انا جييييييييييييييييييييت
انا شايفه ان جواز الصالونات دا هوا افضل وسيله للارتباط
وخصوصا للبنت
لانها الوسيله الاكثر احتراما فى هذا الزمن الجميــــــــــــــــــــــــــــــــــل
وبعدين يا كتكوته جواز الصالونات دا مش صفقه_ زى ما محمد وضح كدا_
دا بيبقى فى الاول فيه قاعده تعارف بين الطرفين
لو حصل قبول من اول مره ممكن تتكرر الزياره تانى
وبعد كدا لو لسه فيه قبول وارتياح بيتفقو على الخطوبه
اللى المفروض انهم بيتعرفو فيها على بعض اكتر

وميزه الطريقه دى انها بتكون قدام الناس كلها وفى النور
يعنى البنت بتتعرف على الشخص اللى هترتبط بيه بعلم من اهلها
لكن لو البنت اتعرفت على شاب مثلا وحبو بعض جدا وبعدين حصلت ظروف خلت الشاب دا ما يتقدمش ليها دا طبعا هياثر على نفسيتها كتير ..دا بخلاف انها ممكن تسمع من حد كلام يجرحها
وبعدين وجود الاهل جنب البنت دا ضرورى فى مرحله الاختيار لانهم فاهمين عننا وعندهم خبرات فى الحياه
لكن احنا فى السن دا بنكون رومانسيين زياده عن اللزوم
والرومانسيه لوحدها ماتفتحش بيت
وبعدين مفيش دلوقتى بنت بتتجوز غصب عنها
فلو ماحصلش قبول اكيد اهلها هيقدرو دا

وبالتالى انا احبذه بشده

بسم الله ما شاء الله

ايه الحلاوة دى يا سمسمة

تسلم ايدك و دماغك 



بجد كلامك حلو اوى

و انا متفق معاه بشدة

و مستنى الرد 

من بقية الزملاء

برضه مقولتوليش مين حبذا ده
وميرسيه عالتوضيح يا كريبتونتي
انا كده معنديش اعتراض عليه
انا بصراحه كنت فاكره انه الاهل
او الاقارب بيجيبو عريس للبنت
وباب وماما يوافقو وخطوبه قصيره
وجواز علي طول
وانا مع سمسمتي في رايها
كمان الاهل يقدرو يحكمو احسن
اذا كان الشاب بيتسلي ولا جد
البنت مش بتقدر تتاكد من ده للاسف

هههههههههههههههه
اموت و اعرف ازاى كنتى فاهمة ان جواز الصالونات
معنا كده
يلا مش مشكلة
اهى معلومة استفدتى منها و خلاص
اكتبيها يمكن تنفعك

كده يا محمد بتضحك عليه
اهيء اهئ
ههههههههه انا كل ماحد يجيب سيرته
الاقي الكل اعترض ورفض وشجب
قلت شكله كده بقي

والله اسفة اوي اوي اي محمد انا عارفه اني جيت متأخر اوي بس انتوا تبتدوا دراسة واحنا منعرفش نركب مواصلات بقى
بص يا سيدي انا عن نفسي شايفة انه وسيلة كويسة جدا جدا على الاقل بتبقى مضمونة انه مش جاي يتسلى شوية ويمشي ورأيي ده على الرغم من اني جربته بجد والخطوبة مش دامت لاكتر من شهرين بس بصراحة هو افضل بكتيييييييير

خلاص يا كتكوتة
ابقى روحى فهمى ( الكل ) دول
معناه الصحيح
عشان محدش يضحك عليهم

منورة يا امل
و طبعا انا متفق مع رأيك تماما
اما بالنسبة للمواصلات
فكلنا فى الهم سوا

