Bluesy_panther
Jul 21 2008, 02:14 AM
ازيكم يا احلى واجمل اعضاء فى احلى واجمل منتدى منتدى ايجى هات
اولا انا احب اشكر كل واحد بيقرأ الموضوع سواء شارك معانا او اكتفى بمروره الكريم
طبعا عارفين ان احنا هنا كلنا اسره واحده والمفروض ان الى بيجمعنا هنا هو الحب والاخوه
ولا يوجد مجال للنفاق او المصلحه الشخصيه
فانا حبيت اعمل موضوع بسيط عشان نتجمع فيه كلنا بروح واحده وقلب واحد
ويبقى زكرى جميله مستمره ان شاء الله لكل واحد دخل المنتدى وشارك فيه
وكنت محتار فى اختيار الاسم لحد ما اقتنعت باسم
هو ده بيتنا .....بيت ايجى هات..... مدينه ايجى هات......بس غالبا الناس نايمين جوه
المهم...........ندخل بقى فى الموضوع
كل واحد هايدخل ويحب يشارك معانا ويسجل اسمه ضمن اسره ايى هات
يدخل ويشارك ( بكلمه ....بحكمه ....بموضوع مميز وصغير.....نكته....صوره......اى شئ )
بحيث اننا كلنا نكون شاركنا فى تكوين اسره لايجى هات........وتكون زكرى لينا مستمره باذن الله
انا من رأيى ان كل واحد يشارك بمشاركه واحده بس......بس طبعا لو حد
حابب انه يشارك اكثر من مره ينورنا طبعا.
اتمنى ان الفكره تكون عجبتكم.....وتكونوا حبيتوا انكوا تشاركوا فى بناء اسره لا يوجد بينها الا الحب والاخوه
انا بجد مش عايز كلمه شكر.......انا عايز يبقى فى بينا محبه بجد واخوه حقيقيه.
اتمنى لكم التوفيق باذن الله
krypton
Jul 21 2008, 02:24 AM
انا محمد
احب انضم للأسرة
و ربنا يوفق الجميع
banotalovely
Jul 21 2008, 03:00 AM
وانا معاك يا بليزى دوولى
حلو اوى الفكرة ده
ledo_boda
Jul 21 2008, 03:06 AM
حبيبى والله ياعبد الحميد
هو ده الشغل
أكيد أنا البواب البيت إيجى هات
فكرة ممتازة منك ياصحبى
معاك كالعادة
Semsema
Jul 21 2008, 12:26 PM
هالللللللو على احلى ناس
ممكن انضم للاسره واسكن فى البيت التحفه دا
انا سمسمه
قوم يا ليدو افتح الباب مش عارفه ادخل
وبجد فكره جميله يا بليزى ويا ريت تبقى فرصه ان كل واحد يقول اللى جواه
سواء كان فرحان او زعلان او فيه حاجه شغلاه
واحنا هنا هنبقى عينيه اللى بيشوف بيها
و شكرا جامد جدا خالصيا بليزى
aya mra
Jul 21 2008, 01:22 PM
فكره جميله كالعاده يا بليزي
بس ياتري في ليه مكان في الاسره دي و لا الاماكن خلصت
ledo_boda
Jul 21 2008, 03:01 PM
تعالى ياأية هشوفلك البدرون
تنورى ياعثل فى أى وقت
katkott egypt
Jul 21 2008, 03:29 PM
انا كتكوته و يارب اكون عضوه في اسره ايجي هات
بس عايزه اوضه شايفه البحر 
مرسيه عالموضوع اللذيذ يا بليزي
ahmed123ah
Jul 21 2008, 06:51 PM
احلى اسرة ان شاءالله اسرة ايجيهات وانا احمد واحب اكون من الاسرة ياريت تقبلونى يا ريت
aya mra
Jul 21 2008, 08:16 PM
لالالالا د كتير عليا يا ليدو
البدرون مره واحده
علي العموم هبقي اسيبلك مكان لما تتعب من البوابه تبقي تيجي تريح
tgouidah
Jul 21 2008, 11:57 PM
بالتأكيد موضوع أكثر من رائع والفكرة حلوة جدا يا عبد الحميد يا أبو الأفكار الرائعة
