السلام عليكم و رحمة الله و بركاته

ازيكم يا ايجيهاتية

كيف احوالكم

اتمنى تكونوا بخير و سعادة

طبعا عنوان الموضوع واضح

تعمل ايه لو بقيت ريس

انا مش عايز حد يخاف

قول كل اللى فى نفسك و ميهمكش

و عمتا

انا مجهز المكوك







عشان رحلتنا الى ما وراء الشمس الشموسة



بجد يا جماعة

يا ترى انت لو بقيت 

رئيس / ة

ايه اهم القرارات اللى ححتنفذها

و ايه التغيرات اللى حتعملها

خلونا نحلم شوية

و نعرف افكارنا المختلفة

عشان نسند بعض

ورا الشمس



يلا 

مستنى ردودكم

هنهب زي اللي قابلي ويمكن اكتر وامشي من البلد او اعيش فيها وازلها واعيش ملكة بقى
نايس توبيك بجد يا كيري

قبل ما اتكلم
المنتدى هنا متراقب؟؟؟؟؟؟؟؟؟

ولا اقولك
انا هقول اللى فى نفسى وخليها على الله
المهم خدو بالكو من الاولاد من بعدى
انا عن نفسى لو بقيت رئيسه جمهوريه اول حاجه هعملها هغير الحاشيه الموجودى دى كلها
بعد ما هحاكمهم محاكمه عادله ويتحبسو كلهم
علشان يبقو عبره اللى هييجو بعدهم
بعد كدا هبدا اشكل وزاره جديده من ناس اهل ثقه
وهحط السكينه على رقابيهم فى الاول كدا
ونبدا بقى نعدل من البلد من جوه
اى حد هيتمسك بينهب البلد هيكون عقابه عسير
وهيترمى رمى الكلاب فى السجن_يبقى كدا انا اتخلصت من نص البلد مره واحده_
ويبقى منها نضفت البلد شويه وقللت الكثافه السكانيه فى نفس ذات الوقت
نبدا بقى بقطاعات الدوله المختلفه
اولا التعليم........هلغى النظام الفاشل اللى موجود دلوقتى
وهاسس وزاره اغلب اللى فيها من الطلبه
يعنى نصها طلبه والنص التانى المستشارين والموجهين والمدرسين واللذى منه
وتبقى القرارات اللى تتاخد مدروسه مش مجرد انى بجرب فى التلاميذ

ثانيا البيئه والصحه هخليهم وزاره واحده
لان معظم الامراض اللى موجوده سببها تلوث البيئه
وهعمل دورات اسعافات اوليه مجانا لكل اللى يبلغ 20 سنه ودى هتبقى اجبارى
وهخلى عقوبه تلويث البيئه زى عقوبه الشروع فى قتل

ندخل بقى على وزاره التضامن الاجتماعى
هوفر لكل فرد وظيفه تناسب مؤهله_مش زى ما الحكومه بتقول دلوقتى اشتغل اى حاجه_
ولو ما اثبتش كفاءه هيتم الاستغناء عنه فورا

وانا مضطره اقوم دلوقتى علشان ورايا مشوار
وبعده هاجى اتكلم عن التغييرات اللى هعملها فى السياسه الخارجيه
وقل لن يصيبنا الا ما كتب الله لنا

نورتى يا امل
انهبى براحتك يا ستى
ههههههههههه
بس انا على فكرة بتكلم جد
يعنى انت حتعملى ايه فعلا
و لو انتى تقصدى انك حتنهبى بجد
يبقى حنغتالك

منورة يا سمسمة
انا على فكرة كنت مستنى ردك اوى
عارف انك دماغ فى الحاجات دى
و ليكى وجهة نظر محل احترام و تقدير
مستنى بقية الرد
و السياسة الخارجية
بس قوليلى
عجبك المكوك

