لو عرضت عليك الجنسية الامريكية بهذه الشروط والمزايا :

- يجب ان تعيش في امريكا مدى الحياة.
- تحصل على وظيفة مرموقة جدا.
- راتب اكثر بكثير مما تتوقع .
- ضمان البقاء في هذه الوظيفة حتى سن التقاعد .
- لديك اسبوع واحد فقط في السنه لتزور مسقط رأسك واهلك .

للصريحين فقط ......... هل ستقبل-ي العرض أم لا ؟؟ ولماذا ؟؟
في انتظار ردودكم

اختي الغاليه
مشمش
بجد الموضوع ده في منتهى الروعه انا حكلمك بكل صراحه والله
رغم الشروط دي كلها بس انا حرفض اكيد لاني عمري ما حلمت في يوم من الايام اني اسافر ولو فكرت اني اسافر مظنش اني ممكن اسافر لامريكا دي بذات غير اني بكرها ومعظم العرب بيكرهوها لكن انا كمان مواطن مصري سيبك من الكلام بقى ان مصر فيها وفيها وفيها انا مجربتش الغربه اه لكن مظنش اني اقدر اعيش بره بلدي والله البلد فيها شغل بس محدش عايز يشتغل والناس مكسله ويقولو المرتبات والكلام الفاضي ده وكمان انا مسلم وانا اسمع ان امريكا مضدهدين للمسلمين وللاسف الغرب كله معندهوش فكره عن الدين الاسلامي ومفكره دين ارهاب وكل ده راجع للدعايه الامريكيه انا كلامي انتهى لحد كده بس ده كل اللي عندي وانا مبحبش الدوله دي .

ميرسي لردك الجميل يا اسلام
بجد ردك رائع
وانا معاك
منور التوبيك

موضوعك جميل جدا يابوسى وروعة كالعادة منك
=====

على فكرة وبكل صراحة أنا عمرى مافكرت أنى أروح أمريكا حتى لو زيارة
دايما حلمى أكون فى فرنسا أو هولندا
وكل إنسان بياخد نصيبه والحمد لله على كل شئ من عند الله
====================
بس فى الأول وفى الأخر صعب أوى إنى أفكر أروح مكان زى ده عندى أعيش فى بلدى بورسعيد أحسن بكتير من إنى أكون فى أمريكا
حتى وأنا بكلمك دلوقت وبكتب إسمها تقيلة على معدتى

================
تسلم إيديكى ياعثل على المجهود الرائع
دمتى بخير يابوسى

ميرسي يا وليد يا عسل علي ردك
وده بعض ما عندكم
هوه انا هاجي فيك ايه بس
منور التوبيك
وميرسي لرايك

بجد موضوع حلو
بصراحه انا اصلا دي امريكاء اكرها اوي فوق الخيال حتي انا معروض عليا اني اسافر بعثة علي حساب الحكومة وجات في امريكاء مقهورها اوي اني جات في امريكاء يعني عندي كل البلدان اوكي ماعدا دي امريكاء حتي لو عرضه عليا البيت الابيض ما اقول اللي ما بدي ابدا انه بجد بكل صراحه ما بحبها دي البلد وبعدين انا اصلا ما تخيل انه ممكن اهاجر من بلدي نهائي صح احب السفر وممكن اجلس فتره بس لازم فتره من السنه ارجع اشوف اهلي وبلدي وخاصه فتره رمضان والعيد دي عندي اهم شي انه اكون مع اهلي

بصراحه افرض لان عمرى ما سيب اهلى واحابى هنا واسافر امريكا علشان
خاضر وظيفه ومركز مروموق ممكن اعمل الحاجت ده فى بلدى وانا مع اهلى ه انا مش هوصل زى امريكا بس افضل بكتير ما انى انى اسافر ا
واتغرب بعيد عن اهلى واحبابى
لان مفيش احن من الاهل واطيب منهم وعمرى محب اسافر برة مصر
ميرسى ليكى على الموضوع

