krypton
Jul 26 2008, 03:36 AM
السلام عليكم و رحمة الله و بركاته ازيكم يا ايجيهاتيةكيف احوالكميا رب تكونوا بخير و سعادة النهاردة كنت عايز اكلمكم عن موقف عادى جدا و بسيطيمكن كتير منكم مر بيهو لكن مش عارف حسيت بعده بحاجة عجيبة كده انا كنت ماشى فى الشارع و راجع على البيت و بتمشى مع واحد صاحبىو احنا ماشيين لاقيت راجل عجوز بيشاور لى اجيلهطبعا رحت له و قالى يا ريت يا بنى تعدينى الشارعطبعا ساعدت الراجل و عديته الشارعالموقف عادى جدا صحالغريب بقى كلام الراجل و هو بيشكى من جنون السواقين و سرعتهم و غباؤهم فى السواقةو الراجل بيتكلم عن الذوق و الاخلاق و كانها مجرد خرافاتكانت موجودة و اندثرت و بعد ما عديته شكرنى و دعالى و دى طبعا حاجة لا تقدر بثمنبس الموقف اثار جوايا حاجات كتيراولا هل من المعقول ان الناس وصلت لدرجة من عدم المبالاةبحيث انهم يسيبوا الراجل ده كده و مش عايزينه يعدىبصراحة شىء مؤسف جداثانيا و ده الاهم و الاصعبو لنفرض ان انا مكنتش موجودهل كان الراجل ده عدى الطريق و لا كان حيقعد فترة مذلول مستنى حد يعديهثالثاالموقف ده خلانى اتمنى من اللهانى موصلش ابدا للسن بتاع الراجل دهاو اكون مكانهمش لاقى حد يساعدنى و انا كبير و ضعيف و عجوزو ممكن اكون وحيدانا مش عارف اعبر بالظبط عن احساسىبس فعلا تخيل نفسك كده مكانه و انت مستنى اللى يعبركلانك مش قادر تعمل حاجة لنفسكاكيد شعور صعب جداربنا يحفظنا جميعا منه الهم اللى بيضحك بقى انى و انا بعدى الراجل العربيات ماشية من حوالينا طيران قلت يا ريت محدش منهم يستهبل و يفتكر نفسه بيلعبgtaاحسن يدوسنا عشان ياخد نقط 
يلا حتة هزار كدهعشان الموضوع ميبقاش مقفل اوى اتمنى يكون الغرض وصلكمو يا ريت دايما تحاول تساعد العالم المسنة دىاكيد يا جماعة زى ما حتساعدوهمربنا حيوقفلكم و لاد الحلال يساعدوكم لو وصلت لسنهم و شكرا
ahmed123ah
Jul 26 2008, 04:42 AM
اولا انت انسان عظيم وجميل على الاخر ثانيا وده الاهم ان الدنيا بقت وحشه اوى يعنى محدش يقدر حد عارف ازاى يعنى ممكن ولد يضرب ابوة والله حصلت ان شخص كان عايز يضرب ايوة ومرة تانيه واحد معرفتى واقف على محطه القطر ولقى شاب يضرب شخص عجوز والناس مش قادره تحوش الشاب لان العجوز بيقول سيبوة ده ابنى وانا عملت فى ابوية كده وانا صغير يعنى فى الدنيا ديه كما تدين تدان سبحان الله ربنا عمرة ما بيسيب حد وتقولى يا محمد عربيات وعارف مين الى يقدر يغير الكلام ده احنا البركه بالشباب الى زيك والله ربنا هيسهلهلنا كل حاجه بس احنا الى بنيأس وبنستسلم بسرعه كبيرة وهوة ده ضعف الشباب بجد ان الواحد يساعد الغير ده شىء عظيم موجود فى دينا الحنيف والحمد لله بس الى احسن من مساعده الغير هيه حاجه مش صعبه ومش سهله هيه كيف تنصر دينك يعنى الى انت عملته هوة نصر للدين علشان نورى لكل العالم دينا بيقول ايه والبركه فيك وفى امثالك وكفايه كده لان زورى تاعبنى موت ومش قادر اتكلم وانا تعبان اصلا على الاخر يلا بقى سلام عليكم
krypton
Jul 26 2008, 04:50 AM
ربنا يخليك يا احمد على ردك الجميل ده
و احرجتنى يا راجل
و اديتنى فوق حقى بكتير
بس انت وصلك قصدى
و ربنا يصلح الحال
و شكرا
lovely mola
Jul 26 2008, 05:56 PM
