جاوب

ازاى تقدر تغير ماضى ليك, ازاى ممكن تفتكر اول حبيب ليك وتنساه فى نفس اللحظه.
ازاى تخلى اول حب زكرى ليك.
يا ترى فعلا فى كلام و وعود بين المحبين ومش بتحصل؟مش بعيد
ممكن تنسى اول حب ليك؟ وامتى؟
امتى تشتكى؟
امتى تكون محتاج حبيب يحتويك؟
تعمل ايه لو حبيبك غدر بيك؟
ممكن تداوى نفسك؟
امتى قلبك يحس انك مش حمل قسيه؟
ليه تقول خلاص هرتاح وتلاقى الجرح بيناديك؟
تعمل ايه لو كل اصحابك صعبت عليهم؟
لكل حكايه بدايه ونهايه,ممكن قصتك تكون من غير نهايه؟
يا ترى دا طبع البشر انهم يأسوا على القلوب ويجرحوا؟
ممكن تستحمل حبيبك وتقول حبيبى؟
ممكن تتحمل ظلم حبيبك؟ وتقول مش مشكله نصيبى؟
اكيد بتأمن لحبيبك , تعمل ايه لو هو مقدرش؟
ليه تدى حبيبك كل لياليك وتحبه وهو ميقدرش حنانك وتكتشف ان حبه كان المفروض يبقى غالى؟
امتى تفكر تستقل؟
لو اللى بتحبه نسيك تعمل ايه؟بيبقى نفسك تسأله نسيك ازاى؟
بتروح للمكان اللى اول مرة شفت فيه حبيبك؟
بتتمنى تشوفه في نفس المكان صدفه؟
بتفضل تستناه فى نفس المكان؟
تعمل ايه لو جيت واستنيته زى كل مرة ولقيته بالصدفه جه بس المرادى معاه حبيب تانى ليه؟
تعمل ايه لو حبيبك قالك كل اللى بنا خلاص؟ولو قلتله اللى انكسر يتصلح و العتاب هيريح وقالك ماينفعش نكمل مع بعض؟
تفتكر هيفضل حبيبك بنفس طباعه مع حبيبه التانى؟
لو قلت لحبيبك على اللى بقلبك ومع ذلك جرحك تعمل ايه؟
تعمل ايه لو حبيبك هو اللى حط نهايه هواك, من غير ماتعرف؟
مين ممكن يمسح دمعتك؟
لو عنيك بكيت على فراق حبيبك تقول ايه؟
كل ليله بتدور على حبيبك, واتارى حياتك بتشوفها بعنيه.
وعنيك بتبكى بمرارة على فراق حبيبك
ممكن تقول عن حكايتك خيرها فى غيرها؟ممكن تعشق تانى وتجرب تانى وتنسى حبك الاصلى؟
ممكن صحبك يعوضك عن حبيبك؟
نابك ايه لما حبيبك سابك؟
ممكن تقول لحبيبك على جرحك كتر خيرك؟
لا تلوم حبيبك ولا تشكيله ولا تضعف تانى وترحله ,حياتك مش محتاجه لعذاب تانى.
تفتكر ايه الحل؟؟؟

ياه يا ساسو ايه الموضوع الصعب ده
بس عموما اللي يبيع من غير سبب ده مايستاهلش يتزعل عليه
هو اللي خسران و مالوش في الطيب نصيب
الحب ده لازم نديه للي يستاهل و يقدر

موضوع مؤلم واجاباته شويه صعبه يعنى بس الخاين فى داهيه مشكورة بجد وربنا يسامحك قلبتى عليا المواجع

نفس رد كتكوتة

وشكرا على الموضوع

كتكوتى مرسى لردك يا عمرى
ونورتينى بمرورك

احمد
سامحنى بقى
دى حاجه كانت جوايا وطلعتها
متزعلش بقى

امريلو
مستخصر ترد عليا؟؟
ماشى
طيب ماكنت تعمل كوبى بيست وارضى بخاطرى
ربنا يسامحك يا شيخ
عموما
نورتنى يا باشا

معلش اصل الرد بتاعى مختفى زيك
مصيره يظهر
هههههههههههه

وادينى ظهرت يا سيدى
كل سنه وانتم طيبين

ميرسي يا قمر على التوبيك بس بيقلب المواجع عموما انا رأيي زي رأي كتكوتة فعلا بس احيانا الواحد بردوا بيفتكر ذكريات كانت حلوة ويحزن اوي اوي بس مهما كان الواحد مش ممكن يضعف ويرجع لانسان خاين

هو لو الواحد اتخان هو مش بيزعل عشان خلاص مش هيشوف حبيبه تانى
الواحد بيزعل على الوقت اللى قضاه مع واحد زى دة ميستاهلش وقت منه
وبصراحة انا من رايى اللى خان دة عمره مهيتنسى لان الواحد عمره ما هينسى فترة عدت من عمره
وشكرا ليكى على الموضوع

موضوع صعب واجاباته اصعب
بسالواحد لما حبيبه يخونه مش بيزعل عليه علي ما هوه بيزعل علي نفسه
و علي الحب اللي قدمه لانسان ميستهلوش
والوقت اللي ضاع معاه
ميرسي يا قمر
وتسلم ايدك علي التوبيك

فعلا
اصعب حاجة في الدنيا (( الغدر والخيانة ))
خصوصا لما تكون من انسان بنحبه
بس هي الدنيا كدة


ميرسي ياقمر عالموضوع

lovely mola
مرسى يا قمر لمرورك
ومن كلامك بس مهما كان الواحد مش ممكن يضعف ويرجع لانسان خاين
انا غلطت وضعفت ورجعت لانسان خاين وسامحته وامنتله تانى
والنتيجه انى ندمت على كدا وعشت ايا وحشه اوى ربنا ما يوعد حد يشوفها ابدا
بس دا معناه ان الانسان مهما كان مش قوى وفيه الضعف اساسى بس بتفاوت درجاته

مرسة يا جميل على ردك ومرورك



moneelkalozy
مع كل كلمه فعلا اتقالت لان مهما كانت دى اسمها زكريات
وزكريتنا فيها الحلو والوحش
وكدا ولا كدا اكيد هنفتكر الاتنين
نورتنى يا جميل بمرورك


مشمش_2007
حياتى
ايه الاخبار يا قمر
لا موضوع صعب ولا حاجه
دا حاجه كدا خارجه من القلب
حاجه واقعيه يعنى بس مجروحه شويه وصريحه
يسلملى مرورك يا روحى




true love
كمان فى حاجات صعبه اوى فى الدنيا
ممكن نضيف عليهم الندم
لان الانسان مش بيندم من فراغ
بيندم من غدر او خياته او انه اهدى حاجه غليا لانسان او اى حاجه مالهاش قيمه
وعلى رايك هى الدنيا كدا
تورتنى يا قمر




نورتونى كلكوا بجد

كلامك بالظبط اللي اقصده يا ساسو لاني زيك مريت بنفس التجربه ولما سمحت ورجعت كان الندم علشان كدا بقول الواحد المفروض مش يضعف ابدا مهما كان توبيك روعة يا قمر

والله انا شايفه اننا بنتكلم كتير
وبرضه مش بنعمل حاجه من اللى بنقولو
عشان كدا بفضل ان الانسان مايحكمش ولا يتحكم الا اما تكون الحاجه بين ايدة او يمتلكها
مرسى يا قمر على ردك الجميل
واسعدتينى بتوافق ارائنا