اكيد هقبل لاني بحب نظام الاجانب والتزامهم في شغلهم وبحب احترامهم للبني ادم مش زي عندنا

انا حقبل اكيد
لان حتى لو بيكرهونى كونى عربى مسلم
بس حاخد كل حقوقى
مش زى هنا
غريب فى بلدى

بس مش حكون مبسوط

انا مش حاقبل . لان اميركا مش المجتمع اللي اربي فيه ولادي . ممكن اقبل لو دوله عربيه
و مرسيه يا مشمش عالتوبيك الحلو ده

انا عن نفسى مش هاقبل طبعا
لان دول بشر زيهم زى الالات من غير مشاعر
وكتير من افكارهم عير انسانيه لا يقبلها ديننا
ده بخلاف سياسه بلدهم اللى مش هتخلي لينا كيان وسطهم
وميرسى يا مشمشه يا قمرايه على التوبيك الصريح دا
وانا بفكر اخصص اتوبيس يودى ورا الشمس
لان الاقبال شكله بيزيد عليه
ههههههههههه

اولا ميرسي لردودكم
وتفاعلكم مع الموضوع
بس انا مستغربة من رد كريبتون وlovely
ليه تقبلوا مهما كنا هنا مش عارفين ناخد حقوقنا
بس احنا مع اهلنا ودنيتنا واساسنا كله هنا
ازاي نسيبه كده فجاة ونروح لناس بياخدونا كسلعة احتقار يعني
ازاي نعيش وسطيهمم ونتفاعل معاهم وهما هيفضلوا شارينا بفلوسهم
احنا لو اتنازلنا وروحنا علشان الفلوس يبقي من حقهم يهملوا اي حاجة فينا واحنا نقول حاضر
لكن في بلدنا بالرغم من اللي احنا فيه بس الحمد لله
لازم نحاول ندافع عن حقنا هنا في بلدنا واكيد في يوم هناخد حقوقنا
كفاية اننا مع اهلنا مش مع غرب
يوم منقول اه محدش هيقولنا مالكم
فكروا شوية

مع احترامى لرأيك

و رأى جميع الاخوة اللى ردوا

الا انى مش متفق معاكم

و بعدين الغرض من طلوعى بره مش الفلوس

انا بتنمنى انى اعيش كبنى ادم ليا قيمة

اكل حاجة نضيفة و اشرب حاجة نضيفة

وقت ما اتعب اتعالج بدوا مظبوط 

الناس تتعامل معايا صح 

مش اى حيوان برتبة يتنطط عليا

مش اى دكتور حمار مش بيفهم حاجة يعقدنى عشان قرفان فى عيشته

الواحد ممكن يتكلم عن المساوىء لغاية الصبح

و بره كل اللى مطلوب منك انكى تشتغلى كويس 

و على قد مجهودك حتاخدى

مش اشتغل هنا حمار فى ساقية و ماخدش حاجة

انا مش من طبقة غنية 

و لا فقيرة

احنا من اواخر الطبقة المتوسطة

المنقرضة

و بعانى كل يوم فى البلد الزبالة دى

يبقى اقعد فيها ليه

و لو انا حتى خرجت عشان الفلوس 

ايه يعنى 

ما انا هنا عايش من غير كرامة 

و بره حبقى كده بس حيكون معايا فلوس اشترى بيها راحتى



يا جماعة انا مش عايز اروح امريكا ذات نفسها

انا عايز اطلع بره و خلاص

عايز احس انى عايش 

ده انا عايش فى بلد بتقبض على الملتحى

على انه ارهابى

و تاخد اسمى و تجيب كل حاجة عنى 

لو قعدت فى الجامع

تفتكرى بعد كل ده احب اعيش هنا

فى بلاوى كتير ممكن الواحد يقولها بس مش ناقصة



و بعدين انتوا طلبتوا الصراحة 

و انا قلت الصراحة



و كفاية كده



اصل

العيد فرحة 

والله كريبتون سبقتني وقال كل اللي كنت هقوله فعلا لو على البلاوي اللي في البلد دي فهي كتير اوي وانا مش بقول بلدنا انا بقول البلد دي لان هي فعلا مش بلدنا احنا هنا غرب وجنسية اي دولة تانية احسن مليون مرة منها والله بندم اني ضيعت مني الجنسية السعودية بالرغم من ان السعودية مش احسن مننا بس اي جنسية غير دي عندي احسن مليون مرة

