بحب شقاوتك
باموت فى حلاوتك
عايش معاكى وانتى بعيدة
بتوحشينى وحاسك قريبة
باموت فى كلامك
باعشق قوامك
لسا ما شفتكيش .....بس فى قلبى غيرك مفيش
حبنا مش هيدوم ....مش هيكون .....هيموت
بس لازم احبك ...هاحبك بجد حتى لو فرحتى هتموت
قلبى هيسعد بقلبك ...هيسكن قربك ...هيفرح بحضنك
هاعيش معاكى احلامى ....هاشوفك كل يوم فى منامى
هاخاف عليكى واضمك وهتحسى بحنانى
هارسم طريق وملاك وسراب
انتى الطريق وقلبك ملاك وحبى السراب
روحى سكنت فيكى .....وعايزة تعيش بين ايديكى
باتالم لجرحك ...وبافرح لفرحك
حتى لو عارف ان حبى هيتعدم
بس ابدا مش هندم ....علشان بعد حبى طريق فرحك
عمر سعادتك ...وامان روحك ...وفرحة قلبك
هما منايا
معايا ...مع غيرى ....بحبك
كل يوم باكلمك بينى وبين نفسى
وباقول ياما نفسى اقولها اللى فى نفسى
بس ابعد واقول لو بتخاف عليها ما تشغلهاش ...ماتحبهاش ....ماتنسهاش
قدرك يا قلبى ...تحب وما تتحبش
تتعلق ...وطريقك نهايتة ادامك
شقاوتك علقتنى ...ضحكتك جننتنى ...حنانك قربنى ليكى
انتى عمرى ...انتى قلبى ...انتى ملاكى ....انتى حياتى
لو يوم عيشتة معاكى ...بكل حياتى هيكون
لو قلبى مات فداكى ...هاكون ليكى ممنون
باعشقك وانتى لغيرى
وهتفضلى بينى وبين نفسى انتى حبيبتى
اللى بحب ضحكتها وبخاف من قمصتها
حاسك بتخافى عليا ....حاسك عايزة تشوفى عينيا
حاسك بقلبك حاسة بيا .....بحبك
انتى عارفة انا باعمل اية
لقيت كلمة اجمل واخلص واحن من الحب
كلمة ماتنفعش غير لينا احنا الأتنين
حرفين من اسمك وحرفين من اسمى
عملوا اجمل كلمة فى الوجود
باقولها كل يوم ...فى صباحى ومسائى
باسمعها منك ....وباقولها ليكى
انا وانتى ....وحاجة ما بيننا
هى دى كلمة السر فى حبنا
املى فيكى مالوش حدود ...وانتى فى حياتى ماهيكونلكيش وجود
بس انا املك خيالى ....اقدر احركة واعيشة واحسة
واخترتك فية ...هتعيشى معايا
خافى على نفسك من بعدى
وأطمنى على قلبك وانتى معايا
هو ده وليد يا جماعة
جميلة جدا يا باشا
نجم من يومك
تســـــــــــــــــــــلــــم
جميلة جدا يا باشا
نجم من يومك
تســـــــــــــــــــــلــــم
اللله عليك يا ليدو بجد تسلم ايدك يا جميل على كلامك الجميل ده
ثانكــــس موت ياحبيب قلبى لردك الجميل ده
نورتنى ياواد يامحمد ياعثل
===========
مرسيى ليكى يادولتى ياعثل لردك
نورتى التوبيك يادينا
نورتنى ياواد يامحمد ياعثل
===========
مرسيى ليكى يادولتى ياعثل لردك
نورتى التوبيك يادينا
نا اول ما قريت العنوان قولت هو بيتكلم عن قلبه ولا عربيته
بس بجد جامدة جدا جدا ايه الجمال ده يا ليدو انا مش بجاملك علشان تجيبلي السمكة الحمرا ولا حاجة يعني
بس بجد والله حلوة اوي تسلم ايدك بس ليه العذاب ده يا تروح وتقولها على اللي في قلبك يا تكبر دماغك وخلاص
مرسيى لردك الجميل ده يامولا 
والصورة هتطلع باليل بتاعة السمكة
======
أنا مش بعذب نفسى ولا حاجة .. بس عشان أحس بطعم الحب والوصول لإللى عاوزه لازم أحسس نفسى بحاجة جميلة مهما كانت أهميتها
نورتينى ياعثل فى التوبيك
والصورة هتطلع باليل بتاعة السمكة
======
أنا مش بعذب نفسى ولا حاجة .. بس عشان أحس بطعم الحب والوصول لإللى عاوزه لازم أحسس نفسى بحاجة جميلة مهما كانت أهميتها
نورتينى ياعثل فى التوبيك
الله يا وليد حلوه قوييييييي
تسلم ايدك
تسلم ايدك