انتى زميلة كفاح ما وراء الشمس
و لا ايه

قول قول ولا يهمك
وثيق يعني مش حانتمسك ولا ايه
اولا موضوع يودي في داهيه
بص يا سيدي
اولا حاغير كل الموجودين في الرياسه وارجع الدستور
القديم اللي بيقول
رئيس الجمهوريه يعين باختيار الشعب في انتخابات عامه
تضم كل الفئات وحاخلي القضاء هو اللي يشرف عليها
ويكون له الحق في ترشيح نفسه لفتره رئاسه تاليه
فقط . يعني مده واحده اخري فقط
واخدين بالكو الماده دي بقدره قادر اتغيرت وبقت لمدد اخري
يا سبحان الله
حانقي ناس موثوق فيها وبتعرف ربنا وبتحب البلد
يبقو الوزراء
وانا زي سمسمه حاغير التعليم وحاخليه نظام امريكاني
انجح نظام معروف عالميا
ده غير مجانيه التعليم اللي حاطبقها بجد وبالذات لغير القادرين
حاعمل حاجه كده زي البيت المال اللي كان موجود ايام الرسول صلي الله عليه وسلم
عشان يساعد الفقراء ويلبي كل احتاجاتهم
وحاخلي اعضاء مجلش الشعب بشروط مخففه عشان الطبقه الفقيره
يمثلها عضو منهم فاهم احتياجتهم
حالغي الضريبه العقاريه تماما
حالغي تصدير البترول والغاز للدول المعاديه
حاصدره لدول شقيقه بسعره الحقيقي مش الملاليم
حادي الفلاحين مهونات واشجع زراعه المحاصيل
اعمل اكتفاء ذاتي ونصدر كمان ومش نستورد اي مأكولات
حازرع الصحراء قمح وخضروات
حابني مصانع كتير في كل المجالات واوفر وظايف مناسبه للكل
حاخلي الكليات باختبار مش بالمجموع وفي دورات في مجال الكليه قبل الاختبار طبعا
حارفع من كادر المرتبات
حاربي الظباط من اول و جديد تحب تساعدني في ده يا محمد
مش حايبقي في مكان لسه موصلوش صرف صحي و غاز وميه نضيفه و كهرباء
حاخلي مصاريف المدارس رمزيه والخاصه واللغات كمان
حاعمل مدن جديده منتشره في كل انحاء الجمهوريه وكامله من كله
عشان نقضي عالازمه السكنيه والشقق حاخليها رخيصه
وخلفو براحتكم 7 ولا حتي 12 خلينا نكتر ونفرسهم
ماخلاص كل المشاكل اتحلت بقي
حاهتم بحصص الدين والتربيه الاسلاميه الصحيحه

وح لو كده دلوقتي عشان انا صايمه ورايحه افطر
لو مجتش ابقي اتمسكت
هههههههههه

لو على الجد يا محمد لو مشيت صح بما يرضي الله ساعتها بجد هيغتالوك يبقى وعلى اهي الواحد يبسط نفسه بقى وانشاء الله تولع

احييك يا كتكوتة
على حلمك الرئاسى الجميل
و مخططك اللى ميخرش المية
تسلم ايدك
و انا معاكى طبعا عشان نربى الظباط تربية سليمة
ههههههههههههه
نورتى يا كتكوتة

ههههههههههه
على رأيك يا امل

بس متنسيناش بقى
ابقى ادينا حاجة كده نمشى بيها حالنا

نا هغير الوزارة كلها واحافظ على البيئه
واغير وزير التعليم واغير وزير الصحه
واخلى كل الناس مسواه
واخلى الناس كلها تحب بعض وتحب الحكومههههههههههههههههههههههههههه
مير عبى موضوع الجامد ده

لا هظبطوا بجد مش تقلق اطمن ماهو ساعتها البلد هتكون بتاعتنا بقى نبيع فيها زي ماحنا عاوزين بس مش هنشتري حاجة لانها كلها هتكون لينا وبس

شكرا ليكى يا دوللى
بس صعب نحب اسمها ايه دى
ههههههههههه
دمها تقيل و يمكن مش موجود اصلا
ههههههههههههههه
نورتى الموضوع

كده بيس اوى يا امل
و نبقى نغنى نشيد
حنهبر حنهبر
هههههههههه

انا جيييييييييييييييييييييت
والله المنتدى شكله متراقب ولا حد بلغ عنى
النت فصل عندى من بعد ما رديت فى التوبيك دا
بس مش مشكله انا اخدت حبوب الصراحه ومش هيهمنى حد
هههههههههههههههههههه
وتسلم على المكوك يا محمد انا كنت خايفه احسن مالاقيش مواصلات ونقضيها كعابى
يلا نكمل بقى


بالنسبه للاعلام
انا هلغى كل القنوات الغريبه اللى موجوده دلوقتى
وهلغى الفضائيات طبعا
وهعمل خمس قنوات قابله للزياده اذا لزم الامر
هتبقى قناه للاطفال... وقناه اخباريه....وقناه رياضيه.....وقناه دينيه....وقناه اجتماعيه للاسره والمجتمع والصحه
والقنوات دى هيكون بثها حتى 12 مساء فقط
بعد كدا هيبقى قران كريم
وطبعا كل قناه لازم يكون المحتوى اللى هتقدمه متراقب كويس خصوصا قناه الاطفال والقناه الاخباريه

