بصوا بقا انا عايزة اتكلم معاكم فى موضوع كدة اولا مساء الجمال عليكم انا اول امبارح كنت بتفرج على برنامج شبابيك وكان جايب شباب عملوا حملة اسمها احترم نفسك واكيد كتير شافوا الحلقة دى عايزة بقا اعرف رايكم فى الحملة دى وهل فعلا لسة فى رجالة فى مصر ولالا
الحملة دى وباختصار بتتكلم عن ان المفروض لما حد يشوف بنت بتتعاكس يدافع عنها كانها اختة وكانوا كمان بينقاشوا فيها لية الولاد ببتعاكس البنات
فدا موضوع عايزة اولا اعرف رايكم فى موضوع لية الولاد بتعاكس بنات وبليز متقلوش عشان اللبس اللى البنات بتلبسة والكلام دة انا شفت وكتير اوى شافوا منقبات بتتعاكس يا ترى دة عيب فيكم انتم يا اللى بتعاكسوا ولا اية بالظبط فدخلوا وولوا لية الشباب بتعاكس وهل فعلا ممكن تشترك فى حملة زى دى وترفع شعار احترم نفسك لاى حد بيعاكس
مستنية الردود

على فكره انا قريت عن الحمله دى كتير جدا وكمان عشان اختى فى مجله كلمتنا اللى هى الراعى الرسمى لحمله احترم نفسك
وعلى فكره فى ولاد وهما بياخدوا رأيهم فى الموضوع ده بيرفضوا انهم يدافعوا عن البنات فى الشارع ويقول انهم مالهومش دعوه وبتاع عموما لسه فى رجاله فى مصر بس للأسف مش كلهم

على فكرة اقسملك بالله اننا عيبنا اننا نقول واحنا مالنا بس والله انتى مش تعرفى ايه الى يحصلك لو قولتى للى يبعاكس عيب يبقى وقعتك طين وهتضرب خاصه لو شباب مع بعض اما لو شاب واحد فهيقولك وانت مالك تقربلك ولا ايه وتانى حاجه البنات تقولك ده ولد مفيش منه اتنين انما من الاسلام انى احوش عنها مش منطق الرجوله بس
عارفه لو بنت مسيحيه عيب علينا اننا نعكسها لانه حراااااااااااااااااااااااااام
وده كله من قله تالوازع الدينى تخيلى ان بعض وليس كل همه الى بيعاكسوة الولاد لما الولاد تشوف ده يبقى ايه الحل طب يبقى احنا لازم نحترم نفسنا تمام بس هوة من الصح ان الولاد متعاكسش البنات مش معنى ان البنت تكلم ولد يبقى البنت ديه ؟؟؟؟؟؟ او ؟؟؟؟؟؟؟ هيه وراحتها وهيه عارفه حدودها وكل من اصل التربيه مثلا بنت بتكلم ولد فى حدود الاحترام ولعلاقه شريفه ينتج عنها جواز مثلا يبقى مش عيب مثلا ده من رأئى بس على فكرة ان بنت تكلم ولد ده حرام شرعا بس اننا فى الزمن ده نفاهين كتيرة راحت وتانى حاجه هل البنت يتلبس لاغراء الشباب ازا كان قصدها كده فتستاهل الى يجرالها ولو مش كده يبقى الى يمس شعرة منها حتى ولو بلكلام يستاهل ضرب الجزمه وعلى اعتقادى ان البنات فى الزمن ده مش قصدهم حاجه لان كل البنات او 95% متربين الا 5% همه الى مشوهين صورتهم وبس


لو انا اتحطيت فى موقف زى ده هقوم بلواجب وربنا يعلم


موضوع شيق تسلم الايادى

اولا ريهام
قولى لاختك ان كلنا معاهم فى الحملة دى يا ريهام ودول اكيد ميعتبروش رجالة اللى يرفضوا يدافعوا عن بنت
احمد
عارف يا احمد اولا انا معاك فى حكاية ان احنا اسهل حاجة عندنا كلمة وانا مالى ما تولع مثلا بس بقا يعم الحملة دى معمولة عشان نمحى الكلمة دى من كلامنا يعنى حتى لو مسيحية او مسلمة المفروض ندافع عنها عشان فعلا نثبت للمسحين زى ما بتقول ان الاسلام بيرفض الكلام دة لان دلوقتى معظم اللى بيعاكسوا مش فاهمين كدة وانا معاك ان فى بنات بتعمل كدة بس بردة لما المعاكسة بتزيد عن حدها بتستنجد باى حد فياريت برضة نقف جنبهم ونفهمهم وميرسى لمرورك يا احمد وبجد لسة فى رجالة فى مصر

شكرا ليكى يا ستار بس بجد والله العظيم ان الشباب عايزين وازع دينى قبل اى حاجه علشان تشتغل الحمله ديه لو فيه وازع دينى هتلاقى الاستجابه فيها كبيرة بأزن الله وانا مع الحمله ديه والى الامام

مشكورة يا ستار على الموضوع

شكرا يا ستار على التوبيك وربنا يهديهم ويحلوا عننا الواحد بقى بيكره يخرج للشارع من السحافات اللي بتحصل بس هنعمل ايه ما باليد حيلة

تمام يا جماعه وعلى فكره الحمله دى عامله جروب على الفيس بوك يعنى للمعلومات لو عايزين تنضموا
مرسى ليكوا

يا ريت الميل الى على الفيس بوك

بجد انا كمان سمعت انها عملوا جروب على الفيس بوك ليها وكمان جروب اسمة احترمى نفسك فى لبسك ادخل هتلاقيها يا احمد