السلام عليكم و رحمة الله و بركاته



كيفكم يا هيومانز



النهاردة بقى حكمل الكلام عن مجتمعنا 

بنفس الاسلوب و نفس التحذير للعالم اللى بتتخنق بسرعة



المهم



فى الجزء التانى بتاع النهاردة 

حنتكلم عن 



الفرح







و ده ماله ده كمان

حقولكم



دائما ما يتسبب الفرح فى 

صدمة عصبية و نفسية و جسدية للعريس

و اللى طبعا بيدفع التكاليف 

عشان خاطر يطلع عين طنطه بعد كده

مع زوجته العزيزة

( ارق مخلوقة ) 



و تتعدد اوجه التكاليف ما بين

القاعة

و الدى جى 

غير طبعا 

الاكل 

( الهم و المم )

الساقع و الجاتوه 

و ساندويتشات اللحمة الباردة

او الفراخ





( ممكن طبعا بسطرمة و لانشون حسب اللى معاك ) 





او لو انت متريش 

تعمل اوبن بوفيه 

بأشهى المأكولات



و  فى الاخر محدش بياكل نص اللى انت عملته و اتجهز

و الفرح يبقى صداع و دوشة

و العريس طبعا يتعب و يبقى مجهد

و ينام ساعة الاختبار 



و بكده يحصل على نتيجة 

( صفر سمبوكسة ) 





و اكيد مش لازم ننسى ملحقات الفرح

و اللى بتيجى على دماغ كل رب اسرة

قدره انه اتعزم على الفرح

و هى كالأتى 



الواد لازم نجيبله بدلة كاروهات

37 لون

و البنت عايزة فستان

متعدد الفتحات

لونه فحلوقى 

و شنطة لونها 

بحلقى 

( عشان تمشى مع الفستان )

دا غير الجزمة 

بكعب نص متر 

( عشان تطوا شوية ) 

بنفس اللون البحلوقى 





بس بصراحة 

اظرف حاجة فى الفرح 

ان تشوف الناس 

و هى بتصقف و بترقص

و خصوصا 

الأباء و الامهات 

تلاقيهم يا عينى 

بيصقفوا و يرقصوا جامد اوى 

و بحرقة

 

طبعا ليهم حق 

( ما هما لازم يفكوا عن نفسهم بعد اللى دفعوه ) 





طب مش ده غباء و لا ايه 



( طرااااااااخ بوووووووووووم طراااااااااخ بووووووووووووم )



دى تحية ام العريس و حماته

و ابوه و حماه 



عشان الكلام الحلو بتاعى



خلاص 

تمت 



ارجو انها تكون عجبتكم 

و عايز اشوف تعليقاتكم





و العيد فرحة

ايه الافكار الجامده دي يا محمد برافو عليك والله
انا رأيى في الموضوع ده مش المهم هو كتب الكتاب و الاشهار يعني كفايه حفله عائلي صغيره كده في البيت ييجي المأذون و الناس تشوفه و خلصنا شروط الجواز كملت و الف مبروك زغروطه يا بنات .
انا عن نفسي حاعمل كده مع ان ماما مش راضيه لازم بنتي بتعملها اكبر فرح
بس انا شايفه ان مصاريف الفرح احنا اولي بيها تنفع في حاجات كتير اهم بعدين . كمان الافراح اليومين دول مش لطيفه ولاد و بنات بيرقصو مع بعض و فساتين فيها ازمه قماش و دي جي لابس حاجات دهب زي البنات مش ده شكل الفرح في ديننا كمان
عارفه ان كلامي البنات حاتستغربه ازاي انتي مش عايزه فرح دي اكيد مش طبيعيه بس انا شايفه ان المهم هو اني ابقي مع اللي بحبه و خلاص و الدين شرطه كتب الكتاب و الاشهار ايه بقي لازمه المصاريف اللي عالفاضي يعني ممكن بجزء منها نسافر او تتشال لوقت عوزه و بس خلاص

ربنا يخليكى يا كتكوتة

و بشكرك اوى على ردك الجميل ده

و يا ريت الناس تفكر كده



و شكرا

بالتوفيق لتوفيق

مش عارفه اقولك ايه يا كريبتون بس نفسي ردي عليك في الجزء الاول خد منه كوبي وحطه هنا لا بجد مش ههز هو فعلا ردي مش هيختلف عن الجزء الاول هو هو

متشكر اوى يا مولا

نورت الموضوع

اه جينا بقي للفرح و ما ادراك ما الفرح

الافراح دلوقتي بقي مبالغ فيها اوي

و بقت كلها رقص لازم العروسه و العريس يفضلوا يرقصوا لما يتقطع نفسهم و علي اغاني غريبه العنب و اركب الحنطور

هي دي اغاني تتشغل في فرح

يعني ممكن العريس و العروسه يتفقوا يعملوا حفله صغيره كده يفرحوا هما و اهلهم و بالفلوس اللي كانوا هيصرفوها علي الفرح و الناس برضوا مهما يعملوا هتتريق عليهم ممكن يسافروا شهر عسل برا بالفلوس دي بس د حسب اتفاق العريس و العروسه و اهلهم بقي


