والعادات والتقاليد دى فيه منها اللى احنا بنعمله واحنا مقتنعين بيه وفيه اللى احنا بنعمله علشان اتعودنا عليه مش اكتر
حاجات كتير قوى دلوقتى مفهومها اتغيرعن زمان لكن للاسف العادات والتقاليد مااتغيرتش ولو عملت اللى انت عايزه ومقتنع بيه ورميت العادات القديمة ورا ظهرك هاتلاقى الف واحد يتكلم عليك ويمكن يقولوا كمان ده ماعندوش انتماء للعادات والتقاليد الاصيلة بتاعة بلدنا وفى الحالة دى الناس على حسب وجهة نظرى بتنقسم لنوعين
1- اللى بيبقى مش مقتنع بس بيخاف من كلام الناس ونظرتهم ليه فبيخليه مع العادات دى وطبعا ( مجبر أخاك لا بطل )
2- اللى بيعمل اللى هو مقتنع بيه وبس ومابيهموش الناس ولا كلامهم ( يخبطوا راسهم فى الحيط)
ودول طبعا غير الناس اللى مقتنعة تماما بكل العادات والتقاليد القديمة ومش عايزة تغيرها ولا تدوس لها على طرف
بس احنا اللى يهمنا دلوقتى الحاجات اللى احنا مش مقتنعين بيها اصلا او حاسين انها اتغيرت مع الوقت
وطبعا الحاجات دى كتيرة زى مثلا ( الصداقة بين البنت والولد)
وانا عارفة ان اكيييييييييد فيه ناس كتير مش مقتنعين بيها لحد دلوقتى ويمكن معانا فى ايجى كمان بس عموما
الاختلاف فى الرأى لايفسد للود قضية
بس اللى انا عايزاه منكم ان كل واحد يقرا الموضوع ياريت يقوللى رأيه فى الموضوع
وكمان هو من اى نوع من الاتنين اللى قلنا عليهم
وياريت لو يقولى مثال على حاجة من العادات القديمة اللى بتضايقه ومعظم الناس لسة بتقتنع بيها
كدة ياكيرى ده رأيك فيه لا انا زعلانة خالص جدا مووت