كل سنه و انتم طيبين . ورمضان كريم علينا جميعا .
عاملين ايه في الصيام
النهارده حاكلمكم في موضوع عايزه اعرف رايكم فيه .
اختبارات المدرسين
اللي حصل ان الاهالي و اولياء الامور اشتكو
من ان المرسين مش بتشرح في الفصول
واللي بيشرح في الغالب مش بيكون فاهم
بيكون حافظ و بس فمش بيقدر يوصل المعلومه
وبالتالي بنلجا للدروس الخصوصيه
مما دعي الجمال وزير التعليم انه يفرض
اختبارات و امتحانات علي المدرسين
عشان يقيم مستواهم وهي مره كل سنه
اللي مش حاينجح مش حايترقي و حايعيدها
تاني السنه اللي بعدها .
اللي حاينجح حاياخد ترقيته عادي .
هو كلام جميل .
بس مش الاول يدي دورات للمدرسين احسن
و بعدين يمتحنهم .
زي الشركات ما بتدي دورات للموظفين .
ولا ايه
ايه رايكم بقي في النظام ده و ايه تعليقكم و اقتراحاتكم
وتفتكرو حاينجح و يجيب نتيجه
مستنيين ارائكم
باشتراك كل من amrello و katkott egypt

موضوع جميل يا كتكوتة

تسلم ايديكم





اولا

ويلكم ان ايجيبت

بمعنى ان الناس كلها عارفة الكوسة و البتجان اللى بتمشى 

بيها الحاجات دى

يعنى الاختبارات دى

زى قلتها



ثانيا

نيجى للامتحان نفسه

تهريج فى تهريج

يعنى ايه 30 المية من الامتحان فى اللغة العربية

يعنى مدرس الرياضيات او العلوم او الانجليزى

مال اهله بالعربى

ولا هى خنقة و خلاص



و قال ايه 30 المية كمان اسئلة

و الله مهزلة

و دى بقى حتفيد فى ايه

هو المدرس مثلا حيسيب الحصة ويقعد يكلم العيال

عن المعلومات العامة

ثالثا

ازاى لما المدرس مش ينجح يبقاله نفس يشتغل

و خصوصا و هو حيعرف بــ
ابو كحكة


نتيجة للسقوط فى الامتحان



بصراحة

ده هبل و تضييع فلوس



و ربنا يرحمنا منهم

الله يسلمك يا محمد علي فكره عمرو اشترك معايا في التوبيك
بجد مرسيه علي ردك الجامد ده
وحسبنا الله و نعم الوكيل

تسملي يا كتكوتة انتي وعمرو على التوبيك
بس عايزة اقول ان دي بلدنا فمفيش حاجة غريبة عليها وعجبي

مرسيه يا امولتي
و حانعمل ايه ادينا بنتابع و ربنا يستر عالتعليم

يا ستي سيبك ان شاء الله يمنعوه خالص احنا مش اخدنا شهادتنا خلاص

الحمد لله اننا خلصنا بس ولادنا يا مولتي
صعبانين عليه .

معلش يا كتكوتي لو على ولادنا ربنا يتولاهم برحمته بقى
وعموما العلم مش بس بالدراسة الاكاديميه ياما خريجين جامعة ودماغهم فاضية المهم الواحد يقرا ويثقف نفسه بنفسه

فعلا اهم حاجة انك تصقف

فعلا يا امولتي عندك حق يتعلمو في البيت احسن بقي
هههههه مرسيه يا محمد

شكرا ليكى يا كوتكوته

بجد موضوع حلو لكن انا اقول رأئى احنا فى زمن تجارب يعنى بيجربوا فينا الخطه الخمسين الى هتتنفذ بعد خمسين سنه يعنى هأيبدأو التعليم الصح بعد خمسين سنه يعنى ربنا يرحم ولادنا وهنعمل ايه فى المدرسين ماهما معندهمش دم خاصه الى بيصححوا ولا ايه الوضع يلا مفيش فايده مرسى للموضوع

مرسيه لردك يا احمد
هههههه معتبرينا حقل تجارب

ممممممم انا مش عارفه هما هيعملوا ايه تاني في التعليم
عمالين يجربوا في الناس و لا كانهم فيران تجارب

يعني ايه لزمة الامتحانات دي الاحسن انهم يعملوا دورات تدريبيه و ينموا مهارات المدرس مش لسه هيمتحنوه

ميرسي كتكوته و عمرو علي الموضوع د

هو الموضوع عامة كويس
بس المشكلة فاللى بيمتحنوهم فى حاجات هما ملهمش علاقة بيها
يعنى ازاى واحد بتاع عربى يمتحن فى رياضة او العكس
وبعدين لو الموضوع دة حصل بالطريقة المظبوطة هيبقى فى مصلحة الطالب
لان فعلا بيبقى فى مدرسين مش كويسين فى المادة اللى بيدرسوها

