بداية كده يا جماعة
الموضوع ده طويييييل اوى فالى بيتخنق احسنله يطلع
عشان مش يوجع دماغه
و له منى جزيل الشكر و الاحترام لمجرد مروره
طبعا من عنوان الموضوع واضح انا حتكلم عن ايه
عن الايام اللى الواحد قضاها هنا فى المنتدى
بحلوها و مرها
نبدأ بقى
المقدمة
الانسان فى اى مكان بيحب دايما يبقى له اصحاب و اصدقاء
يحبهم و يحبوه
و يسألوا على بعض زى الاخوات و اكتر
طبعا انا بحس بكده
و جايز غيرى يكون احساسه مختلف
بس انا بعبر عن اللى جوايا
و مش لازم نحصر كلامنا مثلا على
الكلية او الشارع اللى انت ساكن فيه او النادى ..... الخ
لا
فى اى مكان فيه تجمه و تواجد
حتى لو كان تواجد صورى بأسماء مستعارة
( nicknames يعنى )
و هو ده المنتدى
المنتدى ما هو الا صورة مصغرة من المجتمع اللى بنعيش فيه
و كل حاجة بنقابلها فى المجتمع
بنشوفها برضه هنا فى المنتدى
سواء علاقات ( حب و صداقة و زمالة و عداء )
و الوسايط كمان موجودة
ههههههههههههههههه
و الكلام الجاد و الكلام الهزار و التهييييييس
و كمان موجود النفاق و الغش
و الصدور اللى مش صافية
و التمييز و الانانية
( متعدش )
بس الجميل انه برضه موجود هنا
الحب الاخوى و الصداقة الجميلة و الود
و التواضع من ناس قيمة
و اى صفة جميلة اكيد حتلاقيها هنا
حتى الصراحة و اللى الناس بتشك انها تبقى موجودة فى منتدى
لا موجودة
و الكلام الحق بيتقال
بجد بجد عشان خاطر مصلحة واحد
مش عشان نجرح فيه او نسيىء اليه
انا هنا من فترة مش كبيرة تقريبا 7 شهور
بس مريت بمواقف كتير اوى
منها الحلو و منها الوحش
و هى مواقف خادعة
تخليك تغلط و تحكم على اللى قدامك بحاجة مش فيه
( حلوة او وحشة )
المهم
بعد الفترة دى بدأت انظر للمنتدى بصورة تانية
عشان عرفت اللى فيه اكتر
بدايتى
انا كان نفسى فعلا اثبت نفسى هنا
و كانت مشكلتى هى رد فعل الموجودين
ليه كانت مشكلة ؟؟؟؟؟
لان الردود كانت بسيطة و مش بتبين
هل فعلا الموضوع كويس
و لا هو وحش و الناس بتجاملنى
و حاولت انى ابين النقطة دى فى موضوع مستقل
و لكن
هههههههههههههه
كالعادة
الردود برضه كانت بسيطة بس كانت قيمة
و مفيدة و استفدت منها
طبعا الواحد كان عايز الردود دى بشكل قوى اوى لسببين
الاول
انى اعرف مستوايا
اما التانى و الاهم
انى اعرف الناس اللى هنا
و الحمد لله
دلوقت عرفت بنسبة مش قليلة
و الناس اتصنفت
لــ
صاحب و اخ
زميل
شخص عادى
او ............