السلام عليكم و رحمة الله و بركاته



حورانا المرة دى حيكون عن



الكليات و ايامها



يا ترى بعد مرور اسبوع على بدء الدراسة فعليا

سيبكم من ما قبل العيد

و 6 اكتوبر





ايه بقى احلى حاجة فى الكلية بالنسبة لكل بنى ادم منكم

و ايه اوحش حاجة





و بالنسبة للبنى ادميين اللى خلصوا

قولولنا برضه ايه اللى كنتوا بتحبوه و بتكرهوه فى الكلية

مسنيكم

موضوع حلو ياكيرى وبيفكرنى بالذى مضى
انا عن نفسى ايام الجامعة دى كانت احلى ايام فى حياتى يمكن كمان ساعات بحس ان انا مش عشت غير 4 سنين بس وهم سنين الجامعة
احلى حاجة فيها كانت الصداقة الجميلة واللمة الحلوة وبصراحة مش عارفة اقولك ايه ولا ايه بس يكفى ان انا اتعلمت حاجات كتير جدا ايام الجامعة واتعرفت على شخصيات مختلفة من الناس مكنتش متخيلة انها موجودة او انى ممكن اقابلها وفهمت حاجات كتير فى الدنيا مكنتش اعرف عنها حاجة
من الاخر انا قبل الجامعة كنت بالظبط زى الاطفال شايفة الدنيا وردى وكل الناس حلوة وبيحبوا بعض وحاجات كدة خيالية وطبعا المجتمع المفتوح اللى دخلته كشفلى عن بعض حاجات كانت غايبة عنى ولحد دلوقتى بتصدم طبعا فى حاجات تانية بس الجامعة كانت البداية
بجد الجامعة دى بتمثلى حاجات كتير صعب انى احصرهالك ومش يكفينى موضوع عشان اتكلم عليها

مرسى ياكيرى ع التوبيك الجميل ده

شكرا ليكى يا دودو على ردك
و انا معاكى طبعا ان الجامعة عالم جديد
بس مقولتليش
انتى خريجة ايه بقى

هالو عليكم
ايه التوبيك الجميل ده يا كريبتونتي
انا الحمد له خلصت
بس بجد واحشاني قوي ايام الكليه
احلي حاجه الشله والوقت اللي كنا
بنقضيه مع بعض
والمجتمع المفتوح اللي اتعلمت منه حاجات كتير
اهمها الشخصيات المختلفه واضرار الثقه الزياده
واوحش حاجه لما الكيه خلصت والاصحاب اتفرقو

ميرسيه عالتوبيك يا محمد

شكرا ليكى يا كتكوتة
و اكيد طبعا ايام حلوة
عشان فى اسكندرية بس
ههههههههههه
نورتى يا كتكوتة

انا جيت يا محمد وعايزة بس اقولك اني لما كنت بدرس وكنت في جامعة بعيد عنك وعن السامعين يعني اوحش كمان من المقابر اللي انت فيها كنت فاكرة ان دي اسوأ ايام هتعدي عليا لما اتخرجت بقى عرفت انها كانت اجمل ايام
هههههههههههههه

هناك فروق بين جواز الصالونات فى الصعيد وبرة الصعيد بعض الفروقات


هقولها بعد الفاصل

ههههههههههههههه
و ماله يا امل
بس حلوة مقابر دى

مستنيينك بعد الفاصل يا احمد
و متنساس اننا نقلنا على موضوع تانى
يعنى رد عليه هو كمان
رأيك مهم يا باشا

السلام عليكم و رحمة الله و بركاته



ازيكم يا هيومانز

النهاردة معادنا مع حوار جديد

حوار النهاردة حوار عجيب حبتين

و ممكن يكون مخيف شوية





الاشباح و العفاريت



هل حصل لك مرة 

انك حسيت بأن فى حد بيراقبك و انت لوحدك

هل حصلك موقف عجيب

معرفتش تفسره

ممكن يكون فيكم اللى مر بحاجة زى كده

تعالوا بقى نتشارك كلنا

و نشوف 

مين فينا كان قلبه جامد و مين فينا خاف

يلا

مستنى قصصكم

ليه بس الرعب ده يا محمد انت دايما كده تخوفني (ايموشن هيعيط خلاص)
انا مرة من كام سنة بعد ما اختي اتجوزت الاكبر مني علطول كنت بخاف انام من غيرها نمت وقلقت بعدها حسيت ان حد شد شعري ومكنش فيه حد معايا وفضلت مرعوبه جدا بعدها بكام يوم لازم يعني تفكرني

ههههههههههههههه
ايه ده
د ا انتى قلبك خفيف اوى
انا بتكلم عن حاجة مرعبة
رعب حقيقى
عووووووووووووووو

