يارب تكونو بخير و مبسوطين .النهارده حاحكيلكو حاجه حصلت معايا 6 الصبح . حاتقولو طب و احنا مالنا
.معلش استحملوني شويه . النهارده الساعه 6 صباحا كنت نايمه اساسي طبعا
وفجأه صحيت علي هزه جامده . فتحت عيني لقيت كل حاجه بتترج . بسرعه وقفت و انا مرعوبه
استر يارب ايه الزلزال الجامد ده . حوالي دقيقه كامله بصيت من الشباك لقيت البحر في مكانه
قلت مش تسونامي احمدك يارب
. بس ممكن العماره تقع حانموت كلنا . انا حاصحي البيت كله جريت صحيتهم كلهم زلزال اصحو بعد ماكان خلاص خلص
طبعا محسوش بحاجه و سابوني و نامو 
قلقت بكون عمل خساير مسكت التليفون كلمت كل حد اعرفه 
و الساعه 6 ونص لسه . اساسي معظم قرايبي قالولي روحي يابنتي كملي نوم
زلزال ايه حرام عليكي .معرفتش انام بصراحه قعدت افكر ساعته بالظبط قد ايه كنت مرعوبه
و قد ايه قلقت علي اهلي و صحابي ساعتها و الناس اللي كلمتهم منهم كتير مش بكلمهم غبر في المناسبات و بس . فكرت هو لازم تحصل كارثه عشان نسأل علي بعض نطمن هلي الناس اللي نعرفها . قلت ساعتها انا دايما حسأل علي قرايبي و صحابي بسبب او من غير مش حستني لما حاجه وحشه تحصل . بس حابقي اتصل 6 باليل بقي
لو انتو مكاني صحيتو من النوم علي زلزال حاتعملو ايه . وياتري دلوقتي حاتسألو علي قرايبكم و صحابكم دايما لما تكتشفو انه فى لحظه ممكن الدنيا تتقلب وان الموت ممكن يكون قريب قوي اقرب مما تتخيلو
ياريت تردو عليه لو اطحتيطو في موقف كده حاتحسو بايه و معلش لو طولت عليكم : [/size
بس الحمد لله إن عدى على خير
ودفعتنى حق اللبن كمان