ايويه نورتيني
انا معاكي في رايك ده

موني مرسيه ليكي يا جميل
ياريت المسئولين يسمعوا الاراء دي و يعملو بيها

افكارك حلو اوى اوى اوى يا كتكوته بجد حلوة جدا وميرسى على التوبيك الهايل ده وديما التعليم فى مصر مش نستفيد منه اى حاجه
زى ما بيقلوا رايح فين رايحه المدرسه جى منين جى المدرسه وهكذا ده المعلومه الى كل الولا الى بيقولها

كل سنة وانتى طيبة يا قمر
ونيس توبيك
وادخل بقا فى الموضوع
انا امى كانت من المدرسين اللى اختبروا دول انا عايزة اقلك انها حمدت ربنا انها مدرسة عربى لان الاختبار كلة بمعنى اصح كان عربى فى عربى عايزة افهم بقا مدرس الانجليزى ولا الفرنساوى هيعملوا اية وهما اصلا ملهمش فى الحاجات دية واصلا الحاجات دى كلها او معظمها من الثانوى العام
سوالى بقا اية اخرة الموضوع دة هل يا ترى يا هالترى هيحصل اى حاجة ولا زى ما احنا مفيش مدرسة ومقضينها دروس

و ينضم اليكم من قلب الحدث مراسلتكم سمسمه
انا والدتى مدرسه لغه انجليزيه وحضرت الامتحان دا
وكانت معظم اسئله اللغه العربيه فى القواعد النحويه_اللهم لا اعتراض_
وكانت اللجنه اللى بتمتحن فيها كان يوجد شخصيه مهمه_vipيعنى_ يعنى التعاون مطلوب يا اساتذه
وكانت الخاتمه بمهزله كبييييييره حيث التقطت احدى المدرسات صورا بالموبايل توضح حاله الغش اللتى كان عليها موجهها وقالت للموجه: انا مصوراك وانت بتغش يا استاذ.
من الاخر لو ما ظبطتنيش مش هيحصلك طيب
وفى الختام ربنا يستر على اولادنا
لانهم بكدا بيخلو العمليه التعليميه تتنيل اكتر
وبيهدرو كرامه المدرس اللى يا عينى مابقاش حيلته الا هيا

كانت معكم مراسلتك من قلب الاحداث سمسمه
الى ان تظهر نتائج الاختبار اترككم فى سلامه الله
مع وعد باللقاء فى مهزله قادمه عن قريب

دوللي نورتيني
حلو قوي اللي بناخده من المدارس المشوره

وانتي طيبه يا اسراء
ايه اللي حايحصل الله اعلم ادينا مستنيين نتيجه الامتحان الاول

سمسمتي نورتيني يا جميل .
الله يكون في عون مامتك وهي دي بلدنا
غش علي قد ماتقدر حانفرح بيك
مرسيه يا قمر و مستنيين النتايج بقي

ميرسي جدا كتكوتة وعمرو
فعلا ده موضوع مهم ولازم نتكلم فيه
اللي حصل ده مهزلة
وصلنا للزمن اللي المدرس فيه يرجع طالب
ازاي بس مدرس بقاله 20 سنة متخرج وبقي مدرس وخرج اجيال ونقول انه لازم نطور المدرس ومستوي المدرسين مش عاجبنا ازاي بس
بعد ايه طيب لما انتم عايزين تطوروا المدرسين اعمللهم دورات تجريبيه بس مش كده
وايه حكاية امتحان العربي يعني ايه مدرس علوم بقاله سنين وميعرفش حاجة عن العربي تقوله 30% عربي وايه اسئلة في صميم تخصص العربي طب هوه هيعرفها من منين
وشكلها ايه لما مدرس يكون فاضله كام شهر ويطلع معاش او موجه او...... وتلاقيه قاعد مكان الطلبة وبيمتحن ليه البهدلة ديه
وفي الاخر تطلع النتيجة ويقولوا سقط ازاي ده
هوه ايه اللي بيحصل
قال ويقولولك ايه هنعلن النتيجة علي باب المدرسة وفي المدرسة
ةطبعا الطلبة واولياء الامور يشوفوا نتيجة المدرس ويلاقوه ساقط
هيبقي شكله ايه
وهل فيه ولي امر هياتمن المدرس علي ابنه بعد كده
بقي علشان ترقوا المدرس او تديله قرش زيادة تبهدله كده
انت بتحاسبه علي ايه وهوه غلطته مش هتكون كبيرة
زي غلطة الدكتور مثلا
حسبي الله ونعم الوكيل
بجد مش ديه مهزلة

مشمشتي نورتي التوبيك
وعندك حق المدرسين اللي حايسقطو دول ممكن مايعرفوش يشتغلو تاني