ميرسي يا كريبتون علي الموضوع و فاضلك زلطه و تطلع بره

يلا انا في انتظار الزلطه

هههههههههههه

حلوة فاضلك زلطة دى

عمتا اوعدك ان اللى الجاية

هى الزلطة و الطوبة و الحجرة و اى حاجة



نورت يا اية 

و طبعا كلامك تمام 

بس مين يفهم

تاااااااااانى
طاااااااخ
طااااااااااااااااخ
بووووووووووووووووم
انت مش بتحرم
قولنا ان جهاز العروسه من المحرمات .......تيجى انت وبكل بساطه تتكلم عن الفرح
عادى كده؟؟؟؟
يا راجل دى ليله العمر
لازم تكون ليله ماحصليتش
هيا بكيزه بنت طنط فوفا احسن من بنتى ولا ايه
والا الواد ميمى احسن من ابنى ضنايا؟؟؟


لازم لااااااااااااازم لاااااااااااازم الفرح يكون ولا الف ليله وليله









طبعا طبعا اكيد انا بهزر
الافراح اليومين دول بقت حاجه صعبه بجد
وانا شايفه انه ممكن اعمل عزومه كبيره فى البيت
اعزم فيها كل الناس
وبعد كده يبقى كتب كتاب واشهار فى حفله صغيره من اهل العريس والعروسه
وبكده يبقى صرفت الفلوس دى فى حاجه مفيده



بس خلاص

تسلم ايدك ياكريبتون
وبرضه نفس التميز
عارف لو تيجى على قد ان النلاس تاكل وتسكت نقول ماشى
بس الناس بتيجى تاكل وتقعد تتكلم على العروسه مكلكعه
العريس معرفش ايه لاهو احلى لا هى احلى
لا فرح مين كان احسن من ده هو ده اكل اللى حطينه وبلابلابلا
يعنى لاشكر حتى ولاجميله
وتلاقى البناتكل وحده رايحه عامله بلياتشو على اساس كل وحده حتطلع بعريس
وكل اب وام واقفين يصقفوا لبنتهم اللى خلت كل بنات الفرح يقعدوا على جنب من حلاوه رقصها
وتلاقى ولد واقف بيرقص مع بنت ققال ايه فرحنين
بصراحه منتها الابتذال والوقاحه انا بكره حاجه اسمها افراح
بجد بعد الفرح الاسلامى مفيش تجنبا للاختلاط اللى مالوش لازمه والاوفر بتاع البنات والولاد
ونسيت اقول احلى حاجه بحبها بعد البوفيه
ان استحاله تلاقى حد من المعازيم قاعد كله بياكل وبيمشى جرى
ولو الاب والام واعيين يخلوالبوفيه قبل الفرح مايخلص بنص ساعه
يعنى تكلف فرح وبوفيه وتأخد عليهم ذنوب هديه وياريته يتمر
يابلاش

ايه يا سمسمة

هو انت لازم تخصينى كده فى بداية الرد

و بعدين تقولى بهزر

لالالالالالا



انا بقى بهزر

و اقتراحك حلو بس عايز بيت واسع

و فى مشكلة

ممكن تعزمى واحد 

تلاقيه جاى و معاه بتاع 8 

و لو الحكاية تكررت

بدل ما يجى 50 واحد الفرح

يجيى بتاع 100

و طبعا حيبقى صعب اوى



نورت الموضوع 

وشكرا

ههههههههه

حلوة اوى يا ايهاهى 

كل بنت عاملة بلياتشو دى

لا بجد حلوة

و انا عن نفسى اذا اتجوزت

مش حعمل فرح

هو كتب كتاب فى الجامع و خلاص

و الليلة تخلص على كده

بلا قرف





نورت الموضوع يا اسراء

و شكرا

اية يعم الحاجات دية المهم بقا عايزة اقولك ان انا كنت متعاطفة شوية مع حكاية الجهاز والحاجات دية بس فى الفرح بقا دة ليلة العمر يبنى اليوم اللى بنفرح بية دة مرة واحدة فى العمر دة انا بنتى مش عارفة اية وابنى لاازم يتعملوا اية واية دة كلام الناس بس لعلمك بقا فعلا بيبقى دوشة ووجع دماغ على الفاضى وياريت بيجى بفايدة لا دة بيتعب يعينى وبيحصل بلاوى وعايزة اقولك ان فيها اية لو عملنا فرح عادى يعنى مش ابون بوفية ولا حاجة ولا مغنين ولا اى حاجة من دية فرح عادى يتلم فية العيليتن ويفرحوا فيها اية بس بقا لا حياة لمن تنادى الكل لاازم يعمل فرح كبير وانا مش هقبل ان فرحى يبقل اقل من فرح نونا ولا سوسو ولا توتو بس يلا ربنا يهديهم ويفكروا كويس ويعرفوا انهم كدة بيفروا فلوس ممكن بيها يقضوا احلى ايام وتقبل ردى ومعلش بقا طولت عليك اوووووووووووى يا معلم يلا

