ازيكم يا ايجيهاتية
كيفكم و كيف اخباركم
عامليين ايه فى الاجازة
اكييد بتقروا موضوعى
المهم
طبعا عنوان الموضوع واضح و باين
الحمد لله
اخوانا اللى فى تالتة خلاص
حصل اللى حصل
سواء حلو و لا بصل
و كل واحد خد نصيبه و راح على كليته
طبعا كلنا عارفين اد ايه انت تعبت فى الثانوية
و انك ارهقت و طلع عينك و سهرت الليالى
و خلصت ماتش طوييل مدته سنتين
عمتا
فرفش كده بقى و ريح دماغك
انت رايح كلية يا عم الحج
يعنى التهييس و التهريج اللى على اصوله
اسف انى اقولكم
اى واحد فاكر نفسه حيريح فى الكلية
غلطاااااااااااان
غلطان لان الكلية حوار طويل كده و رخم
بتعتمد فيه على نفسك
مفيش بقى مدرس ينظم مذاكرتك
و لا حد حيتابعك و يقولك ذاكرت و لا لا
انت خلاص كبرت و المفروض تبقى عارف مصلحتك
عمتا
بكرة لما تبدأ دراستك فى الكلية حتفهم
بس حياتك حتختلف كتير
للأحسن طبعا ان شاء الله
بس لازم تحط فى دماغك نقطة مهمة جدا
جايز تكون ملحقتش كلية احلامك
و دخلت حاجة تانية
احمد ربنا
و ثق ان ده نصيبك و انت متعرفش الخير فين
و اجتهد فيها
جايز تحقق اللى عمرك ما كنت تتخيله
الكلية بقى مجتمع كامل
فيه الحلو و الوحش
المحترم و اللى مش محترم
كل الاصناف حتقابلها فى كليتك
و الظريف
انك مضطر تتعامل مع كل الاصناف
بحسناتهم و عيوبهم
بدون ما تتأثر بيهم
حتلاقى الشخصية المحترمة الهادية اللى تحب تساعد غيرها
اتمسك بيه
لانه قليل
و حتلاقى الشخصية المصلحة
خليك معاه حتستفيد برضه بس مترتبطش بيه اوى عشان ممكن يبيعك فى لحظة
و فى الشخصية المضيعة
ده بقى ابعد عنه
لانه ضايع و عايز يضيع غيره
ده بالنسبة للبنى ادميييين اللى ممكن تقابلهم فى كليتك
اما الدكاترة فدول بقى حاجة اعلى من البشر
او نوع خاص مستورد
دايما صح و انت ( سورى فى اللفظ ( حمار مش بتفهم حاجة
الواحد منهم قعد 458 سنة بيعمل دكتوراة
تيجى انت بقى تعارضه فى حاجة
عيييييييييييييييب
و اقل منهم شوية
المعيدين
و دول بقى نوعيين متناقضين
نوع يحب لك الخير و يساعدك و يظبطك فى الغياب و لو عايز منه حاجة يقولهالك عن طيب خاطر
و نوع تانى معقد نفسيا لو حس انك مجتهد يقطم فيك
و يجيبلك احباط
و تبقى مصيبة بقى لو حس انك احسن منه علميا
( مخك نضيف يعنى )
حيقرفك فى عيشتك و يجيبلك حاجات كده تعقدك عشان يتنيه دايما احسن منك
و الدكاترة و المعيدين
غالبا معاهم شهادة
يعامل معاملة اطفال
يعنى متعارضوش و لا ترد عليه
يشتمك تسكت و متردش عشان متوديش نفسك فى داهية
و بلاش تعمل فيها رامبو و تتخانق و الحوارات دى عشان ميضيعكش بجد
و يخليك تحول
لكلية الصياعة قسم سباكة
نيجى بقى للمنهج
غالبا ما يكون المنهج غير معلوم و غير واضح الملامح
مما يجعلك يا غلام
تضطر الى اخذ الكورسات
او عمل الملخصات
بس مشكلة الملخصات انك لازم تبقى فاهم حتى اى حاجة
و الكورسات احيانا تكون بأسعار خرافية
لو رحت للوالد يقولك
يعنى انت بعد اللى خدته فى الثانوى
مش مكفيك و عايز كمان فى الكلية
يا بنى انا عملت اللى اقدر عليه
طريقك قدامك
شقه بسكينتك
و عشان كده كنت بقولك خلى ليك علاقة مع العالم المصلحة
و حتستفاد منهم اوى هنا
و بالنسبة لتوفير وقت المذاكرة
لو انت من عاداتك النظام اكيد حتعرف توفق امورك
لكن لو بتقضيها
يبقى مش حتذاكر الا قبل الامتحانات
و تدخل تجيب المقبول
الخلاصة
لو انت حاطط فى دماغك انك تعمل حاجة فى كليتك و تطلع بتقدير
لازم تتعب فيها من الاول
و افتكر
و ما نيل المطالب بالتمنى
و لكن تؤخذ الدنيا غلابا
و ربنا يوفقكم جميعا
و احب بقى ان الناس اللى فى الكلية
او خلصوا بحمد الله
انهم يقولوا نصايحهم
لأخواننا اللى حيدخلوا لسه
و شكرا