وأكيد كلنا هنا فى أيجى هات أخوات الحب والصداقة دايما مجمعنا فى الخير
ومرحبا بالجميع داخل هذه الأسرة
سيب الباب مفتوح يا ليدو خلى الناس تدخل
يللا هوووبا شلوبااا ... بصوووووت عالى
amrello
Jul 22 2008, 12:15 AM
عبد الحميد
اللى دايما بيحاول انه يجمعنا كلنا فى كل الأوقات مع بعضنا
اشكرك على موضوعك الجميل
واللى ان شاء الله هيجمعنا كلنا ويرجعنا مع بعض زى ايام زمان
وزى ما قالك طاهر يا ليدو
سيب الباب مفتوح للجميع
وبيت ايجيهات مفتوح لجميع الاعضاء
مفتوح لكل الاعضاء الكويسين
اللى بيحبوا الخير لباقى الموجوديم بايجيهات
اللى دايما معانا فى كل كبيره وصغيره
وعمر ما الاماكن اللى فيه هتخلص
اتمنى لكم جميعا التوفيق
krypton
Jul 22 2008, 01:13 AM
بعد اذنكم
هو محدش يعرف حاجة
عن حمدى توتى
مشمش_2007
Jul 22 2008, 01:57 AM
أنا جيت
ايه ده يا عبد الحميد
دايما مواضيعك رائعة كده
ودايما هتفضل في القمة
اكيد اكيد انا معاك في اي اقتراح
بس يارب مكونش اتاخرت
ياريت الاقي بقه اوضة بتطل علي البحر وعلي الجنينة اصلي بحب المناظر الطبيعية
ومش عايزة اسمع دوشة عايزة هدووووء
تسلم ايدك علي افكارك الجميلة يا عبد الحميد
ويارب ديما تفضل مجمعنا كده علي طول
ehahe
Jul 23 2008, 12:46 AM
تسلم افكارك يابليزى
معرفش انا ليه بتقائل بيك
انا يسعدنى انى انضم للاسره دى
amrello
Jul 23 2008, 06:40 AM
حمدى كويس الحمدلله يا كراى
هو بس دخوله على النت قليل شويه اليومين دول
krypton
Jul 23 2008, 03:54 PM
شكرا ليك يا عمرو
بس ابقى سلملى عليه
و قوله يجى بس كده يسلم
و بعدين الناس كلها عمالة تختار الاوض اللى هى عايزاها
انا عايز اوضة قريبة من المطبخ
لاغراض سرية
mirooo
Jul 24 2008, 01:01 AM
معاكم ميرو ان شاء الله
..وبقول .
. مش مهم انك تصاحب 1000 فى السنه .. المهم انك تصاحب صديق ل1000 سنه
ledo_boda
Jul 24 2008, 06:44 AM
برة هركبلكم أسانسير
عايز من كل واحد 2500 جنيه ده من غير التركيب
صحيح ياعبد الحميد .. مفيش حمام سباحة
أمال أنا هتليف فين ياواد
يلا هوبا شلوبة على الجميع بصوت عالى
ومش عايزين إزعاج عشان الأستاذة بوسى
ويلا إنجزوا وهاتوا فلوس الأسانسير
star dust
Jul 25 2008, 06:23 AM
هااااااااى عليكم انا بقا اسراء ويارب اكون فرد من الاسرة دية وانا عايزة يا ليدو اوضة كويسة ااها يعنى اوضة شرحة وبرحة وبيدخل فيها النور والهواء والكهرباء والغاز وكل الحاجات دية
ماشى
star dust
Jul 25 2008, 06:25 AM
وعلى فكرة يا بليزى او يا عبد الحميد الفكرة دية حلوة اوووووووووووى وانشاء اللة نبقى اسرة مع بعضينا كلنا كل اعضاء ايجى هات
ahmed123ah
Jul 26 2008, 04:52 AM
احم احم ممكن اشارك اولا شكرا لاحلى اسرة تقدر تكون اصحاب بجد ثانيا انا اسمى احمد شخص فقير الى الله مش عاي من الدنيا حاجه الا يكون ربنا راضى عنى وطبعا ابويه وامى وان يكون عندى اصدقاء زيكو حلوين واوفياء ومخلصين بجد انا لقيت روح التعاون الحلوة هنا موجوده عندكو وربنا يقدرنى واتعاون معاكو بجد يكون ليا الشرف انى انضم لاحلى اسرة فى النت تمام وانا مش عايز الا سجادة اقعد عليه علشان اسمعكم واقول حاضر وبارك الله فيكم يا احلى اسرة فى العاااااااااااااااااااااااالم
