ايهما افض مع مراعاه قطع الغيار والكفاءه والثبات والامن عند الحوادث

بالنسبه لقطع الغيار فا الانسر ارخص
اما عن القوه و الثبات على الطريق فا الالنترا افضل كثيرا

لانسر (بوما) 2008
الشكل : معقول من ناحية مقاومة الهواء
الثبات : اعلى ثبات من الألنترا
الصاج : 8 مم
قطع غيار : أغلى من الأنترا
صيانة : غالية جدا لكن كل فترة طويلة
السعر يبدأ من 130000 جنيه

الأنتر 2008
الشكل : جيد نفس شكل السيارة الأكيورا
ثبات : ثابتة نسبيا
صاج : 7 مم
قطع غيار : رخيصة
صيانة : رخيصة
السعر : يبدأ من 95000 حنيه مصري

بعض الملاحظات:
*الأنترا البور بتعها كهرباء مش زيت يعني في حالة عطل البور لابد من تغير الجهاز كله.
*الشكل الخارجي للالأنترا بعد الحوادث لايمن رجوعه كما كان عشان التمويج الجانبي.
*الأنتر 2006 اكثر ثبات عن 2008.
*الانسر 2008 الشكل الجديد (بوما) شكل الخلفية غير مناسب نسبيا.

يوجد بعض الأختلافات في قدرة الموتور و عمره الأفتراضي


مع احترامي الشديد لردود اخونا الأعضاء
لكن المعلومات دي هي الصح من خبرة في مجال السيارات و الصيانة و البيع

عندي بس تعليق على الردود ممكن؟؟

amerllo

ازي قطع غيار الأنسر ارخص من الأنترا!؟
الانسر ياباني و الأنترا كوري
الكوري اغلى من الياباني؟؟
معليش يامان بس بدون زعل و بدون اي حاجة تانية
مش مقنعة مش كدة؟؟
شكرا ياشباب و اسف اني طولت عليكم

KobraCars

هقولك ازاى ارخص

اسأل على قطع الغيار فى التوكيل عن الالنترا و الانسر
واسأل عن قطع الغيار استيراد وانت تعرف ازاى اللانسر ارخص

اما بالنسبه للثبات ف النترا 2006 اثبت كتير جدا عن اللنسر على الطريق و على السرعات العاليه
* سرعات عاليه = 180KM/h او 200KM/h فا اكثر بالنسبالى

لكن النترا 2008 اقل قليلا فى الثبات ولكنها افضل من لنسر
وفى الفرامل النترا افضل من لانسر

ولو تلاحظ ايضا نسب الحوادث للانسر و النترا
لانسر حوادثها كتيره جدا جدا

ولو حاولت تعرف ايه احد الاسباب لموضوع الحوادث ده
هتلاقيه بسبب الفرامل الخاصه للانسر

عن تجارب

وبدون زعل لانسر حتى 2003 كانت جيده جدا من جميع النواحى و الامكانيات لكن البومه انا لا اعتبرها سياره جيده باى شكل
غير ان قطع غيارها متوفره و مريحه فى قعدتها فقط

وشكرا على التفاهم والنصائح

أولا
انا سعيد بردك جدا و اهتمامك بالردود
ثانيا
بالنسبة ل 2006 انا اخر عربية كانت معايا كانت النترا 2006و العربية دي بجد جميلة جدا في السعات العالية
ثالثا
اعرفك بنفسي
انا مهندس صيانة بتوكيل اسكودة(خريج هندسة) لحسن تفكر اني بضحك عليك
رابعا
انا سألت على قطع الغيار في التوكيلات
قطع غيار الأنسر الشكل القديم فعلا ارخص نسبيا من الأنترا
اما البومة فقطع غيارها اغلى من الأنترا
اما بالنسبة للحوادث
بالمنطق ا بدونه
نسبة الأنسر في البلد اكبر ولا الأنترا؟
اكيد الانسر فأكيد الأنسر حوادثها اكتر
و متنساش ان في منها خليجي فسوقها كتير عندنا
(السيارات الخليجي فيها بعض العيوب في التأفيل بالنسبة لمصر وخاصة المصفحة بتاعت العربية)
اخيرا
انا اسف على التأخير بس كان لتزم اتأكد من التوكيلات و ارد علييك عشان اكون واثق منه
و ياريت يكون شرف ليا اننا نتكلم انا الميل بتاعي

حستناك و ممكن نعمل احلى شغل مع بعض
KobraCars

صحيح انا نسيت انا ناو راكب اوكتافيا A4
وانت ؟؟

العضو: KobraCars

مش تحيز ليك والله عشان هندسة وكده
بس فعلا كلامك صح انا معايا لانسر بوما 2008
وقطع الغيار غالية وكده
بس بالنسبة للتصليح فعيبها فى العفشة بس ودا من سؤال متخصص
انما كسرعة وثبات هي ماشاء الله تمام
يعنى لو الاخ اللى عاوز يشترى بيمشى فى اماكن مكسرة بلاش الانسر انما لو اماكن كويسة يبقى اتكل على الله واشتريها عشان الانسر تزيد واحد
وحانا نزداد فخر

اه والشركة تزداد فلوس