر فى غيره !!!!!!!

و حديثا ظهرت العنصرية بأشكال عجيبة و غريبة فمثلا هنا فى مصر 

نجد عنصرية قبيحة بين المشجعين للفرق المختلفة 

قد تصل الى حد السب بل الضرب احيانا 

فهل هذا معقول ؟؟!!!!!!!!!

ام ان هذا جانب من التفاهة التى اصابت العقول 

و ايضا هناك عنصرية بين المناطق

فسكان المحافظات الكبرى غالبا ما يرون انفسهم و كأنهم افضل من سكان باقى المحافظات 

و يقولوا عليهم 

ياى فلاحين 

بل ان العنصرية بين هؤلاء السكان انفسهم 

فيرى سكان الحى الفلانى انهم افضل من سكان الحى الاخر

و هكذا

فالعنصرية داء مرير متغلغل فى النفوس 

و تنبع من شعور الانسان بانه افضل من الاخرين بسبب

لونه او دينه او موطنه او نسبه او حتى وظيفته

انا عارف ان كلامى قد يبدو مبالغ فيه

و لكن الواحد شاف انواع كتيييييييير من الناس 

و كله بيدور على حاجة يتنطط بيها على غيره

ده غير ان العالم كله بقى مليان عنصرية خصوصا تجاهنا احنا 

كعرب عامة و مسلمين خاصة



ده حتى بين العرب انفسهم فى عنصرية 



بس اللى فعلا المنى و وجعنى بجد ان فى ناس مسلمين 

ملتزمين و الحمد لله و لكنهم بيبصوا لغيرهم على انهم اقل منهم او كانهم كفار و العياذ بالله

اكيد طبعا هما احسن

و لكن المفروض انهم يشدوا غيرهم 

مش ينفروهم 

طبعا مش كلهم و لكن البعض منهم



و سبحان الله 

الاسلام اصلا مبنى على المساواة فى كل شىء 

فى الثواب و العقاب 

مش بيفرق بين شخص و التانى باللون او النسب او غيرهم

( ان اكرمكم عند الله اتقاكم ) 

الاسلام حتى مش بيفرق بين الرجل و المرأة فى الثواب والعقاب

و لكن بيتفهم الفرق بين الرجل و المرأة احسن تفهم

و عشان كده فى حقوق و واجبات خاصة بالمرأة

و حقوق و واجبات خاصة بالرجل

يعنى الاسلام مضاد للعنصرية بكل اوجهها 

حتى العنصرية بين الرجل و المرأة

تعامل معها الاسلام بأفضل وجه

و يمكن عشان كده العالم بيحارب الاسلام 

لفوائد اقتصادية و عسكرية

ده من كتر غرورهم قالوا دول متقدمة

و دول عالم تالت 

مش حتى تانى 

عارفييييييين ليه 

عشان يبقى فى فاصل دايما بينهم 

فعلا عنصرية قبيحة



و ربنا يصلح الحال





وشكرا

ايموشن حد بيصقف جااااااااااااااااامد

بجد موضوع جميل جدا
لانك جبت امثله كتيييره لانواع العنصريه المختلفه
وانا معاك انها بقت من اقبح الظواهر اللى فى العالم دلوقتى
ونسيت تقول العنصريه فى التعامل مع المراه والرجل فى المصالح الحكوميه
الرجاله تركن على جنب
والحريم يتفضلو.......الحلوه قدام والوحشه ورا

متشكر اوى يا سمسمة على ردك

و بالنسبة للنوع من العنصرية اللى انت قلت عليه 

فى دماغى 

بس مرديتش اقوله عشان حتعصب و حبقى عنصرى عليكوا



نورت الموضوع 

و شكرا

بجد موضوع حلو اوى اوى اوى تسلم ايدك على الموضوع الجميل
ده والى الاماما وبالتوفيق يااااااااااااااااااااااارب

شكرا ليكى يا دوللى على ردك

نورت الموضوع

العنصريه .........بقى له شكل جديد

ومسيطر على حياتنا بنسبه كبيره

وانت وضحت الكتير من الامثله

بس انا عايز اوضح ان البشر متولدوش وهما حاسين بالعنصريه...وبالطبع هما مش عنصرين بالوراثه.

المجتمع الى احنا عايشين فيه هو الى بيفرض العنصريه......وده موجود فى جميع انحاء العالم

ولكن انا شايف ان فى محاولات كثيره لمكافحه العنصريه

وده اتناقش فى المؤتمر العالمى الى تم فيه مناقشه العنصريه وتم فيه اضاح بعض النقط للتقليل من العنصريه

بالتوفيق يا واد.......

اشكرك يا بليزى على ردك 

بس انا مختلف معاك

صحيح الانسان بيتولد طبيعى 

و انه بيتأثر بالمجتمع 

بس هو برضه مسئول عن اختياراته و تصرفاته

و ربنا مديله عقل عشان يميز بيه

مش يمشى ورا الناس 

و بعدين انا قلت بعض المظاهر العنصرية 

و اللى مش حيتم مناقشتها فى مؤتمرات

ده غير ان المؤتمرات دى زى قلتها بدليل استمرار

التعامل العنصرى للعرب و المسلمين فى جميع بلاد العالم



نورت يا بليزى و ياريت يكون كلامى وصلك

وشكرا

ربنا يخليك يا حبى

بص يا حبى ....هى دى النقطه ازاى نغير فكره العنصريه عن الفرد

خلينا نقول كيفيه مكافحه العنصريه من وجهه نظر كل واحد

موضوعاتك حاده جدا يا كريبتون

خلى بالك على نفسك بقى

إقتباس

خلى بالك على نفسك بقى

ايه ده ؟؟

هو انا مرصود و لا ايه ؟؟؟



هههههههه

شكرا ليك يا بليزى 

بس تغير العنصرية ده صعب جدا 

لانها تعد ثقافة كامنة فى العقول 

صعب تتغير 

بس مش مستحيل

و شكرا ليك يا برنس