ياريت يا جماعة كل اللي يدخل يقول رأيه لاني عايزة اجمع اكبر قدر من ارائكم للموضوع ده
انا هسال عن حب الانترنيت ويمكن كتير اتكلموا عن الموضوع ده بس انا عايزة الكل يرد عليا هنا بلييييييييييز
عايزة اعرف منكم
ايه رأيكم في حب النت ؟
وهل اصلا فيه حب من عن طريق النت ولا هو ده الحب التيك اواي؟
لو حد مر بتجربة زي دي يقولي تفاصيلها ومشيت معاه ازاي ؟
هل فعلا فيه انسان صادق مع نفسه بجد ومع الناس حتى على النت ؟
هل ممكن اصلا تقوم علاقة ارتباط حقيقي بين ولد وبنت عن طريق النت وتنتهي بالنهاية الصحيحة السعيدة وهي الزواج؟
مستنيه بجد ردودكم
سلام

االموضوع تمام يا امل
بصى انا عن نفسى ايمانى بحب الانترنت ده 50% بس لا اكتر ولا اقل بس هوة ساعات بيبقى حب عبيط اهبل تمام تانى حاجه انتى نفسك الشخص الى قدامك مش تعرفيه شكلا يعنى لو عرفتيه شكلا مثلا يعنى مش عرفتى داخليا يعنى معرفتيش تفكيرة معرفتيش مين هوة على الرغم انوة واقع فى حب الى قدامه وهيموت عاليها ومع ذلك فى تجارب ناجحه كتير ومثال ليها ابن عمى تجوز من على الانترنت يعنى اتعرف على واحده وقالها نتجوز وحصل النصيب بس لازم الواحد ما يقعش فيه بعبط تمام لانوة بيحطم بطريقه عبيط وزالحذر فيه مطلوب على الاخر ولكن هوة كويس طالما فى الخير بس ده رايى

بصى يا مولا
العلاقة الناجحة ممكن تحصل فى اى مكان و زمان
و بأى وسيلة
بس المهم
انك تكونى على مقدرة عالية
تمكنك من معرفة الشخص اللى امامك ده من شكله او صوته او حتى كلامه المكتوب
بالنسبة لحب الانترنت معرفش عنه غير اللى بيتقال
كله تهريج
بس انا فى اعتقادى ان اى حاجة ممكن تنجح
بس المهم الطرفين و هل هما بيتعاملوا مع الموضوع جد و لا لا
اتمنى اكون افدتك
و شكرا

انا للاسف يا امولتي ممرتش بحاجه كده مقدرش افيدك بصراحه
بس متهيالي ممكن يكون فيه حب بس بيعتمد علي مدي صدق
الاتنين وصراحتهم

شكرا يا جماعة لمروكم وردودكم بس انا فاهمه كل اللي قولتهوه ده بس منين الواحد او الواحدة يطمنوا للي قدامهم انه مش كذاااااااااااب
اذا كان بنقابل ناس ونعرفهم فيس تو فيس وبننخدع فيهم مابالكوا بقى بالنت

بصراحة يا امل عمري مااقتنعت بالحب اللي من النوع دة
مش بعتبره حب اصلا

مش معنى انك تقابلى حد و يطلع كذاب
ان الباقيين يكونوا كده
اما ازاى تعرفى
دى بالممارسة
يعنى لما يتكدب عليكى كتير بتاخدى خبرة و تعرفى بعد كده

ميرسي يا ترو لمشاركتك بس هو على فكرة موجود وفيه منه كامن الناجح

هههههههههههههههههههههه
انا لسه هستنى لما يتكدب عليا تاني ولا ايه يا محمد لا خلينا كده يا عم احسن

بصى ياامولة انا عن نفسى شايفة ان ممكن يكون فى حب على النت بس ممكن بعد كدة تتصدمى لان زى ماانتى قلتى الواحد بيتخدع فى الناس وهم فيس تو فيس مابالك بقة ع النت وكل واحد بيعيش ع التانى ماهو ماحدش شايفه ومع ذلك فيه ناس بتنجح وبتتجوز من ع النت وانا اعرف اتنين كده لكن دى بتبقى نسبة قليلة جدا وكمان غالبا العلاقات دى بيبقى الشك فيها بين الاتنين كتير وعشان كدة انا مش برجح الجواز بالطريقة دى وده رايى طبعا

ورأيك اكدي انا بحترمه يا قمر بس لو ممكن تحكيلي على التجربة اللي بتقولي عليها وتقوليلي البداية كانت ازاي

ايوة يا امل بس بتبقي نسبته قليلة اوي
وكمان مش مضمون
لان نسبة الكذب كبيرة
يعني مثلا ممكن احس اني مرتاحة اوي مع حد علي النت
بس لو قابلته اكتشف انه حاجة تانية وشخصية تانية خاااااااااالص غير اللي كنت بكلمه

يعني دة مجرد رأي

ميرسي يا ترو للمتابعة وانا والله فاهمه كل كلامك هو للاسف اصلا زمنا ده مبقاش فيه امان لا على النت ولا حتى براه

انا رأيي ان من يحب على الانترنت شخص مصدوم وفقد الثقة في نفسه ومن حوله ويحاول ان يعوض النقص المفاجئ اللى عنده