تم التثبيت ياعثل

انا بصراحه حبيت اعلق علي الاخ الكريم مع احترامي لراية اكيد انه كل شخص حر في التعبير عن شعوره وحياته اكيد
بس انا عندي وجهة نظر ممكن بعد اذانك اقولها واشكرك علي صراحتك وياريت ما تزعل مني يا عم اوي لو زعلت اتقبل مني انه اقدم اعتزاري لك قدام اعضاء المنتدي
انا اقول كل مجتمع من مجتمعات العالم كلها توجد صعوبات ومشاكل بس بما اننا موجودين في حدود مكان معين اننا بنشوف السلبيات والايجابيات في دا الحيز او البلد يعني الاشياء اللي انت قرفان منها توجد بصوره اخره في ايه بلد سوا ء عربيه او اجنبية يعني لو شفنا الدول العربية مثلا دي تعتبر مشكلاتها معظمها في طريقة التفكير الادمي يعني مثلا عندنا العرب بفكر بطريقة عاطفية من غير منطق دي مشكله وبعدين عندنا طريقة الحياة النمط بتاع حياتنا هو اللي بخلينا ممكن اقوله علينا متخلفين او من الشعوب الثالثه بس والله احنا في يدنا نكون الافضل لو بس اخدنا نطبق القران والسنه بعدين بدي اقول شي مهم في الموضوع انه لو روحت شفت الشعوب اللي انت عاوز تروح فيها وعاشرتهم حتشوف مدي المستوي السيئ فيهم يعني هما مجرد شعارات بتنقال وخلاص يعني عندهم الوساطه اللي عندنا عندهم النظره الدونية الاخر من الطبقات المجتمع عندهم سوء المعامله الاخر بس اللي واضح هو انه عندهم حقوق الانسان والشخص بس دا ممكن اكون في طبق من الناس او في فئة معينة بس مو كل المجتمع
بس هما اذكياء انهم ما وضحه مشاكلهم قدامنا في حين احنا كل مصائبنا عندهم علشان كده احنا اضعاف
وبعدين فيدنا كلنا انه نعيش عيشه حلوه بس لو بدانا بنفسنا وحاولنا نغير المجتمع والله بعد فتره من الزمان صح طويله بس اكيد في تغير ايجابي احصل والله يعني يا عم ابدا بنفسك ومن حولك حتشوف بعد فتره صح طويله انك اقدرت علي تغير المجتمع بس اهم شي نطقة البداية تكون وبعدها تبدا باقي النقاط حتي لو فرصنا انك مالحقت التغير دا اكيد اولاد لما اجوه استفيده من دا التغير وتكون فعل شي لهم والاهلك وبلد
دي بلد الواحد هي الاساس زي اساس كل شي يا عم بس انت شيل النظره التئشاؤمية منك وحصير شي انظر الي المجتمع بتاعك نظرت تفائل وامل وتغير مع الايام بتشوف دي النظره صارت دائما
والله اسفه لو كنت كتير الكلام او ازعجتكم وازعجتك سامحني وانا اسفة مقدما لو كنت ازعجتك او قلت شي غلط

