هاااى لكل اعضاء ايجى هات
انا النهاردة عايزة اتكلم معاكم فى كلمة دايما على لسان الشعب المصرى
والكلمة دى بتتضايقنى جدا
دايما لما حد يموت يقوله أهو ارتاح ومش شرط يكون كان تعبان او حاجة عادى يعنى
بس هى كلمة متدارجة ودايما بتتقال بس اللى انا بستغربله
هم عرفوا ازاى انه لما يموت هايستريح؟؟؟؟؟؟؟؟؟؟
كانوا ماتوا قبل كدة
ولا هو كلا م وخلاص
مش يمكن الحياه تكون اريح من الموت
مش يمكن هو عمله .......... وهايتعذب
مش يمكن......... مش يمكن ..........
حاجات كتير الانسان ميعرفهاش والله اعلم
ياريت اعرف رأيكم ولو حد عنده اعتراض يقولى.

بصى يا دولى
هو ده الانسان عمتا
بيحكم على اللى يعرفه و اللى مش يعرفه
فعلا ممكن يكون الحياة احسن
و ممكن يبقى الموت احسن
بس دى حاجة محدش يعرفها
غير ربنا سبحانه و تعالى
اصلا ممكن يبقى فى نظرك الانسان ده فاسد و زى البلاك
بس تلاقيه كان بيعمل حاجات بينه و بين نفسه ترفع من قيمته
و ممكن تلاقى واحد تانى عامل نفسه تقى
بس هو مرائى
المهم
الناس بتحب تقول كده لانها اصلا قرفانة من عيشتها و شايفة ان الموت راحة
طب هل هما عملوا الخير اللى يخلى فعلا موتهم راحة
؟؟؟؟؟؟؟؟؟؟؟؟؟


شكرا ليكى على الموضوع
و اسف للتطويل
بس اهى فضفضة

مرسى ياكوكى على ردك الجميل
وبعدين فضفض ياعم ولا يهمك لو مافضفضتش لينا بس هاتفضفض مع مين

ايه كوكى دى
انا مش فرخة

هههههههههههههههه

هههههههههههههههههههههه
اصل كلمة كريبتون تقيلة علية طب بلاش كوكى
خليها كوكو

شوية و نغنى
كوكو واوا
لا
لو كريبتون تقيلة عليكى
قولى كراى
اظن سهلة اوى

ماشى ياكراى.........
اه دى خفيفة خالص وسهلة

لا قوليله يا دوللى كيري علشان هو بيحبها موت
بالنسبة بقى لموضوعك يا قمر هي الحياة معذبة الناس ومحدش مرتاح فهما بيتخيلوا انهم بالموت هيرتاحوا ال يعني عملهم كويس بقى ورايحين الجنة حدف
بس بيني وبينك اللي فعلا صالح وعمله كويس جدااااااااا ده يبقى احسنه الموت دي وجهه نظري وربنا يرحمنا

بيتهيألي مجربتش قبل كده

لما اجرب هبقى اقولك
مش عارف الناس بتفتي في حاجات علمنا عنها قليل
بس اللي اعرفه ان فيه حياه برزخيه بعد الموت ومن ضمنها عذاب القبر او نعيمه
وبافتراض ان اللي مات بيكون صالح فيكون الموت شبه راحه ليه لانه مش هيكون مكلف بعمل زي الدنيا
لا هو في انتظار الحساب
والعكس لو كان مش صالح او كافر هيكون فيه عذاب القبر ربنا ينجينا منه جميعا
يعني خلاصة الكلام الموت مش راحة لكل الناس

مرسى ياامولة على ردك ويارب يرحمنا جميعا

amido
انا معاك ان اللى عمله صالح اكيد موقفه غير اللى عمله مش كويس لكن انا اعتقد ودى طبعا وجهة نظرى ان الانسان ساعتها بيبقى خايف وهايب الموقف مهما كان عمله كويس لان حتى اللى عمله كويس بيبقى خايف من ربنا ماهو مفيش حد كل عمله خير يعنى مهما كان الانتظار ده حاجة صعبة وبرده الله اعلم

ميرسي عالتوبيك يا دوللي
يمكن الناس بتقول كده علي اساس ان الله غفور رحيم
ومهما عملنا حايكون ارحم علينا من الناس الموجوده
دلوقتي لان الدنيا دلوقتي مبقاش فيها رحمه بين الناس وبعضها
فالواحد يموت ويروح بين ايدين ربنا سواء عمله وحش او كويس ارحمله

مش عارف حاجه غريبه بس على فكرة دول بيقلدوا كلام الاجداد يعنى اكيد انا متوقع ان ليها قصه قبل كده علشان كدهقالوها لان اغلبيه الامثال بتبقى وراها قصص مرسى للتوبيك

والله ياكتكوتة يمكن عندك حق هو ربنا فعلا مهما كان ارحم من البنى ادميين ومرسى على ردك ياسكرة

كل شىء ممكن فى الزمن ده يااحمد ومرسى على المرور الجميل

بصي يادوللى انا عايزة اقولك على حاجة
الناس مع ظروفها دلوقتى او قبل كدة هى على طول تعبانة من كل حاجة ولكن فكرتهم عن التعب الدنيوي تعطيهم الفكرة بأن الآخرى اريح لهم من اللي شافوه فى الدنيا
لكن محدش ممكن يسأل نفسه هو عمل ايه لاخرته وهو فعلا هيرتاح ولا هيشوف اللى عمره ما شافه فى الدنيا
هذا هو الاختبار الصعب
ماذا فعل لاخرته؟
اذا استطعت ان ترد على هذا السؤال فسوف تعلم اذا كان ارتاح ام لا

مرسى لمرورك وردك
نورتى الموضوع