اولا بشكرك على موضوعك ده ثانيا انت دايما بتتكلم عن ان الناس بقت وحشه وزفت وحاجة تعصب اننا عايشين وسطهم وكدا بس يا كريبتون وزي ما قولتلك ان الوحش بقى غالب بس فيه حلو ده اكيد يمكن يكون تاه في زحمه الوحش بس الاكيد انه لسه موجود وزي ما قال الرسول عليه افضل الصلاة والسلام الخير في وفي امتى الي يوم الدين والدليل اهو موقفك مع الراجل وزيك فيه كتير بس كون متفائل شوية
krypton
Jul 26 2008, 06:16 PM
انا مش دايما بتكلم على ان الناس زفت
بس انا بتكلم عن اللى موجود
و وقت ما الاقى ان فى حاجة كويسة
اكيد طبعا حقول عنها
الواحد مش بيحب الغم يعنى
بس هو فعلا الناس بقت زى الزفت و اظن انكم كلكم بتشوفوا بما فيه الكفاية
و شكرا
lovely mola
Jul 26 2008, 11:57 PM
انا اسفة مقصدتش اضايقك بكلامي اه الواحد فعلا بيشوف وبيشوف كتيييييير اوي بس انا عن نفسي مبقتش بحط في دماغي علشان مش اعتب نفسيا وعموما انا كنت بس بقصد بكلامي كون متفائل ومتخليش اي حاجة تضايقك لانك لو هتحط في دماغك هتتعب اوووووووووووي
krypton
Jul 27 2008, 12:12 AM
بصى يا مولا
الواحد مش بيزعل على نفسه
الواحد بيزعل على غيره
العواجيز اللى محدش بيراعيهم
الستات اللى بتتبهدل
و الاطفال اللى بيتربوا غلط
هما دول اللى بيزعلوا
و بيحسسوا الواحد بأن مفيش رحمة بين الناس
بس ممكن نتغير
الاحتمال ضعيف بس موجود
و انا طبعا مش زعلت و لا حاجة
و يا ريت تنورينى كده على طول
و انا اللى اسف اذا كنت رديت بطريقة مش كويسة
و شكرا ليكى
star dust
Jul 30 2008, 12:27 PM
بص يا كريبتون انا اولا بشكرك على الموقف اللى انت عملتة مع الراجل دة وفعلا دلوقتى الناس مبقتش بتحس بحد خالص كلة بقا بيقول يلا نفسى لدرجة انهم يخلوا ناس كبار محتاجين المساعدة كدة انا فعلا صعب عليا الراجل دة بس دة كان حظة كويس انو لاقاك وعديتة غيروة بقا يا ترى مين بيعدية لبر النجاة ؟؟؟
شكرا للتوبيك دة يا محمد
krypton
Jul 30 2008, 02:18 PM
شكرا ليكى يا ستار
انا بس بتخيل نفسى مكانه
تفتكرى ححس بايه و انا وحيد فى الدنيا كده
اكيد شعور صعب جدا
ربنا يحفظنا منه
BLUEFAIRY13
Aug 22 2008, 09:56 PM
كريبتون فى ناس وناس
مش الكل وحش او الكل حلو
الموقف دة حصل مع حدمن اقاربى و لقينا اللى عدانا الطريق
وربنا يسترها ويعطى لنا الصحة............ شكرا ع الموضوع دة
krypton
Aug 22 2008, 10:29 PM
شكرا ليكى
بس انتى تقريبا مش فهمتى قصدى
انا اقصد انى خايف من يوم يجيى عليا و اكون مكان الراجل ده
و شكرا
katkott egypt
Aug 23 2008, 01:04 AM
مرسيه يا محمد للتوبيك ده
قطعت قلبي بجد عشان الحاجات دي بقت موجوده كتير دلوقتي وبقت عادي كمان
وربنا يستر علينا لما نكبر لان لو دلوقتي كده وقتنا احنا حايكون عامل ازاي
شكلهم حايتراهنو كل واحد يموت قد ايه من الناس الكبيره دي 
krypton
Aug 23 2008, 01:47 AM
فكرة حلوة اوى يا كتكوتة
يتنافسوا على تمويتنا
هههههههههههههه
ربنا يخليكى
نورتى الموضوع
moneelkalozy
Aug 24 2008, 06:26 PM
الموضوع بصراحة حلو جدا
وانا معاك ان الناس الكويسة قليلين
لكن لما يكون حد زيك ساعد واحد عجوز اكيد ربنا وانت فى سنه هيبعتلك واحد يساعدك زى منت ساعدته
وبعدين كل دة بتاخد عليه حسنات من الله
وربنا يا رب يكتر من امثالك عشان ميبقاش فى حد محتاج مساعدة ومش لاقى حد يساعده
krypton
Aug 25 2008, 01:33 AM
مشكورة على ردك
و ربنا يصلح الحال