وجهة نظر بردوا

اولا كل شئ ممكن يحصل فى اى حاجه مش الحب بوجه خاص
ثانيا ممكن شخص تشوفيه وتحبيه وفى الاخر يطلع كداب وغشاش وهو قدام عينك
ثالثا احساس الشخص خير دليل على صدق كلام اللى قدامه
وبعدين مش كل صوابع اليد الواحده مقاس واحد بمعنى لو فى تجربه فشلت مش مقياس ان كل التجارب هتفشل بعدها
الموضوع الكلام فيه كتير وكل واحد ليه وجهة نظر
ولااختلاف فى الرأى لا يفسد للود قضيه





fanto

اولا نايس توبيك يا قمر
 بس احب اقول انى جربت صداقه النت والحمد لله ناجحه اوى
انما الحب انا مافكرتش او حاولت فيه
لانى اصلا رافضه المبدا رغم نجاح تجارب قدام عينى
وبرضه مهما كان انا شايفه ان حب النت او جواز النت زى جواز الصالونات
فيه اللى بيفشل وفيه اللى بينجح
واحنا لو بصينا للموضوع من بعيد شويه هنلاقى ان الحب دا بيجى من الاهتمام اللى الانسان اصلا مش حاسس بيه فى حياته
يعنى معاه واحد قدام عينه وعادى مش هيحس بيه زى انسان مش قدامه بس مديه اهتمام كبير
وكمان كل شىء وارد
ومحدش عارف بكرا شايله ايه

ميرسي يا جماعة للتفاعل وردودكم دي واكيد الاختلاف في وجهات النظر لا يفسد للود قضية

حبى بصى حب النت فى ناجح وفيه فاشل على حسب الشخصيه ده بجد لان ممكن مش تقبلى واحد
برة مش على النت ويرسم رسم حلو اوى وتحبيه وتكتشفى فى الاخر انه كداب
وممكن بردو تقبالى واحد من النت ويحبك بجد وتتجوزا على حسب الشخصيه ده بيبقى فى اى مكان
اهم شئ الشخصيه يا حبى

تمام يا دودو كلامك بجد

مولا محديش بيتعلم غير لما يجرب ومدام الاراء اختلفت كده يبقى انتى اللى تجربى واكيد مفيش حاجه ثابته يعنى ممكن يفشل وممكن لاء

ميرسي يا ريهام لردك بس دي مش انا يا حبي بس الموضوع كان شاغل تفكيري وقولت اشوف ارائكم فيه بس كده

بصي يامولا التجربة دى فعلاً صعبة ومحدش يقدر يحدد هدهفها الا الطرف الثانى لكن المهم ان البنت تكون حذرة جداً فى التعامل على النت وعلى فكرة حب النت بالضبط زى حب التليفون بياخد وقته ويروح لكن المهم نتعلم من التجربة وناخذ باللنا لا نقع فى الخطأ ده مرة ثانية ....................... ربنا كبير قوى

اكيد يا تشاندي ربنا كبير اوي ميرسي لمرورك وردك

امل

قرئت موضوعك النهارده ومش اول مرا اقرء مثل هذه المواضيع

وقرئت ايضا كل الردود

كلها ردود منطقيه ووقعيه


بالنبسه للحب على النت

وده من وجهه نظرى الشخصيه وكل واحد حر فى رئيه طبعا


ايه الفرق بين النت والشارع

ايه الفرق بين النت والحياه العمليه

النهارده النت بقى نصف المجتمع بنتعرف على ناس منهم الصادقون ومنهم ايضا الكاذبون

ومنهم اللى الحرامى ومنهم المخاع ومنهم الامين صح

طيب انتى لو فرضنا انك وقفه فى محطه القطار او موقف ميكروباص او مترو او اى وسيله من هذا النوع

ممكن جدا تتعرفى على حد والحد ده قالك انا معجب بيكى وعايز اتقدملك وفعلا جه واتقدم وبانت نيته

اهو لا جارك ولا ابن خالك ولا تعرفيه اساسا ومع ذالك اتعرفتو على بعض فى الشارع واتجوزتو

وطلع انسان محترم

ممكن بردو تلاقيه هنا على النت

هنا بنتقابل وهنا بنفترق وهنا بنتخانق وهنا بنتصالح زى البيت والشارع والشغل

يعنى مفيش فرق بين الحب على النت والحب فى الحياه

وفى الاخر فى تجارب كثيرا جدا نجحت على النت وانا شخصيا اعرف ناس كتير اصدقائى متجوزين على النت

وبردو اعرف ناس كتير جدا حياتهم فشلت فى الزواج باالرغم انهم متجوزين فى الحياه وعلى حب كبير جدا

انا بقى مش عارف انا اتكلمت فى الموضوع ولا طلعت منه

تحياتى

الشاعر الحزين

لا يا ابراهيم مش خرجت بره الموضوع ولا حاجة بالعكس وانت طبعا عندك حق بس هو النت بردوا بيقلق شوية لانك مش بتشوف اللي بيكلمك واهم حاجة وانت بتتكلم مع حد تبص في عينيه عشان تقدر تحكم على صدقه كلامه من عدمه لان العيون اكتر حاجة مش تعرف تكدب ميرسي لمرورك وردك