ههههههههههههههه
خفيف ايه يا عم ده الموضوع مر عليه سنين ولما افتكرته امبارح وانا بحكيلك مش عرفت انام بعدها من الخوف
عمتا انا دلوقت قلبي جمد اوي عن الاول كتيييييييييير

ههههههههههههههه
طب كويس انه جمد

هههههههههههههه عفاريت مره واحده
انا حصلي موقف كده من سنتين كنت بحلم دايما بكوابيس
وان في حد كاتم نفسي و بيحاول يخنقني
انا كنت بصحي وبفتح عيني ومناكده ان خلاص صحيت
بلاقي فوقيه غيامه سوده واحس بايد علي بقي واحاول اصوت معرفش
كنت بحاول اتحرك واضرب يمكن يمشي بعديها بدقيقه ولا حاجه بيختفي
الموضوع اتكرر لمده اسبوع كده بس انا مكنتش ببقي خايفه بصراحه
كان فضول اكتر اني اعرف ايه ده وريني نفسك لو تقدر
وبعدين جبت الراديو جنبي وكنت بسيب اذاعه القران شغاله وانا نايمه
ومحصلش الموضوع تاني هرب الجبان
بس ايه ده الله اعلم انت تعرف

ههههههههههههههههه
ده تفسيره
انك كنتى مزعلة لولا
و جه القط الاسود الكبير يقولك مش تزعليها تانى
و تطنشيها

ههههههههههههه
معرفش يا كتكوتة بصراحة
بس المهم انه مش بيجى تانى
فى ستين داهية بقى

ايه ياكيرى المواضيع المرعبة دى انا كدة مش هعرف انام
انا هقولك على حاجة بجد لسة حاصلالى من كام شهر كدة
كنت مسافرة المصيف وكنت بعد الفجر بشوية كدة ودخلت الحمام وشفت على ظهر الباب صورة واحدة ليها حواجب وعينين ومناخير والباقى متغطى كانها منقبة وليها شعر معمول بطريقة غريبة كدة زى دراكولا وكانت ليها عين مفتوحة وعين مقفولة ولقيت نفسى مش قادرة اشيل عينى من عليها وبعد كدة خرجت وقلت لماما واختى دخلوا مش شافوا حاجة وبعدين لما قلتلهم دخلت انا كمان مش لقيتها خالص تانى
والموضوع ده لحد دلوقتى بيخوفنى ومش عارفة ايه ده كان ايه ومتأكدة من اللى شوفته ومش بيتهيألى
لو تعرف بقة ايه ده قولى

حرام عليك بجد فكرتنى انا اصلا بخاف من خيالى

هههههههههههههههههه
عادى عادى
تلاقيها جنية كانت عايزة تتعرف عليكى
ههههههههههه
و بعدين انصرفت اول ما عرفتك
ههههههههههههههه
انا بهزر طبعا
و ممكن يكون بس انعكاس اضواء
و ممكن يكون حقيقى

عمتا كويس انك لسه سليمة
( حظنا بقى )

ايوة يعنى حظكوا حلو ولا وحش

شكلك مش فاهم يا نصة
لا طبعا حظنا جميل
انتى مش شايفة السعادة اللى وشى

ايه السيره اللى تتعب الاعصاب دى
هههههههههههههههههه
اكيد احلى حاجه فى الكليه اللمه والاصحاب والاوقات اللى بنقضيها معاهم بجد ما تتعوضش

اما بقى اوحش حاجه بجد هيا الامتحانات
انا جدول الشيت بتاعى نازل من اسبوعين
ربنا يستر

انا اصلا صلا اصلا قلبى خفيف جدا
كنت مره قاعده فى البيت لوحدى وبعدين سمعت البوابه بتتفتح
وبعدين استنيت حد يتكلم ....مالقيتش حد بيتكلم
بصيت من العين السحريه مالقيتش حد
فتحت باب الشقه بالراحه لقيت البوابه مفتوحه على الاخر
بقيت مرعوبه خايفه احسن يكون حد دخل البيت ونزل الجنينه او طلع فوق
قمت قافله البوابه بالمفتاح وطلعت جرى قفلت باب الشقه بالمفتاح
وطول ما انا قاعده خايفه احسن حاجه تطلعلى من اى مكان
ولما ماما رجعت من بره جريت عليها وقعدت اعيط





