السلام عليكم ورحمه الله وبركاته

شفت ماتش مصر وكوت دي فوار ؟...... اكيد آه -

عرفت ان مصر خدت البطولة ؟...... اكيد آه -

بذمتك مصر أحسن فرقة في افريقيا ؟......
اكيد لأ -

طب كسبت ليه ؟

اقولك أنا : عشان الناس كلها كانت في
الاستاد وقدام التليفزيون -

بتدعي في كل ماتش ان مصر تكسب وربنا
استجاب

شفت لما الناس تتلم على هدف واحد بيحصل
ايه ؟ -

طب خدت بالك من اللي حصل في الدنمارك
ومعظم دول اوروبا؟ -


اكيد آه


عملْت حاجة ؟ ..... اكيد -


طيب عرفت ان امريكا هتعوض الدنمارك عن
اللي هتخسره بسبب -

المقاطعة ؟ يعني المفروض تقاطع امريكا
كمان

بس هتعرف ؟

هتعمل ابن ناس ومبتكلش غير في "كنتاكي" ؟ -

كُلْ في "مؤمن" ياأخي

مابتعرفش تعيش من غير بيبسي ؟.. جدّك ياما
شرب عرقسوس - او اشرب اى عصير فرش


تعرف اننا لو كلنا قاطعنا البضائع اللي
جايا من بره هتحس بفرق -

في سعر الجنيه خلال 3 شهور

يعني بدل ماتبدّل خورطميت جنيه بكام
دولار هتقدر تسافر و يبقى

للفلوس اللي معاك قيمة



الكلام ده كله ماأقنعكش ؟..بلاش..لو حد
شتم والدك هتسيبه ؟ -

اكيد لأ

طب هو أهم من النبي ؟.....أكيد لأ -


طب مستني ايه -


بذمتك فرَق معاك اللي قريته ؟ -


طب لو مش عاجبك الكلام انشر الكلمة دي -

لا اله الا الله محمد رسول الله

اللهم انصر المسلمين والاسلام ودافع عن
نبيك خير الأنام
م
ن
ق
و
ل

بارك الله فيك واكيد كلام انا اول من اقتنعت بيه بس تقول ايه فى الى بيشرب الكوكاكولا وهوة عارف ان مكتوب عليها ؟؟؟؟؟؟؟؟؟؟؟؟؟ ولا تعغليق للبقيه مشكووووووووووووور بارك الله فيك

توبيك هايل يا فولكانو
وانا على قد ما اقدر والله باعمل مقاطعه
وبحاول التزم بالامر دا انا واصحابى
لان كله الا الدين


مبتكر دايما

السلام عليكم
شكرا يا احمد على مرورك اسعدني وشرفني وفعلا يارب الناس تقتنع بكلامي ده
شكرا يا سمسمه على مرورك الجميل ويارب يقوي ايمانك دايما

يا بنى إنتا بتنفخ فى قربة مقطوعة بصراحه كده ومن الآخر مبقتشى تفرق معانا
وأحسن حاجه فى الوضع الحالى إن الواحد يبتدى بنفسه والله المستعان
وتحياتى لك

بص يا يبنى دلوقتى ولا اى حاجة بتحصل هما بس قاموا وعملوها حكاية وبعد كدة الدنيا هديت خالص والناس هناك عمالين يعملوا كل حاجة ويستهتروا بالاسلام واحنا هنا المشاكل المحلية خدتنا ونسينا خالص ولعلمك بقا احنا عمرنا ما هنعرف نعمل حاجة طول ما احنا كدة
ومش هنقدر بردة نستغنى عن حاجتهم سيبك من كنتاكى والحاجات دية فية المعونة الاميريكية فية القمح اللى عمالين نتخانق مين ياخدة شايف بقا المشكلة متعقدة ازاى انا مش بقول كدة عشان اضعف المعنويا ولا حاجة انا بس عايزة اعرف احنا لية بنعمل ضجة ودوشة وبعد كدة نقع فى وسط الطريق ونسكت اهو احنا عملنا كدة ومعرفناش نتجمع حتى فى دية ويارب تفهم راى

السلام عليكــم ورحمـة الله وبركاتــة ،،
اخي الغالي
داني
احنا مش بننفخ في قربه مقطوعه ولا حاجه بس فعلا زي ما انت قولت لو كل واحد بدأ بنفسه يبقى الشكله اتحلت بس مش المفروض ان الشعب يبدأ الاول حكومتنا تبدأ الاول ويكملو المشوار للاخر مش يعملو شويه ضجه وبعد كده ينقلو عل موضوع تافه ومالوش اي لزمه وشكرا لمرورك يا غالي

اختي الغاليه
ستار
احنا ممكن نستغنى عن كنتاكي والكلام ده كله وفيه ليه 100 بديل مصري وممكن يكون احسن منه كمان مش عشان شويه دعايه واعلانات حنجري ورا المطاعم دي والمعونه والكلام ده والله ممكن مايفرق معانا بس لو كل واحد فينا اشتغل بضميره صح لكن انتي شايفه المصالح الحكوميه عندنا ماشيه ازاي والروتين والكلام ده كله وزي ما قولت للاخ داني لازم الحكومات هى اللي تبدا الاول والمشاكل الداخليه دي هما اللي بيزرعوها فينا عشان نكبر دماغنا من اللي بيحصل في فلسطين والعراق والى اخره.... ولو في تضامن عربي واتحاد صح حيتعملنا الف حساب بس لا حياه لمن تنادي وشكرا لمرورك

انا عن نفسى مش بحب دجاج كنتاكى وباكل برة اصلا غير للضرورة اوى
مش بحب البيبسى خالص كل شربى عصير وانت كلامك صح وعندك حق مشور كتير يا اسلام

اختي الغاليه
دوللي
لا تحرمينا مرورك الجميل وردك الاجمل وفعلا زي ما انا قولت كنتاكي والبشر دول كلهم ليهم البديل المصري
وزي ما قولت في الموضوع احنا لو قاطعنا الناس دي حنحس بجد بفرق كبير في الجنيه المصري