ازيكم يا هيومانز
عاملييين ايه النهاردة
يوم مشمس و جميل و حر و كل حاجة
المهم
النهاردة مع الجزء الرابع
و قد يكون الاخير فى سلسلة مجتمعنا
نظرا للنجاح الساحق للسلسلة الفظيعة
و اللى تخطى نجاح سلسلة هارى بوتر
( مش اوى كده )
عمتا
بما ان ده موضوع الختام
فأنا قولت يبقى الختام
صارووووووخ
و بداية كده نعرف انا حتكلم عن ايه
( ؟؟؟؟؟؟؟؟؟؟؟؟؟؟؟ )
=
=
=
=
=
=
الجنس
( ايه البداية اللى زى الزفت دى )
معلش يا اخوانا
بس الموضوع ده شاغلنى اوى
و فى اسئلة كتييييييييير
مثلا
هو يعنى ايه جنس ؟
الاطفال بيجوا منين ؟
هو صحيح فى ليلة الدخلة بيحصل كذا ؟؟
طب يعنى ايه و ليه و ازاى ؟؟
يا ترى حنفع فى الليلة دى و لا ايه ؟؟؟
العيال الرجالة ادونى حباية ابقى اخدها قبل الــ..........
عشان اظبط المسائل
بس هو انا فعلا محتاجها ؟؟؟
و اكيد العروسة بتقول
( يا ماما اعمل ايه مع العريس )
( هو شكله عامل كده ليه )
( بوووووم - طراااااخ - بوووووم - طراااااخ - بوووووم )
طبعا يا جماعة اللى فات كان مجرد شوية اسئلة غبية
ممكن تكونوا قابلتوها
اما اللى تحتها فى صيغة بوووووم و طراااخ
دى مجرد مجموعة من البوكسات و الشلاليت و الاقلام
و اللى انفجرت فى وشى عشان اتكلمت فى حاجة
اسمها الجنــــ...........( طرااااااااااااااخ )
لا بجد
هل فعلا الموضوع ده بيشغل جانب كتير من وقتك
طب ليه
و عشان ايه
مش شايف انك مدى الموضوع
اهمية زيادة عن اللزوم
( ازاى يا عم انت عبيط !!!!!!!!!!! )
لا طبعا
الموضوع مهم و كل حاجة
بس المشكلة فى الموضوع نفسه
المشكلة فى كيفية تعامل الناس مع الموضوع
لو طفل صغير سأل
ينضرب بالجزمة على نفوخه
و يتقال له الفاظ
لا محل لها من الاعراب
و لو طفل كبير شوية يتبص له نظرة احتقار
و مش بعيد نظرة خيبة امل
( معرفتش اربيك )
و المصيبة بقى لو واحد كبير
( خلاص عدى مرحلة السؤال )
ده بقى بياخد معلومات من بره بره
بس ايه
معلومات من اللى هيه
معلومات توديك ورا الشمس
( مش بتاعة السياسة )
تسمع خرافات و خزعبلات و حاجات كده
يرفضها اللى يشغل فتفوتة من مخه
بس نعمل ايه بقى
ما هو ده الغباء
الغباء لان فى الاصل
اهل الطفل
( و اللى من طبعه الفضول )
متعاملوش معاه بطريقة صحيحة و مدروسة
عشان يفهم الامر حسب سنه
و كمان غباء عشان مكانش فى مصدر معتمد
تاخد منه معلومات
( يا كبير )
عن الموضوع بطريقة كويسة
بعيدة عن الابتذال و السفاهة
يجيى بقى واحد فلوطة
و يقولى :
يا سافل يا وقح
يا منحط على الكومودينو
انت اباحى و بتنادى بالاباحية
انت اكيد عميل
انا بقى حرد عليه و اقوله
يا شيخ اتلهى
و اذا كنت انا عميل فانت زبون
انا ولا بنادى بالاباحية و لا عايزنا نقعد نشوف افلام
و لا حتى ندرس الموضوع فى المدارس
و لكن
قوللى يا عم الامور
فى الوقت الحالى
وقت الانفتاح و الاوبين بوفيه
و العرى و السفالة اللى بقت فى كل حتة
فى النت و الافلام و السينما و التليفيزيون
و فى الشارع و الكليات و فى اى زفت
تحب ان ابنك او اخوك الصغير يتعلم من
العالم الدنىء ده
و لا تحب انك تديله قدر كافى من العلم
عشان يواجه اللى حواليه
لان دلوقت مش ممكن تغمض عينيك
و مش ممكن تمنع الصدام بين الطفل و اللى حواليه
الا اذا
عزلته عن العالم
و ده مش ممكن يحصل
لازم الكل يشوف النقطة دى و يحاول يعمل اللى يقدر عليه
كلنا و احنا فى مدارس
حصل و اتكلمنا عن الموضوع ده
بعلم او من غير علم
مباشرة
او بطريق غير مباشر
زى الحكايات و النكت و الهبل ده
يعنى كده كده حيجى يوم و الطفل او الابن ده
حيواجه موقف زى كده
و مهما كان مؤدب و محترم
بدافع الفضول الفطرى ممكن يدخل فى الحوار
عشان يعرف و يتعلم
فانت بقى
تفضل انه يعرف كده
و لا يكون هناك برنامج مدروس يتعلم من خلاله
حسب سنه
و البرنامج ده ممكن اساتذة المجتمع يحطوه
فى اطار مهذب و نظيف يؤدى الغرض
بدون اى اثارة للغرائز
او تشويش
او نكت خرافية
الخلاصة
الجنس مهم جدا فى حياة البنى ادم
بس مش هو كل حاجة
دا مجرد غريزة تحتاج لاشباع
و لكن بطريقة محددة
زى الاكل و الشرب
و مش لازم ننسى انه علاقة روحية فى صورة جسدية بين زوجين
و تعمل هذه العلاقة على دوام المحبة و الرحمة بينهم
مش ماتش مصارعة
و لا مهمة لفريق صاعقة
و كفاية كده احسن شكلى حنضرب
و العيد فرحة
