كيفكم يا ابنى ادميييييين
عاملييييييييييين ايه فى اجازتكم
يا ريت تكونوا قاعديين فى بيوتكم
عشان تقروا الموضوع
ان شاء الله الموضوع المرة دى حيكون خفيف
لدرجة انه ممكن يطير
او انت اللى تتطير الشاشة بشلوت
عمتا انا قلت انزل جزء كمان فى سلسلة مجتمعنا الجميلة دى
و ده نظرا للنجاح الساحق اللى محققاه
الموضوع المرة دى عن
الاطفال
شباب الغد
و رجال المستقبل
بداية كده انا بكره الاطفال
و متهيألى انى لو فى مكان مع عيل ممكن ارميه فى الشارع
عياط و صويت ده غير القرف بتاعه
بحس انى قاعد مع كائن فاضى من بتوع المريخ
اصحاب الدماء الخضراء
بس طبعا الواحد مضطر انه يتعامل مع الاطفال
بأسلوب خاص عشان يقدر يحقق التفاهم معاهم
المهم
الطفل يعد ثروة قومية و مادة خام مهمة
محتاجة تتشكل بطريقة صحيحة عشان تفيد بلدها بعد كده
و لكن
و خدوا بالكم بقى من لكن دى
الكلام ده مش بيحصل
ازاى
حقولكم
الطفل دلوقت بيتولد مريض اصلا
وزنه مش طبيعى و عنده حساسية و مشاكل و بلاوى كتير
و ده طبعا راجع لوالدته
هى الغلطانة
حد قلها تمشى فى الشارع و تشم دخان العربيات و البلاوى الكتير دى
حد قالها تاكل خضار فاسد مليان مبيدات
و لحوم مدعمة بالهرمونات
و عيش مدعم بالمسامير
الخلاصة ان الواد بيتولد اصلا
منتهى الصلاحية
و دى حاجة طبعا خارجة عن ارادة اهله
بس سبحان الله
بيعيش و بيكبر و بيقدر يكمل حياته ببركة دعا الوالدين
الست خلاص خلفت
مبروك
طبعا الواد مفروض ياكل
و الام ياما حتديله رضعة صناعى
ياما حتقوم هى بالمهمة لو فيها صحة
و فى الحالتين كده كده الواد بيجيله تسمم لتسمم المصدر اصلا
و برضه بيعدى المرحلة دى
يبدأ بقى الواد يكبر
و يروح المدرسة اللى بتقضى على بقايا مخه
بالمناهج المحشية عبط و غباء
مما ينتج عنه حالات هبل بين العيال
الواحد يبقى راكب تاكسى
و يلاقى واد بيشاور للراجل السواق
عمو عمو
هى الساعة كام
و الراجل يشتم و يطق
بس حيعمل ايه
ما هو العيب على الاهل
لانه مش بيربوا عيالهم
ناس حتقول دى شقاوة عيال
حقولهم لازم يكون فى حدود
و متبقاش العملية سايبة
و اصلا ده راجع لان الوالدين مش فاضيين لعيالهم و العيال بتكبر على التليفيزيون
و الكمبيوتر
و ثقافتهم بتكون عن الكرتون و الكليبات
و هو ده هى دى
بس برضه فى بقى ناس محترمة كده
و ربنا فتح عليهم
و اهتموا بعيالهم و ربوهم صح
مثلا الواد يبدأ فى ممارسة الرياضة من صغره
و يعودوه عليها عشان يطلع حاجة حلوة كده
و طبعا يحددوا ساعات التيليفزيون و الكمبيوتر
و يحددوا ساعات تانية للقراءة
مهما كان سنه صغير
بس كل سن و له اللى يناسبه
و طبعا يا جماعة الموضوع ده مهم جدا
لان بجد الطفل بينشأ و يكبر
على اللى اتعود عليه
و التعليم فى الصغر كالتقش على الحجر
و الاطفال دول امانة من عند ربنا
لازم نهتم بيها و نطورها و ننميها
لان دول بعد كده هما اللى حيمسكوا البلد
اكيد طبعا فى ناس مش تقدر على النوادى الرياضية
او حتى الكتب للأطفال
بس المهم انهم يبذلوا قصارى جهدهم عشان يربوا عيالهم صح
و بالنسبة لينا كشباب
اكيد حيجى علينا اليوم و ان شاء الله
ربنا ينفخ فى صورتنا و نتجوز و يبقى عندنا عيال
فلازم تفكر ازاى حتعلمهم و ازاى حتربيهم و هكذا
و مش لازم تستنى لغاية ما ده يحصل
طبعا الواحد مهتم بالكلام ده لان باب النجار مخلع
و عشان كده الواحد حاطط مخطط بسيط
لأطفاله لو جم
مثلا لازم يتعلموا القرآن من صغرهم
و اكيد لازم يمارسوا رياضة
و خصوصا السباحة لانها مناسبة للسن الصغير و بتستمر معاه
و لا اظن ان هناك ما هو اكثر افادة من السباحة
يعنى
اهو الواحد بيفكر
و انتوا كمان لازم تفكروا و تخططوا لحاجة زى دى
و اكبر غلط انك يا واد تفتكر ان العيال حيبقوا مسؤلية امهم
هى طبعا حتتحمل جانب كبير
و لكن انت اساسى زيها بالظبط
و ليك دورك المهم جدا
و كفاية كده
و شكرا