ندخل بقى على الخدمات والمرافق
طبعا هحتاج انى اعمل بنيه تحتيه من اول وجديد لان البنيه الاساسيه متهالكه جدا
وههتم جدا بموضوع الصرف الصحى والغاز الطبيعى والكهرباء وغيره

هيئه الطرق والكبارى
اولا هعدم كل اللى فيها دلوقتى فى ميدان عام الاول
وبعد كدا هعين ناس بتفهم بتصميم الطرق والكبارى
ويكون رصف الطرق مطابق للمواصفات العالميه
وتكون الاناره متوافره على كل الطرق الرئيسيه والفرعيه
وكمان وحدات الاسعاف تكون متجهزه على اعلى مستوى ومنتشره بنظام على الطرق المختلفه


ندخل بقى على التعليم العالى والبحث العلمى
اولا هوفر للطالب الجامعى كل المقاومات اللى تلزمه للابتكار
بدايه من طريقه التحاقه بالجامعه و طريقه تدريس المناهج
ههتم بالكليات من الداخل من حيث المعامل والمدرجات وقاعات الدرس
وهشجع على النشاط الطلابى والنشاط الرياضى
وقدم دورات كومبيوتر ولغات وcommunication skills و هتكون مدعمه
ههتم بالصحه النفسية للطلبه
وهخصص ميزانيات ضخمه للبحث العلمى
وهقدر كل واحد يقدم فكره جديده او اختراع يفيد البلد
وههتم بالبرنامج النووى ومش هخاف من حد


ندخل بقى فى السياسات الخارجيه
اولا هرفض اى معونه من اى دوله ليها مصلحه فى البلد
علشان ما تبقاش كاسره عينا واعرف اقول لا لو الدوله دى هتيجى على مصلحه شعبى
ثانيا هوقف تصدير الغاز الطبيعى للصهاينه
ود من باب اعلان احتجاجى عن الممارسات العدوانيه اللى بتتمارس ضد الشعب العربى
واحتراما للشهدا اللى ضحو قبل كدا فى سبيل وطنهم
ثالثا هحاول اجمع العرب تحت كلمه واحده ونرجع الوحده بيننا تانى
رابعا هعمل علاقات طيبه مع كل الدول الموجوده
خامسا لازم يكون لينا موقف فى كل القضايا اللى تهم العالم وتكون لينا كلمه مسموعه وتحترم

ميرسى بجد على التوبيك اللى خلى الواحد يحلم شويه
ويطلع اللى جواه قبل ما يطق يموت
هههههههههههههههههههههه

اى خدمة



عشان تعملى كده هنا
يبقى سيادتك حتهدى البلد و تبنيها من جديد




ربنا يخليكى

اصلهم تعبانين بجد


يا سلام عليكى يا سمسمة
بجد نورتينى فى الموضوع
و ان شاء الله تكونى رئيسة زى الفل

بس احنا متفقين ان دى كلها تخيلات او احلام
لكن على ارض الواقع انا هارفض انى اكون رئيسه جمهوريه مصر
ساعتها هكون زى اللى عايز يعمل تورته من المش(الميم مكسوره)
هههههههههههههههههههه
بس انت ماقولتش لو انت بقيت رئيس جمهوريه هتعمل ايه؟

موضوع جامد ياكيرى كالعادة ويودى فى داهية كالعادة برده
طبعا مفيش حاجة اقولها بعد كلام سمسمة لانها قالت كل حاجة اللى يتقال واللى مايتقالش
ومرسى تانى ياكيرى ع الموضوع الحلو ده ياعسل

اوك يا سمسمة
حقولك برنامجى الرئاسى بس بعد تحضير حلو كده
ههههههههه

مشكورة يا دودو
نورتى بجد
بس مش مشكلة يعنى لما تقولى اى حاجة
مثلا عايزة تعملى ملاهى ليكى لوحدك
كده يعنى
ههههههههههه
و شكرا لردك

ههههههههههه
ياريت والله ياكيرى فكرة هايلة وطبعا انتوا من ضمن المقيمين فيها
بس فيه حاجة بجد هى اللى نفسى فيها
ان الشارع يبقى امان لكل الناس ونقدر نمشى بحرية من غير خوف ولا قلق
من غير الحوادث اللى بنسمع عنها وخطف البنات والمتاجرة فى الاعضاء والحاجات الغريبة اللى بتحصل اليومين دول يعنى ابسط حاجة اعمل قوانين جديدة للى بيرتكبوا الجرائم دى وكمان تعويضات مادية كبيرة عشان كل واحد يعرف ان الحكاية مش بالساهل وان فيه عقاب ومش سهل

فكرة حلوة يا دودو
و ان شاء الله تبقى حقيقة
فى احد العصور القادمة
هههههههه