حاجه تانيه بقى جديده خالص
من اسبوعين كدا كان عندنا سكشن فى كليه طب
المهم اتاخرنا لحد حوالى الساعه 6 ونص بالليل
يعنى قبل العشا بحاجات بسيطه
وكان المعمل اللى احنا شغالين فيه فى الدور السادس
المهم انا واتنين اصحابى مشينا قبل الوقت المحدد فكنا نازلين احنا التلاته بس ومحدش معانا
المهم الادوار بتاعه الكليه مضلمه ومش قايدين الا نور السلالم
المهم واحنا نازلين على السلم بقول لصحبتى تفتكرى ممكن جثه من المشرحه تصحى دلوقتى وتطلع لنا
انا كنت بهزر لقيت البنت اترعبت وطلعت تجرى على السلم وانا كمان اترعبت
وبقيت مستنيه حاجه تمسكنى
بجد كنت خايفه جدا
المهم فى اليوم دا روحت ماقدرتش اتكلم مع اى حد فى البيت
وجاتلى حمه والحراره مش عاوزه تنزل
وطول الليل بحلم بعنكبوت كبيير بيقرب من وشى اقوم مفزوعه مالقيش حاجه
وربنا يستر علشان انا هتاخر فى الكليه يوم الخميس اللى جاى برضه

هههههههههههههههههه
حلو اوى كده يا سمسمة
بترعبى نفسك تمام
ههههههههههه

نورتى يا سماسم

السلام عليكم و رحمة الله و بركاته



احبائى الايجيهاتية



النهاردة معادنا مع حوار جديد

من حواراتنا الشبابية



و الكلام عن



الانترنت

ايجابيات و سلبيات 



يا ترى 

ايه اللى انت استفدته من الانترنت 

و ايه الضرر اللى وقع عليك بسببه

يا ريت الكل يجاوب بصراحة



و شكرا

شكرا يا دودو على الاجابة الحلوة المفصلة دى
تسلم ايدك

ههههههههههههههههههههههههه
دا برنامج ماما نجوى ولا ايه

المهم بقى..... طبعا الموضوع جميل كالعاده
وانا عن نفسى استفدت من النت كتييييييير جدا
فى الابحاث وفى المجال العلمى عامه
وطبعا كونت صداقات جديده من عليه
واتعرفت على اراء جديده وعقليات مكنتش ممكن اتعرف عليها بسهوله
سواء كانت العقليات دى متحضره او متخلفه
وكمان ساعدنى على الاتصال باهلى اللى عايشين بعيد عنى
وساعدنى برضه انى اتابع اخبار الدنيا اول باول



انما الساوئ بقى مش كتير
بس fatal
لانه بعدنى عن اهلى فتره كبييره
وكان عندى استعداد انى اقعد قدامه 16 ساعه(وانام الـــ8 ساعات الباقيين فى اليوم)
دا غير ان الواحد ممكن يتعرف على ناس لابسين قناع
ولما بيقع القناع من عليهم بيكتشف قد ايه هوا كان مغفل


نايس توبيك يا كيرى بس عاوزين نعرف تاثير النت عليك

ماما نجوى

معرفش انا البرنامج ده
عمتا

منورة دايما بردك يا سمسمة
اما بالنسبة لتأثير النت عليا
بالنسبة للايجابيات
طبعا ساعدنى فى تقارير و ابحاث كانت مطلوبة
ده غير انه مصدر مهم للمعلومات العامة بشرط توافر المصدر الموثوق
و اللى اتنقلت منه المعلومة
اما بالنسبة للمساوىء
نظرى ضعف

و بس كده

شكرا ليكى يا سمسمة
نورتى الموضوع
و المرة الجاية حجيبلك برنامج
ابلة فضيلة

يادي الاحراج انا ايه دخلني هنا عندك ما علينا بص يا سيدي
الايجابيات عرفت اصحاب بجد يمكن مكونش قابلت ناس زيهم كده في الواقع وحبتهم لدرجة انهم بقوا اخواتي وانت عارفهم بقى
السلبيات بلاش تفكرني والنبي