كريبتون يا حبي شكرا لرايك بس كل بلد وليها مساؤها مافيش بلد كامله من كله انت لو تسمع عن اكبر كميه جرايم في العالم حتلاقيها في امريكا من قتل وسرقه ومخدرات معلش رغم اللي في مصر بس والله انا قولت رايي بصراحه انت كراجل مسلم ورحت لواحد هناك واخد فكره غلط عن المسلمين وقولتله انا مسلم وبصلك بصه ملهاش لزمه وشتمك حتقدر تعمل معاه حاجه في بلده انت هناك مش زينا تعرف تفتح باب بيتك ومرتاح وانت عارف ان مافيش حد حيدخل عليك هنا البيوت ليها حرمتها هناك لا كفايه انك في بلد عربي وكلنا مصريين وفي اقليات لكن هناك مافيش حد امريكي كلها اجناس كتيره واديان كتيره سماويه وغير سماويه انت هنا اه مش عايش حلو بس دلوقتي اللي عايش في مصر بتبقى بسلطته وسلطتك تقدر تكونها بفلوسك وانت لازم تتعب عشان تاخد الفلوس دي واهو ادينا عايشين وانا اسف للازعاج

اولا يا دريم

مفيش حاجة قولتيها تزعل

و انا لو حزعل يبقى متكلمش

احنا هنا بنتناقش و نقول اللى جوانا



دريم و اسلام 



شىء بديهى ان كل بلد و فيها مساوىء

و بعدين انتوا برضه ماسكين فى امريكا و انا قلت انها احدى الدول 

مش اساس اختيارى

و غير كده

فى قرايب فى امريكا و المانيا و عايشين كويس الحمد لله

لان هناك فى حاجة اسمها جالية اسلامية

يعنى المسلمين هناك عارفين بعض و كانهم فى قرية

و طبعا تخصصاتهم مختلفة فبيفيدوا بعض و بيقفوا جنب بعض

و حتى شغلهم مع بعض و عاملين شركات ناجحة و الحمد لله



لو بتتكلموا عن تطبيق القرأن و السنة

فحدث و لا حرج

اللى بيربى دقنه بيتمسك و يتقال عليه ارهابى

و انا لو عليا مش مشكلة

بس انا مقدرش ابهدل اهلى على كبر 

مستنى لما استقل بحياتى و بعدين اعمل اللى عايزه



و عارفين بقى ميزة بره ايه

اعمل اللى انت عايزه و محدش له دعوة بيك

المهم انك تراعى الاخرين

مش زى عندنا 

الناس بتتكلم و تتكلم و تتريق و تتدخل بطريقة وقحة



بتتكلموا عن الواسطة

شىء طبيعى و موجود فى العالم كله

بس بره لو انت متفوق و ذكى و شاطر يخدوك و ينمو موهبتك

و بتاخد منح دراسية و يساعدوك على انك تنجح

عشان حيستفيدوا منك بعد كده

اما هنا 

بيقتلوا فيك التفكير و مهما كنت متفوق 

مش بتاخد حقك



انتوا بتتهمونى بالتشاؤم

طب و التشاؤم ده جالى كده يعنى و لا انا اللى بحب الغم

الناس ذات نفسها بقت عقولها مريضة

بهائم بجد 

تعمل اللى هى عايزاه و طظ فى اللى حواليها

و لما تيجى تشتكى كمواطن محترم فى الشرطة

يقعدوا يقولوا كلام كده ملوش لازمة 

مفاده

اخبط دماغك فى الحيط



انا عن نفسى بعشق مصر 

و بحبها جدا

و لكن مش قادر خلاص

الحياة بقت صعبة و الاستغلال بقى مستفحل فى البلد كلها



بتقولولى ابدأ بنفسك

ما انا فعلا حاطط كده فى دماغى

و عايز انجح و اشتغل و اكون اسرة محترمة و اربيها صح

عايز اطلع بحاجة من الدنيا

مش اعيش عمرى كلى اندب على حالى و حظى 



اصعب حاجة انك تعيش و انت حاسس انك ملكش تمن

و رخيص فى بلدك



و كفاية كده احسن ترمونى بره

طب مأنا بتمنا أعيش بمزاج فى بلد من الإتنين إللى قولتهم فوق
يبقى الإعتراض فين فى كلامى بقى
=====