و النقط دى انا سايبكم انتم تشوفوا ايه اللى ممكن يكون
بعد الصديق و الزميل و الاخ و الشخص العادى
المواقف الحلوة
من اجمل المواقف اللى حصلتلى هنا فى المنتدى
اولا
رد اى شخص على موضوع ليا
بيبقى ليه قيمة كبيرة اوى عندى
تخيل لو انت بتلقى كلمة كمحاضر مثلا
و جه واحد بعد كده يكلمك و يناقشك
فى القضية اللى انت طرحتها
اكيد حتفرح بالتفاعل ده مع كلامك
ثانيا
طبعا من احلى الفترات
جلوسى على كرسى الاعتراف
و كمان بقية البرامج اللذيذة جدا
صحيح اتعصرت اسئلة
بس فرحت انى قربت منكم
ثالثا
و دى جايز تضحكم
بس انا بستمتع اوى فى الالعاب
و انا برمى فلانة و اخلع سنان علانة مثلا
( و خدوا بالكم من تاء التأنيث )
ههههههههههههههههه
المواقف الوحشة
اولا
محدش عبرنى فى عيد ميلادى
انا زعلت جدا
بس زعلى قل لما خدت بالى
ان فى نفس اليوم كان عيلاد شخصية VIP هنا
و قلت لنفسى ده طبيعى
يعنى حيسيبوا فلان و يعبرونى انا و انا لسه جديد
فالموقف عدى عادى
بس خد منى حسن نية كتير
ثانيا
فترة ركود المنتدى
و دى كانت فترة سيءة اوى
يمكن بتحصل فى اى حتة
و يمكن حصلت هنا اكتر من مرة
بس بالنسبة ليا
كانت اول مرة
و كانت وحشة اوى
ليييييييه ؟؟؟؟؟؟؟؟
ناس حلوة سابت المنتدى و ناس تانية فكرت تسيبه
و حسيت كأن المنتدى بيقع
و ده زعلنى جدا
و اتعمل تقريبا موضوع او اتنين
واحد ليا
و التانى للراجل المحترم
Amrello
زعلت طبعا ان فى ناس اختفت
( و هما اكيد ليهم مطلق الحرية )
و زعلى لم يكن اكثر من مجرد زعل فراق على ناس حلوة
اما الناس اللى فكرت تمشى
و ناس تانية اتحايلت عليها و كده
فأنا مش زعلت منهم
قد ما زعلت من اللى اتقاللى
عشان حاولت انى اقولهم بلاش يمشوا
و اللى قالى الكلام ده
واحد عزيز عليا اوى
قاللى و بنص الكلام
( انت كده بترخص نفسك )
ياااااااااااااااه
للدرجة دى
معقول ابقى برخص نفسى عشان اهتميت بالناس دى
مش ممكن ابدا
و زعلت من الكلمة اوى
لكن
عرفت بعد كده انه عنده حق
صحيح هى كلمة تقيلة
بس فعلا صح
صح لانى انا اللى اديت نفسى مكانة مش بتاعتى
اهتميت بيهم و اتكلمت معاهم
بروح الصداقة
و هما مش معتبرينى اكتر من واحد بتاع نكت
بيضحكنا
او مجرد واحد جديد بيعمل منظر
و كده فعلا عرفت ان عنده حق
ثالثا
موقف سىء جدا
طلعت فيه مغفل ( بمرتبة القرف )
و حصل حوار طويل عريض
لدرجة انى معدتش عارف مين الصح
و مين الغلط
رابعا
انا بحب دايما اسأل عن الشخص اللى بيغيب كتير
فببعت ليه رسالة خاصة
اسأل فيها عليه
و فى دى كمان بان الكويس و الوحش
الوحش
اللى يدخل يمكن بعديها بمدة بسيطة
ممكن يومين
و اكيد رسالتى و صلته بس مش يعبرنى
و الكويس اللى دخل تقريبا بعديها بشهر و زيادة
لدرجة انى نسيت انى بعتله
بس هو يرد عليا السلام
و يقوللى انه بخير
( مش لازم الرسالة بسأل فيها عن حاله ممكن طلب و هو مش يعبرنى برضه )
و هنا قولت لنفسى
اللى ميعبرنيش ميلزمنيش
و اللى يرد السلام
يبقى تمام التمام
هههههههه
( وزن و قافية )
و اكيد كلنا قابلنا حاجات كده
مش لازم فى المنتدى
لا فى حياتنا العادية
اكيد لاقيت اللى بيرد عليك السلام
و التانى اللى و لا كأنه يعرفك
يعنى المواقف دى كلها مش عجبة او حاجة غريبة
بس هى فى وسط جديد و مختلف