اية يعم الحاجات دية المهم بقا عايزة اقولك ان انا كنت متعاطفة شوية مع حكاية الجهاز والحاجات دية بس فى الفرح بقا دة ليلة العمر يبنى اليوم اللى بنفرح بية دة مرة واحدة فى العمر دة انا بنتى مش عارفة اية وابنى لاازم يتعملوا اية واية دة كلام الناس بس لعلمك بقا فعلا بيبقى دوشة ووجع دماغ على الفاضى وياريت بيجى بفايدة لا دة بيتعب يعينى وبيحصل بلاوى وعايزة اقولك ان فيها اية لو عملنا فرح عادى يعنى مش ابون بوفية ولا حاجة ولا مغنين ولا اى حاجة من دية فرح عادى يتلم فية العيليتن ويفرحوا فيها اية بس بقا لا حياة لمن تنادى الكل لاازم يعمل فرح كبير وانا مش هقبل ان فرحى يبقل اقل من فرح نونا ولا سوسو ولا توتو بس يلا ربنا يهديهم ويفكروا كويس ويعرفوا انهم كدة بيفروا فلوس ممكن بيها يقضوا احلى ايام وتقبل ردى ومعلش بقا طولت عليك اوووووووووووى يا معلم يلا

اية يعم الحاجات دية المهم بقا عايزة اقولك ان انا كنت متعاطفة شوية مع حكاية الجهاز والحاجات دية بس فى الفرح بقا دة ليلة العمر يبنى اليوم اللى بنفرح بية دة مرة واحدة فى العمر دة انا بنتى مش عارفة اية وابنى لاازم يتعملوا اية واية دة كلام الناس بس لعلمك بقا فعلا بيبقى دوشة ووجع دماغ على الفاضى وياريت بيجى بفايدة لا دة بيتعب يعينى وبيحصل بلاوى وعايزة اقولك ان فيها اية لو عملنا فرح عادى يعنى مش ابون بوفية ولا حاجة ولا مغنين ولا اى حاجة من دية فرح عادى يتلم فية العيليتن ويفرحوا فيها اية بس بقا لا حياة لمن تنادى الكل لاازم يعمل فرح كبير وانا مش هقبل ان فرحى يبقل اقل من فرح نونا ولا سوسو ولا توتو بس يلا ربنا يهديهم ويفكروا كويس ويعرفوا انهم كدة بيفروا فلوس ممكن بيها يقضوا احلى ايام وتقبل ردى ومعلش بقا طولت عليك اوووووووووووى يا معلم يلا

اية يعم الحاجات دية المهم بقا عايزة اقولك ان انا كنت متعاطفة شوية مع حكاية الجهاز والحاجات دية بس فى الفرح بقا دة ليلة العمر يبنى اليوم اللى بنفرح بية دة مرة واحدة فى العمر دة انا بنتى مش عارفة اية وابنى لاازم يتعملوا اية واية دة كلام الناس بس لعلمك بقا فعلا بيبقى دوشة ووجع دماغ على الفاضى وياريت بيجى بفايدة لا دة بيتعب يعينى وبيحصل بلاوى وعايزة اقولك ان فيها اية لو عملنا فرح عادى يعنى مش ابون بوفية ولا حاجة ولا مغنين ولا اى حاجة من دية فرح عادى يتلم فية العيليتن ويفرحوا فيها اية بس بقا لا حياة لمن تنادى الكل لاازم يعمل فرح كبير وانا مش هقبل ان فرحى يبقل اقل من فرح نونا ولا سوسو ولا توتو بس يلا ربنا يهديهم ويفكروا كويس ويعرفوا انهم كدة بيفروا فلوس ممكن بيها يقضوا احلى ايام وتقبل ردى ومعلش بقا طولت عليك اوووووووووووى يا معلم يلا

اية يعم الحاجات دية المهم بقا عايزة اقولك ان انا كنت متعاطفة شوية مع حكاية الجهاز والحاجات دية بس فى الفرح بقا دة ليلة العمر يبنى اليوم اللى بنفرح بية دة مرة واحدة فى العمر دة انا بنتى مش عارفة اية وابنى لاازم يتعملوا اية واية دة كلام الناس بس لعلمك بقا فعلا بيبقى دوشة ووجع دماغ على الفاضى وياريت بيجى بفايدة لا دة بيتعب يعينى وبيحصل بلاوى وعايزة اقولك ان فيها اية لو عملنا فرح عادى يعنى مش ابون بوفية ولا حاجة ولا مغنين ولا اى حاجة من دية فرح عادى يتلم فية العيليتن ويفرحوا فيها اية بس بقا لا حياة لمن تنادى الكل لاازم يعمل فرح كبير وانا مش هقبل ان فرحى يبقل اقل من فرح نونا ولا سوسو ولا توتو بس يلا ربنا يهديهم ويفكروا كويس ويعرفوا انهم كدة بيفروا فلوس ممكن بيها يقضوا احلى ايام وتقبل ردى ومعلش بقا طولت عليك اوووووووووووى يا معلم يلا

شكرا ليكى يا جميل على ردك الحلو
و طبعا الفرح ده مجرد دوشة على الفاضى
و ربنا يصلح الحال

نورت الموضوع