ويلا هووووووووووبا

والله يا كريبتون عندك حق في الي انت قولته كله بس انا عن نفسي مقدرش اعيش بره ونسيت تقول حاجه في ردك(( العيد فرحه))

ميرسي جدا يا ليدو يا عسل علي التثبيت
ربنا يخليك لينا
علي العموم يا كريبتون ديه وجهات نظر
ما انت ممكن تروح امريكا ومتلاقيش اللي انت بتحلم بيه تلاقيه هناك
كمان عايزة اسالك سؤال
لو انت في يوم من الايام كنت زي اي واحد من علماءنا الكبار
وسافرت هناك وتقدم لك عروض علشان يمتلكوا افكارك ديه
وهتلاقي كل اللي بتحلم بيه
بس مش هتقدر تشوف اهلك وبلدك وهتكون ديما مطارد
هتديهم افكارك ولا تديها لبدك اللي عشت واتربيت فيها
تبيع اهلك وتبيع نفسك علشان عايز العيشة ديه ولا هتعمل ايه؟
في انتظار ردود جديدة واراء جديدة
ياتري احنا في دماغنا ايه؟

سبحان الله يا مشمش

انت لسه ماسكة فى حتة امريكا دى ليه مش عارف

و بعدين حتى العلماء اللى انت بتتكلمى عليهم دول 

هما معملوش حاجة غير بالامكانيات اللى خدوها بره

عمرك سمعت عن واحد عمل حاجة هنا

لا 

عشان هنا تقريبا مش عايزين حد فالح يطلع

مكسلين يدولوا فلوس يعمل بيها اللى فى دماغه

لكن بره عارفين انهم حيكسبوا من وراه عشان كده بيدولوا الفلوس و الاحلام



و ايه حكاية تبيع اهلك و نفسك دى

مش للدرجة يا مشمش

و بعدين انا لما اطلع بقى عشان اشتغل 

اكيد حطلع بعقد

و العقد ده مكتوب فى كل حاجة عن طبيعة العمل

و انا ملزم بيه

بس هما كمان ملزمين بيه



و بعدين انا اصلا مش عايز اروح امريكا

انا نفسى بجد اروح الامارت 

و لو بره المنطقة العربية كلها

استراليا ثم المانيا

فانا كلامى كله عن فرصة السفر للخارج مش امريكا بحد ذاتها





انت زهقتى منى بقى و لا ايه

لا انا مزهقتش منك ولا حاجة
بالعكس الحوار معاك جميل
بس عايزين ناس تشاركنا الحوار
ونشوف الاراء
انا معاك ان مفيش هنا امكانيات وديه انا مجرباها وعن تجربة
انا اتحاربت في رسالة الماجستير كتير
لعدم وجود امكانيات فكنت بضطر اتصرف
كمان موضوع سرقة الابحاث ده مشكلة تاني
بس لازم نحاول نوجد الامكانيات
اي نعم هوه تعب
مش عارفة اقول لك ايه
كلامك فيه جزء انا معاك فيه 100%

شكرا ليكى يا مشمش

على الرد الحلو ده



و انا عارف برضه حكايات كتير عن الماجستير و الرسالات و الحاجات دى



بس معلش حتقل عليكى و عايزك تبقى تقرى الموضوع ده

http://www.egyhat.com/forum/index.php?show...c=31643&hl=

بتشكرني علي ايه يا كريبتون
انا بحب اننا نتناقش بالذات في موضوع مهم
وماشاء الله عليك مناقشتك حلوة
وكلامك مقنع
بس هيه اراء

وانا شوفت فعلا التوبيك وكلامك فيه حلو جدا
وهوه ده اللي بيحصل
طيب ايه الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياريت نلاقي حل
والا مش هنلاقي بلدنا ديه وهتنتهي
وبجد ميرسي لردودك