اه النت

تاتاتاااااااااااااااااااااااااا

تش بم


ايجابياته

اني عرفت معلومات كتيره مكنتش اعرفها
و سهلي حاجات كتيره في دراستي
و طبعا اتعرفت منه علي شخصيات جميله
و عرفت اراء مختلفه و طرق تفكير مختلفه
يمكن مكنتش هعرفها في الواقع

اما المساويء بقي
انه بيسرق الوقت جامد جدا
لدرجة اني بقيت بظبط المنبه عشان مسرحش و انسي نفسي قدامه

ياااااااااااه يا كريبتونتي النت مره واحده
انا استفدت منه حاجات كتير
معلومات عامه وبرامج مفيده ومسليه
وطلعت باخوات واصحاب زي امل ما قالت
انت عارفهم
المساوئ انه بياخد وقت كتير والقعده بتكون متعبه
وبنسي نفسي قدامه لدرجه بنسي اكل
بس الحمد لله في ناس بتفكرني

ميرسيه عالتوبيك يا واد

منورة يا امل

بس مقولتيش على السلبيات

و انا عايز اعرفها



( رخامة )

تسلمى لردك

حلوة فكرة المنبه دى

ههههههههههه



تسلم ايدك يا اية

نورتى الموضوع

ههههههههههههه

ميرسى انتى لردك يا كتكوتة

نورتى التوبيك

ههههههههههه
منورة يا يويو
تسلمى لردك

السلام عليكم و رحمة الله و بركاته



كيفكم يا ايجيهاتية

النهاردة معادنا مع حوار جديد



و حوار النهاردة قوى جدا

يمكن العالم كله 

بيتابعه

النهاردة حنتكلم عن



انتخابات الرئاسة الامريكية



يا ترى 

من هو رئيس الولايات المتحدة الامريكية القادم

هل هو باراك اوباما

صاحب البشرة السمراء 

و الاصول الافريقية

ام جون ماكين 

سليل رعاة البقر الامريكان 







بلا شك 

الرئيس الجديد حيكون له دور هام 

خاصة و ان امريكا دلوقتى 

على حافة الانهيار

اقتصاديا

ده غير جيشها المنطور فى كل حتة



كله طبعا ببركات بوشبش



المهم

ايه رأيكم فى الانتخابات الامريكية

و هل تفرق معاكم

مين اللى يفوز

و لا زى ما بيقولوا

( ما اسخف من سيدى الا ستى )



يلا 

مستنى ردودكم

ههههههههههههههههههههه
انت هتقثولي مانا عارفه
بالنسبة لموضوعك الجديد يا عم انا مليش فيه

ههههههههههههههه
ما اسخم من سيدي الا ستي يا محمد
هو خلاص اللي فاز باراك اوباما
هي بصراحه تفرق معايا وكنت متابعه الموضوع
وكان نفسي اوباما هو اللي يكسب
لانه حايكون اول رئيس اسمر
واللي اعرفه ان السمر بيكونو متعاطفين اكتر
نظرا لقرون الاضطهاد اللي عانوها بسسب البيض
كمان هما نسبه كبيره دلوقتي ولهم صوت مسموع
كمان الجذور الاسلاميه عند اوباما اتمني تخليه
متعاطف شويه مع العراق وفلسطين بس قول يارب
ومؤشرات البورصه ارتفعت من ساعه اعلان نتيجه الفوز
وبيني وبينك انا مش عايزه الاقتصاد بتاعهم يسقط
لسبب وحيد انها حايجر اقتصادنا احنا كمان معاه
والبورصه هنا حاتنزل جامد واحنا مش حمل
الثلاثاء الاسود زيهم

وميرسيه ليك عالتوبيك يا واد يا دماغ

مرسى يامحمد على موضوعك الجديد
وانا زى امل بصراحة ماليش فى الحاجات دى اوى بس انا هتابع موضوعك يمكن استفاد بدل الجهل السياسى ده

ههههههههههههههه
برضه
منورة يا امل
و بعدين لازم تشوفى العالم بيحصل فيه ايه
جايز تستفادى بمعلومة
عشان لو رحتى
من سيربح الـ 10 جنيه

يا سلام عليكى يا كتكوتة
انتى اللى دماغ
و بالتوفيق لاوباما

بس لو عمل اللى انتى عايزاه
حيغتال
زى ما حصل لكينيدى و اخوانه
و لا عزاء للاقتصاد