بسم الله الرحمن الرحيم


محتار
بين قلبى وعقلى
حبيته ومكانش ذنبى

قلبى يقولى
هو ده اللى حبيتيه
فيه كل اللى بتتمنيه
هو ده فارسه احلامك
اللى ياما حلمتى بيه

عقلى يرد عليه
مش ده اللى اتمنتيه
ولا حلمت فى يوم بيه
ايه بس اللى شدك ليه؟
صدقنى دى محبتكش
ولنفسه بس بيعيش


قلبى يرد
لا هو ده اللى انا حبيته
حتى ملامحة ولمسة ايديه
وشوقه باين من نظرة عينيه

دى كانت مقدمة بسيطة لموضوع كلنا بنقع فيه

هى الحيرة

الحيرة بين قلبى وعقلى

اى انسان لما بيحب

بفكر بقلبه
بعد فترة بيفكر بعقله

بيقع فى الحيرة
بين انه ده اللى اختارته
وده اللى حبيته وحبنى

وعقله يقوله لا
مش ده اللى حبيته
ولا دى كانت المواصفات اللى بتحلم بيها

مين فينا موقعش فى الحيرة
محتار اختار مين

قلبى ولا عقلى

لو اختارت قلبى

ممكن اندم فى يوم من الأيام

واقول لا مش ده اللى انا اتمنيته

ولو اختارت عقلى

يبقى كدة هظلم قلبى

الأختيار صعب

بين اختيار القلب والندم بعد كدة
وبين اختيار العقل وظلم القلب

الموضوع كبير ومحتاج مناقشة

بس رأيى الشخصى

انه الحب الصادق

حب يختاره القلب و يوافق عليه العقل
بمعنى
انا اخترت الحب ده بقلبى
الشخص ده قلبى اللى ودانى ليه
وعقلى وافق عليه
فيه الحاجات اللى بحبها
حتى عيوبه قادرة اتأقلم معاها

لو اتوافرت الشروط دى فى حب
اعلم انه حب ناجح وينقصه التتويج بالزواج

هو ده الحب الصادق حب يختاره القلب و يوافق عليه العقل


انتو رأيكم ايه؟

انا مع رايك ان الحب الصداق بيبقى القلب والعقل متوافقين مع بعض
لان بيبقى الحب مسيطر عل العقل والقلب والعيوب ممكن تغضى عنها
انا لما حصل مرة كنت محتارة بين قلبى وعقلى بس اخترت عقلى ومش ظلمت قلبى
لان عقلى طلع صح والاحساس مع عقلى
اما الان قلبى وعقلى واحساسى متوافقين على الشخص الى انا بحبه لانى احبه حب
صداق ده الحب من راى انا
لان العقل والقلب لازم يتوفقوا مع بعض والاحساس كمان
انا مش عرفه انا صح ولا غلط
انا سعات بمشى وراى احساسى
ياترى ده صح ولالا بس بطلع صح
وسعات قليل اوى بطلع غلط
بس انا بحب افكر بى عقلى اكتير من قلبى بس الصح تفكر بى عقلك وقلبك وده الصح

مينفعش يا دوللى حد يفكر بقلبه
ومينفعش حد يحس بعقله
لان الاحساس بيجي من القلب
ولو صادق هيبقى من القلب للقلب
بس مع الاسف فى الوقت دا
الواحد لازم يفكر مليون مرة بعقله ويبعد قلبه نهائى
عشان ميقعش وينكسر ويقول يريت اللى جرا ما كان
وشكرا ليكى يا دوللى لمرورك الكريم

بس رأيى الشخصى

انه الحب الصادق

حب يختاره القلب و يوافق عليه العقل
بمعنى
انا اخترت الحب ده بقلبى
الشخص ده قلبى اللى ودانى ليه
وعقلى وافق عليه
فيه الحاجات اللى بحبها
حتى عيوبه قادرة اتأقلم معاها

لو اتوافرت الشروط دى فى حب
اعلم انه حب ناجح وينقصه التتويج بالزواج

هو ده الحب الصادق حب يختاره القلب و يوافق عليه العقل



انا كمان مع رايك ده بس على فكرة المقدمة بتاعتك فكرتي بخاطرة كنت كتبتها حوار بين عقلي وقلبي بس فيها قلبي هو اللي انتصر على عقلي وياريته ما انتصر

انا معاك يا ميرو ان الحب الحقيقي بيوافق عليه القلب و العقل مع بعض لانك لو ترددت او فكرت يبقي مش ده حبك الحقيقي .