ميرسى يا مشمش
و متخافيش حتناقش معاك كتير
ادام بتحبى المناقشة
هههههه

يلا يا شباب
قولوا رايكم

اولا ثانكس يا مشمش على التوبيك
تعاليلي هنا بقا
انا فى رائى يعنى سيبك من موضوع ان دى امريكا وموستحيل اخرج برة مصر وبلدى والكلام دة
السفر هيبقى احسن من هنا واللى ممكن يحققه هنا فى خمس سنين هيتحقق برة فى سنتين
دة بغض النظر عن حال البلد دلوقتى بقا ايه

كمان اساسا الفرص اللى فى التوبيك متترفضش
وموضوع علمائنا الكبار دول انا شايفة ان لو سافرو كانو هيبقو اكبر من كدة
لكن قاعدين هنا زيهم زى اى عالم صغنتت

الاغلبية اللى اخده حقها دلوقتى بتوع(انت عارف انا ابن مين)
مش بتوع (انت عارف انا شهاداتى ايه )

بس انا عن نفسي يعنى لو الكلام دة حقيقي
فهيبقى صعب اعيش لواحدى واتحمل مسؤلية نفسي وبتاع
لو فى امكانية اخد مرافق من اهلى معايا اوك هسافر

ميرسي يا موني يا قمر علي الرد الجميل
انا معاكي ان اللي هنعمله هنا في 10سنين هيتعمل بره في اي بلد مش لازم امريكا في سنةويمكن في اقل
بس انا كان نفسي ان يكون فيه حل
ونبقي احسن من الحال اللي احنا فيه
لكن للاسف الفرص بره مصر بقت احسن والمعيشة هنا صعبة
لدرجة ان فيه ناس هاجروا لاسرائيل نفسها مش امريكا

منورة التوبيك يا قمر

اولا ميرسي علي التوبيك الجميل د يا بوسي

و بصراحه العرض اللي فيه مغري جدا

بس رغم كده مينفعش

محدش يقدر يتحرم من بلده و اهله و اصحابه و يعيش في امريكا كده لوحده

بالاضافه ان هما هناك معندهمش اي نوع من انواع المشاعر مجرد آلات يعني مش هتلاقي حد يعوضك حرمانك من احبابك

و انا مقدرش علي كده

منورة يا ايه
وبجد كلامك جميل
وبجد الواحد بقي محتار
بس محدش بجد يقدر يتنازل عن اهله واحبابه

اولاميرسى يابوسى على التوبيك الحلو ده
والمناقشات اللى فى الردود جميله جدا
انا عن نفسى نيفر ايفر
ممكن اروح للسفر بس
ومش حكرر كلام اتقال بس كفايه انى اقول ان هنا فى ناس لسه بتخاف على بعض
فى ناس ممكن لو صرخت تجرى تخبط تشوف مالك لو تعبت تخبط تسأل عليك
فى رمضان اللى مش موجود فى حته زى عندنا
هنا اجدع جيران هنا اصحاب زمان

طبعااااااااااااااا لاااااااااااااا اصل حكايه مدى الحياة دى صعبه اوى ومهما الانسان بيتغرب مسيره يرجع لبلده

منورة يا سوسو
منورة يا نودي
وميرسي لردودكم
في انتظار باقي الاراء

بصى يا بوسى انا اكيد هرفض لان دة اصلا مجتمع غير اللى اتربينا فية وغير كدة كمان ولادى هيتربوا زيهم وانا عمرى ما اقبل ان ولادى يبقوا كدة برغم ان انا هاخد الجنسية الاميركية اللى لو اتقال الكلمة قدام حد ممكن يقوموا يعملوا تعظيم سلام بس عمرى ما قبل عشان اهلى اللى مقدرش اسافر واهم وغير كدة اكيد هيجيلى فرصة احسن فى بلد احسن بتعامل المسلمين بطريقة احسن

من الاخر وببساطه ................................انا مش بحب امريكا
مشكوره يا عسل

الحمد لله انى اتولدت عربى مصرى

ميرسي يا ستار وريهام واحمد
نورتم التوبيك
بس اتمني ان احوال بلدنا تتحسن

ميرسي لردك يا باشا
ومنور التوبيك