موضوع أنهاردة
برضه حالة من الحالات
اللى بنشوفها كتير..
كلام الناس..!!
كلام الناس بيبقى يامه قوى على اللى يعرفوه واللى ميعرفهوش وحجات يامه كدة تتعب يعنى..
بس القضية بقى الناس اللى بتخاف من كلام الناس..
يعنى العاطل خايف من كلام الناس والمطلقة بتخاف من كلام الناس والفقير خايف من كلام الناس
فيهم اللى بيظهر للناس بشخصية مزيفه عشان خايف من كلامهم عليه..
وفيهم بيبقى من جواه عاوز يقول الحقيقة بس مش قادر يقولك طب أنا كدة فى نظرهم راجل باشا لما أقول الحقيقة بقى هبقى فى نظرهم ايه
وفيهم اللى تقولك أنا قايلة للناس كلها أنى بنت ومحدش يعرف انى كنت متجوزة وأنفصلت..
طب ليه ياستى يعنى ايه السبب..
تقولك كلام الناس وحش الناس
لو عرفت هتبصلى بصة وحشة..
وفيهم اللى يقولك الناس كلها عرفة انى مهندس فى الشركة الفولانية ومعاية عربية مرسيدس لونها بمبى..
وشقة ع البحر 18 أوضه و6 حمامات وبواب و10 خدامين..
وهو أصلاً ليل نهار على القهوة مش لاقى يدفع المشاريب اللى بيشربها طب ايه ياعم اللى بيخليك تقول كدة يقولك الناس وكلام الناس لما يعرفوا انى عاطل هيقولو ايه امال انا كدة فى نظرهم راجل بيه
فى نظركم كدة لو حد من دول أعترف بحقيقته..
أيه هى هتبقى نظرة الناس ليه وكلامهم عليه..
اكيد بقى الكلام هيكتر والاسلوب بتاعهم هيتغير
مع الحالات دى ؟
ولا هيلاقو رد فعل غريب والناس بتبعد عنهم؟؟
ولا هيلاقوا غير كدة خالص..
ولا الكلام برضه هيفضل شغااااااااااال طول ما الفرح شغااااااال..
ولا ايه..؟
مفتوح للنقاش..

انا عن نفسي مبهتمش بكلام الناس وعلى رأس جورج وسوف كلام الناس لا بيقدم ولا يأخر بس بصراحة مبحبش الناس اللي انت قولت عليهم فوق قول حقيقتك واللي مش عاجبه حالك مش يكلمك وايه يعني بناقص لازم الواحد يكون واثق في نفسه وميهموش من حد مش عيب اني اكنو فقيرة او اني اكنو مش عندي شغل بس العيب بجد اني اكون مش طموحه وادور على شغل واجد واجتهد

بص كدا كد الناس بتتكلم فى كل الاحوال على المليان والفاضى فنا مش بهتم بى كلامهم
لان طول منتا واثق يبقى مفيش حاجه تهمنى وتصرفاتك كويسه برضوا مفيش حاجه تهمن

فى ناس تهتم بمظهرها 

اكتر من اهتمامها بأى حاجة تانية

و طبيعى ان الناس تتكلم عشان عالم فارغة

المهم انت بتحط الكلام ده فى دماغك

و لا كانه هوا 

و من ناحية تانية 

لازم برضه تحافظ على مظهرك بين الناس 

بس تكون مستحقه مش مخترعه

بالنسبه لان وحده مش تطلق وتعيش حياتها فى عذاب علشان كلام الناس
ده مش يرضى ربنا علشان الناس مش حتنفعها
اما بخصوص ان الواحد يبان بغير مظهره علشان يرضى الناس ويألف قصص
فانا شايفه ان ده بياخد مجهود ذهنى وعاجلا او اجلا حيتكشف وبالتالى الناس حتكره كدبه
حيبقى خسر كل حاجه نفسه والناس اللى كدب علشان يرضيهم
واصلاالناس مش بتعجبهم حاجه زى قصه جحا وابنه وحماره لو عمل اى حاجه مش حيعجبهم فليه يتعب نفسه
طالما ماشى صح ومش بيعمل غلط خلاص لكن لو يعمل حاجات مطرقعه ومش مقبوله ويقول ماليش دعوه بكلام الناس ساعتها يبقى غلط

الناس في كل الاحوال بتتكلم عملت وحش عملت حلو حاتتكلم انا عن نفسي مايهمنيش رأيهم طالما مش بغضب ربنا ماحدش له حاجه عندي . ومظهري وسط الناس احافظ عليه بافعالي مش بالكدب و مرسيه عالتوبيك الحلو ده

بص
هو كدا كدا
الناس بتتكلم
فالاصح اننا نقول الحقيقه
محدش ليه حاجه عندنا
والشكل هيبقى وحش اوى والكلام هيكتر اما تتعرف الحقيقه
وساعتها هتتنسب ليك صفه البكاش او الكلامنجى او بيظيط فى الظيطه

نيس توبيك للمناقشه

انا بقول الى عايز يعيش ميسمعش لكلام الناس لانه لو بيعمل كويس محدش هيتكلم عليه مهما كان بس كده