hobalovely
Jul 26 2008, 11:54 PM
فكره جميله اوي يابودي كنت احب اشارك بس للاسف ظروفي متسمحش
احب احييك علي مجهودك واخلاصك وحبك لايجي هات
ربنا يوفقك ياجميل
تحياتي للجميع والي الامام دائماً إن شاء الله
Semsema
Jul 27 2008, 06:37 PM
إقتباس
برة هركبلكم أسانسير
عايز من كل واحد 2500 جنيه ده من غير التركيب ايه الاستغلال دا يا ليدو
من اولها كدا
وبعدين كلنا قاعدين فى دور واحد ومش لازمنا اسانسير
إقتباس
ليا الشرف انى انضم لاحلى اسرة فى النت تمام وانا مش عايز الا سجادة اقعد عليه علشان اسمعكم واقول حاضر وبارك الله فيكم يا احلى اسرة فى العاااااااااااااااااااااااالم
تنور الاسره يا احمد
وانا هخلى ليدو يسيب البوابه وييجى يروقلك احلى اوضه عندنا
وهنخليها جنب اوضه كراى وجنب المطبخ
اظن كدا تمام خالص
إقتباس
فكره جميله اوي يابودي كنت احب اشارك بس للاسف ظروفي متسمحش
احب احييك علي مجهودك واخلاصك وحبك لايجي هات
ربنا يوفقك ياجميل
تحياتي للجميع والي الامام دائماً إن شاء الله
هوبا لافلى انت تنور الاسره فى اى وقت
والاوضه بتاعتك محجوزه وقت ما تحتاجها
واكيد يسعدنا تواجدك معانا
ويلا كلو يقوم يغسل سنانه ويغسل رجليه بديتول علشان دا معاد النوم
سلاااااااااااااااام
krypton
Jul 27 2008, 06:45 PM
محدش يجى ناحية المطبخ
انا بقول اهه
نورت يا سمسمة
و اوضتك حتبقى ع السطوح
banotalovely
Jul 27 2008, 08:18 PM
ايه يا ليدوووووووووووووو كمان بتتامر مش تعمل حاجه لى ليدو يا عبد الحميد بجد حلو اوى الفكرة ده يا عبد الحميد انا عايزة اوضه
على البسيين
ledo_boda
Jul 29 2008, 02:36 PM
أوضك موجودة يادولى
عملتلك أوضة جانب النافورة
Semsema
Jul 29 2008, 03:57 PM
إقتباس
نورت يا سمسمة
و اوضتك حتبقى ع السطوح
لا يا كريبتون يا شرير انا مش عاوزه اوضه فوق السطوح
انا عارفه انك عاوز تحدفنى من فوقه
بليز يا عبد الحميد او يا ليدو عاوزه اوضه جنب دوللى
krypton
Jul 29 2008, 06:20 PM
شرير
انا الحق عليا
كنت عايزك تقعدى فى طراوة
هاتلها يا عم اوضة فى بير السلم
ledo_boda
Jul 30 2008, 01:11 AM
أجبلك أوضة جانب النافورة يعنى
عشان تصبحى على الناس إللى داخلة وإللى خارجة
إسكت شوية يامحمد
أنا عملتلك كشك سجاير برة أقعد بيع فيه يلا
ولو إشتغلت كويس هعملك سوبر ماركت تبيع حلويات كمان
يلا هووووووووووبا
krypton
Jul 30 2008, 01:33 AM
سجاااااااااااااااااااااير ايه يا عم
انا اخرى حاجة ساقعة
مش
سجاير
و بعدين انا جايب اكلة كباب
و كنت عامل نصيبك
بس انا كده زعلت
و حاكل لوحدى
ledo_boda
Jul 30 2008, 01:49 AM
بص ياسيدى
أنا هفتحلك موووول
أدام بيت الأسرة
أوكيك ياعم
krypton
Jul 30 2008, 02:02 AM
لو الموووووووول
فيه سينما
ماشى
و تعالى يا عم ناكل بقى