اللى هو
المنتدى
صحوة المنتدى
احب اقول ان المنتدى يدين بفضل خروجه من ازمة ركوده
لجيلين من الاعضاء
جيل قديم و جيل جديد
الجيل القديم
مشمش 2007
Dolly 2010
Ledo boda
Mirooo
Ehahe
Amrello
Bluesy banther
طبعا اللى انا قلت عليهم دول
هما اللى كانوا موجودين فى فترة الركود
اما الناس اللى اسمها مش موجود
ده راجع لانهم مكانوش موجودين ساعتها
ياما كانوا لسه مشتركوش اصلا
ههههههههههه
و هنا ظهر الجيل الجديد
اللى ساعد على الصحوة للمنتدى اكثر و اكثر
منهم
Kattkot Egypt
Lovely mola
Ahmed123
و غيرهم
يا ريت طبعا محدش بقى يعلق تعليق عبقرى
و يقول طب انا مكنتش موجود ساعتهاعشان كذا او كذا
لان انا مش بعيب على سيادتك
و انت مش مجبر تبقى هنا
بس انا بدى للناس حقها
فياريت لو سقط منى اسم سهوا فى الجيل القديم
حد ينبهنى
عشان يتحط وسط اخواته
( ده لو حد كمل قراية لغاية هنا )
هههههههههههه
كلمة لـــــ
Amrello
طبعا عمرو غنى عن التعريف
ده ادمن ايجى الجميل
و اللى مظبطلنا المنتدى
انا بس زعلت لما عمل الموضوع السابق ذكره
لانى حسيت بنوع من الاستهانة
الراجل عمل الموضوع و يدعو الناس انها تشارك
و تلاقى حاجات عجيبة
عمتا
بالتوفيق دايما يا عمرو
كلمة لـــ
Bluesy banther
بجد شخصية جميلة و مفيش اتنين اختلفوا عليه بجد
و كان وش الخير علينا بموضوعه
( اسرة ايجى هات )
صحيح ان الموضوع اخد منحنى تانى
غير المقصود منه
الا ان الموضوع بجد
ضم مجموعة من الناس الحلوة
و حسيت انه فعلا وش خير علينا
و المنتدى من بعد رجع و فاق
ملاحيظ
ملحوظة 1
اللى قرا الموضوع
و حس ان انا بلمح عليه
احب اقوله
اوعى تفهمنى صح
و انا فعلا اقصدك و كنت زعلان منك
بس ايه فايدة الزعل
كل سنة و انت طيب
و يا نبقى حلويين مع بعض
يا ما اشكركم على حسن متابعتكم
و فكك منى
ملحوظة 2
انا خصيت عمرو و عبد الحميد بالذكر
لان علاقتى بيهم بسيطة
و هما اثرهم كبير اوى هنا
اما اى حد تانى
هما عارفين قيمتهم عندى
من غير ما اقولها
و احب اقول
Semsema و Aya mra
بجد انتوا اصحاب غاليين
و انا مقولتيش عليكم عشان بس
كنتوا من الغايبين ساعتها
و الحمد لله
انكم نورتونا تانى
ملحوظة 3
جايز تضحكوا
بس انا مفتقد سلومة اوى
و حاسس انى انا اللى زعلته
لما قلت على امثاله وصف كده
فى موضوع سخافة
مدخلش بعديها
ملحوظة 4
فى عالم من اللى يتقال عليهم
( دا مشهور اوى اوى )
مع الاعتذار لمنى ذكى و شريف منير
بيبقى منظرهم وحش اوى فى نظرى
لما بكون فى موضوع ليا برد على حد
و اشوفه ضمن القراء
و استنى انه يرد
( طفل انا )
هههههههه
و فى النهاية يطلع و مش يعبرنى
بجد بيبقى منظره فلة
ملحوظة 5
اى تعليق على الموضوع حيكون موضع ترحيب بشرط
لو عايز تعك فى الكلام
متعكش اوى
ملحوظة 6
اى واحد حيتريق على الموضوع
او يشكك فى نيتى الطيبة
براحتك خالص
عادى
ملحوظة 7
اعتذااااار
لاى شخص انا رديت عليه
بطريقة ضايقته او زعلته
من غير قصد منى
و لو يحي انى اعتذرله فى موضوع خاص
اعتذار رسمى
ده طلب بسيط و انا مش ممانع
بس
عشان محدش يكون شايل فى نفسه حاجة ليا
و بكده اكون ريحت ضميرى
قبل ما اخرج من الموضوع
و العيد فرحةو شكرا
بس واضح انها كانت جامدة يعنى