انت صدقت انى مش حديلك
يلا بسم الله
star dust
Jul 30 2008, 12:00 PM
اية دة يا محمدانا مليش دعوة انا عايزة اكل انا كمان اشمعنى ليدو وبعدين فين اوضتى انا مش قولتلك عايزة اوضة حلوة كدة
krypton
Jul 30 2008, 02:25 PM
انت جيتى متأخر اوى يا ستار
معلش بقى
تتعوض المرة الجاية
ليدو هو اختصاصى الاوض
انا بروق بس
ledo_boda
Jul 30 2008, 02:59 PM
أيوة مين عايز أوضة
إممممممممممممم
إتفضلى ياستى أوضة 31 جانب الحمام العمومى
يلا هوووووووووووبا
مشمش_2007
Jul 30 2008, 08:16 PM
مش انا قلت مرة مش عايزة ازعاج
ايه الدوشة اللي النتول عاملينها ديه
يعني مفيش مكان تتكلموا فيه الا جنب اوضتي
ايه يا ليدو انت ومحمد اهدوا شوية نازلين تقسيم في البيت كده بمزاجكم
krypton
Jul 30 2008, 11:52 PM
برىء يا بيه
دا هو ليدو
انا هادى خالص و طيب
ledo_boda
Jul 31 2008, 03:27 AM
معلش ياأنسة بوسى
كان فى ناس عايزة اوضة ومش عارف اعمل إيه
أسف ياريسة
banotalovely
Jul 31 2008, 03:48 AM
لا يا ليدو انا عايزة جنب حمام السباعه مليش دعوه
ledo_boda
Aug 1 2008, 12:35 AM
بس كده يادولى
أوضة جوة الحمام السباحة نفسه ياستى
أى خدمة مش حرمك من حاجة خالص أهو
lovely mola
Aug 1 2008, 01:11 AM
انا شكلي جيت متأخر اوي اوي وكل الاوض الكويسة خلصت امشي تاني ولا هتتصرفولي في اوضه حلوة كده وعسولة ولازم تكون عسولة والا مش عايزاها اوكي
krypton
Aug 1 2008, 02:05 AM
خلاص يا ستى
حنجيبلك اوضة و نحط فيها خلية نحل
عشان تبقى كلها عسل
true love
Aug 1 2008, 03:00 AM
السلام عليكم ياجماعة
انا يشرفني اشارك معاكم
وبجد احييكم علي الروح الجميلة دي
وطبعا اشكر بليزي صاحب الموضوع الرائع
بس ياتري لسة في اوض فاضية؟؟
حد يشوفلي اووووووووووضة صغننة علي أدي
lovely mola
Aug 1 2008, 11:55 AM
تؤتتؤتؤتؤتؤتؤتؤ
ايه ده يا كريبتون انا عارفه انت ايه غرضك من خلية النحل دي
تؤتؤتؤتؤؤتؤتؤ
انا همشي احسن 
volcano878
Aug 1 2008, 05:57 PM
السلام عليكــم ورحمـة الله وبركاتــة ،،
رغم اني جيبت متأخر بس اهو حبيت انضم لاسره ايجي هات ويارب تقبلوني اخ ليكم
وحبيت اشارك بنكته صغيره اووي
واحد قابل صاحبه قاله بقي يا راجل اشوفك امبارح انت و المدام في البلكونة و متسلمش عليا؟؟؟؟؟ قال له لا و الله مش انا
اخوكم
اسلام
مشمش_2007
Aug 1 2008, 06:18 PM
مش متاخر ولا حاجة يا اسلام
نورت البيت كله وطبعا انت اخ لينا من غير ما تقول
يلا حد يشوف لاسلام اوضة
star dust
Aug 1 2008, 10:57 PM
لا مليش دعوة يا محمد انا عايزة كليو كباب ليا لوحدى ومحدش يشاركنى فية وتجيبوا انا بقلك اهو
واية دة يا ليدو اوضة جنب الحمام العمومى عشان منزعكمش بليل يعنى ولا اية
star dust
Aug 1 2008, 11:00 PM
بيقلك مرة واحد جزمجى ابوة مات عملة نعل فى الجرنال
المفروض انك تتضحكوا
مشمش_2007
Aug 1 2008, 11:09 PM
هههههههههههههههههههههههههههههه
ايه العسل ده يا ستار
منورة
ونقي ياستي الاوضة اللي تعجبك